Morgunblaðið - 30.10.1982, Side 26

26
MORGUNBLAÐIÐ, LAUGARDAGUR 30. OKTÓBER 1982
Skugga-Sveinn í Stykkishólmi
Svava Sigríður Gestsdóttir við nokkur verka sinna.
Sýnir í Gallerí Lækjartorgi
SVAVA Sigríður Gestsdóttir opnar í
dag myndlistarsýningu í Gallerí
l*ækjartorgi.
Á sýningunni verða 40 verk,
blek-, vatnslita- og pastelmyndir.
Sýningin verður opnuð í dag
klukkan 16.
Sýning Svövu Sigríðar verður
opin aila daga frá klukkan 14 til
21 og stendur til 7. nóvember.
Stykkishólmur:
Ólafur Torfason opn-
ar málverkasýningu
Stykkishólmi. 29. október.
í DAG, laugardag, klukkan 17
opnar Olafur Torfason listmálari
málverkasýningu í Gagnfræðaskól-
anum í Stykkishólmi. Sýnir hann
þar myndir úr nágrenni Stykkis-
hólms, sem hann hefur unnið að
undanfarna mánuði. Eru þetta
bæði olíumálverk, vatnslitamyndir
og kolamyndir.
Verður sýningin einnig opin á
sunnudag. Áður hefur Ólafur
haldið sýningar bæði í Stykkis-
hólmi, Reykjavík, Þrastarlundi
og New York. Alls staðar hlotið
frábærar viðtökur. Þessi sýning
mun vera sölusýning.
— KrélUriUri.
Níutíu ára afmæli
Stykkishólmshrepps
Ktykkishólmi, 29. október, 1982.
UM ÞESSAR mundir á Stykkis-
hólmshreppur 90 ára afmæli, en árið
1892 var hreppnum skipt, þar sem
áður var Helgafellssveit varð nú
Stykkishólmshreppur og Helgafells-
sveit. Undir Stykkishólmshrepp féll
kauptúnið og eyjarnar.
í tilefni þessara tímamóta verð-
ur afmælisfagnaður haldinn á
vegum hreppsins í Félagsheimili
Stykkishólms á morgun, laugar-
daginn 30. ofctóber klukkan 15. Þar
minnist oddviti hreppsins, Ellert
Kristinsson, tímamótanna með
ávarpi, einnig verður upplestur,
Magnús Jónsson óperusöngvari
syngur og Ómar Ragnarsson
skemmtir.
Á eftir verður öllum viðstöddum
boðið til kaffidrykkju á vegum
hreppsins í Félagsheimilinu.
I tilefni afmælisins opnar Ólaf-
ur Torfason listmálari málverka-
sýningu í Stykkishólmi.
— Fréttaritari.
Spænsk gítartónlist
í Norræna húsinu
Gítarleikararnir Símon ívarsson og Siegfried Kobilza frá Austurriki hafa
haldið gítartónleika með spænskri tónlist víða um landið.
Vegna fjölda áskorana, ætla þeir að endurtaka tónleikana í Reykjavík
laugardaginn 30. okt. kl. 16:00 í Norræna húsinu, og eru það þar með
lokatónleikar þeirra að þessu sinni.
Myndin er tekin, þegar menn voru að reisa húsið að Dragavegi 5.
Tveggja hæða einingahús úr steinsteypu
BYGGINGAIÐJAN hf. hefur reist ein-
ingahús úr steinsteypu að Dragavegi 5
í Reykjavík, og tók um tvo daga að
reisa húsið, sem er 100 fermetrar að
grunnfleti, 2ja hæða.
Útveggir hússins eru með inn-
steyptri einangrun og innsteyptum
gluggum. Þeir eru tilbúnir undir
málningu að innan, en að utanverðu
eru gluggarnir húðaðir með hvítri
marmarasteypu, sem samkvæmt
umsögn húsbyggjanda þarf ekkert
viðhald.
í millilofti og þaki eru strengja-
steypueiningar, sem spenna á milli
útveggja og geta því allir milliveggir
verið léttir og færanlegir. Verð á
húsi sem þessu, þ.e.a.s. verð eining-
anna með flutningi, frágangi og
þéttingum er á núverandi verðlagi
um 55Q þúsund krónur.
Umferð takmörk-
uð um Heiðmörk
Úr myndinni „Farðu í rass og rófu“.
Laugarásbíó frumsýnir
Farðu í rass og rófu“
Laugarásbió hefur hafið sýningar
á kvikmyndinni „Farðu í rass og
rófu“, sem á frummálinu heitir
„Kiss My Grits“.
Leikstjóri er Jack Starrett,
framleiðandi Gary L. Mahlman,
framkvæmdastjóri Anthony Qu-
inn, en handrit gerðu David Ne-
umann og Richard Graddis.
Helztu leikendur í myndinni eru
Bruce Davison, Susan George,
Tony Franciosa, Pat Corleu, Van
Proyen og Rebecca Balding.
Stykkishólmi, 29. október. 1982.
í TILEFNI fimmtán ára afmæiis
Leikfélagsins Grímnis í Stykkis-
hólmi, frumsýnir félagið í kvöld,
laugardagskvöld, klukkan 21, í
Félagsheimilinu, leikritið
Skugga-Svein eftir Matthías
Jochumsson. Alls taka um 30
manns þátt í sýningunni, en leik-
stjóri er Jón Júlíusson. Leikmynd
er eftir Jón Svan Pétursson og
lýsingu annast Kristinn Daníels-
son.
Með helstu hlutverk fara Jón
Eyþór Lárentsínusson, sem
leikur Skugga-Svein, Njáll Þor-
geirsson leikur sýslumanninn,
Harald leikur Óskar Sigurðs-
son, Ástu leikur Hrafnhildur
Hrafnkelsdóttir, Grasa-Guddu
leikur Guðrún Marta Ársæls-
dóttir. sonar. Næsta sýning verður svo
Undirleik annast hljómsveit annað kvöld klukkan 21.
undir stjórn Daða Þórs Einars- __Fréttaritari.
Skugga-Sveinn: Jón Eyþór LárenUfnusson og Ketill skrækur: Björgvin Guðmundsson.
HLIÐUNUM í Heiðmörk,
þ.e.a.s. við Vífilsstaðahlíð,
Strípsveg við Ferðafélags-
plan og Hjallabraut hefur
verið lokað, og meðan svo er,
er bifreiðaumferð um Mörk-
ina takmörkuð.
Hægt verður að aka veginn um
Rauðhóla framhjá Jaðri upp eftir
Heiðarvegi og eftir hraunslóða út
hjá Silungapolli, eða öfugt, segir
í fréttatilkynningu frá Skóg-
ræktarfélagi Reykjavíkur, sem
Morgunblaðinu hefur borizt.
Vegirnir um Heiðmörk eru að-
eins gerðir fyrir sumarumferð,
og þola ekki umferð þann árs-
tíma, sem frost og þíðviðri skipt-
ast á, og er því nauðsynlegt að
hlífa þeim við bifreiðaumferð
yfir veturinn og þar til frost er
að mestu leyti farið úr jörð að
vori.
Það er ósk félagsins að fólk
noti Mörkina til gönguferða og
annarrar útivistar þrátt fyrir
takmarkaða bifreiðaumferð yfir
veturinn.
Dýraspít-
alinn aft-
ur opinn
DÝRASPÍTALI Mark Watsons í
Víðidal byrjar í dag, laugardag-
inn 30. október, 24 klst. dýra-
læknaþjónustu við heimilisdýr.
Komnir eru til starfa við spítal-
ann tveir dýralæknar, þeir Gísli
Halldórsson og Helgi SigurAs-
son.
Þeir Gísli og Helgi hafa verið
að undirbúa sig vegna hins nýja
starfsvettvangs, segir m.a. í
fréttatilkynningu frá spítalan-
um. Gísli hlaut sína dýralækna-
menntun í Danmörku og Helgi
hlaut dýralæknamenntun í Nor-
egi. Er hann nýlega kominn frá
Noregi þar sem hann var á dýra-
læknanámskeiði fyrir starfandi
dýralækna, í skurðaðgerðum á
smádýrum.
Dýraspítalinn er sjálfseign-
arstofnun. í fréttatilkynningunni
segir, að spítalinn sé allsæmilega
búinn tækjum og útbúnaði og
þess getið, að gjafafé og áheit,
sem Dýraspítalanum hafa borist
hafi verið notað, er keypt var til
spítalans snemma á þessu ári
röntgenmyndatæki til afnota
fyrir lækna spítalans. Dýra-
hjúkrunarkona spítalans er Sig-
fríð Þórisdóttir, sem jafnframt
er umsjónarmaður spítalans.
Aðalfundur
SSS í dag
AÐALFUNDUR Sambands sveitar-
Télaga á Suðurnesjum, SSS, verður
haldinn í dag, laugardag, i húsi
Verzlunarmannafélags Suðurnesja,
llafnargötu 8, KeDavik. Hefst fund-
urinn klukkan 9.00 og er áætlað að
honum Ijúki tæplega 17.00 í kvöid.
Auk venjulegra aðalfundar-
starfa mun Halldór Árnason frá
Samstarfsnefnd um iðnráðgjöf í
landshlutum, ræða um iðnþróun-
arfélög og iðnþróunarsjóði, dr.
Björn Dagbjartsson, forstjóri
Rannsóknastofnunar fiskiðnaðar-
ins, mun ræða um atvinnumál og
möguleika í matvælaiðnaði, Þor-
steinn Vilhjálmsson, formaður
staðarvalsnefndar, mun ræða um
staðarval orkufreks iðnaðar á
Suðurnesjum og Zophanías Páls-
son, skipulagsstjóri ríkisins, mun
ræða skipulagsmál á Suðurnesj-
um.