Morgunblaðið - 19.03.1983, Blaðsíða 21

MORGUNBLAÐIÐ, LAUGARDAGUR 19. MARZ 1983
21
Fyrsta myndlistarsýningin í Hallgrímskirkju:
Fimmtíu myndir Barböru Árnason
við Passíusálma séra Hallgríms
SÝNING í flmmtfu tússteikning-
um Barböru Árnason listmálara
verður opnuð f forkirkju Hall-
grímskirkju á morgun, sunnudag,
að því er skýrt var frá á fundi
Listvinafélags kirkjunnar með
blaðamönnum í fyrradag. Hér er
um að rseða myndskreytingar lista-
konunnar við hina fimmtíu Passfu-
sálma Hallgríms Péturssonar, er
hún vann á sjö ára tímabili, 1942
til 1949. Þetta er fyrsta eiginlega
sýningin á þessum verkum Barb-
öru, en þau hafa áður birst f
Passíusálmaútgáfu Menningar-
sjóðs, er fyrst kom út 1961. Þetta
er fyrsta listsýning, sem efnt er til
í Hallgrímskirkju. Myndirnar eru í
cigu Listasafns íslands, en lista-
maðurinn lést árið 1976.
Sýningin verður opnuð í
tengslum við aðalfund Listvina-
félagsins og verður opin alla
daga, nema mánudaga, frá kl.
16.00—22.00 frá 20. mars til 2.
apríl.
Á morgun verða tvær guðs-
þjónustur í kirkjunni, kl. 11.00
með sr. Ragnari Fjalari Lárus-
syni og kl. 14.00 með sr. Karli
Sigurbjörnssyni, en í síðari
messunni syngur barnakór Hall-
grímskirkju undir stjórn Þor-
gerðar Ingólfsdóttur. Að henni
aflokinni verður kaffisala í safn-
aðarheimilinu, áður en opnur
sýningarinnar fer fram.
Á blaðamannafundi er stjórn
Listvinafélags Hallgrímskirkj
boðaði til af þessu tilefni, sagi
Hörður Áskelsson organisti
kirkjunnar, að Hallgrímskirkja
byði upp á mjög mikla mögu-
leika varðandi margar tegundir
lista. Tónlist yrði eðli málsins
samkvæmt vafalaust alltaf mik-
MocgunbUAiA/Kristján E. Einarason.
Frá blaðamannafundi Listvinafélags Hallgrímskirkju, talið frá vinstri:
Ragnar Fjalar Lárusson, sóknarprestur, Sigrfður Snævarr í stjórn
Listvinafélagsins, Sigurbjörn Einarsson, formaður, og Hörður Áskelsson,
framkvæmdastjóri félagsins.
ilvæg í húsinu, en þar væri einn-
ig mikil aðstaða til hvers kyns
listsýninga. í turni kirkjunnar
einum saman yrðu til dæmis
fimm til sex allstórir salir, sem
nota mætti sem sýningarsali.
Það væri einnig hugmynd marg-
ra að koma þar á fót minn-
ingarstofu um Hallgrím Pét-
ursson, sem kirkjan væri helguð.
í Hallgrfmskirkju fullbúinni
yrði bæði mikið rúm fyrir list af
öllu tagi, og mikil þörf yrði á því
að fslenskir listamenn legðu
fram sinn skerf til skreytingar
hennar. Listvinafélagið starfaði
ekki sfst að þvf að huga að þess-
um hlutum, um leið og unnið
væri að því að efla allt listalíf
við kirkjuna nú þegar.
Hr. Sigurbjörn Einarsson,
formaður stjórnar Listvinafé-
lagsins, sagði á blaðamanna-
fundinum að Hallgrímskirkja
hlyti að missa marks ef þar væri
ekki að finna iðandi líf fjöl-
breyttrar starfsemi. Kirkjan
verði að vera andleg miðstöð er
laði til sín og gefi frá sér mikið
af andlegu lífi. Kirkjan þurfi að
eiga ákveðinn stuðning í fólki er
slái um hana skjaldborg, kirkjan
þurfi að vera miðstöð lista og
andlegs lífs í borgarlífi og þjóð-
lífi.
Utankjörstaðakosningar hefjast 26. mars:
„Fólk athugi
hvort það er
á kjörskrá“
- ráðleggur Óskar Friðriksson
KOSNINGAR utan kjörstaða hefjast
þann 26. mars. Morgunblaöið hafði
samband við Óskar Friðriksson, for-
stöðumann utankjörstaðaskrifstofu
Sjálfstæðisflokksins, og innti hann
cftir því að hverju fólk þyrfti helst að
huga sem hygðist kjósa utan kjör-
staða.
„Fólk þarf fyrst og fremst að
kynna sér hvort það er á kjörskrá
eða ekki. Það er alltaf hætta a því
að fólk detti af einhverjum ástæð-
um út af kjörskrá, og á það við um
fólk sem skiptir um lögheimili, til
dæmis námsmenn á Norðurlöndun-
um. íslenskir námsmenn á Norður-
löndunum fá lögheimili í því landi
sem þeir stunda nám í. Þeir hafa þó
kosningarétt og ættu því ekki að
detta út af kjörskrá. 1 reynd er það
hins vegar svo að á milli 30—40%
þeirra detta út af skrá. Þess vegna
er sérstök ástæða til að brýna það
fyrir foreldrum eða öðrum ættingj-
um námsmanna á Norðurlöndunum
að athuga hvort viðkomandi sé á
kjörskrá, en kjörskráin verður lögð
fram 22. mars.
Ef maður er ekki á kjörskrá þarf
að kæra til viðkomandi sveitar-
stjórnar og kærufrestur rennur út
8. apríl. Það er því ekki ráð nema í
tíma sé tekið. Áð vísu er hægt að
fara með málið til dómstólanna eft-
ir að kærufrestur rennur út, en það
er talsvert meiri fyrirhöfn. Það eru
um 1.800 íslenskir námsmenn á
Norðurlöndunum þannig að hér er
Óskar Friðriksson, forstöðumaður
utankjörstaðaskrifstofu Sjálfstæðis-
flokksins.
um stóran hóp kjósenda að ræða
sem á það á hættu að detta út af
skrá. En íslenskir námsmenn í öðr-
um löndum þurfa ekki að skipta um
lögheimili svo þeir eru í minni
hættu að falla út.
Nú, ég vil nota tækifærið og
hvetja allt sjálfstæðisfólk að hafa
samband við okkur á skrifstofunni 1
Valhöll ef það þarf á hjálp eða
leiðbeiningum að halda.“
Garður:
Tónleikar í Útskála-
kirkju á sunnudaginn
Gardi, 17. mars.
Á SUNNUDAGINN kemur kl. 16 heldur Tónlistarfélag Gerðahrepps
sína árlegu tónleika í Útskálakirkju og eru þetta fjórðu tónleikarnir
sem félagið stendur fyrir en það var stofnað 1979. Að þessu sinni
koma fjórir nemendur frá Tónlistarskólanum í Reykjavík sem eiga
það sameiginlegt að þau Ijúka öll einleikaraprófi á vori komanda.
Listamennirnir sem leika eru
Auður Hafsteinsdóttir, fiðluleik-
ari, Gréta Guðnadóttir, fiðluleik-
ari, Sigurður Flosason, saxafón-
leikari og Sigurlaug Eðvaldsdótt-
ir, fiðluleikari.
Eins og áður sagði eru þetta
fjórðu tónleikarnir sem Tónlistar-
félagið stendur fyrir. Fyrsta árið
kom Hamrahlíðarkórinn ásamt
stjórnanda sínum, Þorgerði Ing-
ólfsdóttur, annað árið komu stöll-
urnar Manuela Wiesler, flautu-
leikari, og Helga Ingólfsdóttir,
semballeikari. í fyrra komu svo
Musica Antiqua og léku miðalda-
tónlist.
Tónleikarnir hafa verið ágæt-
lega sóttir undanfarin ár en allir
eru velkomnir.
Aðalfundur Tónlistarfélags
Gerðahrepps var haldinn 7. marz
sl. og var þá kosin ný stjórn. Sr.
Guðmundur Guðmundsson var
kosinn formaður, Kjartan Ás-
geirsson varaformaður, Valgerður
Þorvaldsdóttir ritari og Kristjana
Kjartansdóttir gjaldkeri. Edda
Karlsdóttir, sem verið hafði for-
maður félagsins frá stofnun þess,
gaf ekki kost á sér.
Arnór
INNLENT
Aukatón-
leikar Há-
skólakórsins
HÁSKÓLAKÓRINN heldur
aukatónleika í Félagsstofnun
stúdenta næstkomandi
sunnudag klukkan 17. Á efn-
isskrá eru sömu verk og kór-
inn söng á tónleikum nú ný-
lega. Stjórnandi er Hjálmar
H. Ragnarsson.
Á efnisskránni eru íslenzkir
tvísöngvar, fjögur íslenzk þjóðlög í
útsetningu söngstjórans, Sonnetta
eftir Jón Ásgeirsson, Vaka eftir
Jónas Tómasson, tvö smálög eftir
Karólínu Eiríksdóttur, Tveir
söngvar um ástina eftir söngstjór-
ann, Þurrkað blóm eftir Atla
Heimi Sveinsson, þrjú kvæði úr
skáldverkinu Heimsljós eftir Jón
Ásgeirsson, Death be not proud
eftir Atla Heimi Sveinsson, Um
dauðans óvissa tíma, fslenzkt
þjóðlag í útsetningu Jóns Leifs og
Canto eftir söngstjórann, Hjálmar
H. Ragnarsson.
„TÖLVUR 0G HUGBÚNAÐUR “
Tölvusýning
í TÓNABÆ
Tilvaliö tækifæri á aö kynna sér þann tölvubúnaö I
| sem fyrirtækjum og einstaklingum stendur til boða.
Sýningin veröur opin: laugardag 13—22
sunnudag 13—22.
Félag tölvunarfrædinema.