Morgunblaðið - 09.11.1983, Blaðsíða 38

38
MORGUNBLAÐIÐ, MIÐVIKUDAGUR 9. NÓVEMBER 1983
Audi 100 CD reynsluekið
Btlar
Sighvatur Blöndahl
-Virkilega skemmtilegir aksturseiginleikar
— Frágangur mjög góður — gott rými
ÞAÐ VAR engin tilviljun, að Audi
100 skyldi vera kjörinn bfll ársins
1983 í Evrópu, þar sem á ferðinni
er einstaklega vel hannaður bfll,
sem hefur minni vindstuðul en
dæmi eru um á fjöldaframleiddum
bfl, eða 0,30 Cw. Á dögunum gafst
mér tækifæri til að reynsluaka
bflnum í svokallaðri CD útfærslu,
sem er vandaðasta útfærslan. Alls
voru eknir liðlega 500 km um fjöl-
breytilega vegi landsins. Fyrir utan
vandaðan frágang vakti það sér-
staka athygli mína hversu vel bfll-
inn liggur á vegi, hvort heldur er
ekið á steyptum vegi, eða á holótt-
um sveitavegum.
ÚTLÍT
Hönnuðum Audi hefur tekizt
ótrúlega vel upp í hönnun bíls-
ins, ef litið er á útlitið. Línan er
bæði klassísk og sportleg og bíll-
inn samsvarar sér vel. Audi 100
er afturhár, en verður síðan
rennilegur fram. Aðalljós bílsins
eru frekar stór, án þess þó að
vera klunnaleg. Þá má í raun
segja sömu sögu um afturljósin,
sem eru óvenjulega stór og sér
vel á þau. Audi 100 er útbúinn
með smekklegum álfelgum, sem
gefa honum skemmtilegt yfir-
bragð.
DYR OG RÝMI
Audi 100 er fjögurra dyra, en
dyrnar eru óvenjulega stórar og
opnast vel, þannig að allur um-
gangur um bílinn er góður. Það
vekur athygli hversu dyrnar
falla vel að stöfum og ekki vottar
fyrir tómahljóði þegar þeim er
lokað. Þegar setzt er undir stýri
verður þess strax vart, að rými
fýrir ökumann er með ágætum.
A það við um fótarými, hliðar-
rými og loftrými. Það má í raun
segja sömu sögu um farþegasæt-
ið frammi í, sérstaklega er fóta-
rýmið gott. Hvað rými aftur í
varðar er það ágætt hvort heldur
um er að ræða fótarými eða
loftrými. Ágætlega fer um þrjá
fullorðna. Hvað farangursrýmið
áhrærir, þá er það mikið og lokið
opnast ágætlega, sem auðveldar
umgang.
SÆTI OG INNRÉTTING
Framsætin eru einstaklega
vönduð, en það eru hefðbundin
þýzk sæti, þ.e. stíf og veita góðan
stuðning. Það verður að vísu að
hafa hefðbundinn fyrirvara á
ágætum sæta, en þar kemur til
persónubundið mat hvers og
eins. Það fer hins vegar ekkert á
milli mála, að mjög hefur verið
til framsætanna vandað. Þau eru
klædd mjög skemmtilegu tau-
áklæði, sem þægilegt er að sitja
í. Stuðningur sætanna, þ.e.
bakstuðningur, og hliðarstuðn-
ingur, eru með miklum ágætum.
Stillimöguleikar sætanna eru
hefðbundnir, þ.e. hægt er að
færa þau fram og aftur á sleða
og síðan er hægt að breyta halla
baksins. Hvað aftursæti bílsins
áhrærir, þá er það af venjulegri
gerð, þ.e. bekkur, sem þó hefur
ákveðna formun til þæginda.
Ágætlega fer um farþega, sem
sitja í aftursætinu. Innrétting
bílsins almennt er af vandaðri
gerð, sérstaklega er skemmtilegt
yfirbragð á dyrum bílsins.
MÆLABORÐ
Mælaborðið í Audi 100 er
stílhreint, en jafnframt með
sportlegu yfirbragði. Það er
inu eru hins vegar stjórntæki
fyrir þurrkur og neyðarljós bíls-
ins. Hvað stýrishjólið sjálft
áhrærir er það af heppilegri
stærð og áferðin er góð, þ.e.
hrjúf og lítil hætta á að renna.
Flautan er í stórum fleti á stýr-
ishjólinu. Fyrir ofan stjórntæki
miðstöðvarinnar, sem eru á
hefðbundnum stað, hægra megin
í borðinu, eru rofar fyrir aftur-
rúðuupphitar og þokuljós.
Stjórntæki miðstöðvarinnar eru
af frekar einfaldari gerðinni,
jaðrar hreinlega við að þau séu
of einföld í samanburði við aðra
þætti. Miðstöðin virkar reyndar
mjög vel.
Audi 100 CD
SKIPTING OG VÉL
Audi 100 CD er knúinn 2,2
lítra, 136 hestafla vél og er upp-
tak bílsins um 10,3 sekúndur í
100 km hraða, sem verður að
teljast ágætt. Þá vakti það at-
hygli mína, að benzíneyðsla bíls-
ins var ekki nema liðlega 10 lítr-
ar á hverja 100 km, þótt ekið
Afturhár og stflhreinn.
Stflhreint og sportlegt mælaborð.
mjög samþjappað, þannig að
álestur á mæla og handfjötlun
stjórntækja er öll mjög góð. í
aðalborðinu er stór hraðamælir
með ferðamæli, en við hlið hans
er stór snúningshraðamælir, en
álestur á þessa tvo mæla er sér-
staklega góður. Á vinstri vængn-
um er síðan benzínmælir, en til
hægri er eyðslumælir. sem
skemmtilegt er að fylgjast með.
Vinstra megin í stýrinu eru rof-
ar fyrir aðalljós bílsins og
stefnuljós. Hægra megin í stýr-
AUDI
Gerð: Audi 100 CD.
Framleiðandi: Audi.
Framleiðsluland: Vestur-
Þýzkaland.
Innflytjandi: Hekla hf.
Verð: 720.000.-
Afgreiðslufrestur: 2—3 mán-
uðir.
Þyngd: 1.210 kg.
Lengd: 4.793 mm.
Breidd: 1.814 mm.
Hæð: 1.422 mm.
Vél: 2,2 lítra, 136 hestafla, 5
strokka benzínvél.
Hröðun: 10,3 sekúndur.
Hámarkshraði: 200 km.
Eyðsla: 10,3 lítrar/ blandaður
akstur.
Fjöðrun: Sjálfstæð fjöðrun á
hverju hjóli.
Bremsur: Aflbrcmsur, diskar
að fraraan og aftan.
Skipting: Sjálfskipting, 3ja
þrepa.
Hjólbarðar: 185/70 HR 14.
Beygjuradíus: 11,5 metrar.
Farangursrými: 610 lítrar.
Benzíntankur: 80 lítrar.
Stýri: Aflstýri.
Autíi

h*f i
væri frekar greitt og bíllinn, sem
var reynsluekið væri sjálfskipt-
ur. Vinnsla vélarinnar er með
ágætum, eins og upptakið sínir
reyndar glögglega. Samspil vélar
og sjálfskiptingar er ennfremur
ágætt, þannig að hann skiptir
sér skemmtilega upp úr og er
óvenjulega mjúkur í skiptingu.
Lítið verður vart við högg, eins
og oft vill vera í sjálfskiptum
bílum. Þá er vert að geta þess, að
staðsetning gírskiptingarinnar
er góð milli sætanna í gólfinu.
AKSTURSEIGINLEIKAR
Eins og getið var um í upphafi
kom það mér verulega á óvart
hversu skemmtilega bfllinn ligg-
ur á vegi, hvort heldur er á
steyptum vegum eða úti á holótt-
um íslenzkum sveitavegum. Bíll-
inn er hæfilega stífur, þannig að
hann leggst lítið sem ekkert
niður í hornin þótt honum sé ek-
ið greitt inn í beygjur. Fjöðrunin
almennt mjög skemmtileg. Það
vekur sérstaka athygli, að jafn
stífur bíll og Audi í raun er,
skuli vera jafn skemmtilegur úti
á mölinni, eins og raun ber vitni.
NIÐURSTAÐAN
Niðurstaðan af þessum liðlega
500 km reynsluakstri um ólíka
vegi landsins, er einfaldlega sú,
að á ferðinni er virkilega
skemmtilegur bíll, sem hefur fáa
galla. Allur frágangur er til mik-
illar fyrirmynda. Lína bílsins er
virkilega skemmtileg og vind-
stuðullinn að sama skapi lágur.
Það fer mjög vel um ökumann og
farþega og bíllinn hefur góða
aksturseiginleika, eins og áður
er getið um.