Morgunblaðið - 15.02.1984, Qupperneq 2

2
MORGUNBLAÐIÐ, MIÐVIKUDAGUR 15. FEBRÚAR 1984
Þorsteinn Pálsson um ráðningu nýs bankastjóra Búnaðarbanka:
Sjálfstæðisflokkurinn
einn heill og óskiptur
— Ljóst að meiriháttar vandamál voru hjá hinum flokkunum
„ÞAÐ VAR full samstaöa í Sjálfstæöisflokknum um
þetta mál og þint'flokkurinn og fulltrúar hans í banka-
ráðinu voru samstiga í málinu. Sjálfstæöisflokkurinn
var eini flokkurinn sem stóð hcill og óskiptur um sína
afstööu til málsins. I’aö er Ijóst að það hafa verið
meiriháttar vandamál hjá öörum flokkum varðandi
þetta mál. Þingflokkar og bankaráösmenn hafa ekki
átt samleið en það er vandamál þeirra flokka, en ekki
Sjálfstæðisflokksins,“sagði Þorsteinn Pálsson, for-
maður Sjálfstæðisflokksins, er blm. Mbl. spurði hann
hvort niðurstaða bankastjóraráðningarinnar í
Búnaðarbankanum væri áfall fyrir Sjálfstæðisflokk-
inn, þar sem hann hefði tilnefnt Lárus Jónsson alþing-
ismann til stöðunnar.
Þorsteinn sagði ennfremur: „Sjálfstæðisflokkur-
inn er eini flokkurinn sem verið hefur einhuga í
þessu máli og hans afstaða var ljós og klár og við
getum í sjálfu sér ekki haft áhyggjur af vandamál-
um annarra flokka. Það er þeirra forustumanna að
hafa áhyggjur af sínum innri málum. Það er auð-
vitað ljóst að við vorum ekki með meirihluta í
ráðinu og til þess að okkar sjónarmið hefðu náð
fram að ganga hefðu fleiri flokkar þurft að fylgja
því og það var ekki. Ég held að bankinn sé full-
sæmdur af þeim manni sem valinn hefur verið.
Hann er öndvegismaður og þetta mál er þar með
úr sögunni."
Þá sagði Þorsteinn: „Ég er þeirrar skoðunar að
það sé ærin ástæða til að draga úr pólitískum
afskiptum af bankakerfinu og ég vil gjarnan vinna
að því að það yrði meirihluti á Alþingi fyrir slíkum
viðhorfum, sem því miður er ekki í dag.
— Kemur þessi niðurstaða til að hafa áhrif á
afskipti Sjálfstæðisflokksins af bankastjóraráðn-
ingum í framtíðinni?
„Mín skoðun er sú, að pólitíkin eigi að hafa sem
minnst afskipti af bönkum, en meðan ríkið á þessa
banka er það skylda handhafa ríkisvaldsins að
bera ábyrgð á vali stjórnenda bankanna. Og ég tel
það alveg fráleitt, að handhafar ríkisvaldsins
skjóti sér undan þeirri ábyrgð og láti bankastjór-
ana sjálfa mynda einhvern klúbb, sem útnefnir
sína eftirmenn. Það tel ég vera fráleitt fyrirkomu-
lag og óeðlilegt í hæsta máta. Sjálfstæðisflokkur-
inn hefur verið alveg samkvæmur sjálfum sér í
þessu. Hann er reiðubúinn að axla þá ábyrgð, sem
á honum hvílir sem stærsti stjórnmálaflokkurinn í
landinu á meðan bankakerfið er ríkisrekið, en
hann er jafnframt reiðubúinn að vera í fylk-
ingarbrjósti fyrir því að koma málum þannig fyrir
að það dragi úr opinberri stjórn á bankakerfinu."
Búnaðarbanki íslands:
Jón Adolf Guðjónsson
ráðinn bankastjóri
Á FUNDI bankaráðs Búnaðar-
banka íslands sem haldinn var
laust fyrir hádegi í gær var kjörinn
bankastjóri Búnaðarbankans í
stað Magnúsar heitins Jónssonar.
Hlaut Jón Adolf Guðjónsson,
aðstoðarbankastjóri Búnaðarbank-
ans, kosningu með þremur at-
kvæðum, en lúrus Jónsson alþing-
ismaður hlaut tvö atkvæði.
Jón Adolf Guðjónsson er 44
ára viðskiptafræðingur. Hann
hóf störf í Búnaðarbanka fs-
lands árið 1970, sem forstöðu-
maður hagdeildar bankans, en
hún var stofnuð á sama tíma.
Hann var ráðinn aðstoðarbanka-
stjóri 1977, en á námsárum
starfaði hann meðfram námi í
ýmsum deildum Landsbanka fs-
lands. Jón Adolf er kvæntur
Ingibjörgu Sigurðardóttur og
eiga þau tvö börn.
Jón Adolf Guðjónsson.
Lárus Jónsson um ráðningu nýs bankastjóra:
jr
Oska þeim farsældar í starfi
„BANKARÁDIÐ hefur tekið sína ákvöröun, henni
verður ekki breytt og menn verða að sætta sig við
hana,“ sagði Lárus Jónsson alþingismaður aðspurður
um ráðningu nýs bankastjóra í Búnaðarbankann.
Lárus var tilnefndur til stöðunnar af Sjálfstæð-
isflokknum. Hann hlaut tvö atkvæði í bankaráð-
inu, en Jón Adolf Guðjónsson þrjú. Lárus kvaðst að
öðru leyti ekki vilja tjá sig um málið, „en ég óska
öllum þessum mönnum farsældar í starfi," sagði
hann að lokum.
Jón Adolf Guðjónsson bankastjóri:
Þakka traust það sem mér er sýnt
„ÉG ÞAKKA það traust sem mér hefur verið sýnt.
Hérstaklega vil ég þakka traust það sem samstarfsfólk
mitt hefur sýnt mér og fjölmargir viðskiptavinir,“
sagði Jón Adolf Guðjónsson, nýráðinn bankastjóri í
Búnaðarbankanum, er blm. Mbl. ræddi við hann í
gær.
Jón var spurður álits á þeim pólitísku svipting-
um sem átt hafa sér stað í kringum ráðninguna.
Hann svaraði því til, að það væri sín skoðun að
bankastjóri í ríkisbanka ætti aldrei að tengja störf
sín stjórnmálaskoðunum, hvorki í lánveitingum né
öðru.
Bókaklúbburinn Veröld býður bækur á allt aö hálfvirði:
Bóksalar samþykkja að end-
ursenda forlögum 20 bækur
FÉLAG bóksala hefur samþykkt að
selja ekki í verslunum félagsmanna
20 bækur, sem fjögur bókaforlög
hafa gefið út, en forlög þessi eru aðil-
ar að bókaklúbbnum Veröld. Ástæöa
þessarar ákvörðunar, sem tekin var á
fundi í félaginu, er sú að bókaklúbb-
urinn býður bækurnar á mun lægra
verði en er í verslununum og er mun-
urinn allt upp í 50%.
Samkvæmt upplýsingum sem
Mbl. fékk hjá Jóni Kristjánssyni,
formanni Félags bóksala, myndu
bóksalar trúlega endursenda um-
ræddar bækur, þó það væri undir
hverjum og einum bóksala komið.
Fjögur forlög standa að bóka-
klúbbnum Veröld, en það eru Vaka,
Iðunn, Setberg og Fjölvi.
Jón sagði að í samskiptum bók-
sala og bókaklúbba giltu þær regl-
ur að mismunur á verði bókar, sem
boðin væri í klúbbi og í bókaversl-
unum mætti ekki vera meiri en
30%. Ætti bók að vera á tilboðs-
verði í bókaklúbbi ætti að innkalla
hana eða láta bóksala vita um að
bókin yrði á sérstöku tilboðsverði.
Væru þessi ákvæði til þess að bók-
salar gætu komist hjá að bjóða til
sölu bækur á mun hærra verði en
væri í bókaklúbbunum, en Jón tók
fram að bókaverð í bókabúðum
væri ákveðið af forlögunum sjálf-
um.
Morgunblaðið/ Haukur Gíslason
Brúnastaðabændur róa um tún sín innan um íshellurnar
Loðnuveiðin enn í fullum gangi:
Hvergi útgefið þróar-
rými nema fyrir norðan
— segir Andrés Finnbogason hjá loðnunefnd
„LOÐNUVEIÐIN gengur enn mjög
vel og hvergi er útgefið þróarrými á
svæðinu frá Langancsi réttsælis um
landið norður að Horni. Það er sem
sagt hvergi útgefiö pláss nema á
Norðurlandi; Siglufirði, Krossanesi og
Raufarhöfn. Bátarnir eru nú við Vest-
mannaeyjar og hafa landað á Aust-
Viðræður ASÍ og VSÍ:
Línurnar
að skýrast?
VIÐRÆÐUM Alþýðusambands ís-
lands og Vinnuveitendasambands fs-
land var haldið áfram af fullum krafti
í gær og verður fundarhöldum einnig
haldið áfram í dag. Viðræður hafa ver-
ið á sömu nótum og undanfarið. Rætt
er um heildarsamning og einnig
hvernig bæta megi kjör hinna lægstl-
aunuðu. Þar sem fiskverð hefur nú
verið ákveðið og annað sem meðal
annars var beðiö eftir, svo sem niður-
stöðu af láglaunakönnun kjara-
rannsóknarnefndar, ættu línur að
skýrast innan tíðar í samningaviðræð-
unum.
fjörðum og Vestfjörðum, en meöal-
stím norður gæti verið um einn og
hálfur sólarhringur," sagði Andrés
Finnbogason hjá loðnunefnd í samtali
viö blm. Morgunblaðsins í gær.
Einn bátur, Skarðsvík SH, bætt-
ist við á löndunarlistann á mánu-
dag, en hún var með 500 lestir.
Til klukkan 17 í gær tilkynntu
eftirtalin 24 skip um afla samtals
14.990 lestir: Húnaröst ÁR, 590,
Júpíter RE, 1.200, Gullberg VÉ, 570,
Hilmir II SU, 540, Guðmundur
Ólafur ÓF, 540, Skírnir AK, 430,
Víkingur AK, 750, Hrafn GK, 610,
Sigurður RE, 1.330, Kap II VE, 170,
Víkurberg GK, 550, örn KE, 550,
Albert GK, 500, Sighvatur Bjarna-
son VE, 650, Heimaey VE, 450, Er-
ling KE, 430, Magnús NK, 500,
Rauðsey AK, 530, Guðmundur RE,
900, Hákon ÞH, 750, Helga II RE
490, Börkur NK, 1.000, Ljósfari RE
560 og Óskar Halldórsson RE 400
lestir.
Nafn misritaðist
í frétt frá Dalvík í Mbl. í gær
misritaðist nafn látins manns.
Hann hét Sveinn Jóhannsson, ekki
Sveinn Jóhannesson. Mbl. biðst
velvirðingar á þessum mistökum.
Agnar Klemens
Jónsson látinn
Agnar Klemens Jónsson fyrrum
sendiherra lést í Reykjavík í gær á
75. aldursári. Hann fæddist í
Reykjavík 13. október 1909, sonur
Klemcnsar landritara Jónssonar og
Önnu Maríu Schiöth, síðari konu
hans.
Agnar varð ritari í danska utan-
ríkisráðuneytinu 1. febrúar 1934,
síðar attaché við danska sendiráð-
ið í Washington og vararæðismað-
ur á dönsku aðalræðismannsskrif-
stofunni í New York. Hann fékk
lausn að eigin ósk úr dönsku utan-
ríkisþjónustunni 1. júní 1940 og
gekk í hina nýstofnuðu íslensku
utanríkisþjónustu, fyrst ræðis-
maður í New York en síðar varð
hann deildarstjóri og skrifstofu-
stjóri í utanríkisráðuneyti ís-
lands.
Hann var skipaður sendiherra í
Bretlandi og Hollandi 1951. Fimm
árum síðar var hann skipaður
ambassador í Frakklandi, sendi-
herra á Spáni, Portúgal, Italíu og
Belgíu; ambassador í Grikklandi 4.
desember 1958. Hann var skipaður
ráðuneytisstjóri í utanríkisráðu-
neytinu 1. janúar 1961 en fékk
lausn 1. september 1969 og var
sama dag skipaður ambassador í
Noregi; hann var skipaður
ambassador í ísraei, Ítalíu, Pól-
landi og Tékkóslóvakíu 27. janúar
1970. Ágnar Klemens var ritari
utanríkismálanefndar 1943—51 og
Agnar Klemens Jónsson
1961—69. Hann sat í fjölmörgum
nefndum fyrir hönd ríkisins og
gegndi ýmsum trúnaðarstörfum,
átti m.a. sæti í sendinefnd Islands
hjá Sameinuðu þjóðunum í tvö ár.
Hann var sæmdur heiðursmerkj-
um margra þjóða.
Ýmis rit liggja eftir Agnar
Klemens Jónsson, m.a. Lögfræð-
ingatal og Stjórnarráð Islands
1904—1964, margvísleg rit um
utanríkismál og lögfræði.
Eftirlifandi kona hans er ólöf
Bjarnadóttir vígslubiskups Jóns-
sonar. Þau eignuðust fjögur börn.