Morgunblaðið - 20.06.1984, Síða 38
38
MORGUNBLAÐIÐ, MIÐVIKUDAGUR 20. JÚNÍ 1984
Útibú KEA við Byggðaveg:
Viðbygging reist
á þremur vikum
Akureyri, 6. júní.
í GÆR var útibú matvöruverslun-
ar KEA við Byggðaveg 98, opnað á
ný eftir að hafa verið lokaö í um
vikutíma. Fyrir þremur vikum var
gerður samningur við byggingafyr-
irtækið Hýbýli hf. um að byggja
við útibúið um 50 fermetra viðbót-
arhúsnæði. Á þessum þremur vik-
um hefur tekist að reisa þessa nýju
byggingu og fullgera hana þannig
að verslun hófst þar í gær. Má
telja að þarna hafi verið óvenju-
lega snaggaralega að verki staðið.
Jafnframt því sem viðbyggingin
var tekin í notkun, voru innrétt-
ingar verslunarinnar endurnýjað-
ar og má segja að þetta útibú
KEA hafi tekið algjörum stakka-
skiptum til hins betra við þessa
breytingu. Valur Arnþórsson,
kaupfélagsstjóri, gat þess við
opnun verslunarinnar, að nú yrði
tekið upp kjörmarkaðsverð í þess-
ari verslun, en það mun að hans
sögn þýða um 5—15% verðlækkun
ýmissa vöruflokka. Verslunar-
stjóri á Byggðavegi 98 er nú Guð-
jón Ármannsson.
GBerg.
Slæm umgengni að Háabjalla
Vogum. 14. júm.
ÚTIVISTARSVÆÐI Suðurnesja-
manna að Háabjalla er illa leikið eftir
slæma umgengni og hættulegt fólki
vegna glerbrota sem eru dreifð um
svæðið.
Útivistarsvæðið, sem naut mikilla
vinsælda fyrir nokkrum árum, er
vel tilfallið frá náttúrunnar hendi
sem slíkt, en þar voru gróðursett tré
í þúsundatali með ágætis árangri og
hafa trén náð 8—10 metra hæð.
Eins og áður segir, hafði svæðið að-
dráttarafl, en með slæmri umgengni
fækkaði komum fólks þangað.
Plastpokar, matarleyfar, fatnað-
ur, pappír og pakkar liggja út um
allt. Brotnar flöskur nánast hvert
sem litið er. Brunarústir eftir eld-
stæði inn á milli trjáa og á víða-
vangi. Falleg tré virðast notuð sem
sorphaugar, þar sem ruslapokum
6—8 samtals er troðið undir þau. Þá
eru brunarústir eftir bruna í trjá-
gróðri, sem varð fyrir nokkrum ár-
um sem eyðimörk yfir að líta.
E.G.
Minnst var 10 ára vígsluafmælis Egilsstaðakirkju á þjóðhátíðardaginn með sérstakri hátíðarguðsþjónustu — þar sem
sóknarpresturinn, sr. Vigfús Ingvar Ingvarsson, og sr. Sigmar Torfason, prófastur, þjónuðu fyrir altari og Guðmundur
Magnússon, sveitarstjóri, flutti ræðu.
17. júní fagnað í fírna-
roki á Egilsstöðum
Egilsstöðum, 17. júní.
í MORGUN þegar fánar voru
dregnir að húni á fyrirhuguðu hátíð-
arsvæði við íþróttavöllinn rigndi
svo að dauflega horfði með úti-
samkomu. En er nær dró hádegi
stytti upp og sólin skein í heiði með-
an hátíðarguðsþjónusta stóð yfir í
Egilsstaðakirkju — þar sem m.a.
var minnst 10 ára vígsluafmælis
kirkjunnar. Hins vegar tók að
hvessa þegar skrúðgangan lagði af
stað frá kirkjunni að hátíðarsvæð-
inu og er þangað kom gekk slíkur
moldar- og sandbylur yflr hátíðar-
svæðið að horflð var að því ráði að
færa dagskráratriði í hús.
1 Valaskjálf máttu svo sáttir
þröngt sitja og hlýða á ávarp
fjallkonunnar, sem Þórdís
Hrafnkelsdóttir flutti og hátíð-
arræðu Ingibjargar Rósu Þórð-
ardóttur. Þá léik Djassmiðja
Austurlands mönnum til yndis-
auka svo og hinar landsfrægu
Dúkkulísur. Þegar þessu öllu var
lokið hafði vindsteytingurinn
gengið yfir svo að samkomugestir
brugðu sér út á íþróttavöll til
vítaspyrnukeppni og annarra
leikja.
— Ólafur
Vigdís Hrafnkelsdóttir flytur ávarp fjallkonunnar. G6”- Mbi./6i«ftir.
döfinni hjá skákmönnum
Margt á
Skák
Gunnar Gunnarsson
Enda þótt margir telji skák vera
vetraríþrótt er margt um að vera
hjá skákmönnum í sumar. Skák-
samband íslands hefur sent frá
sér lítinn fréttapistil og kennir þar
margra grasa. Er óhætt að segja að
skákmenn þurfl ekki að leggjast í
dvala yflr sumarmánuðina vilji
þeir halda áfram að tefla. Verður
nú stiklað á stóru og greint frá því
helsta.
Jóhann Hjartarson til
Sovétríkjanna
Jóhann Hjartarson sigraði
glæsilega í alþjóðlega mótinu
sem haldið var á vegum Búnað-
arbankans snemma á þessu ári
og kórónaði síðan þetta afrek
með því að verða aftur efstur í
alþjóðlega Reykjavíkurskákmót-
inu ásamt þeim Helga Ólafssyni
og Reshevsky. I mótunum sem
hann tefldi eftir það í Grindavík
og Neskaupstað var hann ekki i
jafnmiklum vígamóð enda ef-
laust farinn að þreytast. í sam-
vinnu við sendiráð Sovétríkj-
anna á íslandi fengu íslendingar
boð um að senda öflugan skák-
mann til Sovétríkjanna og ákvað
stjórn Sl fyrir allnokkru að velja
Jóhann Hjartarson til þátttöku í
þessu móti, sem er með öflugara
móti eða i 10. styrkleikaflokki.
Gefst Jóhanni þar enn eitt tæki-
færið að hreppa lokaáfangann
að stórmeistaratitili, en Jóhann
hefur þegar náð árangri til út-
nefningar sem alþjóðlegur
meistari. Skákmót þetta fer
fram í Leningrad dagana 26. júní
til 15. júlí.
Karl Þorsteins
til Finnlands
Karl Þorsteins hefur tekið
stórstígum framförum að und-
anförnu og stóð sig framúrskar-
andi vel á Reykjavíkurskákmót-
inu, en þá sigraði hann t.d. Byrne
frá Bandaríkjunum, Guðmund
Sigurjónsson og Zaltsamann frá
Bandaríkjunum og gerði jafn-
tefli við marga stórmeistara.
Skáksamband Islands valdi Karl
til að tefla í Heimsmeistaiamóti
unglinga 1984 sem haldið verður í
Finnlandi dagana 2.—18. ágúst
nk. Standi Karl sig eins vel og í
Reykjavíkurmótinu þarf ekki að
óttast um góðan árangur.
Skákmót víða
Mörg mót verða haldin í
sumar í Gausdal í Noregi, en
góðkunningi íslenskra skák-
manna, Arnold Eikrem, stendur
fyrir þeim. Mótin standa stutt
yfir og eru opin öllum, en sum
eru einungis fyrir unglinga og
eitt mótið er fyrir 60 ára og
eldri.
Margir vilja sameina sumarfrí
og skák og þá er um margt að
velja, en ef menn vilja fá nánari
upplýsingar um þessi mót er
hægt að hafa samband við skrif-
stofu Sí, Laugavegi 71. Víða í
Evrópu er hægt að komast í opin
mót gegn vægu gjaldi.
Keppni innanlands
Hið hefðbundna útiskákmót SÍ
á Lækjartorgi verður haldið að
þessu sinni þann 26. júni nk. ef
veður leyfir. Samkvæmt venju
taka þátt í því öflugustu skák-
menn landsins og hafa þessi mót
notið sívaxandi vinsælda og
mættu útimót vera oftar á sumr-
in. Útitaflmennska leiðir hugann
að útitaflinu fyrir neðan Torf-
una, sem sett var á laggirnar
fyrir nokkrum árum. Verður að
segjast eins og er að ekki hefur
það notið neinna sérstakra vin-
sælda. Er það mín skoðun að
taflmennirnir séu alltof „fínir"
og alls ekki nógu hentugir fyrir
daglegt brúk. Einfaldir litlir
menn úr plasti með góðu haldi
til að færa þá til væru miklu
hepplegri, enda eru slíkir tafl-
menn eingöngu notaðir við slík
útitöfl erlendis. Vissulega hefur
veður hamlað notkun þessa úti-
tafls á undanförnum sumrum.
Þegar gott er veður t.d. um
helgar er afskaplega skemmti-
legt að taka eina skák á útitafli
og væri það nú verðugt viðfangs-
efni áhugasamra manna að lífga
útitaflið við Torfuna dálftið upp
í sumar.
Helgarskákmót í Flatey
Dagana 29. júnf til 1. júlf nk.
verður haldið helgarmót f skák
úti í Flatey í Breiðafirði. Tfma-
ritið Skák undir forystu Jóhanns
Þóris Jónssonar undirbýr og
skipuleggur þetta mót, en Skák-
samband íslands hefur ávallt
styrkt tvo keppendur til ferðar á
þessi mót. Þetta verður 24. helg-
armótið, en þau hófust árið 1980
með keppni í Keflavík. I þessum
mótum hefur verið kappkostað
að fremstu skákmenn þjóðarinn-
ar væru á meðal þátttakenda, en
þátttakendur hafa verið á öllum
aldri, allt frá 10 ára og upp í 70,
ef svo má segja. Fullyrða má að
þessi helgarskákmót hafi verið
mikil upplyfting fyrir skákmenn
f dreifbýlingu, sem hafa þarna
fengið að kynnast og reyna sig
við bestu og þekktustu skák-
menn þjóðarinnar og er ekki að
efa að þessi mót hafa virkað örv-
andi á skáklif viðkomandi bæj-
arfélaga.
í Flatey eru ekki margir fbúar
og eflaust tefla þeir ekki mikið
skák, en Flatey er valin til að
hittast og sjá nýja staðhætti og
skákmenn úr næstu byggðarlög-
um flykkjast eflaust til að tefla
við svo óvenjulegar aðstæður.
Öðrum þræði má líta á þetta
helgarmót sem sumarskemmti-
ferð, en alltaf er teflt af miklu
fjöri í helgarmótunum enda til
mikils að vinna þvi ávallt hafa
verið myndarleg verðlaun í boði.
Heyrst hefur að eyjaskeggjar
hafi uppi einhver hátíðabirgði
undir lokin, eins og þeir eiga
vanda til þegar þeir vilja gera
sér einhvern dagamun, en það
gera eyjaskeggjar í Flatey á sinn
sérstaka hátt.