Morgunblaðið - 11.08.1984, Blaðsíða 3

MORGUNBLAÐIÐ, LAUGARDAGUR 11. ÁGÚST 1984
3
Blaut nótt í Laugardalnum
— nokkrir tjald-
búar teknir tali
„Við komum til landsins fyrir
þremur vikum og höfum verið á
hringferð um landið," sögðu þau
Klaus, Reinhard, Werner og Anita
frá Þýskalandi er blm. Mbl. ræddi
við þau í rigningu og bleytu á tjald-
stæðunum í Laugardalnum í g*r.
„Við komum hingað á tjaldstæðin í
gær og í gærkvöldi hengdum við
svolítið af fötum út á snúru til að þvo
í rigningunni,“ sögðu þau og virtust
bara ánægð með hugmyndina. „Nei,
nei, blessuð vertu, rigningin truflar
okkur ekkert,“ segja þau aðspurð.
„Það er bara hressandi. Því verður
samt ekki neitað að það verður
nokkuð kalt í tjaldinu þegar grasið
er allt blautt, en við sváfum öll vel í
nótt“
Heföi farið á gistiheimili
Næstan hittum við að máli
Klaus Bikar, sem var að taka
tjaldið sitt niður. Klaus er frá
Þýskalandi.
Hvernig svafst þú í nótt?
„Ég svaf alveg ágætlega, ég kom
hingað bara til að gista eina nótt,
því ég er á leiðinni til Detroit í
dag. Eg kom hingað um eftirmið-
daginn í gær en hefði ég vitað
fyrirfram hvernig veðrið yrði,
hefði ég nú farið á gistiheimili.
Jæja, ég verð að drífa mig, því vél-
in til Bandaríkjanna fer eftir
rúma tvo tíma. Bless og hafið það
gott í votviðrinu!"
Tók svefnpokann út
og svaf í varðskýlinu
Robart Hiizer frá Hollandi er eig-
andi þess tjalds sem varð hvað verst
úti í Laugardalnum í rigningunni
miklu síðasta sólarhring. (Mynd af
Robart við tjald sitt er á baksíðu
Mbl. í dag.) Hann sá sér ekki fært
að sofa í tjaldi sínu um nóttina og
fékk því gistingu í varðskýlinu á
staðnum. „í gærkvöldi var það Ijóst
að ég gæti ekki sofið í tjaldinu mínu,
svo ég tók út svefnpokann og annað
sem ég vildi ekki að blotnaði. Ég fór
svo inn í varðskýli og fékk mér
kaffisopa hjá Kristjáni tjaldstæðis-
verði, sem bauð mér að sofa í skýl-
inu,“ segir Robart á ágætri íslensku,
en hann hefur oft verið hér á landi
og talar málið ágætlega.
Hann segist fyrst hafa komið til
landsins sumarið 1974. „Þá sagði
mér maður i Hollandi að hann
hefði farið til íslands og það væri
mjög áhugaverður staður. Eg kom
þá hingað með kærustunni minni
og okkur þótti mjög gaman hér.
Við fórum í miklar gönguferðir,
gengum fyrst til Hvalfjarðar, svo
til Þingvalla og héldum svo áfram
gangandi að Laugarvatni, Hauka-
dal og síðan að Skálholti. Að end-
ingu gengum við til Selfoss og tók-
um svo rútu þaðan til Reykjavík-
ur. Síðan þá hef ég komið nokkr-
um sinnum og var meðal annars
uppi i fjöllum i nágrenni við
Vopnafjörð í fjóra og hálfan mán-
uð. Það var árið 1980, þegar ég var
að undirbúa mig fyrir doktorsrit-
gerð í líffræði, en ég skrifaði um
fjallajurtir. Þá bjó ég einmitt í
sama tjaldi og núna. Þetta er mjög
gott tjald, skal ég segja þér!“
Ertu einn á ferð núna?
Úrkomumet á
einum sólarhring
í ágústmánuði
GRÍÐARMIKIL úrkoma var í
gær og að sögn Markúsar Á. Ein-
arssonar veðurfræðings hefur úr-
koma ekki mælst meiri í ágúst-
mánuði.
„Úrkoma mældist 42,4 milli-
metrar frá klukkan níu að
fimmtudagsmorgni til klukkan
níu að föstudagsmorgni og er
þetta úrkomumet á einum sól-
arhring í ágústmánuði frá því
að mælingar hófust og i
Reykjavík er þetta fimmta
mesta sólarhringsúrkoma frá
upphafi mælinga, óháð mánuð-
um.“
-En víkjum að veðurhorfum
næstu sólarhringa.
„Á morgun, laugardag, verð-
ur suðvestanátt, skúrir sunnan
og vestan til, en góðviðri norð-
austan- og austanlands.
Aðfaranótt og fyrri hluta
sunnudags verður gögnum
samkvæmt suðlæg átt og vfð-
ast hvar samfelld rigning,
nema helst á Norðausturlandi,
en seinni hluta sunnudags
breytist vindátt til suðvesturs
og verður þá svipað veður og á
laugardag. Fyrstu daga eftir
helgi má búast við suðvest-
lægri átt. Með öðrum orðum,
því miður fyrir okkur á Suður-
og Vesturlandi, engar breyt-
ingar,“ sagði Markús Á. Ein-
arsson að lokum.
„Konan mín var með mér hérna,
en hún fór heim í fyrradag. Ég er
feginn því að hún skuli ekki hafa
lent í rigningunni, henni hefði ör-
ugglega þótt það leiðinlegur endir
á sumarfríinu. En mér finnst
þetta allt í lagi. Ég get sagt þér
það, að mér var svo heitt í skýlinu,
að ég varð að taka hitann af til að
geta sofið!“ sagði þessi eldhressi
Hollendingur og gat þess að lokum
að næst langaði hann að koma að
vetrarlagi til íslands.
ViljiÖ þiö fá stæöið mitt?
„Vantar ykkur tjaldstæði?"
sagði Rainer Sinzig frá Þýska-
landi er blaðamaður og ljósmynd-
ari stikuðu holdvot í átt til hans,
þar sem hann var að tína tjald-
hælana upp úr votu grasinu. „Ég
er að fara núna og þið getið fengið
stæðið mitt ef þið viljið."
Nei takk, en er það rigningin
sem fælir þig í burtu?
„Nei, nei, það er ekki vegna
rigningarinnar. Hún skiptir ekki
svo miklu máli. Ég er bara að fara
aftur til Þýskalands í dag, en ég er
búinn að vera á ferðalagi um land-
ið og hafa það alveg ljómandi gott.
Þið eigið fallegt land,“ sagði hann
að lokum og brosti framan í ís-
lenska sumarregnið.
Þau Klaus, Reinhard, Werner og Anita hengdu föt út á snúru og þvoðu í
rigninglinili. MorKunblaðið/Július.
Þvoum upp í rigningunni
„Hæ,“ sögðu bresku feðgarnir
Darrel og Timothy Jones og voru
hinir hressustu. „Við erum að nota
rigninguna til að þvo upp, eins og
þið sjáið. Það er nú meira hvað
hún er hressandi þessi rigning!"
Hvað hafið þið þekkt hana
lengi?
„Frá því á mánudag, en þá kom-
um við til landsins. Það er nefni-
lega allt að því ólíft á Englandi
núna, vegna þess að það er svo
heitt þar. Ég hata hita, en kann
ágætlega við kulda og sérstaklega
rigningu," segir Darrel. „Mér dett-
ur til dæmis ekki í hug að fara til
sólarlanda í frí, það er miklu
skemmtilegra að koma til landa
eins og Islands og skoða náttúr-
una, en að liggja eins og skata á
sólarströnd.“
Hvað verðið þið lengi hérna?
„Við förum til Akureyrar í dag,
en ætlum að ferðast um landið
næstu tvær vikur áður en við för-
um aftur í hitann á Englandi."
&e hatð'0 a\
Meöö »
r

I.I..4 -.41AV4T
Hinir frábæru break-dansarar
THE
MAGNIFICENT
FORCE
koma fram
og dansa á sinn frábæra hátt.
Þaö eru einmitt The Magnificent Force
sem dansa í break myndinni sem Háskóla-
bíó sýnir um þessar mundir, Beat Street.
BREAK-DANSKEPPNI
fyrir fólk á öllum aldri — 2ja — 70 ára.
Verðlaun veröa veitt og dómarar veröa
The Magnificent Force
og Hollywood breakers.
Þátttakendur skrá sig viö innganginn.
H0LLYW00D BREAKERS
einnig fram og sýna listir sínar.
koma
Húsið opnað kl. 13. Aöeins þetta eina sinn.
Ekkert aldurstakmark. Verö aögöngumiða kr. 180.-