Morgunblaðið - 15.11.1984, Síða 2

2
MORGUNBLAÐIÐ, FIMMTUDAGUR 15. NÓVEMBER 1984
Sfldarverð til frystingar enn ekki ákveðið:
KASK greið-
ir 10%hærra
verð en í fyrra
KAUPFÉLAG Austur-Skaftfell-
inga á Höfn í Hornafirði kaupir
sfld til frystingar af sínum fostu
viöskiptabátum á 10% hærra
verði en sfld til frystingar var
verðlögð í fyrra, að sögn Her-
manns Hanssonar kaupfélags-
stjóra, en vandamál hafa komið
upp víða um land vegna þess að
Verðlagsráð sjávarútvegsins hef-
ur ekki verðlagt sfldina.
verðlækkunar á síld. Hermann
sagði að KASK keypti síld af
bátunum þrátt fyrir að ekki
væri búið að verðleggja hana
lögum samkvæmt vegna þess
að annars hefðu bátarnir orðið
verkefnalausir og sjómennirn-
ir og starfsfólk í landi orðið
atvinnulaust.
Mbl./Ol.K.M.
Landakotstúni fórnað fyrir bflastæði
Þeir sem leið hafa átt um Túngötu að undanfornu hafa vafalaust veitt athygli framkvæmdum miklum í
Landakotstúninu þar sem unnið er að gerð 30 bflastæða. Má teljast víst að starfsmenn Landakotsspítala og
aðstandendur sjúklinga þar, fagni þessum framkvæmdum þar sem mikill hörgull er á bílastæðum í náraunda
við spítalann. En sitt sýnist hverjum í þessum málum sem öðrum og sennilegt að umhverfisverndarsinnum falli
framkvæmdir þessar ekki eins vel í geð.
Hermann sagði að þessi
samningur byggðist ekki á af-
komu vinnslunnar, því ef af-
koman hefði verið látin ráða
hefði þvert á móti þurft að
lækka verðið um að minnsta
kosti 10% frá því í fyrra vegna
Sjóvá býður hærri bónus:
Of lítið af nýjungum
í bifreiðatryggingum
— segir framkvæmdastjóri Sjóvá
„ASTTÆÐAN fyrir þessu nýja tilboði okkar er augljóslega sú, að við viljum fá
fleiri viðskiptavini. Það er of lítið af nýjungum á þessum markaði,** sagði
Sigurjón Pétursson, framkvæmdastjóri tryggingafélagsins Sjóvá hf., sem
hefur hækkað bónus af bifreiðatryggingum upp í 55%eftir fimm ára tjónlaus-
an akstur og 65% fyrir ökumenn, sem ekið hafa í tfu ár tjónlaust.
„Það hafa verið mismunandi af-
brigði af þessum bónusum hjá
tryggingafélögunum í gegnum ár-
in, helst hafa þau boðið 11. árið
iðgjaldsfrítt þeim ökumönnum,
sem ekki hafa valdið tjóni f tfu ár
samfleytt," sagði Sigurjón. „Með
þessu móti fá ökumenn viðurkenn-
ingu sína fyrr en áður og það telj-
um við vera augljósan kost.“
Hann vildi ekki greina frá því
hversu stór hópur viðskiptavina
Sjóvá myndi njóta þessara kjara
en sagði að við endurnýjun á vorin
kæmi í ljós að „flestir viðskipta-
vinir eru með fullan bónus eða
nærri því.“ Fullur bónus hefur til
þessa verið 50% — þ.e. ökumenn
greiða aðeins hálft iðgjald hafi
þeir ekki valdið tjóni á ákveðnu
árabili.
Allar breytingar á skilmálum og
iðgjaldaskrám tryggingafélag-
anna ber að tilkynna til Trygg-
ingaeftirlitsins og fá staðfestingu
þess. Erlendur Lárusson, forstjóri
Tryggingaeftirlitsins, sagði í sam-
tali við blaðamann Mbl. í gær, að
eftirlitið hefði þá fyrst frétt af
hinu nýja tilboði Sjóvá er það var
auglýst í Morgunblaðinu. „Við eig-
um eftir að kanna þetta og sjá
hvað veldur. í fljótu bragði sýnist
mér, að þarna sé verið að bjóða
hagsbætur fyrir hina tryggðu —
þetta gæti verið meira mál ef það
væri á hinn veginn,“ sagði Erlend-
ur.
En mun nýjung Sjóvá leiða til
aukinnar samkeppni tryggingafé-
laganna? Sigurjón Pétursson
kvaðst telja að samkeppnin gæti
orðið með nokkuð öðrum hætti en
áður var en kvaðst ekki þora að
spá um hvort önnur félög myndu
bjóða nýja kosti í framhaldi af til-
boði Sjóvá.
Björn Jensson, skrifstofustjóri
hjá Tryggingu hf., sem gefur
tjónlausum viðskiptavinum ið-
gjald ellefta tjónlausa ársins,
sagði samkeppni félaganna þegar
mjög mikla og að hann gæti ekki
gert sér grein fyrir hvort tilboð
Sjóvá myndi breyta nokkru þar
um.
„Tryggingafélögin hafa öll verið
með hliðstæð tilboð, þetta hefur
verið útfært á mismunandi hátt,“
sagði hann. „Um bónuskerfið sem
slíkt má segja ýmislegt misjafnt
— það er að mörgu leyti gallað,
ekki síst eftir að sjálfsábyrgðin
var lögboðin. Tjónvöldum er nú
refsað á tvennan hátt og ég held
persónulega að það sé gengið ansi
langt í að hegna þeim, sem lenda í
óhöppum. A sama hátt má
kannski velta fyrir sér hvort ekki
sé gengið full langt f að verðlauna
þá, sem ekki valda tjóni — ég á við
hvort ekki gæti verið heppilegra
að jafna iðgjaldagreiðslurnar
meira."
Alþýðuflokksmenn
í Kópavogi:
Báðu Kjart-
an að draga
sig í hlé
Alþýðuflokksmenn í Kópavogi
fóru fram á það við Kjartan Jó-
hannsson formann Alþýðu-
fiokksins á fundi í Kópavogi fyrir
tæpum fjórum vikum, að hann
gæfi ekki kost á sér til for-
mannskjörs á flokksþingi um
næstu helgi.
Á fundinum, sem á milli
20—30 alþýðuflokksmenn í
Kópavogi sátu, fór talsmaður
hópsins þess á leit við Kjartan,
að hann gæfi ekki kost á sér á
ný, því tími hans sem for-
manns væri útrunninn. Þeir
skoruðu þess í stað á Kjartan
að hann beitti kröftum sínum
til að finna hæfan eftirmann í
samvinnu við flokksmenn, svo
halda mætti frið meðal
flokksmanna.
Kjartan játaði hvorki né
neitaði á umræddum fundi, en
um hálfum mánuði síðar til-
kynnti hann á kjördæmisráðs-
fundi í Reykjaneskjördæmi, að
hann ætlaði að bjóða sig fram.
Þá er Mbl. kunnugt um, að al-
þýðuflokksmenn í Kópavogi
urðu undrandi svo ekki séu
notuð sterkari orð, er þeir
hlustuðu á yfirlýsingar Kjart-
ans í fjölmiðlum síðar þess
efnis, að hann vissi ekki til
þess að nokkur maður innan
flokksins væri andvígur því að
hann færi í framboð á ný.
Minni rjúpnaveiði
en búist var við
Tel að endur verði jólamaturinn í ár
segir Hrafn Backmann í Kjötmiðstöðinni
Mun minna hefur veiðst af rjúpu í ár, en búist var við, að sögn Sverris
Scheving Thorsteinssonar, formanns Skotveiðifélags íslands. Hann sagði
að mjög vel hafi viðrað á fugl í vor og í sumar og sást mikið til rjúpu þegar
líða tók á sumarið. Dæmi eru um að menn hafi ekki fengið nema 1—2
rjúpur í ferð.
Sverrir sagði að þetta gæti þó
breyst, þegar fer að snjóa meira
á fjöllum og gera jarðbönn, þá
sækir rjúpan meira niður f
byggð. Rjúpan hefur verið mjög
dreifð, allt frá láglendi og upp á
reginfjöll og getur það verið ein
af orsökum þess, hve lítið hefur
veiðst.
Sverrir sagði að frést hafi að
menn hafi verið að skjóta rjúpu
allt að hálfum mánuði fyrir
leyfilegan tfma, og lfta skotveiði-
menn á Þetta sem mjög alvar-
legt brot. Talið er að þessir
menn hafi fengið allt að 60 rjúp-
ur í ferð.
Skotveiðimenn, sem fóru til
fjalla strax og rjúpnaveiðin
hófst, þ.e. 15. október, urðu varir
við skothylki og mikið traðk á
hefðbundnum rjúpuslóðum á
Hveravöllum og Kili.
f Kjötbúri Péturs fengust þær
upplýsingar að verð á rjúpu færi
ekki upp fyrir 150 krónur stykk-
ið, en þetta ætti allt eftir að
skýrast betur, þegar ljóst væri
hvert framboð yrði. í Vfði verður
ekki ákveðið með verð fyrr en í
desember, þegar sala á rjúpum
hefst þar.
Kjötmiðstöðin hefur selt rjúp-
ur að undanförnu á 115 krónur
stykkið og sagði Hrafn Back-
mann að það væri um 10% dýr-
ara en í fyrra. Annars sagði
Hrafn að þó rjúpnaveiði yrði
ekki mikil f ár ætti það ekki að
koma að sök, þvf hann telur að
aðaljólamaturinn í ár verði önd.
„Neysluvenjur fólks eru mikið að
breytast og fólk leitar eftir til-
breytingu f mat. Undanfarin ár
hefur verið mikil eftirspurn eftir
önd en ekki nægilegt framboð.
Nú eru endur komnar á markað-
inn hér f stórum stíl og er sú
vara á heimsmælikvarða. Þetta
gerist ekki betra erlendis."
Um 100
færri bóka-
titlar í ár
FÉLAG íslenskra bókaútgefenda
kynnti í gær fyrir blaðamönnum
þær bækur sem verða gefnar út
fyrir jól. Þar kom m.a. fram að
350 400 bókatitlar verða gefnir út
í ár og er það nokkuð minna en í
fyrra, en þá voru tæplega 500 bæk-
ur gefnar út. Astæðuna fyrir þessu
telja bókaútgefendur vera sam-
drátt í bóksölu á síðasta ári, en
einnig hefur verkfallið í haust haft
einhver áhrif í þessu sambandi.
Reiknað er með að verðhækk-
un á bókum verði um 10—15%
Það þýðir að meðalstór bók mun
kosta 600—800 krónur.
Eyjólfur Sigurðsson, formaður
Félags íslenskra bókaútgefenda,
sagði á fundinum, að þrátt fyrir
að færri titlar verða gefnir út, sé
gróska í íslenskri bókaútgáfu og
kennir ýmissa grasa á jólabóka-
markaðnum í ár.