Morgunblaðið - 08.12.1984, Qupperneq 61

Stuttar þingfréttir:
MORGUNBLAÐIÐ, LAUGARDAGUR 8. DESEMBER 1984
61
Sparnaður í fjármálakerf inu
Kvennalistinn styður einkarétt RÚV
Eyjólfur Konráð og Pétur:
Sparnaðurí
fjármálakerfínu
Tveir þingmenn Sjálfstæðis-
flokks, Eyjólfur Konráð Jónsson
og Pétur Sigurðsson, hafa lagt
fram tillögu á Alþingi um sparnað
í fjármálakerfinu. Tillagan gerir
ráð fyrir frumkvæði ríkisstjórnar-
innar, m.a. um „fækkun starfs-
manna ríkisbanka, Framkvæmda-
stofnunar ríkisins og opinberra
sjóða um allt að fimmta hluta og
samræmdar aðgerðir til sparnað-
ar og hagkvæmari rekstrar, þ.á m.
sameiningu lánastofnana, skorður
við óhóflegum byggingum og
fækkun afgreiðslustöðva".
í greinargerð segir að „meðal
stjórnenda bankamála séu ýmsir
hæfileikamestu menn þessarar
þjóðar". Tillagan sé ekki „aðför að
þeim heldur liðveizla við þá, enda
engum ljósara en þeim hvar skór-
inn kreppir".
Ennfremur: „Sjóðakerfið og
hagstjórnarbáknið í heild þarf
líka að taka til gagngerðrar end-
urskoðunar, enda enginn efi á því
að þann frumskóg má grisja, eng-
um til meins en öllum til góðs.
Þessi aðgerð þyrfti að spanna allt
sviðið, frá Þjóðhagsstofnun til
minnsta sjóðsins."
Kvennalistinn:
RÚV áfram með
einkarétt
Sigríður Dúna Kristmundsdótt-
ir (Kvl.), hefur lagt fram frum-
varp til útvarpslaga. Það byggir á
því að RÚV haldi „einkarétti á út-
varpsrekstri í landinu en starf-
semi stofnunarinnar efld og komið
til móts við óskir um meiri fjöl-
breytni... “ . Gert er ráð fyrir að
útvarpsráð verði lagt niður en
þess í stað komi „notendaráð skip-
að 14 körlum og konum". Sé það
„valið með tilviljunarúrtaksað-
ferð“, sem „tryggi jafna möguleika
allra landsmanna ... til setu í not-
endaráði". Þá er lögð áherzla á
valddreifingu í RUV, „sérhver
starfsmaður verði gerður ábyrgur
í starfi", „ákvarðanataka færð úr
höndum deildarstjóra og annarra
yfirmanna til starfsmanna þeirrar
deildar er málið varðar hverju
sinni. Þetta á við um allar ákvarð-
anir, hvort sem um er að ræða
rekstur, mannaráðningar eða ann-
að sem til fellur, t.d. á þetta við
um dagskrá í dagskrárdeildum".
Pingmenn Reykjanes-
kjördæmis:
Skóg- og trjárækt
á Suðurnesjum
Þingmenn Reykjaneskjördæmis
úr fimm þingflokkum flytja til-
lögu um könnun á möguleikum á
skóg- og trjárækt á Suðurnesjum.
Skógrækt ríkisins vinni þessa
könnun í samráði við sveitarfélög
og félagasamtök. Sérstakt átak
verði gert til skógræktar á þeim
svæðum sem aðstæður eru beztar.
í greinargerð eru m.a. nefndar
raunhæfar ráðstafanir sem þegar
hafi verið gerðar og gefizt vel, svo
sem að girða af 35.000 ha. sunnan
Voga á Vatnsleysuströnd og vest-
an Grindavíkur.
Fyrsti flutningsmaður er Geir
Gunnarsson (Abl.).
Sex þingmenn:
Kjarnorkuvopna-
laust svæði
Sex þingmenn úr jafnmörgum
þingflokkum hafa flutt tillögu,
þess efnis, að árétta stefnu íslend-
inga um að „ekki verði staðsett
kjarnorkuvopn eða eldflaugar,
sem slík vopn geta borið" og að
kosin skuli „sjö manna nefnd er
kanni hugsanlega þátttöku ís-
lands í umræðu um kjarnorku-
vopnalaust svæði á Norðurlönd-
um“.
í greinargerð er vísað til um-
ræðna um þetta efni á Norður-
löndum og m.a. sagt: „Norðurlönd-
in virðast helzt vilja að Eystra-
saltið sé hluti af hinu kjarnorku-
lausa svæði... “
Fyrsti flutningsmaður er Páll
Pétursson (F).
/ Styrkur og ending stáls \
útlit og áferð silfurs

NY SENDING
af dag- og kvöldkjólum,
pilsum, blússum og jökkum
Tweed buxnadragtir og pils
Glæsilegar angórupeysur
LAUFIÐ
IÐNAÐARHÚSINU
SÍMI11845
MINNIST
LÁTINNA
ÁSTVINA
UM
HÁTÍÐIRNAR
Luktir og önnur ódýr
Ijós á leiöi sem henta
íslensku veöurfari.
Mikiö úrval af margs-
konar kirkjulegum
munum og fl. nýkomiö.
Kirkjumunir
Kirkjustræti 10.
Frá Konunglega
Frijsenborg
Dönsku- matar og kaffistellin.
Verðtryggðar gjafir.
IIvorfisgötu 4!>, sími IIUl.'I