Morgunblaðið - 09.02.1985, Blaðsíða 56

EUROCARD
.......^
Tli DAGLEGRA NOTA
áeíía
Ofuð 90Q-CZ.CC
LAUGARDAGUR 9. FEBRÚAR 1985
VERÐ í LAUSASÖLU 25 KR.
Bifreið Kimskipafélagsins utan vegar í Öxnadalnum. Eins og sjá má er bifreiðin stórskemmd. Morgunblaíií/Gunnar Berg
• •
30 tonna tengibifreið rann bremsulaus niður bratta brekku í Oxnadal:
„Mátti ekkert vera
að því að hugsa,
hafði nóg að gerau
„ÉG hugsa að ég væri ekki að spjalla við þig, ef bíllinn hefði farið út af
hinum megin, því þar er snarbrött brekka," sagði Stefán (iuðmundsson
bflstjóri hjá Eimskip í viðtali við Mbl., en hann sýndi mikið snarræði í
fyrradag, er hann stökk upp í dráttarbíl með 40 feta tengivagn aftan í, eftir
að hann byrjaði að renna mannlaus aftur á bak niður brekku efst í Öxnadal.
Stefáni tókst að sveigja bílinn efst upp á bungunni og fór því út á
og tengivaginn út af veginum ofan
til, þrátt fyrir að hann væri kom-
inn á þó nokkra ferð, en bremsu-
búnaður hafði gefið sig. Stefán er
marinn og skrámaður á baki og
má telja mildi að hann skyldi ekki
slasast meira, því dráttarbíllinn
skall niður af miklu afli utan veg-
ar. Eldur kom upp í honum og er
hann mjög illa farinn, jafnvel
ónýtur. Tengivagninn og gámur
sem á honum var skemmdust lítið
sem ekkert.
Stefán sagði að hann hefði verið
á leið upp Öxnadalinn laust fyrir
kl. 14 í fyrradag. Hálka hefði ver-
ið á miðjum veginum en auðir
kantar. Hann lýsti atburðarásinni
svo: „Ég sá að það var dálítið hált
auðan kant og setti bílinn í hand-
bremsu. Fór út og ætlaði að fara
að setja á keðjur. Þá heyrði ég
smell og ég tel nú að bremsurnar
hafi þá bilað annað hvort í bílnum
eða vagninum. Bíllinn fór að
renna af stað niður brekkuna. Ég
hélt að handbremsan hefði farið
af og hljóp því með og stökk upp í
bílinn. Ég reyndi að stíga á
bremsurnar en þær virkuðu ekki.
Eins reyndi ég að setja hann í
bakkgír til að ná honum niður en
það tókst ekki, enda bíllinn kom-
inn á nokkra ferð. Það var þá ekki
um annað að ræða en koma hon-
um upp fyrir ofan veg til að hann
færi ekki fram af, enda var orðið
I.jósm Mbl./RAX
Stefán á heimili sínu í gær ásamt dóttur sinni fjögurra ára, Sigurlaugu
Evu.
erfitt að stýra með 40 feta vagn
aftan í.
Vagninn fór út af veginum og
bíllinn um leið. Hann reis upp að
framan og skall niður af miklu
afli. Það kviknaði í honum, en bíl-
stjóri frá KEA sem kom að hjálp-
aði mér að bjarga persónulegum
munum úr bílnum og slökkva eld-
inn með snjó.“ Aðspurður um
hvernig honum hefði liðið á með-
an bíllinn rann bremsulaus niður
brekkuna sagði hann: „Ég mátti
ekkert vera að því að hugsa um
það, hafði nóg að gera. Maður var
svolítið utan við sig á eftir." Stef-
án bað í lokin fyrir þakklæti til
allra sem aðstoðuðu hann, bað
hann fyrir sérstakar kveðjur til
KEA-bílstjórans.
Tómas Möller forstöðumaður
vöruafgreiðslu Eimskips sagði
Stefán hafa sýnt ótrúlegan kjark
og rósemi. Hann sagði að iagmet-
ið væri óskemmt og á leið til
Reykjavíkur með öðrum bíl, en
bæði tengivagninn og gámurinn
hefðu lítið sem ekkert skemmst.
Dráttarbíllinn er illa farinn og er
tjónið metið á um eina milljón.
Dráttarbíllinn með tengivagni og
hlassinu vó tæp 30 tonn.
150—200 milljónir til að
aðstoða húsbyggjendur
Ríkisstjórnin kynnir efnahagsráðstafanir:
STEINGRÍMI'R Ilermannsson forsætisráðherra og Albert Guðmundsson
fjármálaráðherra kynntu í gær þær ráóstafanir sem ríkisstjórnin hefur
ákveðið í efnahagsmálum. Áhersla verður lögð á viðræður við aðila vinnumark-
aðarins, m.a. um breytingar á tekjuöflun ríkissjóðs, um bætur almannatrygg-
inga, fyrirgreiðslu í húsnæðismálum og atvinnustefnu til næstu ára, í stað
beinna launahækkana.
Erlendar lántökur á þessu ári
verða minnkaöar um einn milljarð
og á árinu 1986 verða ekki tekin
erlend lán til A- eða B-hluta ríkis-
sjóðs, umfram afborganir, en á
núvirði telur ríkisstjórnin að það
jafngildi 1400 milljón króna sam-
drætti.
Staða ríkissjóðs verður bætt
með sparnaði og hagræðingu á öll-
um sviðum opinberrar starfsemi,
eins og segir í plaggi ríkisstjórn-
arinnar um aðgerðirnar og verður
þá hert eftirlit með skattframtöl-
um og innheimtu opinberra
gjaida, auk þess sem skjót af-
greiðsla skattsvikamála verður
tryggð.
Fyrsti áfangi niðurfellingar
tekjuskatts af almennum launa-
tekjum er nú í framkvæmd og
samkvæmt því sem fjármálaráð-
herra upplýsti, þá iækka skattar
launþega um 6 til 700 milljónir af
þeim sökum.
Ríkisstiórnin hefur ákveðið að
taka á vanda húsbyggjenda á eft-
irfarandi hátt: Reglur um hús-
næðislán hafa verið endurskoðað-
ar, og verða lán bundin við
ákveðnar stærðir íbúða og þeir
sem byggja í fyrsta eða annað sinn
fá forgang. Þá hefur verið ákveðið
að veita skattaívilnanir vegna
sparnaðar til íbúðakaupa og sér-
stök aðstoð verður veitt húsbyggj-
endum og kaupendum sem eru í
greiðsluerfiðleikum og hafa fengið
lán úr byggingarsjóðum ríkisins á
tímabilinu janúar 1981 til desem-
ber 1984. Hefur verið ákveðið að
verja til þessa 150 til 200 milljón-
um króna af þeim 700 miiljónum
króna sem ákveðnar eru í láns-
fjáráætlun til nýbygginga. Þetta
þýðir að um 150 til 200 þúsund
krónur gætu komið í hlut hvers og
eins sem sækir um slíkt viðbótar-
lán, samkvæmt því sem forsætis-
ráðherra upplýsti í gær. Þá mun
Húsnæðisstofnun strax í næstu
viku koma á fót ráðgjafaþjónustu,
til leiðbeiningar þeim sem í
greiðsluerfiðleikum eiga. Verður
haft samráð við bankana um lausn
þessara mála.
Auk ofangreindra ráðstafana
verða lögð fram frumvörp á AI-
þingi um fjölmörg mál, til þess að
hraða þeim skipulagsbreytingum,
sem þegar voru ákveðnar af
stjórnarflokkunum sl. haust. Þar
eru m.a. frumvörp um stjórnkerf-
ið, nýsköpun atvinnulifs og sjóða,
landbúnað, banka og sveitar-
stjórnarmál.
Sjá tilkynningu ríkisstjórnarinnar
í heild á bls. 32 og fréttir á bls 2.
Bjartari horfur í
farmannadeilunni:
Ráðherra
beitir
sér fyrir
skatta-
afslætti
„Þetta þokaðist í samkomulagsátt
síðastliðna nótt og síðan hefur fjár-
málaráöherra sagt að hann muni
beita sér fyrir því, að farmenn fái
skattaafslátt, 10%, eins og sjómenn
hafa. Það er ákaflega mikilvægur
áfangi í málinu öllu og getur haft
mjög jákvæð áhrif á lausn yfirstand-
andi kjaradeilu,“ sagði Guðmundur
Hallvarðsson, formaður Sjómanna-
félags Reykjavíkur, í samtali við
Morgunblaðið í dag.
Guðmundur sagði ennfremur,
að farmenn væru mjög ánægðir
með þessa hugmynd fjármála-
ráðherra, því þar væri komin
lausn á hluta kjarmála þeirra,
sem deilt hefði verið um síðan
1979. Það væri ákaflega mikilsvert
að farmenn fengju með þessu
jafnstöðu við fiskimenn. Hann
væri því bjartsýnn á það, að veru-
lega þokaðist í samkomulagsátt á
samningafundi hjá sáttasemjara í
dag, laugardag.
Fjármálaráðherra, Albert Guð-
mundsson,. sagði í samtali við
Morgunblaðið, að það væri sjálf-
sagt réttlætismál, að farmenn
nytu sama skattafrádráttar og að-
rir sjómenn. Fulltrúar farmanna
hefðu hreyft þessu máli við sig og
hann hefði, að höfðu samráði við
forsætisráðherra, sagt þeim, að
hann myndi beita sér fyrir því, að
þeir fengju 10% skattaafslátt. Því
miður virtist það ekki hafa dugað
enn sem komið væri, en hann von-
aðist til þess, að þetta hefði áhrif
til lausnar kjaradeilu farmanna
óg viðsemjenda þeirra. Það væri
mjög mikilvægt að leysa yfir-
standandi verkfall.
Skattskýrslurnar:
Fresturinn renn-
ur út á morgun
FRESTUR til að skila skatt-
skýrslum rennur út á miðnætti
sunnudaginn 10. febrúar.
Að sögn Gests Steinþórsson-
ar skattstjóra í Reykjavík hef-
ur þó nokkuð borist inn af
skattskýrslum síðustu daga, en
þó heldur minna en oft áður.
Hins vegar er búist við að mjög
mikið berist í dag og á morgun.
Eitthvað er um það, að ein-
staklingar hafi fengið frest til
að skila skýrslunum. Lengsti
frestur sem þeim er veittur er
til mánaðamóta.
Frestur til að skila skýrslum
einstaklinga i atvinnurekstri
rennur út 15. mars. Önnur
fyrirtæki, þau sem ekki eru i
einstaklingseign, þurfa að skila
skattskýrslum fyrir 31. maí nk.
Sjá „Spurt og svarað um
skattamál" á bls. 7.