Morgunblaðið - 07.03.1985, Page 5

MORGUNBLAÐIÐ, FIMMTUDAGUR 7. MARZ 1985 5
Þessi mynd var tekin á æfingn Kammersrveitar Reykjavíkur nú í vikunni.
Kammersveitin leikur und-
ir stjórn Pauls Zukofsky
KAMMERSVEIT Reykjavíkur efnir
til 3. tónleika starfsárs síns f
Menntaskólanum við Hamrahlfð
sunnudaginn 10. mars klukkan 17.
Stjórnandi sveitarinnar á tónleikun-
um verður Paul Zukofsky, hljóm-
sveitarstjóri og fiðluleikari frá
Bandaríkjunum.
Tónleikarnir hefjast með því að
fluttur verður kvartett, „Square",
eftir Szymon Kuran. Hann er
pólskur fiðluleikari sem hefur ver-
ið varakonsertmeistari Sinfóníu-
hljómsveitar íslands frá því í
haust.
Þá verður flutt verkið „Leider
eines fahrened Gesellen" eftir
Gustac Mahler í útsetningu Arn-
old Schönberg. Sigrún Valgerður
Gestsdóttir er einsöngvari í
verkinu.
Á tónleikunum kemur síðan
strengjakvartett eftir Alban Berg.
Hinn 9. febrúar síðastliðinn voru
100 ár liðin frá faeðingu tónskálds-
ins, en það er liður í tónlistarári
Evrópu að minnast þessa aldar-
afmælis. Alban Berg er einn
þeirra tónsmiða sem var nemendi
og félagi Schönbergs í Vínarborg.
Hann lést þar 1935.
Síðasta verkið á dagskrá tón-
leikanna er eftir Atla Heimi
Sveinsson, en það er konsert fyrir
píanó og kammersveit sem Atli
Heimir samdi sérstaklega fyrir
Kammersveit Reykjavíkur og
Halldór Haraldsson, píanóleikara,
sem leikur einleik í verkinu.
Paul Zukofsky, leiðbeinandi og
stjórnandi á þessum tónleikum,
hefur oft áður starfað með Kamm-
ersveit Reykjavíkur. Samhliða því
sem hann hefur unnið með sveit-
inni að undirbúningi þessara tón-
leika nú hefur hann stjórnað Sin-
fóníuhljómsveit æskunnar hér í
Reykjavík en hún er sameiginleg-
ur vettvangur ungra hljóðfæra-
leikara af öllu landinu. Paul Zuk-
ofsky ritaði grein um Sinfóníu-
hljómsveit íslands í Morgunblaðið
í janúar siðastliðnum, sem vakti
mikla athygli og umræður.
(FrétUtilkynning frá Kamm-
enrveit Reykjavíkur.)

IONDON - REYKJAVIK
-d3dögum
Vissirðu að vara sem er í London á föstudegi getur hæglega verið komin
til Reykjavíkur á mánudegi. Lestum í Ipswich alla föstudaga.
HAFSKIP HF,
framtíð fyrir stafni