Morgunblaðið - 13.03.1985, Blaðsíða 50

50
MORGUNBLADID, MIDVIKUDAGUR 13. MARZ 1985
AF ERLENDUM VETTVANGI
eftir ROBERT H. REID
Reagan forseti ásamt Hussein konungi og Mubarak forseta þegar þeir rmddust við í Washington fyrir rúmu ári.
Mubarak setur
Reagan í vanda
MEÐ ÞVÍ AÐ taka undir áskorun Egypta um viðræður milli Bandaríkja-
manna og Palestínumanna hefur Hussein Jórdaníukonungur sett Banda-
ríkjastjórn í vanda: hún á það á hættu að móðga hófsamar og vinveittar
ríkisstjórnir í arabaheiminum eða kalla fram stjórnarkreppu í Israel.
Hussein samþykkti á mið-
vikudaginn tillögu Hosnan
Mubaraks Egyptalandsforseta
um að Bandaríkjamenn og nefnd
skipuð fulltrúum Jórdaniu-
manna og Palestínumanna komi
saman til undirbúningsviðræðna
í Washington til þess að leggja
grundvöll að friðarviðræðum við
Israelsstjórn.
Jórdaníukonungur samþykkti
tillöguna að loknum tveggja og
hálfs klukkutíma viðræðum við
Mubarak { ferðamannabænum
Hurghada við Rauðahaf. Við-
ræðurnar miðuðu að því að sam-
ræma hófsama stefnu araba um
frið og Mubarak mun kynna
hana Bandaríkjamönnum þegar
hann ræðir við Ronald Reagan
forseta í Washington á þriðju-
daginn.
En ísraelsstjórn hefur hafnað
tillögu Mubaraks um að Banda-
rikjamenn eigi viðræður við
sameiginlega sendinefnd Palest-
ínumanna og Jórdaníumanna,
þar sem það útiloki hana frá
frumstigi samningaumleitan-
anna.
Shimon Peres forsætisráð-
herra hefur tekið betur í síðustu
friðarumleitanir Mubarakas en
Likud-bandalagið, samstarfs-
flokkur hans í ríkisstjórn, en
hefur varað við því að viðræður
milli Bandaríkjamanna og Pal-
estínumanna kunni að leiða til
þess að Bandaríkjastjórn viður-
kenni Frelsissamtök Palestínu
(PLO), sem ísraelsstjórn neitar
að hafa nokkuð með að gera.
Egyptar og Jórdaníumenn
reiða sig á að Mubarak fái talið
Bandaríkjastjórn á að sam-
þykkja tillöguna í viðræðunum
við Reagan forseta.
Ef Bandaríkjastjórn lýsir yfir
stuðningi við tillögu Mubaraks
þrátt fyrir mótbárur ísraels-
stjórnar er líklegt að ráðherrar
Likud-bandalagsins í stjórn Per-
esar krefjist þess að ríkisstjórn-
in taki harðari afstöðu í frið-
armálunum. Það mundi draga úr
líkum á því að ísraelsstjórn
‘ verði sveigjanlég í viðkvæmum
samningaviðræðum við araba
um framtíð herteknu svæðanna.
Peres hefur látið i ljós áhuga á
því að kanna friðartillögur
ásamt Egyptum. En Yitzhak
Shamir utanríkisráðherra, leið-
togi Likud-bandalagsins, hefur
haft illan bifur á friðarumleit-
unum Mubaraks og talið þær lið
í tilraunum araba til þess að
lokka stjórnina í Washington til
vinsamlegra samskipta við PLO.
Uppgjör við Bandaríkin út af
áætlun Mubaraks á þessu stigi
gæti vel leitt til stjórnarkreppu í
Israel, ef til vill með þeim afleið-
ingum að fallvölt samsteypu-
stjórn Peresar yrði að biðjast
lausnar.
Það mundi ekki einungis tefja
friðarþróunina: það mundi bæt-
ast ofan á erfiðleikana samfara
tilraununum til að rétta við
efnahaginn { ísrael, sem er
Bandarikjamönnum talsvert
hagsmunamál.
En pólitískri stöðu Bandaríkj-
anna i Miðausturlöndum yrði
stefnt í töluverða hættu ef áætl-
un Mubaraks yrði afdráttarlaust
hafnað.
Egyptar og Jórdaníumenn,
tvær af helztu vinaþjóðum
Bandaríkjamanna í arabaheim-
inum, hafa lagt álit sitt að veði
með núverandi friðartilraunum
sínum, sem Hussein kallar „sið-
asta tækifærið" til að leysa
deilumál arabaríkjanna og Isra-
els friðsamlega.
Hussein sagði fréttamönnum í
Hurghada að hófsamir arabar
hefðu lagt fram alvarlega tillögu
um að friðarviðræður verði
endurvaktar „og nú er röðin
komin að öðrum að leggja fram
aðrar tillögur, einkum Banda-
ríkjunum, þar sem þau eru risa-
veldi".
Ef hófsömum aröbum tekst
ekki að vekja áhuga Bandarikja-
stjórnar á nýju friðarfrumkvæði
má búast við því að Sýrlendingar
og aðrar arabaþjóöir, sem fylgja
harðlínustefnu, komi fram með
ásakanir þess efnis að. Bánda-
ríkjamenn' hafi 'engan áhuga á
að keppa að því að finna lausn,
nema i þeim tilgangi einum að
tryggja það að Israelsmenn fái
öllum kröfum sinum framgengt.
Ef síðustu friðarumleitanirn-
ar fara út um þúfur gæti það
einnig aukið þrýstinginn innan
PLO á leiðtoga samtakanna,
Yasser Arafat, sem nú þegar
stendur andspænis beinni upp-
reisn afla, sem fylgja Sýrlend-
ingum að málum og vilja ekki
samþykkja nokkra aðra stefnu
en þá að háð verði „vopnuð bar-
átta“ gegn gyðingaríkinu.
Reagan-stjórnin stendur því
frammi fyrir erfiðu vali og vera
má að hún reyni að forðast að
taka ótvíræða afstöðu til Mub-
arak-áætlunarinnar og taki
þann kostinn að hafa þann hátt-
inn á sem hingað til að láta til-
tölulega lágt setta menn halda
uppi viðræðum við deiluaðila.
Það mundi i það minnsta
halda friðartilraununum vak-
andi án þess að stjórnin I Wash-
ington þyrfti að vera bundin af
opinberri ákvörðun um viðræður
við Palestínumenn.
í samtölum við fréttamenn að
undanförnu hafa nokkrir banda-
rískir stjórnarerindrekar í höf-
uðborgum í Miðausturlöndum
vikið sér undan því að svara
spurningum um áætlunina og
aðeins sagt að Bandaríkjastjórn
hafi áhuga á því að heyra meira
um hana hjá Mubarak.
Starfsmaður bandaríska utan-
ríkisráðuneytisins, sem vildi
ekki láta nafns síns getið, sagði
fréttamönnum á miðvikudaginn
að Reagan-stjórnin mundi bíða
þangað til Mubarak kæmi áður
en hún tæki um það ákvörðun
hvernig hún mundi bregðast við
tilteknum tillögum.
Embættismaðurinn sagði að
Bandaríkin vildu beinar viðræð-
ur milli ísraelsstjórnar og sam-
eiginlegrar sendinefndar Jórd-
aníumanna og Palestínumanna
og væri ekki viss um hvort und-
irbúningsviðræður Reagan-
stjórnarinnar og araba yrðu leit-
inni að friði til framdráttar.
Roberl //. Reid er fréttarítari AP
í Kaíró og sendi þennan pistil
þaóan.
Um lyfjanotk-
un í íslenskum
landbúnaði
— eftir Halldór
Runólfsson
Þann 27. febrúar sl. skeiðar
Gunnar Bjarnason fyrrverandi
hrossaræktarráðunautur fram á
ritvöllinn og reynir með dylgjum
og ósannindum að koma óorði á
islenska dýralækna og bændur.
Einnig gerir hann á hinn ósmekk-
legasta hátt litið úr því fólki sem
ég var svo lánsamur að starfa með
í Vestur-Skaftafellssýslu frá árinu
1974 til 1983 er ég hélt til Skot-
lands til eins árs framhaldsnáms í
heilbrigðiseftirliti.
Ég er viss um að hross með
svona víxlaðan gang, eins og rit-
skrif Gunnars eru, hefðu ekki
fengið góðan dóm hjá Gunnari og
sjálfsagt verið vísað frá, þegar
hann hér áður fyrr ferðaðist við
góðan orðstír um landið og dæmdi
hesta. Gunnar dæmir því raunar
sjálfan sig frá því að vera svara-
verður, með óvönduðum málflutn-
ingi sinum.
Einu atriði tel ég þó að nauð-
synlegt sé að svara og reyndar bið-
ur Gunnar sérstaklega um að upp-
lýst sé „eitt stórkostlegast leynd-
armál hér á landi" og sem hann
telur vera á ábyrgð íslenskra
dýralækna, en það er um penic-
illin-magn i islenskri neyslumjólk.
Guðbrandur Hliðar dýralæknir
og fyrrverandi forstöðumaður
rannsóknastofu Mjólkursamsöl-
unnar í Reykjavik frá 1964 til 1982
birti árlega í Búnaðarblaðinu Frey
niðurstöður úr rannsóknum sinum
um notkun fúkalyfja við lækn-
ingar á júgurbólgu í kúm hér á
landi. Þar kom fram að leifar af
fúkalyfjum i mjólk fóru ört
minnkandi eftir að mönnum varð
ljóst hvaða áhrif slikt gæti haft á
neytendur og lýst er nánar í grein
minni í Morgunblaðinu þann 23.
febrúar sl.
Bannað er samkvæmt reglugerð
um mjólk og mjólkurvörur frá
1973 að selja mjólk úr kúm sem
gefin eru fúkalyf og eftir meðferð
meðan útskolunartíma lyfjanna er
eigi lokið. Allt eftirlit með að þessi
efni komi ekki fyrir í mjólkinni
hefur á undanförnum árum verið
gert strangara og virkara. Því
miður kemur ennþá fyrir að slíkar
leifar finnist i mjólkinni, en sem
betur fer i afar litlum hluta af
innveginni mjólk og í minna mæli
í neyslumjólk og er þetta mjög til
jafns við helstu nágrannalönd
okkar.
íslenskir dýralæknar, sem allir
eru menntaðir erlendis, gefa
Halldór Runólfsson
bændum, eins og starfsbræður
þeirra erlendis, nákvæm fyrir-
mæli um hvenær þeir megi selja
mjólk úr þeim kúm sem með-
höndlaðar hafa verið með fúka-
lyfjum. Hér á landi, sem annars
staðar, verða dýralæknar síðan að
treysta bændum til að fara eftir
settum reglum og aldrei verður of
oft brýnd fyrir bændum sú mikla
ábyrgð sem hvílir á þeim að koma
í veg fyrir að fúkalyfjaleifar berist
með mjólkinni til neytenda.
Gunnar hefur því með skrifum
sinum ekki aðeins komið óorði á
alifuglaafurðir heldur reynir hann
nú líka að gera íslensku mjólkina
tortryggilega í augum neytenda.
íslenskir bændur, framleiðendur
þessara afurða, kunna honum ef-
laust engar þakkir fyrir.
En leiðbeiningar hans um
hvernig skuli umgangast íslensk
lög og reglur eru auðvitað honum
sjálfum mest til skammar. Meðal
þeirra reglna, sem hann hrósar
sér yfir að hafa brotið, er reglu-
gerð sem hann mun að mestu leyti
hafa samið sjálfur og sem bannar
íblöndun fúkalyfja í fóður og hlýt-
ur það mál að vera fyrir lögfræð-
inga og dómstóla að svara.
Eg hef hins vegar leitt rök að
því að rógskrif Gunnars um ís-
lenska dýralækna eru i rauninni
alls ekki svaraverð, og þvi mun
ekki frekar af minni hálfu reynt
að koma réttum gangi í Gunnar
Bjarnason.
Halldór Runólfsson er dýralæknir
þjá Hollustuvernd ríkisins.
í þungun þönkum í fjölteflinu á Selfossi. Mofgunblaðið/SiRurður
Einn náði jöfnu gegn Margeiri
SclfoNMÍ, 7. marz.
MAKGEIR Pétursson, alþjóðlegur meistari í skák, tefldi fjöltefli í
Fjölbrautaskólanum hér á dögunum. 23 mættu til leiks gegn koppanum og
fóru leikar svo að Margeir vann 22 skákir, en ein skákin endaði með
jafntéflr. Það var Þórir Þórisson, sem náði þeim árangri.
. “ ' . — Sig. Jóns.