Morgunblaðið - 04.04.1985, Blaðsíða 41

MORGUNBLAÐID, FIMMTUDAGUR 4, APRÍL 1985
B 41
Afmæliskveðja:
Anna Þorsteinsdóttir,
Heydölum í Breiödal
Sjötug er nú á annan páskadag
Anna Þorsteinsdóttir, prestsfrú í
Heydölum í Breiðdal.
Hún er fædd þann 8. aprí 1915 á
Óseyri við Stöðvarfjörð. Foreldrar
hennar voru hjónin Guðríður
Guttormsdóttir frá Stöð í Stöðv-
arfirði, dóttir Guttorms Vigfús-
sonar, prests þar, og síðari konu
hans, Þórhildar Sigurðardóttur og
Þorsteinn Þorsteinsson Mýrmann,
útvegsbóndi og oddviti, sonur
Þorsteins Þorsteinssonar og Val-
gerðar Sigurðardóttur í Slindur-
holti á Mýrum í Austur-Skafta-
fellssýslu.
Þau hjónin á Óseyri áttu sjö
börn. Systkini Ónnu eru: Skúli,
fæddur 1906, dáinn 1973. Hann
var um árabil skólastjori á Bski-
firði og síðar námsstjóri Austur-
lands. Eftirlifandi kona hans er
Anna Sigurðardóttir, forstöðu-
maður Kvennasögusafns íslands.
Pálína, fædd 1908, húsmóðir á
Akranesi, gift Guðmundi Björns-
syni, fyrrverandi kennara. Frið-
geir, fæddur 1910, fyrrverandi
bankaútibússtjóri á Stöðvarfirði.
Kona hans, Elsa Sveinsdóttir, er
nú látin. Halldór, fæddur 1912, dá-
inn 1983. Hann var vélvirki á
Akranesi um árabil og síðar versl-
unarmaður í Reykjavík. Eftirlif-
andi kona hans er Rut Guðmunds-
dóttir. Björn, fæddur 1916, dáinn
1939. Pétur, fæddur 1921, sýslu-
maður Dalasýslu. Kona hans er
Björg Ríkarðsdóttir.
Að lokinni hefðbundinni barna-
fræðslu þeirra tíma, sem hún fékk
meðal annars hjá afa sínum, hin-
um kunna latínuklerki, séra Gutt-
ormi Vigfússyni í Stöð, fór Anna í
húsmæðraskólann á Hallormsstað
og stundaði þar nám á árunum
1932—1934 hjá hinni kunnu merk-
iskonu Sigrúnu Blöndal, sem var
forstöðukona skólans á þessum ár-
um. Þar með var formlegri skóla-
göngu hennar lokið. En síðar á æf-
inni sótti hún ýmis námskeið í
tungumálum o.fl., einkum dönsku,
og má geta þess, að sumurin 1976
og 1977 sótti hún dönskunámskeið
í Danmörku.
Kennaraferil sinn hóf Anna við
húsmæðraskólann á Hallormsstað
sem vefnaðarkennari vorið 1933 og
kenndi síðan vefnað þar veturinn
1934—35, og veturinn 1935—35 var
hún umferðarkennari í þessari
grein hjá Sambandi austfirskra
kvenna.
Haustið 1939 hóf hún feril sinn
sem barnakennari með þvi að taka
börn í einkatíma heima á Óseyri
veturinn 1939—40.
Veturinn 1940—41 var hún sið-
an kennari í Helgustaðahreppi við
Reyðarfjörð. Hér var um far-
kennslu að ræða og mun þeim nú
óðum fara fækkandi, sem gegnt
hafa slíku starfi. Ekki er að efa, að
þessi vetur hefur verið önnu mik-
ill reynslutími, sem komið hefur
henni að góðum notum i siðara
kennslustarfi.
Veturinn 1946—47 var hún
kennari i Auðkúluskólahverfi i
Vestur-ísafjarðarsýslu, en maður
hennar var þá sóknarprestur á
hinu forna frægðarsetri Hrafns-
eyri við Arnarfjörð.
Veturinn 1947—48 var hún sið-
an kennari í Breiðdal, þar sem
maður hennar var þá orðinn
prestur.
Veturinn 1964—65 tók Anna að
sér skólastjórn í Stöðvarfirði, og
hófst þá samfelldur þrettán ára
kennaraferill, en árin 1965—1977
kenndi hún i Breiðdal, að undan-
teknum vetrinum 1967—1968, en
þá kenndi hún við Oddeyrarskóla
á Akureyri. I allt hefur þvi kenn-
araferill Önnu náð yfir tvo ára-
tugi.
En Anna hefur sinnt fleiru en
kennslustörfum um dagana.
Veturinn 1943—44 var hún for-
stöðukona mötuneytis stúdenta i
Reykjavík, og hefur henni þá kom-
ið að haldi sú menntun, sem hún
hlaut i matreiðslu á húsmæðra-
skólanum á Hallormsstað, en
Anna býr til mjög góðan mat, og
hefur undirritaður oft sannreynt
það.
Anna hefur nú í nær fjóra ára-
tugi verið prestsfrú í sveit, þ.e.a.s.
á Hrafnseyri i Arnarfirði og í
Heydölum í Breiðdal, með þeim
skyldum og kvöðum sem þvi
fylgja.
Anna hefur sinnt félagsmálum
töluvert og skal hér minnst á hið
helsta í þeim efnum:
Hún var í hreppsnefnd Breið-
dalshrepps 1958—62, í stjórn
Austfirðingafélagsins í Reykjavík
1944—45, varaformaður slysa-
varnardeildarinnar Einingar i
Breiðdal 1951—54 og formaður
deildarinnar 1954—62, i stjórn
Skógræktarfélags Breiðdæla
1951—61. Hún var hvatamaður að
stofnun kvenfélagsins Hlífar í
Breiðdal og fyrsti formaður þess
1%1—64. Ritari í stjórn Sam-
bands austfirskra kvenna var hún
í þrettán ár, 1966—79. 1 stjórn
Náttúruverndarsamtaka Austur-
lands var hún 1978—80. í sóknar-
nefnd í Breiðdal var hún í sam-
fleytt þrettán ár, 1964—77, og
safnaðarfulltrúi hefur hún verið
frá 1970. í jafnréttisnefnd í
Breiðdal hefur hún verið frá 1978.
í skólanefnd var hún 1974—78. í
barnaverndarnefnd var hún um
árabil og prófdómari í Breiðdals-
skólahverfi einnig um árabil.
Hér hefur verið talið upp hið
helsta af störfum önnu um dag-
ana og má sjá, að hún hefur víða
komið við og áhugamálin hafa
verið fjölbreytt.
Árið 1944 giftist hún séra
Kristni Hóseassyni, sem verið hef-
ur sóknarprestur í Breiðdal í
næstum fjóra áratugi og gegndi
áður Hrafnseyrarprestakalli
1946—1947. Hann hefur verið
prófastur í Austfjarðaprófasts-
dæmi síðan 1982.
Þau hjón eiga tvö kjörbörn,
Hallbjörn, fæddan 1953, og Guð-
ríði, fædda 1955. Halíbjörn er
vélfræði- og tæknimenntaður
maður, en Guðríður er stúdent og
flugfreyja.
Áður er á að það minnst, að
Anna stundaði vefnaðarkennslu
um skeið, en hún er einnig vel að
sér i mörgum öðrum greinum
kvenlegra hannyrða svo sem
prestskonu ber. Á síðari árum hef-
ur hún einnig lagt stund á bók-
band og sótt námskeið í því. Hefur
hún nú bundið inn margar bækur í
góðu bókasafni þeirra hjóna og er
handbragðið gott svo sem vænta
má. En að sjálfsögðu bindur Anna
ekki eingöngu inn bækur, hún les
þær einnig. Áhugamá) hennar eru
einkum sögulegur og þjóðlegur
fróðleikur ýmiskonar. Hún er vel
að sér í íslendingasögum og ætt-
fróð, og mér er kunnugt um, að
hún hefur lesið alla veraldarsögu
Grimbergs spjaldanna á milli.
Þess var áður getið, að Anna
hefur starfað að náttúruvernd-
armálum. Rót þess áhuga má
sjálfsagt meðal annars rekja til
þess, að prestssetrinu í Heydölum
fylgir æðarvarp og eyjanytjar í
eyjum fyrir mynni Breiðdalsvikur.
Anna hefur ávallt haft mikla
ánægju af því að fara í eyjarnar
og nytja þær. Ekki hvað síst hefur
hún haft gaman af sjóferðum
þeim er þessu fylgja, og ekki sett
fyrir sig það volk, er eyjaferðum
og næturgistingu þar fylgir.
Ég vil nota þetta tækifæri til
þess að þakka Önnu fyrir frábæra
gestrisni og margar ánægjustund-
ir, sem ég hef notið á heimili
þeirra hjóna, en þar hef ég oft
dvalist langdvölum. Fyrr á árum
tefldi ég þá stundum við Önnu, og
varð mér þá ljóst, að hún kunni
meira en mannganginn. Sé miðað
við þann litla tíma, sem Anna hef-
ur varið í þessa grein, verður hún
að teljast mjög góð í henni. Mér er
í minni, þegar einvígi Fischers og
Spasskys stóð yfir á sínum tíma,
að við eyddum heilli nótt í að at-
huga ýmsa möguleika í 15. skák-
inni, og kom þá fram mikil hug-
kvæmni hjá Önnu við þessar at-
huganir.
Eg óska Önnu og fjölskyldu
hennar til hamingju á þessu af-
mæli og henni gæfu og gengis á
ókomnum árum.
Þorsteinn Skúlason.
★
Anna tekur á móti gestum á
heimili sínu í Heydölum á afmæl-
isdaginn kl. 15.
» paö ku verza
fallegt: í Kína..«
TVÆR STÓRKOSTLEGAR
KÍNAFERÐIR í BOÐI
í sumar og haust efnir Kínversk-íslenska menningarfélagið og Ferðaskrifstofa stúdenta til
tveggja ævintýraheimsókna til Kína, landsins sem hýsir nálega fjórðung jarðarbúa og geymir
mörg merkustu mannvirki sögunnar.
19 dagar í júlí: PEKING - SHANGHAI Fjölbreytt ferð um Norðaustur-Kína.
Ferðatilhögun:
Flogið til Peking þar sem gist er í þrjár nætur, en síðan er
verið eina nótt í hafnarborginni Tianjin. Þá er haldið til
Shenyang þar sem dvalið er í tvo daga. Þar er m.a. að finna
aðra stærstu keisarahöllina í Kína. Síðan er gist eina nótt í
Anshan áður en haldið er til hafnarborgarinnar Dalian (Port
Arthur), en hún er einn eftirsóttasti sumarleyfisstaðurinn í
Kína. Eftir þrjá daga þar, í góðu yfirlæti, er stigið um þorð í
skemmtiferðaskiþ sem siglir suður með ströndinni til Shang-
hai. Þar er stoppað í tvær nætur og dagarnir notaðir til að
kynnast þessari fjölskrúðugu verslunar- og iðnaðarmiðstöð,
sem er ein af fjölmennustu borgum veraldar. Þá er flogið til
Peking og haldið heim á leið eftir eina nótt þar.
Fararstjóri í þessari ferð verður Ragnar Baldursson, en
hann bjó fjögur ár í Kína.
19 dagar í október. FRÁ PEKING TIL TÍBET Fyrsta ferð íslendinga til Tíbet!
TÍBET, fjallalandið mikla, „þak heimsins“, hefur lengi verið nær lokað land. í október gefst 12 íslendingum færi á,
í fyrsta sinn, að heimsækja þetta einstaka landsvæði, sem m.a. geymir hæsta fjall veraldar, MT. EVEREST, upptök
helstu stórfljóta Asíu, ævaforna og heillandi menningu og óteljandi leyndarmál.
Feröatilhögun:
Flogið verður til Peking, þar sem dvalið verður í þrjár nætur. hrikalegt fjalllendið, um kvikfjárræktar- og akuryrkjulönd, til
Þaðan er flogið til hinnar fornu höfuðborgar Xian þar sem Xigaze, næststærstu borgar landsins. Á þrettánda degi
stoppað er i tvo daga. Á sjötta degi er flogið til Chengdu, verður haldið til baka frá Lhasa til Peking, þar sem dvalið
höfuðborgar Sichuan-fylkis og dvalið þar í tvær nætur. Á verður tvær síðustu nætur þessarar ævintýralegu og ein-
áttunda degi er flogið vestur til Lhasa, höfuðborgar Tíbets, stæðu ferðar.
sem er ( 3600 m hæð yfir sjávarmáli. Þaðan er ekið um , .. ... . ... ... .
1 1 Innifalið i verði beggja ferða verður:
- Allar flugferöir, lestarferöir og stglingar.
- Hótelgisting í tveggja manna herbergjum meö baði.
- Fullt faeði, kínverskt eða vestrænt, eftir óskum hverju sinni.
- Allarskoðunarferðir, skemmtiferðir, leiksýningar, fjölleikasýningar
og heimsóknir á sótn.
- Kínversk leiðsögn og túlkur. /W
- Islenskur leiðsögumaður. s \
wmiims >, -í -
FERÐA
SKRIFSTOFA
STÚDENTA
Hringbraut. sími 16850
Kínaferðir eru ævintýraleg reynsla!
Hringið. skrifið eða lítið við og leitið frekari upplýsinga.