Morgunblaðið - 19.07.1985, Blaðsíða 3

MORGUNBLAÐIÐ, FÓSTUDAGUR 19. JÚLÍ 1985
3
Á að draga úr opinberum afskiptum af atvinnulífi:
Þrír af fjórum telja
mátulega eða of
skammt gengið
SJÖTÍU og fimm af hverjum hundr-
að aðspurðum telja mátulega langt
eða of skammt gengið í því að draga
úr opinberum afskiptum af íslenzku
atvinnulífi. Þetta er meginniður-
staða í skoðanakönnun, sem Hag-
vangur hf. vann fyrir Verzlunarráð
íslands í maímánuði síðastliðnum.
Spurt var: „Að undanförnu hefur
verið unnið að því að draga úr opin-
berum afskiptum af atvinnulífinu.
Finnst þér að gengið hafi verið of
langt eða of skammt í þessu efni?“
Úrtakið var 1000 manns. 80% svör-
uðu.
Fimmtíu og sex af hundraði,
sem spurðir voru, töldu mátulega
langt eða of skammt gengið í að
draga úr opinberum afskiptum af
atvinnulífi í landinu. Ef aðeins er
tekið tillit til þeirra, sem afstöðu
tóku, telja þrír af hverjum fjórum
(75%) mátulega eða of skammt
gengið í þessu efni.
Svör þáttakenda voru þannig:
Of langt gengið 19%, of skammt
37,4%, mátulega 18,5%, veit ekki
23,9%, neita að svara 1,3%.
Þeir sem telja of langt gengið
eru hlutfallslega flestir í strjábýli
(42%); þó telur um þriðjungur
þess hóps of skammt gengið. Ná-
lægt helmingur höfuðborgarbúa
og íbúa í þéttbýli úti á landi telur
of skammt gengið; fjórðungur of
langt.
46% bænda og 60% lífeyrisþega
telja of langt gengið. Um og yfir
helmingur annarra stétta telur
hinsvegar of skammt gengið. 56%
karla telja of skammt gengið en
aðeins 43% kvenna.
Hlutfallslega fleira af þeim
yngstu telja of langt gengið í því
að draga úr opinberum afskiptum.
53% 18 og 19 ára eru þessarar
skoðunar og 32% 20 til 24 ára, en
þetta hlutfall er frá 17—30% hjá
öðrum aldurshópum.
(Heimild Viðskiptamál/Fréttabréf
Verzlunarráðs íslands).
Frá undirritun samkomulags við Alusuisse
Samkomulag um viðmiðan-
ir við skattlagningu ÍSALS
SAMKOMULAG hefur tekist um öll meginatriði í deilu íslendinga við
svissneska álfyrirtækið Alusuisse sem lutu að útreikningi á verði aðfanga og
framleiðslu ÍSAL í skattalegu tilliti. Nýjar reglur verða teknar upp við
útreikninginn, sem styðjast við sérstök viðmiðunarverð til að ákvarða sölu-
verð á áli og kostnaðarverð á súráli og rafskautum til álbrsðslunnar. Þá er í
samkomulaginu kveðið á um að Alusuisse muni leggja fé til ÍSALs, upphæð
sem nemur 30—40% af langtímaskuldum fyrirtækisins. Kemur það til með
að minnka vaxtakostnað til muna og bæta stöðu fyrirtækisins, en tap er á því
nú og verður svo fyrirsjáanlega í ár.
Samkomulagið mun ekki gefa
íslendingum meira í aðra hönd
eins og afkomu tSALs er nú hátt-
að, en strax og það fer að skila
hagnaði mun svo verða að sögn
iðnaðarráðherra Sverris Her-
mannssonar, þar sem skýrara er
kveðið á um alla hluti er varða
skattlagningu þess. Talið er að ál-
verð sé nú i lágmarki, en spáð er
að það tvöfaldist á næstu fjórum
árum. Að sögn samningamanna
fyrir tslands hönd, gefur sam-
komulagið aldrei minna af sér, en
við fáum nú í aðra hönd. ÍSAL
greiðir áfram sem svarar 20 doll-
urum af hverju tonni af áli frá
bræðslunni, án tillits til þess hver
afkoma fyrirtækisins er og skatt-
ur umfram það er greiddur árlega
af hagnaði þess frá fyrra ári.
Það kom fram á blaðamanna-
fundi þar sem samkomulagið var
kynnt, að deilur sem þessar milli
ríkisstjórnar og fjölþjóðafyrir-
tækis, eiga sér ekki hliðstæðu og
hafa aldrei komist á það stig, sem
þær voru komnar á í þessu tilviki.
Sérfræðingar Aiusuisse og rík-
isstjórnar Islands munu áfram
vinna að gerð samningsins í smá-
atriðum, en gert er ráð fyrir að
hann verði lagður fyrir Alþingi í
haust er það kemur saman.
Sverrir kvað nú vera hægt að
hefja viðræður um 50% stækkun
álversins af fullum krafti. Þar
hefur verið rætt um að nýir eign-
araðilar komi til, en þessar við-
ræður eru á byrjunarstigi og ekki
hægt að skýra frá þeim að svo
stöddu.
„Með þessu samkomulagi vonast
ég til að í framtíðinni þurfi ekki
að koma til deilu eins og þéirrar
sem við höfum staðið i. Auk þess
er rekstrargrundvöllur fyrirtækis-
ins bættur til muna með þessari
eiginfjáraukningu og eykur lík-
urnar á að ÍSAL geti skilað hagn-
aði,“ sagði Sverrir Hermannsson,
iðnaðarráðherra.
Hannekur
hvemveg
áenda...
Nybylavegi8 200Kópavogi S 91-44144
essemm