Morgunblaðið - 19.07.1985, Blaðsíða 4

4
MORGUNBLAÐIÐ, FÖSTUDAGUR 19. JÚLÍ 1985
Stiginn ógurlegi framundan: Er þetta ekki vonlaust?
Allt er hægt ef viljinn er fyrir
hendi: En eins og sjá má er
allt annað en auðvelt fyrir
mann í hjólastól að fara upp
snarbrattan stiga með tíu
tröppum.
Það hafðist að lokum. Þegar
inn var komið ræddi hópur-
inn við Ástu Schram, starfs-
mann Öryrkjadeildarinnar,
um vandamál fatlaðra á
vinnumarkaðnum og leiðir til
úrbóta og nokkrir létu skrá
sig hjá atvinnumiðluninni.
Atvinnumiðlim fatlaðra í Reykjavík:
Tíu tröppur við útidyrnar,
en hvorki skábraut né lyfta
Á RÁÐNINGARSTOFU Reykjavíkur er starfandi sérstök
öryrkjadeild sem sér um atvinnumiðlun fyrir öryrkja í
borginni. bangað eiga fatlaðir þó ekki greiða leið, því til að
komst inn í skrifstofuna þarf að fara upp brattan stiga sem
er tíu tröppur.
Sjálfsbjörg, félag fatlaðra,
bauð blaðamönnum í gær að
fylgjast með ferð nokkurra fatl-
aðra frá Sjálfsbjargarhúsinu að
ráðningarstofunni við Borgartún
1. Þó leið þessi sé ekki löng,
reyndist hún mörgum hinna
fötluðu torsótt, því á henni eru
margar hindranir á borð við
gangstéttarkanta, sem eru fólki í
hjólastólum veruleg hindrun.
Það var þó fyrst er kom að dyr-
um ráðningarstofunnar að veru-
lega syrti í álinn, því þar blasti
við stiginn með tröppunum tíu
sem virtist óyfirstíganleg hindr-
un. Þeir vöskustu í hópnum gáf-
ust þó ekki upp við svo búið og
tókst að lokum að komast inn á
skrifstofuna með hjálp aðstoðar-
fólks og blaðamanna.
Á skrifstofunni var rætt við
Ástu Schram, sem veitir ör-
yrkjadeildinni forstöðu. Fram
kom hjá Ástu að hún hefur farið
þess ítrekað á leit við borgaryf-
irvöld að húsnæðið verði gert að-
gengilegt fyrir fatlaða, en fengið
þau svör að ekki væri unnt að
koma fyrir skábraut vegna þess
hversu hár og brattur stiginn er
og of kostnaöarsamt væri að
setja upp lyftu, einkum vegna
þess að til stendur að flytja
skrifstofuna í annað húsnæði.
Að sögn Ástu hefur það staðið til
lengi en ekkert bólar á fram-
kvæmdum.
Fram kom einnig hjá Ástu að
mannekla stæði starfsemi deild-
arinnar mjög fyrir þrifum, en
þar starfar nú auk hennar ein
kona í hálfu starfi. Þörf væri
hins vegar á mun meiri mann-
afla vegna þess að starfið væri
mjög tímafrekt, því ólíkt því sem
gerðist hjá öðrum atvinnumiðl-
unum væri lítið leitað eftir
vinnuafli hjá deildinni og yrði
hún því að reyna að útvega fólki
vinnu með því að vera í stöðugu
sambandi við fyrirtæki með
heimsóknum og bréfaskriftum.
Ásgeir Sigurðsson, formaður
Æskulýðsnefndar Sjálfsbjargar,
sagði þessar aðgerðir samtak-
anna nú-vera gerðar í tvíþættum
tilgangi. Annars vegar vildu þau
vekja athygli á þeim erfiðleikum
sem eru fyrir fatlaða að heim-
sækja þær stofnanir sem þeir
þyrftu að eiga samskipti við og
væru jafnvel ætlaðar þeim sér-
staklega. „Hins vegar viljum við
hvetja hina fötluðu sjálfa til að
notfæra sér þessa þjónustu
meira og vera óhrædda við að
koma úr felum og hasla sér völl
á vinnumarkaðinum. Nú á ári
æskunnar viljum við sérstaklega
vekja athygli á aðstöðu fatlaðs
skólafólks í þessu sambandi. Því
hefur gengið illa að fá sumar-
vinnu og það hefur leitt til þess
að þegar það lýkur námi hefur
það enga starfsreynslu og
treystir sér illa út á vinnumark-
aðinn og er því í mikilli hættu
við að einangrast. Þessu verður
að breyta,“ sagði Ásgeir Sigurðs-
son að lokum.
Sama veð-
ur áfram
SPÁÐ er sams konar veðri um helg-
ina og verið hefur, norðlægri átt um
allt land og fremur svölu veðri. Norð-
anlands verður skýjað og rigning með
köflum, en þurrt sunnanlands. Hita-
stig verður þetta 5—10 stig fyrir
norðan, en heldur heitara sunnan-
lands, 10—15 gráður.
Á sunnudag og mánudag er gert
ráð fyrir að dragi úr norðanáttinni,
en þrátt fyrir það verður áfram
skýjað norðanlands og fremur svalt
í veðri miðað við árstíma, en
óbreytt veður sunnanlands. Síðari
hluta mánudags eða á þriðjud&g
kann að breyta til og verða hæg
breytileg átt og tiltölulega bjart
um allt land.
Vinsældalisti
hlustenda
rásar tvö
Kftirfarandi lög njóta mestra
vinsælda á Fróni ef marka má
hlustendur rásar tvö. í svigum
stendur hve lengi tónsmíðarnar
hafa verið á lista.
1 (1) Friakie Sister Sledge (J. v.)
2 (7) Uiere MusL..Adgel Eurythm. (1 r.)
3 (3) A ViewtoiKillDoran Durandl.v.)
4 (2) leiag-Cake St. T.T. Dufíy (7. v.)
5 (4) Celebrate Youth Riek Springf. (6. v.)
6 (6) Get It On Power Station (8. v.)
7(13) lifeinOne DayHoward Jones (2. v.)
8 (5) Raspberry Beret Prinee (8. v.)
S (8) Kittý Oxsmá (6. v.)
10(10) Left, Right Drýsill (7. v.)
Heykílóið
á 5,50 kr.
Búreikningastofa landbúnaðarins
áætlar að 5,50 kr. kosti að framleiða
hvert kíló af heyi í sumar. Er þá mið-
að við fullþurrkað hey komið í hlöðu.
í frétt frá Búnaðarfélagi íslands
segir að verðið sé miðað við kostn-
að á sl. ári að viðbættum hækkun-
um. í fyrra var áætlað að fram-
leiðslukostnaður á heyi væri 4,20
kr. Verð þetta er notað til viðmið-
unar við ákvörðun söluverð heys á
milli manna.
INNLENT
1454 ný-
skráðir til
náms við HÍ
— svipaður fjöldi og í fyrra
NÝSKRÁÐIR stúdentar til náms við
Háskóla íslands fyrir haustmisseri
1985 eru 1.454 og er það svipuð tala
og í fyrra. Nýskráðir á vormisseri
1985 voru 1.838.
Samkvæmt upplýsingum er
fengust á aðalskrifstofu Háskóla
íslands dreifist fjöldi nýnemanna
eftir deildum þannig: Guðfræði-
deild 18, læknisfræði 94, lyfja-
fræði 25, hjúkrunarfræði 64,
sjúkraþjálfun 48, lagadeild 143,
viðskiptadeild 286, heimspekideild
272, verkfræði- og raunvísinda-
deild 345, tannlæknadeild 29, fé-
lagsvísindadeild 130.
Áthygli skal vakin á því að 48
eru skráðir á námsbraut í sjúkra-
þjálfun, en einungis 18 af þeim er
heimilt að hefja nám á 1. ári.
Verkfræði- og raunvísindadeild
verður skipt í tvær deildir í haust,
verkfræðideild og raunvísinda-
deild. Til náms í verkfræði á 1. ári
eru skráðir 98, en 247 í raunvís-
indadeild, þar af 101 í tölvunar-
fræði.
Hjá skrifstofu Menntamála-
ráðuneytisins fengust þær upplýs-
ingar að fjöldi nýstúdenta í vor
frá mennta- og fjölbrautaskólum
landsins væri á bilinu
1.550—1.600, en endanlegur fjöldi
liggur enn ekki fyrir.
Góðir menn fást ekki
nema launin séu góð
— segir Níels Ársælsson hjá íshaf á Tálknafirði, sem býður 80% yfir taxta
„VIÐ ERUM ekkert betur í stakk búnir til að greiða há laun en
önnur fískvinnslufyrirtæki, en við þurfum á góðum mönnum að
halda og með góðum mönnum verða meiri afköst og betri nýting,
þannig að við höfum trú á að þetta skili sér,“ sagði Níels Ársælsson
hjá fískvinnslufyrirtækinu íshaf á Tálknafírði. Fyrirtækið auglýsti í
Morgunblaðinu á þriðjudaginn síðastliðinn eftir fólki til starfa, þar
sem boðið var 160 krónur á tímann, sem er rúmlega 80% yfír taxta
fiskverkafólks.
Níels sagði að fyrirtækið væri
að vísu ekki stórt í sniðum, þar
hefðu að meðaltali unnið 5 til 7
manns, en nú væri ætlunin að
fjölga eitthvað. Ekki væri ákveðið
hversu margir yrðu ráðnir, en ver-
ið væri að fara yfir umsóknir og
ekki kæmu aðrir til greina en úr-
vals menn. „Við viljum fá vana
menn og þess vegna bjóðum við
þessi kjör. Góðir menn fást ekki
nema að launin séu góð. Við höf-
um greitt þessi laun og jafnvel
hærri. Við erum nú með einn ákaf-
lega góðan starfsmann hjá okkur
og hann er með á þriðja hundrað
krónur á tímann," sagði Níels.
Aðspurður um ástæðuna fyrir
fólksflóttanum úr fiskvinnslunni
sagði Níels meðal annars: „Það er
fyrst og fremst vegna þess að
launin eru of lág. Ég er sannfærð-
ur um að það er hægt að fá nóg af
góðu fólki í fiskvinnsluna með því
að greiða hærri laun. Með því væri
hægt að losna við óæskilega menn,
sem sækja í þessi störf vegna þess
að þeir fá ekkert annað, og fá góða
menn i staðinn með auknum af-
köstum, betri nýtingu og meiri
gæðum. Þetta myndi skila sér
mjög fljótlega. Að mínum dómi er
staðið vitlaust að þessum málum
af hálfu fiskvinnslunnar. Það er
alltaf verið að framleiða í vitlaus-
ar pakkningar vegna þess að það
vantar gott fólk í þessi störf. Með
hærri launum fæst betra fólk og
fleira fólk og möguleikinn á að
framleiða í dýrar pakkningar
eykst að sama skapi," sagði Níels.