Morgunblaðið - 19.07.1985, Blaðsíða 10

MORGUNBLAÐIÐ, FÖSTUDAGUR 19. JÚLÍ 1985
Æ
ÍJtáyni af Vatnajökli. Horfl til suðausturs. I Qarska sést grilla í Hvannadalshnjúk, 2119 m á h*ð. í Kverkfjöllum. Skilinn i myndinni er í eigu Jöklarannsóknafélagsins. Einnig sést framan i
fyrstu bifreiðina sem ók þessa torferu leið.
Beltadeild Flugbjörgunarsveitarinnar í æfingaferð á Vatnajökul
FÉLAGAR úr Flugbjörgun-
arsveitinni fóru í æfinga-
ferð á Vatnajökul um helg-
ina. Lagt var af stað föstu-
daginn 14. júní og komið til
baka um miðnætti 17. júní.
Ferðin á jökulinn hófst við
Jökulheima. Þaðan var haldið
á jeppa og vélsleðum í
Grímsvötn. Ferðin gekk
áfallalaust fyrir sig. Lítið var
um svefn meðal leiðangurs-
manna. Aðeins var sofið í 2
klst. fyrri nóttina en 3 klst. þá
seinni.
Frá Grímsvötnum var
haldið í Kverkfjöll og enn
voru fararskjótarnir jeppi og
snjósleðar. Þetta mun vera í
fyrsta skipti sem venjuleg
bifreið fer þessa torfæru leið.
„Þetta var mjög góð æfing
fyrir okkur. Blíðviðri var
báða dagana og allt gekk eins
og í sögu,“ sagði Arngrímur
Hermannsson, einn leiðang-
ursmanna.
Ormar Þór Guðmundsson, Magni Baldursson, Guðmundur Þór Stein-
þórsson og Örnólfur Hall við teikningarnar að hinum nýja miðbe SeÞ
tjarnarness.
1200 fermetra gler-
þak á Seltjarnarnesi
í Morgunblaðinu 29. júní sl. var auglýsing frá bejarstjóranum á Seltjarn-
arnesi þar sem óskað var eftir tilboðum í 1200 fermetra glerþak á Eiðistorg.
Morgunblaðið hafði samband
við Ormar Þór Guðmundsson
arkitekt vegna þessa, en hann
ásamt Örnólfi Hall rekur Arki-
tektastofuna er teiknaði mann-
virkin í hinum nýja miðbæ Sel-
tjarnarnessbæjar. Þeir unnu á
sínum tíma fyrstu verðlaun fyrir
skipulag á Seltjarnarnesi. Unnið
hefur verið að verkefni þessu frá
árinu 1979, en framkvæmdir hóf-
ust 1982. { framtíðarskipulagi
bæjarins er gert ráð fyrir að að-
liggjandi hús myndi útveggi
torgsins og að ofan á komi gler-
þak. Framkvæmdir við húsbygg-
ingar eru þegar langt komnar, en
gert er ráð fyrir að glerþakið
verði sett á næsta sumar. í að-
liggjandi húsum eru margvísleg
verslunar- og þjónustufyrirtæki,
þ.m.t. stórverslun, banki, lyfja-
verslun, veitingastaður, íþrótta-
vöruverslun, þvottahús og blóma-
verslun og á efstu hæðum þeirra
eru íbúðir. Húsin eru í eigu ein-
staklinga og fyrirtækja, en torgið
sjálft verður í eigu bæjarins. AIls
er verslunarhúsnæði í nýja mið-
bænum um 10.000 fermetrar að
flatarmáli.
„t sjálfu glerþakinu verður tvö-
falt gler þannig að unnt verður að
nokkru leyti að stjórna hitastigi.
Stefnt er að því að það fari aldrei
niður fyrir 10 gráður. Yfirborð
torgsins verður úr hertri, litaðri
steinsteypu nema miðjan, þar
sem gert er ráð fyrir marmara-
gólfi. Þar væri jafnvel hægt að
stíga dans ef mönnum sýndist
svo,“ sagði Ormar.
í teikningum er gert ráð fyrir
að gólf torgsins verði stallað, og
að stallarnir nái niður í kjallara-
hæð aðliggjandi verslana. Með
því móti geta allmargir gestir
fylgst gjörla með öllu því sem
fram fer á torginu, enda þótt flat-
armál þess sé nokkuð mikið.
Breiðar tröppur og skábrautir
tengja síðan stallana saman.
„Bílastæði verða heldur ekkert
vandamál, þau verða bæði sunn-
an og norðan við torgið og stór
hluti þeirra er þegar fullgerður.
Ofan á þau sem fyrir eru kemur
síðan plata, þannig að þarna
verða bílastæði á tveimur hæð-
um. Af annarri hæð mun Iiggja
yfirbyggð brú, meðfram Vöru-
markaðnum og inn á torgið. Til
norðurs tengist svo torgið íbúða-
hverfi Seltjarnarness með undir-
göngum undir Suðurströnd.
Framkvæmdir við göngin eru
þegar langt komnar og er reiknað
með að þau verði vígð í sumar.
Auk þess að vera verslunar- og
viðskiptatorg er gert ráð fyrir að
á torginu verði aðstaöa til útivist-
ar því þar verða tjarnir, gróður
og rennandi vatn. Þar gæti skap-
ast aðstaða fyrir ýmiss konar
uppákomur, skemmtanir og há-
tíðahöld," sagði Ormar Þór Guð-
mundsson að lokum.
Morgunblaðið/Magnús Gottfreðsson
Á þessum tveimur myndum sem teknar eru fri sama sjónarhorni, má sji hugmynd arkitekta að hinu nýja torgi
og staðinn eins og hann lítur út í dag.