Morgunblaðið - 19.07.1985, Blaðsíða 23

MORGUNBLAÐIÐ, FÖSTUDAGUR 19. JÚLÍ 1985
23
Tveggja hreyfla skrúfuþota nauðlenti á Interstate 65 hraðbrautinni í
Louisville í Kentucky í vikunni vegna hreyfilbilunar. Þegar flugvélin
klifraði frí flugvelli í grennd við lendingarstaðinn drapst skyndilega í
hreyflunum. Flugmaðurinn átti ekki um það að velja að snúa aftur til
flugvallarins og lenti því á veginum. Hann sakaði ekki, en flugvélin, sem
ber 15 farþega, er mjög illa farin. Engan sakaði heldur á hraðbrautinni,
en gífurleg röskun varð á umferð um brautina og myndaðist allt að 13
kílómetra löng bflalest.
Kúrdar felldir
Bitlis, Tyrklandi. 18. júlí. AP.
TYRKNESKIR öryggisverðir felldu
fimm Kúrda í suðaustur Tyrklandi í
gærkvöldi, að því er lögregla sagði.
Það fylgdi sögunni, að mennirnir
fimm hefðu verið grunaðir um að
vera í aðskilnaðarsveitum Kúrda.
Skotbardaginn brauzt út í fjalla-
þorpi eftir að Kúrdarnir höfðu ver-
ið umkringdir, en neituðu að gefast
upp og byrjuðu að skjóta á öryggis-
verðina. Allmikið af vopnum, sem
eru sögð framleidd í Sovétríkjun-
um, fannst eftir að bardaganum
lauk.
Að sögn yfirvalda hafa 42 örygg-
isverðir eða hermenn og um fjöru-
tíu óbreyttir borgarar verið drepnir
á þessu svæði síðustu tiu mánuði,
og hafa Kúrdar oftast verið þar að
verki. Samkvæmt sömu heimildum
hafa 82 skæruliðar Kúrda verið
felldir.
Feneyjar:
Nicaraguæ
Fimm ára byltingar-
afmælis minnst í dag
Managua, 18. júlí. AP.
STJÓRN Sandinista í Nicaragua
efnir á morgun, fóstudag, til
mikilla hátíðahalda í tilefni þess
að þá eru flmm ár liðin frá
valdatöku hennar.
Slagorð dagsins verða: „Nicar-
agua er sigursæl, bregst ekki,
gefst ekki upp.“ Ríkisstjórnin
býst við að um 400 þúsund
manns komi til Carlos Fonseca-
torgsins í Managua til þess að
láta í ljós stuðning við stjórnina
Bandarískum hermönn-
um í leyfi bannað að
fara um Helenikon
Washington, 18. júlí. AP.
FORSVARSMENN bandaríska flot-
ans hafa í starfsmannablaði flotans
harðbannað starfsliði í herstöðvum í
Grikklandi á leið í leyfi eða úr, að
nota Aþenuflugvöll í almennu far-
þegaflugi.
Þetta kom fram fljótlega eftir
að TWA-vélinni var rænt þar og
bannið stendur enn. í starfs-
mannablaðinu er kveðið fastar að
orði, en í þeim ráðleggingum sem
talsmaður bandarísku ríkisstjórn-
arinnar gaf út var bandarískum
ferðamönnum ráðið frá að fara
um Aþenuflugvöll, vegna þess að
öryggisgæzlu væri þar ábótavant.
í nefndu fréttabréfi er sagt að
allar ferðir milli meginlands Evr-
ópu og Bandaríkjanna skuli farn-
ar frá Þýskalandi, annað hvort frá
Frankfurt ellar herflugvellinum
við Rhein Main.
þrátt fyrir að við mikla efna-
hagsörðugleika sé að glíma og
aukinna umsvifa skæruliða sem
njóta stuðnings Bandaríkja-
manna.
Stjórnmálaráðgjafi stjórnar-
innar, Bayardo Arce, sagði í dag
að Ronald Reagan Bandaríkja-
forseti hlyti þá að skilja styrk
byltingarinnar og hverfa frá öll-
um hugmyndum um íhlutun um
málefni landsins, ef svo mikill
fjöldi safnaðist saman í einhug
og fögnuði.
Hann viðurkenndi að stjórnin
glímdi við ýmis vandamál, en
sagði að Nicaraguabúar ættu að
mynda fylkingu til að afsanna í
eitt skipti fyrir öll staðhæfingar
Bandaríkjamanna um að stjórn-
in standi höllum fæti.
Daniel Ortega, leiðtogi Sandínista-
stjórnarinnar í Nicaragua.
Skemmdar-
yerk á flugvelli
Feneyjum, 18. júlí. AP.
LÖGREGLAN í Feneyjum er nú að
rannsaka atvik, sem varð á Marco
Polo-flugvellinum við Feneyjar á
sunnudag er skipt var um lit á Ijósa-
perum á lendingarbraut þar.
Segir lögreglan að allt bendi til
að skemmdarvargar eða þaðan af
ófyrirleitnari menn hafi verið að
verki. Starfsmenn flugvallarins
veittu því athygli árla sunnudags
að grænar perur höfðu verið settar
í stað rauðra við enda aðalflug-
brautar vallarins.
Lögreglan er þeirrar skoðunar að
þetta hafi verið gert í skjóli myrk-
urs, aðfaranótt sunnudags. Engar
lendingar voru á vellinum þá um
nóttina.
England:
Eldur í olíuhreinsunarstöð
Fawley, Englandi, 17. júlí. AP.
ELDUR kom upp í einni helstu olíu-
hreinsunarstöð Breta í Fawley í dag.
Talsmaður Esso-olíufélagsins í
Bretlandi skýrði frá því að komið
hefði verið í veg fyrir að eldurinn
næði til olíubirgðatanka. Samt
náði eldurinn að breiðast talsvert
út, og sást hann úr sex kílómetra
fjarlægð.
Ekki er enn vitað um eldsupp-
tök, en talsmaður olíufélagsins
sagði að rannsókn mundi hefjast í
dag.
Kínverjar biðja trúboð
að reisa og reka háskóla
llong Kong, 18. júlí. AP.
KÍNVERJAR hafa farið þess á leit við norskt trúboð að það reisi og fjár-
magni háskóla í Kína, er sérhæfi sig í lagmetisvísindum, tölvuvísindum og
þeim vísindum er koma olíuleit og -vinnslu við.
ERLENT
Mun þetta vera í fyrsta sinn
sem Kínverjar biðja útlent trúfé-
lag að stofnsetja skóla í Kína frá
því kommúnistar komust til valda
1949, að sögn prestsins Egil Torp,
sem er leiðtogi trúboðsins í Hong
Kong.
Kínverjar hafa lagt til að há-
skólinn taki við 12.000 náms-
mönnum, og að sögn Torp mundi
skólinn kosta fullbúinn um 282
milljónir dollara. Þyrfti trúboðið
aðstoð alþjóðafyrirtækja og
norskra stjórnvalda til að skólinn
verði að veruleika. Ákveðið verður
fyrir árslok hvort ráðist verður í
verkefnið.
Kínverjar leggja til að skólinn
verði á hinum svokölluðu efna-
hagssvæðum, annað hvort í Zhu-
hai, sem liggur að Macao, portú-
gölsku nýlendunni, eða Zhanjiang,
nærri Hainaneyju, en á þeim slóð-
um leita mörg útlend olíufyrir-
tæki olíu á kínverska landgrunn-
inu.
Kínverjar kveðast munu tryggja
nemendum og starfsfólki skólans
trúfrelsi, en trúboðinu yrði þó ekki
leyft að stunda innan veggja hans
„skipulega trúarbragðaiðkan".
Ætlast Kínverjar til að í fyrstu
verði ráðnir kennarar frá útlönd-
um, og þá einkum Kinverjar, sem
stunda kennslustörf í háskólum f
öðrum löndum.
Svíadrottning aðstoðar
björgunarmenn við leit
Stokkhólmi, 18. júlí. AP.
ÞÝSKUKUNNÁITA Silvíu Svíadrottningar kom að góðum notum á
þriðjudag, þegar mikil leit var gerð að vestur-þýskum pilti, sem sakn-
að var á hafsvæðinu milli eyjunnar Öland í Eystrasalti og Svíþjóðar.
Vestur-þýsk hjón voru stödd á
eyjunni og áttu þau von á að 17
ára gamall sonur þeirra kæmi til
eyjarinnar á kanóbáti. Þau töldu
sig hafa séð bátnum hvolfa og
son þeirra fara í sjóinn. Þau til-
kynntu sænsku strandgæslunni
um atburðinn og voru tvær þyrl-
ur og varðskip send til leitar.
Tungumálaörðugleikar ollu því
hins vegar að björgunarsveitirn-
ar leituðu á alltof stóru svæði og
varð því leit þeirra árangurs-
laus.
Silvía, sem fæddist í Þýska-
landi, dvaldist ásamt öðrum úr
konungsfjölskyldunni í sumar-
húsi sínu á Öland og fylgdist hún
grannt með atburðarásinni af
bryggju við sumarhúsið. Tók
hún þá til við að túlka staðar-
ákvarðanir og fyrirskipanir til
björgunarsveitanna úr þráðlaus-
um síma og var hún einnig í
stöðugu sambandi við móðurv
piltsins.
Leitin stóð yfir í fjórar
klukkustundir, en þá fannst pilt-
urinn heill á húfi í kænu sinni.
Hafði foreldrunum missýnst og
talið seglbretti, sem flaut mann-
laust í sjónum, vera son þeirra.
Ekki var greint frá nöfnum
vestur-þýsku hjónanna, en þau
báðu björgunarmenn fyrir kær-
ar kveðjur og þakklæti til Svía-
drottningar fyrir aðstoðina.
Silvía drottning er altalandi á
a.m.k. sex tungumálum og hefur
hún réttindi sem túlkur. Tungu-
málakunnátta hennar hefur áð-
ur komið henni að miklum not-
um, m.a. þegar hún starfaði á
Ólympíuleikunum í Múnchen ár-
Silvía Svíadrottning
ið 1972, þar sem hún kynntist
núverandi eiginmanni sínum,
Gústaf Svíakonungi.
Stuðningur
við EUREKA
París. 18.júll. AP.
FULLTRUAR á ráðstefnu um tækni-
sam.starf Evrópuríkja lýstu stuðningi
við hugmyndir Mitterrands Frakk-
landsforseta um samstarf á sviði vís-
inda og tækni, svokallaða EUR-
EKA-áætlun.
Fulltrúarnir lögðu útlínur að
hugsanlegum samstarfsmöguleik-
um, sem ræddir verða nánar á
ráðherrafundi í Bonn í nóvember.
Fulltrúar 17 Evrópuríkja sátu
ráðstefnuna, fulltrúar allra ríkja
Evrópubandalagsins, Portúgals,
Spánar, Sviss, Austurríkis, Nor-
egs, Svíþjóðar og Finnlands.
Hugmynd Mitterrands með
EUREKA-áætluninni er að Evr-
ópuríkin leggi saman krafta sina á
vísinda- og tæknisviðinu til að þau
dragist ekki aftur úr Japan og
Bandaríkjunum á næstu árum.