Morgunblaðið - 19.09.1985, Blaðsíða 4

4
MORGUNBLAÐIÐ, FIMMTUDAGUR19. SEPTEMBER1985
Þorsteinn Pálsson formaður Sjálfstæðisflokksins:
Skuldasö fnunin stöðvuð
Þingflokkur sjálfstæðismanna tók af skarið
„Mcginárangurinn, sem fólginn er í þessari nióurstöðu, er aö mínu
mati sá, að ný erlend lán 1986 takmarkast við afborganir af eldri lánum.
Vextir af eldri lánum verða með öðrum orðum greiddir af tekjum. Og það
verða ekki tekin erlend lán til neyzlu eða opinberrar þjónustu. Þetta er
fyrsti raunhæfi árangurinn sem náðst hefur í því að takmarka erlenda
skuldasöfnun."
Þannig komst Þorsteinn
Pálsson, formaður Sjálfstæðis-
flokksins, að orði, er Morgun-
blaðið innti hann eftir megin-
þáttum samkomulags stjórnar-
flokkanna um fjárlagagerð fyrir
komandi ár. Hann sagði enn-
fremur:
„Sjálfstæðismenn hafa jafnan
lagt áherzlu á ábyrga fjármála-
stjórn, sem felst í því, að jöfnuð-
ur sé á milli gjalda og tekna
ríkisins og að erlendar lántökur
séu takmarkaðar. Með þessu
samkomulagi hefur náðst mjög
veigamikill árangur í þessa veru.
Auðvitað kostar þessi ákvörðun
það að menn verða að víkja til
hliðar eða sætta sig við að ná
ekki jafn langt á öðrum sviðum
fjárlagagerðarinnar, en í ljósi
þeirrar aðstöðu sem við búum nú
við þá skiptir mestu máli að
stöðva erlendu skuldasöfnunina,
svo mjög sem hún hefur veikt
samkeppnisstöðu sjávarútvegs-
ins. Þess vegna er ástæöa til þess
að fagna þessari niðurstöðu.
„Það er Ijóst,“ sagði Þorsteinn
Pálsson, „að umfang ríkisút-
gjalda verður því sem næst
óbreytt á næsta ári frá því sem
það er í ár. Auðvitað hefðum við
gjarnan viljað sjá meiri árangur
í því að minnka umsvif ríkisins,
en við þessar aðstæður tel ég að
það sé viðunandi niðurstaða að
halda ríkisútgjöldunum sem
óbreyttu hlutfalli af þjóðar-
framleiðslu.
Meginástæðurnar fyrir því að
útgjöldin eru að þessu leyti
óbreytt eru þrjár:
• 1) að launahækkanir hafa orð-
ið meiri en ráð var fyrir gert á
þessu ári, en laun eru lang
stærsti útgjaldaþáttur ríkis-
sjóðs,
• 2) útgjöld til vegamála aukast
umfram hækkun verðlags,
• 3) að vaxtagreiðslur eru nú
orðnar miklu meiri en áður,
verða svo dæmi sé tekið 500
m.kr. hærri 1986 en 1985.
Vaxtaþátturinn vegur þungt I
þessu dæmi. Hann sýnir að það
eru síðustu forvöð að taka í
taumana því að ef haldið hefði
verið áfram óbreyttri söfnun er-
lendra skulda hefði vaxtahlut-
fallið stöðugt farið vaxandi og
þar af leiðandi þrengt enn frekar
að rekstri og opinberum fram-
kvæmdum. Með þessum ráðstöf-
unum er í stuttu máli verið aö
koma í veg fyrir frekari skatta-
hækkanir í framtíðinni.“
Aðspurður um niðurskurð á
ríkisútgjöldum, sagði Þorsteinn:
„Það hefur verið aðhald á
mörgum sviðum í opinberum
Þorsteinn Pálsson
rekstri undanfarið, þó að vafa-
laust megi gera miklu meira í
því efni, þannig að það skili
árangri i lækkun útgjalda. Það
er hinsvegar niðurstaða af þeirri
vinnu, sem unnin hefur verið, og
samkomulag hefur verið gert
um, að ríkisstjórnin, á þessu
stigi máls, komizt ekki lengra en
raun ber vitni, og að mínu mati
er það viðunandi niðurstaða,
eins og fyrr segir, að halda út-
gjöldunum óbreyttum."
Aðspurður um skattamál
sagði formaður Sjálfstæðis-
flokksins:
„Við höfum gert ráð fyrir því
að afnema tekjuskatt af almenn-
um launatekjum í þremur áföng-
um og annar áfanginn verður
stiginn í þessu fjárlagafrum-
varpi. Við hefðum að vísu kosið
að hafa hann stærri en raun ber
vitni. Staðreynd er hinsvegar að
það var meginatriði að fjárlögin
yrðu því sem næst hallalaus og
skuldasöfnun yrði stöðvuð. Ég lít
þess vegna svo á að fjármálaráð-
herra hafi sýnt mikla ábyrgð í
því að leggja fram frumvarp,
sem byggt er á þessum forsend-
um, þó það kosti að hann verði
að leggja til aukna tekjuöflun í
formi neyzluskatta.“
Þorsteinn Pálsson sagði að
lokum:
„Það er Ijóst að mál stóðu á
þann veg í síðustu viku að veru-
lega skorti á að innan ríkis-
stjórnarinnar hefði verið tekin
forysta um að leiða mál þar til
lykta og fjármálaráðherra stóð
þess vegna frammi fyrir miklum
erfiðleikum. Þingflokkur sjálf-
stæðismanna tók þess vegna þá
ákveðnu afstöðu á fimmtudag i
sl. viku að krefjast þess af rikis-
stjórninni að hún kæmi sér sam-
an um niðurstöðu áður en tillög-
ur yrðu lagðar fyrir þingflokk-
ana. Með þessu tók þingflokkur-
inn mjög ákveðna forystu, sem
leiddi til þess að samkomulag
náðist og fjármálaráðherra fékk
með því í raun og veru grundvöll
til þess að hnýta þessa enda
saman.“
Stúlkan sem beið
bana á Öxnadalsheiði
STÚLKAN sem beið bana í um-
ferðarslysi á Öxnadalsheiði sl.
laugardag hét Eygló Vilhjálms-
dóttir frá Sílalæk í Aðaldal. Hún
var 18 ára gömul, fædd 24. október
1966.
Höfundi Nafns
rósarinnar boð-
ið til íslands
DEILDARRÁÐ heimspekideildar
Háskóla Islands hefur boðið ítalska
táknfræðingnum og rithöfundinum
Umberto Eco til landsins næsta vor.
Umberto Eco varð heimsfrægur fyrir
skáldsögu sína Nafn rósarinnar, sem
kom út í íslenskri þýðingu Thors
Vilhjálmssonar í fyrrahaust. Það er
eina skáldsagan sem Eco hefur skrif-
að, en eftir hann liggja fjölmargar
fræðibækur um táknfræði. Hann er
núverandi forseti Alheimssamtaka
táknfræðinga.
Það var Keld Jörgensen lektor í
dönsku sem skrifaði Eco, en hann
og Árni Sigurjónsson bókmennta-
fræðingur verða með námskeið í
táknfræði í háskólanum á vorönn,
hið fyrsta sinnar tegundar hér-
lendis. Þeir koma til með að nota
þrjár undirstöðubækur eftir Eco,
auk þess sem Nafn rósarinnar
verður lesin á námskeiðinu. Mein-
ingin er að Eco haldi fyrirlestur
tengdan námskeiðinu, og kemur
hann þá næsta vor ef hann þekkist
boðið.
Starfsmaður á borgarskrifstofunum tekur við bréfinu til Davíðs.
Getur þú gjört svo vel
að búa til girðingu?
SJÖ ARA nemendur í Langholts-
skóla hafa áhyggjur af umhverfi skól-
ans og fjölmenntu þau að borgar-
skrifstofunum og afhentu þar svo-
hljóðandi bréf til Davíðs Oddssonar
borgarstjóra:
„Kæri borgarstjóri. Getur þú
gjört svo vel að búa til girðingu
fyrir okkur? Það er mold á leik-
svæðinu okkar og gröfur og vöru-
bílar. Þetta er bæði hættulegt og
jafnvel getur orðið slys. Síðan
koma líka krakkarnir skítugir inn
í skólann. Við viljum helst halda
skólanum hreinum. Viltu gjöra svo
vel að flytja leiktækin inn á skóla-
lóðina? Vertu sæll kæri borgar-
stjóri.“ Undirskriftin var: 7 ára
nemendur í Langholtsskóla.
Jarðraskið á skólalóðinni og slysahættan þvf samfara kemur Jenný litli
þannig fyrir sjónir.
Albert Guðmundsson fjármálaráðherra:
„Erum aö glíma við
uppsafnaðan vanda
síðustu fímmtán ára“
Segir frumvarpið mikið aðhaldsfrumvarp, enda sé
gert ráð fyrir stöðvun á erlendri skuldasöfnun
„Stjórnarflokkarnir undir for-
ystu formanna þeirra komu sér
saman um ákveðinn ramma, sem
ég samþykkti að miða við, við gerð
fjárlaganna," sagði Albert Guð-
mundsson fjármálaráðherra í sam-
tali við Morgunblaðið í gær um
fjárlagafrumvarpsgerð. „Sú stefna
sem mótuð er með þeim ramma,
eru mjög miklar takmarkanir á er-
lendum lántökum, sem takmark-
ast af afborgunum á erlendum lán-
um eingöngu, sem þýðir auðvitað
stöðvun á erlendri skuldasöfnun,"
sagði fjármálaráðherra.
Fjármálaráðherra sagði að
auk þess hefði rammasamkomu-
lag stjórnarflokkanna kveðið á
um að útgjöld, sem hlutfall af
þjóðarframleiðslu, skyldu ekki
verða hærri, en fyrir árið í ár,
eða 28,2% af þjóðarframleiðslu.
Við þetta yrði staðið. Auk þess
væri beggja takmark að stefna
að greiðsluhallalausum, eða
a.m.k. greiðsluhallalitlum fjár-
lögum. „Því við erum jú að glíma
við uppsafnaðan vanda, líklega
síðustu 15 ára,“ sagði Albert, „og
einhvern tíma verður að koma
til kjarkur til þess að takast á
við vandann."
Albert sagði að fjárlagaramm-
Albert Guðmundsson
inn væri að vísu mjög þröngur,
en flokkarnir hefðu engu að síð-
ur orðið sammála um að taka á
sig það erfiði sem slíkum fjár-
lögum fylgdi, þó að svo kynni að
fara að það yrði á kostnað vin-
sælda og á kostnað einstaka
mála sem einstakir þingmenn
bæru fyrir brjósti.
„Þetta er mikið aðhaldsfrum-
varp, en þó að í því felist ein-
hverjar umdeildar ráðstafanir,
þá verður aldrei um það deilt að
einhvern tíma hlýtur að koma að
skuldadögum, ef menn skulda.
Ég sem fjármálaráðherra vil
horfast í augu við þá staðreynd,
og gera mitt til þess að hefja
aðhaldsaðgerðir, í stað þess að
ýta vandanum á undan mér og
láta einhvern eftirmann minn
um það að glíma við þeim mun
stærri vanda," sagði Albert.
Fjármálaráðherra sagði að
lokum: „Auðvitað hefði ég kosið
að umræðan um fjárlögin al-
mennt hæfist fyrst á Alþingi,
þegar fullmótuð fjárlög eru
komin þar fram, en íslendingar
eru bráðlátir og umræðan um
fjárlögin er hafin, án þess að
menn þekki til allra staðreynda í
fjárlagagerðinni. Ég legg hins
vegar áherslu á, að menn geri
sér grein fyrir þvf að við erum að
glíma við vanda, sem verður ekki
leystur, nema með sameiginlegu
átaki fólksins í landinu."