Morgunblaðið - 26.09.1985, Side 19

MORGUNBLAÐID, FIMMTUDAGUR 26. SEPTEMBER1985
19
Náttúruverndarfélag Suðvesturlands:
Reykjavík
að hausti
Náttúruverndarfélag Suðv.est-
urlands fer náttúruskoðunar- og
söguferð um austurhluta Reykja-
víkurborgarlands laugardaginn
28. september frá Norræna húsinu
kl. 13.30, frá Náttúrugripasafninu
Hverfisgötu 116 (gegnt Lögreglu-
stöðinni) kl. 13.45 og frá Árbæj-
arsafninu kl. 14.00. Aætlað er að
ferðinni ljúki milli kl. 18.00 og
19.00 við ofangreinda staði. Far-
gjald verður 200 kr., frítt fyrir
börn í fylgd fullorðinna. Allir eru
velkomnir. Kjörin ferð fyrir
Reykvíkinga og aðra sem kynnast
vilja hinni óvenju fjölbreyttu
náttúru borgarlandsins, sögu þess
og mannvistarminjum.
Þetta verður í fjórða skipti sem
NVSV fer um Reykjavíkurborg-
arland í ferðaröðinni „Umhverfið
okkar".
Leiðsögumenn verða Sigríður
Theódórsdóttir jarðfræðingur,
Kristinn Pétur Magnússon líf-
fræðingur, Guðmundur Ólafsson
fornleifafræðingur og Tómas Ein-
arsson kennari.
Meirihlutann af tímanum verð-
ur ekið um í langferðabíl og leið-
sögn fer að mestu fram í honum.
Þeim sem það vilja gefst kostur á
örstuttum gönguferðum og ferð
upp á Bláfjöll í skíðalyftu.
Farið verður upp Elliðaárdalinn
meðfram Draugaklettum, um
Hvarfsmýri að Skyggni. Rætt
verður um jarðfræði Elliðaárdals-
ins, lífríki vatnsins og mannvist-
arminjar sem finnast á þessum
slóðum. Áfram verður ekið norður
fyrir vatnið um Margróf meðfram
Rauðavatni og yfir á Rauðhólaveg
að Þingnesi þar sem stendur yfir
uppgröfur gamals þingstaðar.
Þaðan verður ekið upp í Heiðmörk
sem væntanlega skartar sínum
fegurstu haustlitum. Við fræð-
umst um þetta sérstæða útivist-
arsvæði, jarðsögu þess og lífríki.
Síðan höldum við aftur upp á Suð-
urlandsveg og eins og leið liggur
upp á Sandskeið á Bláfjallaveginn
um Vatnaás, yfir Vífilsfellshraun,
upp með Rauðhólum, framhjá
Eldborg að Borgarskálanum í
Skíðalandi Bláfjalla. Þar gefst
fólki kostur á að fara með lyftu á
hæsta tind upp í um 700 metra
hæð. Þaðan er mjög gott útsýni til
allra átta. Að áningu lokinni verð-
ur ekið til baka í átt til borgarinn-
ar, um Grafarholt að Reynisvatni.
Þar er snúið við og haldið út í
Gufunes og síðan að Korpúlfsstöð-
um og niður í Blikastaðakró. Þar
verður litið á fjörulíf.
Ferðinni lýkur svo með því að
ekið verður til baka um Gullinbrú
og að Árbæjarsafni og áfram að
Náttúrugripasafninu og loks að
Norræna húsinu.
Á þessari leið er ekið um grá-
grýtishraun frá síðari hluta ísald-
ar sem liggur mikið undir hraun-
um frá nútíma. Móbergsfjöll er að
finna á svæðinu, jökulsorfin dal-
verpi, eldstöðvar af ýmsu tagi og
þannig má lengi telja. Þarna finn-
ast m.a. jökulrispaðar klappir,
skessukatlar, hraundrýli. Lífríki
svæðisins er að leggjast í dróma
Við Elliðavatn
en þó eru til plöntur og dýrateg-
undir sem láta vetur konung lítil
áhrif á sig hafa og halda starfsemi
sinni áfram. Á leiðinni er einnig
hægt að sjá skemmtilegt samspil
manns og náttúru i gróðurfarinu.
Fjölbreyttar mannvistarminjar
eru á svæðinu s.s. hinn forni þing-
staður, rústir af gömlum bæjum,
stekkir, sel, réttir, þófaramylla,
kornmylla, sæluhús, gamlar
gönguleiðir og er ekki allt upp tal-
ið.
Af sögu og örnefnum er svæðið
einnig ríkt og verður fjallað um
það í ferðinni...
Eins og í ferðinni 25. apríl í vor
mun það áreiðanlega koma flest-
um á óvart hve merkilega jarð-
fræði, fjölbreytt lífríki, merki-
legar mannvistarminjar og sögu
þetta svæði hefur að geyma, þó að
margt hafi verið skemmt vegna
þekkingarskorts og hugsunarleys-
is. Reykjavíkurborg á fleiri nátt-
úruperlur en flestar höfuðborgir í
heiminum. Að mörgu hefur verið
vel að staðið í samskiptum manns
og náttúru s.s. uppbyggingu Heið-
merkur, nýtingu Bláfjallasvæðis-
ins til útivistar á vetrum, verndun
EUiðaárdalsins, árinnar o.fl.
Fjaran hefur orðið harðast úti
og hefur hún misst lífskraft vegna
röskunar og lífrænnar mengunar
um stundarsakir að minnsta kosti.
Þó eru fjörurnar lítt mengaðar við
Geldinganes og við Korpúlfsstaði.
Og nú er að vernda þá staði sem
hafa varðveislugildi fyrir okkur og
komandi kynslóðir. Ef markvisst
er að staðið er hægt að samflétta
umsvif mannsins og starfsemi
náttúrunnar að það myndi eina
heild. Jafnframt þarf að reyna að
bæta þau spjöll sem unnin hafa
verið. Þetta þurfa allir að samein-
ast um og þá lætur fegurð og
hlýleiki borgarinnar ekki á sér
standa.
(Frá NVSV)