Morgunblaðið - 03.01.1986, Blaðsíða 19

MORGUNBLAÐIÐ, FÖSTUDAGUR 3. JANÚAR1986
19
„umbætt og glaðari framtíð
sú veröld sem sjáandinn sér“
eins og Stephan G. Stephansson
segir, sé því fjaer sem lengur tekur
að ná tökum á efnahagsmálum
íslensku þjóðarinnar.
Svartsýnn er ég þó ekki, þegar
til lengri tíma er litið. Á liðnu ári
hef ég sannfærst um það betur en
nokkru sinni fyrr, hvílíkir óhemju
möguleikar eru í okkar ágæta
landi. Þeir virðast allstaðar vera,
í hugviti unga fólksins, sem haslar
sér völl í ýmiskonar hátækniiðn-
aði, stóraukinni tækni og hagræð-
ingu í fiskiðnaði, sem framsýnir
menn á þeim sviðum leitast við
að framkvæma, í nýjum búgrein-
um, og síðast en ekki síst, í notkun
á heitu og hreinu vatni og sjó til
fiskeldis.
Satt að segja virðast möguleik-
arnir svo miklir og áhuginn svo
mikill, að gæta þurfi þess að fara
ekki of geyst. Allt bendir t.d. til
þess, að fiskeldi geti á fáum árum
orðið ein meginmáttarstoð hins
íslenska efnahagslífs. Siys mega
ekki hindra, að svo verði.
Með því sem er að gerast, með
nýjum atvinnugreinum og nýrri
tækni, fullyrði ég að grundvöllur
hefur verið lagður að nýju fram-
faraskeiði, þrátt fyrir þrönga
stöðu. Þannig mun okkur takast
að greiða hinar erlendu skuldir og
ná á ný eigi lakari lífskjörum en
þær þjóðir njóta, sem lengst eru
komnar, og það sem mikilvægast
er, að draga úr hinum örlagaríku
sveiflum í íslenskum þjóðarbú-
skap. Allt byggist þetta þó á því,
að jafnvægi náist í efnahagsmál-
um með stöðugu gengi og án verð-
bólgu. Það verður því að takast —
til mikils er að vinna.
Mannlíf gjörbreyst
með breyttum heimi
Ekki verður ofsögum af því sagt,
að við lifum á miklum umbrota-
tímum. Þjóðin er ekki aðeins að
brjótast úr viðjum verðbólgu og
erlendra skulda og byggja þess í
stað á innlendum sparnaði og ráð-
deild og að hasla sér völl í nýjum
atvinnugreinum, heldur hefur
mannlíf allt gjörbreyst á undan-
förnum árum með breyttum heimi.
Með gífurlegum framförum á sviði
samgangna og fjarskipta erum við
orðin, og verðum í vaxandi mæli,
óaðskiljanlegur hluti af þessum
heimi, hvort sem okkur líkar betur
eða verr. Ég skil það reyndar vel,
að mörgum líki verr hinir breyttu
tímar. Sjálfur sakna ég margs, sem
horfið er. Slík hugsun er þó til
lítils.
í ár ferðaðist yfir þriðjungur
Islendinga til útlanda. Þegar ég
var í menntaskóla, voru þeir ungl-
ingar fáir, sem höfðu komið til
annarra landa. Nú munu flestir á
þeim aldri hafa kynnst öðrum
þjóðum. Eftir fáein ár munu flest
heimili geta séð fjölmargar erlend-
ar sjónvarpsstöðvar. Þannig auk-
ast samskiptin stöðugt.
Að sjálfsögðu hefur þetta haft
mikil áhrif, bæði góð og ill. Ég
efast þó mjög um, að íslensk æska
standi að baki æsku fyrri ára.
Almenn menntun er t.d. meiri en
áður var og unga fólkið víðsýnna.
Því verður þó ekki neitað, að
reykingar og vaxandi notkun
áfengis meðal unglinga er
áhyggjuefni, og sérstaklega notk-
un fíkniefna. Sjálfsagt er að taka
þá föstum tökum, sem gera sér
slíkt að féþúfu, og stórauka lög-
gæslu, sektir og hegningar. Líkleg-
ustu leiðina til árangurs tel ég þó
vera fræðslu og að veita ungling-
um góða aðstöðu til starfa og heil-
brigðra athafna og útrás fyrir
mikla lífsorku, t.d. í íþróttum og
útivist. Sem betur fer eru þeir
tiltölulega fáir, sem fallið hafa
fyrir freistingunum. Hinir eru
langtum fleiri, sem eru heilbrigðir
á sál og líkama. Það leyndi sér t.d.
ekki hjá þeim hópi unglinga, sem
ég fékk tækifæri til að ræða við í
sjónvarpssal nýlega. Ég óttast ekki
um framtíð þessarar þjóðir í slík-
um höndum.
Nú tíðkast að tileinka ár og
jafnvel áratugi ákveðnum þjóð-
félagshópum. Það er gert til þess
að beina athygli manna og við-
leitni sérstaklega að velferð slíkra
aðila.
Það ár, sem er að líða, er ár
æskunnar. Það verkefni að búa vel
að æsku landsins, andlega og lík-
amlega, er ef til vill það mikilvæg;
asta, sem sérhver kynslóð gerir. í
því felst framtíðin.
Konum var tileinkaður heill ára-
tugur, sem nú er lokið. Víða um
heim eru konur einskonar undirok-
uð stétt. Svo er sem betur fer ekki
hér á landi. Ég þekki engan íslend-
ing, sem ekki telur sjálfsagt, að
konur búi við sömu kjör og karl-
menn. Á þetta mun þó nokkuð
skorta enn.
Það er sannfæring mín, að á
næstu árum hverfi allur slíkur
munur. Stöðugt fleiri konur afla
sér menntunar, sem mun gera þær
fullkomlega jafnfærar til að gegna
flestum þeim störfum, sem karl-
menn fyrst og fremst sinna nú, og
sumum jafnvel betur. Frá konum
verður þó aldrei tekið móður- og
húsmóðurhlutverkið, sem er að
mínu mati það mikilvægasta, sem
mönnum er falið. Engin gjöf var
mér betri gefin en að eiga góða
móður. Að því býr maðurinn alla
ævi. Það sama munu flestir fslend-
ingar, sem betur fer, geta sagt.
Ekkert verður æsku þessa lands
betra gefið en gott heimili, góð
fjölskylda.
Með hinum miklu þjóðfélags-
breytingum eykst hraðinn og
spennan með hverju ári. Hér á
landi er þó, sem betur fer, víða
unnt að leita kyrrðar og friðar
langt frá amstri og önn dagsins,
jafnvel í næsta nágrenni byggðar.
Síðastliðið sumar gekk ég á
Hornbjarg. Veður var dásamlegt,
sólskin, hlýtt og kyrrt. Því ævin-
týri, sem fyrir augu bar, verður
ekki lýst. í bjarginu söng kór
milljón bjargfugla. Þrátt fyrir það
ríkti friður og kyrrð. Þannig hefur
það verið um aldir, nema byggðin
er horfin.
Fyrir fáum vikum gekk ég í sex
tíma um hlíðar Botnssúlna í ná-
grenni Reykjavíkur í fallegu veðri.
Þar ríkti ómælanleg kyrrð og feg-
urð. Einnig þarna, svo nálægt fjöl-
menni, var allt óbreytt, þrátt fyrir
gjörbreyttan heim.
íslendingar.
Heimurinn mun breytast og
mannlífið með. Að sjálfsögðu er
okkur skylt að gera það sem við
getum til að stýra breytingunum
þannig, að mannlífið verði sem
best, en að koma í veg fyrir þær
getum við aldrei né viljum. Landið
mun þó breytast seint. Stórir hlut-
ar þess munu lengi standast tím-
ans tönn og varðveita sínar dá-
semdir. Það skulum við eiga fyrir
okkur sjálf. Þangað má lengi leita
friðar.
Ég þakka íslendingum öílum
liðið ár. Megi nýtt ár færa þjóðinni
friðogfarsæld.
Nýju vélsleðarnir reyndir.
Björgunarsveitin Gró
fær tvo nýja vélsleða
Egilsstööum, 28. desember.
FÉLAGAR í björgunarsveitinni Gró á Egilsstöðum lognuðu því í dag aö
þeir eignuðust nú um jólin tvo nýja 70 hestafla vélsleöa aö Artic Cat-gerö
— sem bandaríska fyrirtækiö Artctco Inc. framleiðir og Bifreiðar og land-
búnaðarvélar hf. hafa nú hafið innflutning á.
Björgunarsveitarmenn binda
miklar vonir við þessa nýju sleða.
Þeir eru kraftmiklir og liðlegir og
hafa auk þess talsvert farangurs-
rými svo að þeir ættu að nýtast
vel við fjallaferðir og björgunar-
störf í framtíðinni.
Björgunarsveitin Gró átti tvo
vélsieða fyrir — sem komnir eru
nokkuð til ára sinna, sá yngri ár-
gerð 1969. Þá á björgunarsveitin
tvo bíla, stóran fjallabíl á hjólum
sem kallaður er Útigangur og
snjóbílinn Inni-Krák — sem
nefndur er eftir uppáhaldshesti
Gróu á Eyvindará og sagt er m.a.
frá í Fljótsdælu — en slysavarna-
deildin Gró er nefnd eftir Gróu
þessari.
Jón Hávarður Jónsson, formað-
ur björgunarsveitarinnar — sem
er deild innan slysavarnadeildar-
innar Gróar — kvað sveitina aðal-
lega hafa tekjur af neyðarþjónustu
um verslunarmannahelgi í Atla-
vík, flugeldasölu og sælgætissölu
fyrir jól, útleigu tækja auk fram-
laga frá sveitarfélögum á Héraði.
Undangengin ár hafa nær allar
tekjur slysavarnadeildarinnar
Gróar og björgunarsveitarinnar
runnið til húsbyggingar í Bláskóg-
um 3 — en að sögn Jóns Hávarðar
er sá fjárhagsbaggi nú að baki.
Efri hæð hússins — sem er um 170
ferm. að flatarmáli — er leigð út
til ýmissa opinberra aðila og
stendur leigan nokkurn vegin
undir rekstri hússins. Á neðri hæð
hússins er félagsaðstaða og tækja-
geymsla björgunarsveitarinnar.
Jón Hávarður kvað 20—30 fé-
laga virka í björgunarsveitarstörf-
um — en í slysavarnadeildinni
væru hins vegar um 300 félagar.
Formaður slysavarnadeildarinnar
er Björn Ingvarsson.
Að sögn Jóns Hávarðar munu
björgunarsveitarmenn leggja
áherslu á þjálfun nýliða nú eftir
áramótin — en starfsemi svo-
nefnds unglingaflokks innan sveit-
arinnar hefði mjög dafnað að
undanförnu.
Fjöldi fólks kom að Bláskógum
3 í dag til að skoða hina nýju vél-
sleða og kaupa flugelda.
— Ólafur
Morgunblaðið/Ólafur
Jón Hávaröur Jónsson, formaöur björgunarsveitarinnar Gróar, (lengst til
vinstri) ásamt félögum sínum framan við bflakost sveitarinnar.
Hlustarvernd
Heyrnarskjól
j<§)ini®©<S)(ni <§t
Vesturgötu 16, sími 1328Q
w
f* ¥
RHD G
©6€
ERMETO
háþrýstirör og tengi
Atlas hf
Borgartún 24, sími 26755.
Pósthólf 493 — Reykjavík.
Lensidælur

Lensi- og sjodælur fyrir
smábáta meö og án flot-
rofa. 12 og 24 volt. Einnig
vatnsdælur (brunndælur)
fyrir sumarbústaöi, til aö
dæla úr kjöllurum o.fl. 220
volt. Mjög ódýrar.
Atlashf
Borgartún 24, sími 26755.
Pósthólf 493 — Roykjavík.

Sérhæföir danskennarar
Brautryðjendur á
íslandi í kennslu á
keppnisdönsum fyriralla
aldurshópa svo sem:
Gömlu dönsunum og
samkvæmisdönsum.
einnig:
barnadansar,
jazzballet,
rokk og tjútt.
Félagar í FÍD og alþjóðasamtökum danskennara.
Kennslustaðir:
Reykjavík,
Ármúla 17 a.
Hafnarfjörður,
Linnetstíg 3.
r