Morgunblaðið - 14.01.1986, Blaðsíða 2

2
MORGUNBLAÐIÐ, ÞRIÐJUDAGUR14. JANÚAR1986
Meirihlutasamstarfi
í stúdentaráði slitið
Harðar deilur á fundi umbótasinna í gærkvöldi
Á FUNDI Félags umbótasinn-
aðra stúdenta í gærkvöldi var
samþykkt að slíta meirihlutasam-
starfi með Vöku í stúdentaráði.
Ástæðan er sú að meirihluti fé-
lagsmanna vill harðari aðgerðir
gegn Sverri Hermannssyni,
menntamálaráðherra, vegna af-
skipta hans af Lánasjóði ís-
lenskra námsmanna að undan-
förnu.
Á fundinum urðu harðar deilur
um málið þar sem áttust við annars
vegar formaður félagsins og hins
vegar fulltrúar félagsins í stjóm
stúdentaráðs. Stjómarmenn lögðu
fram, ásamt Vökumönnum, fram-
kvæmdaáætlun um aðgerðir í lána-
málum, sem meirihluti umbótasinna
á fundinum gat ekki sætt sig við.
Taldi meirihlutinn að aðgerðimar
næðu of skammt og vildu beina
aðgerðum beint gegn menntamála-
ráðherra.
Félag umbótasinna og Vaka hafa
haft samstarf í stúdentaráði í tæp
tvö ár. Með þessari samþykkt fund-
arins í gærkvöldi er því samstarfí
nú lokið og bendir margt til, að
umbótasinnar fari nú í meirihluta-
samstarf með Félagi vinstri manna
í Háskóla íslands.
Stefán Kalmansson, formaður
Vöku, sagði í samtali við Morgun-
blaðið, að hann liti svo á að þessi
samþykkt Félags umbótasinna ætti
ekki við rök að styðjast. Benti hann
í því sambandi á greinaskrif og
blaðamannafundi, sem stúdentaráð
HÍ hefur efnt til að undanfömu
vegna stöðunnar í lánamálum. „Ég
Iít svo á að með þessum samstarfs-
slitum hafi umbótasinnar ekki að-
eins spillt stórlega fyrir farsælli
lausn á málefnum lánasjóðsins held-
ur einnig aukið hættuna á að af-
greiðsla námslána muni dragast á
langinn vegna óvissu um skipan
fulltrúa stúdentaráðs í stjóm lána-
sjóðsins. Mér þykja úrslit þessa
fíindar einnig benda til að Félag
COLDWATER, dótturfyrirtæki
SH í Bandaríkjunum, hækkaði í
gær verð á ýmsum fiskpakkning-
um, sem nemur 5 til 10 centum
á hvert pund. Magnús Gústafs-
son, forstjóri Coldwater, sagði í
samtali við Morgunblaðið í gær,
að meðal annars hefðu ýmsar
sérpakkningar á þorski hækkað,
þar á meðal svokallaðar „dinner
cut“-pakkningar.
Magnús sagði að þorskblokkin
hefði hækkað í gær um 5 cent á
pundið, ýsan hækkaði um áramótin
um 10 cent, ogýsublokkin hækkaði
í gær um 5 cent. Algengustu teg-
undir af karfa hækkuðu um 5 eent,
ufsablokkin um 5 cent og grálúða
um 10 cent.
Magnús sagði að ennfremur hefði
orðið hækkun á þeim vörum sem
unnar em úr blokkinni, en þó hefðu
þeir ekki treyst sér til að hækka
þær í samræmi við hækkun á hrá-
efninu, því markaðurinn hefði eng-
an veginn svarað þessu háa hráefti-
isverði ennþá. „Við vitum ekki
hvaða áhrif þetta hefur, hvort mikil
hækkun á þessum framleiddu vör-
um muni draga úr sölu,“ sagði
Magnús. Hann sagði að miklar líkur
væm á því að markaðurinn myndi
ekki til lengri tíma fallast á vömr
sem væm framleiddar úr svo dýrri
blokk, en blokkarverðið er nú 1,30.
umbótasinna sé í upplausn og ekki
treystandi til að gæta hagsmuna
stúdenta," sagði Stefán.
„Hins vegar er skortur á blokkinni
núna og í flakapakkningunum höf-
um við reynt á hveijum tíma að
nýta þau tækifæri sem markaður-
inn býður upp á og við þykjumst
sjá smugu núna til að ýta aðeins
þessum afurðum upp. Og við vonum
auðvitað að þetta sé ekki ofmat á
aðstæðum hjá okkur. Hins vegar
var þetta ill nauðsyn í framleiddu
vömnni þar sem hráefniskostnaður
hefur hækkað það mikið," sagði
Magnús.
Hann kvaðst ekki vilja segja fyrir
um hvað þessar hækkanir þýddu í
heildarverðmætum á ári, en sjálf-
sagt yrði ekki um umtalsverðar
upphæðir að ræða. Hins vegar
myndi þetta ef til vill hvetja til
aukinnar áherslu á sérpakkningar,
sem þeir hjá Coldwater bindu mikl-
ar vonir við í framtíðinni. Mikilvæg-
astar væm 5 og 10 punda þorsk-
pakkningar, en nægilegt framboð
væri á þeim og því ekki tækifæri
nú til að hreyfa á þeim verð. Þessar
hækkanir myndu því ekki hafa
umtalsverð áhrif á afkomu frysti-
húsanna þar sem mikilvægustu
pakkningamar hækkuðu ekki.
Aðspurður sagði Magnús að frá
því í ársbyijun 1985 hefði þorsk-
blokkin hækkað um 27%, ýsan hefði
hækkað um 17%, karfínn um 27%,
ufsablokkin um 27% og grálúða um
16%.
Coldwater:
Verðhækkanir í
Bandar íkj unum
„Mikils virði að hafa trú
á sér við skákborðið“
— segir Margeir Pétursson, fimmti stórmeistari íslendinga
SKÁKMÓTIÐ í Hastings skipar
veglegan sess í hugum íslend-
inga. Friðrik Ólafsson sló þar
eftirminnilega í gegn fyrir rétt-
um þrjátiu árum þegar hann
bar þar sigur úr býtum. f byij-
un árs 1975 kom Guðmundur
Sigurjónsson með stórmeist-
aratitil frá Hastings. Raunar á
ágæt frammistaða íslendinga í
Hastings rætur allt til ársins
1947 þegar Guðmundur S.
Guðmundsson hafnaði í þriðja
sæti í mótinu; það var i fyrsta
sinn, sem íslendingur náði góð-
um árangri í einstaklings-
keppni á alþjóðlegu skákmóti.
„Sigur Margeirs i Hastings
vekur upp góðar endurminn-
ingar og er ánægjulegur. Ég
vona að sigurinn verði honum
stökkpallur til stærri afreka
eins og raunin varð hjá mér og
opni honum nýjar dyr. Það er
ekki síður mikilsvert, að sigur-
ínn vekur athygli á Margeiri í
skákheiminum,11 sagði Friðrik
Ólafsson í samtali við Morgun-
blaðið.
Margeir Pétursson er fímmti
stórmeistari íslendinga. Hann
vakti fyrst verulega athygli 1975
— þá 15 ára gamall — þegar hann
varð jafti Bimi Þorsteinssyni í
efsta sæti á Skákþingi íslands.
Ári síðar tefldi hann fyrir íslands
hönd á Ólympíuskákmótinu í
Haifa og hefur ávallt síðan verið
í Ólympíuliði íslands. Hann varð
alþjóðlegur meistari 1978 í Buen-
os Aires. Hefur sigrað á mörgum
alþjóðlegum skákmótum — Qórum
sinnum í Noregi, þar af á svæða-
mótinu í fyrra og komst í milli-
svæðamót og tvívegis staðið uppi
sem sigurvegari í Júgóslavíu.
Hann tefldi á 1. borði fyrir íslands
hönd á heimsmeistaramóti ungra
skákmanna í Chicago, þegar
sveitin hafnaði í öðru sæti. Mar-
geir náði fyrri áfanga að stór-
meistaratitli í Reykjavík í fyrra
þegar hann hafnaði í öðru sæti
ásamt Boris Spassky.
„Signrínn í Hast-
ings kærkominn“
Hann kom til landsins í gær
og það var gestkvæmt hjá honum,
margir vildu samfagna honum.
„Sigurinn í Hastings er mér
kærkominn, því staðurinn skipar
veglegan sess í skáksögu heimsins
og kemur skemmtilega við sögu
í íslensku skáklífí. íslenskir skák-
menn eru í miklum metum í
Hastings. Ég varð sérstaklega vai
við, að menn minntust glæsilegs
árangurs Friðriks Ólafssonar þai
1956. Allir heimsmeistarar á
þessari öld utan Kasparov og
Fischer hafa teflt í Hastings og
vissulega er gaman að hafa sigrað
í þessu sögufræga móti, þó reisn
þess sé minni en áður,“ sagði
Margeir Pétursson í samtali við
Morgunblaðið.
„Það er geysilegur léttir að
þessi áfangi er í höfn. Hlakka til
að tefla sem stórmeistari og get
þá einbeitt mér að því að ná góð-
um árangri án þess að hafa þessa
svipu yfír höfði mér — þetta titla-
tog.
Ég hef verið óeðlilega lengi að
verða stórmeistari, varð alþjóðleg-
ur meistari 1978, án mikilla
átaka. Upp úr 1980 hafði ég náð
stórmeistarastyrkleika, án þess
að ná titlinum. Ég var í fyrra með
2.550 Elo-stig; var orðinn stiga-
hærri en tæplega níu af hveijum
tíu stórmeisturum og númer 35 á
heimslistanum.
Stórmeistaratitill veitir manni
aukið sjálfstraust. Ég held því
fram, að enginn geti orðið góður
skákmaður án sjálfstrausts og
allir góðir skákmenn eru fullir
sjálfstrausts — og sumir þykja
montnir. Ég vona þó, að ekki fari
svo fyrir mér. Óttablandin virðing
fyrir erlendum stórmeisturum
hefur háð íslenskum skákmönn-
um. En á undanfömum misserum
hefúr það verið að hverfa. Ég
held, að Johann Hjartarson hafí
sýnt okkur fram á hvers við
værum megnugir þegar hann náði
fyrsta áfanganum að stórmeist-
aratitli á skákmóti Búnaðarbank-
ans 1984. Síðan er eins og flóð-
gáttir hafí opnast." HH.
Morgunblaðið/Skapti Hallgrímsson
Valdimar Hilmarsson og Inga Sverrisdóttir.
Stúlku bjargað úr sjónurn 1 Akureyrarhötn;
„Heppni að engin skip
lágu utan á Hersi“
Akureyri, 12. janúar.
„ÉG VAR að ganga um borð i skipið er ég rann til og datt í sjó-
inn,“ sagði Inga Sverrisdóttir frá Isafirði í samtali við blaðamann
Morgunblaðsins. Aðfaranótt laugardagsins féU hún í sjóinn —
milli skips og bryggju — er hún var á leið um borð í rækjubátinn
Hersi, sem lá við bryggju Eimskipafélagsins á Oddeyrartanga.
Inga er skipveiji á Hersi.
Ungur maður úr Reykjavík,
Valdimar Hilmarsson, náði að
bjarga Ingu úr sjónum. Honum
segist svo frá: „Við vorum þrír
saman í leigubíl á bryggjunni,
vorum á leið í bátinn Birting sem
einnig liggur þama. Ég hafði
fylgst með Ingu þar sem hún
gekk að bátnum og sá hana detta.
Eg stökk út úr bílnum og með
það sama í sjóinn."
Ökumaður leigubflsins hringdi
þegar á lögreglu en þar til hún
kom á vettvang náði Valdimar að
halda Ingu á floti. Hann giskaði
á að þau hefðu verið um hálfa
klukkustund í sjónum. „Hún var
svamlandi þegar ég kom niður —
var að reyna að halda sér á floti.
En það var basl að ná henni. Hún
var það máttlaus að hún gat ekki
haldið sér í neitt. Þegar lögreglan
kom kastaði hún niður bandi til
okkar og ég batt lykkju utan um
fótinn á Ingu,“ sagði Valdimar,
og Inga bætti við: „Ég var svo
hífð upp á bryggjuna á fætinum!"
Þau sögðu slæmt að ekki væru
stigar utan á biyggjunni — eða
a.m.k. eitthvað sem hægt væri
að grípa í þegar svona kæmi
fyrir. „Ég gat haldið í lítinn
skrúfubolta sem ég sá utan á
bryggjunni — annað var ekki að
fínna til að halda sér I. Það er
eins og að lenda í víti að detta
þama niður. Öryggið er ekki neitt.
Það var heppni að engin skip lágu
utan á Hersi þegar þetta gerðist
— og vindurinn stóð þannig að
skipið leitaði frá bryggjunni,"
sagði Valdimar.
Rafmagnslaust
á Austurlandi
MIKLAR rafmagnstruflanir
hafa orðið á Austurlandi í vondu
veðri sem gekk yfir aðfaranótt
laugardags og aftur í gær, mánu-
dag.
Að sögn Erlings Garðars Jónas-
sonar rafveitusljóra á Egilsstöðum
slitnaði raflínan á 500 metra kafla
í 600 metra háu klettabelti sem
heitir „Skessa" og er á línunni milli
Breiðdalsvíkur og Stöðvarfjarðar.
Ekki þykir ráðlegt að reyna viðgerð
fyrr en veður hefur gengið meira
niður og þarf ugglaust að leita
aðstoðar þyrlu við viðgerðina. Þá
varð bilun á raflínunnni frá Djúpa-
vogi í gær og urðu staðir norðan
við Stöðvaríjörð og Fáskrúðsfjörð
rafmagnslausir en vonir stóðu til
að hægt yrði að lagfæra þessa bilun
í gærkveldi. Bilun varð á raflínum
f N-Þingeyjarsýslu milli Kópaskers
og Þórshafnar og varð nyrsti hluti
sýslunnar, BakkaQörður og sveitin
f kring, rafrnagnslaus af þeim sök-
um og var gripið til díseistöðvar
fyrir þéttbýlið.
Hjá veðurstofunni fengust þær
upplýsingar að búast mætti við
minnkandi norðaustan átt um allt
land og kólnandi veðri með um 5
til 7 vindstigum en í óðveðrinu sem
gekk yfír landið í gær mældust 8
til 12 vindstig í Æðey, á Stórhöfða,
undir Eyjaljöllum og á Fagurhóls-
mýri.
Ætlar í framboð
á Reykjanesi
JÚLÍUS Sólnes hefur tekið ákvörð-
un um að gefa kost á sér í Reykja-
neskjördæmi við næstu Alþingis-
kosningar. Tilkynning þessa efnis
var lesin upp á fundi sjálfstæðis-
félaganna á Seltjamamesi á laugar-
daginn, en Júlfus er erlendis. Hann
er bæjarfulltrúi Sjálfstæðisflokks-
ins á Seltjamamesi og var við síð-
ustu Alþingiskosningar í framboði
í Norðurlandskjördæmi eystra.