Morgunblaðið - 15.02.1986, Page 15

MORGUNBLAÐIÐ, LAUGARDAGUR 15. FEBRÚAR 1986 15
notað, eftir því sem við á. Heim-
ilisföng í fýrirtækjaskrá verða
hins vegar aðeins skráð í þágu-
falli.
5. Endurbætur á ritun skráa.
Fyrirhugað ei að færa ritun
þjóðskrár og fyrirtækjaskrár til
betri vegar en nú er. Fram að
þessu hefur tæknibúnaður Hag-
stofunnar og Skýrsluvéia ríkis-
ins _ og Reykjavíkurborgar
(SKÝRR), en þar er þjóðskráin
varðveitt, ekki verið beysnari en
svo, að ekki hefur verið unnt að
nota alla íslenska bókstafi, þ.e.
stafina í, ó, ú og ý vantar. Þegar
á þessu ári verur úr þessu bætt
en jafnframt er svo að því stefnt,
að bæta við síðar ýmsum evr-
ópskum bókstöfum, sem ekki
koma fyrir í íslensku en eru
algengir f nöfnum manna, sem
bera erlend nöfti. Þá er áformað
að fara að rita þjóðskrána með
hástöfum og lágstöfum eftir
því sem við á. Ekki er ljóst
hvenær af þessu getur orðið, en
það ræðst fyrst og fremst af
tækniframförum, þ.e. þeim
breytingum sem eru að verða á
mikilvirkum tölvuritum. Þess
skal getið, að þessar breytingar
á ritun þjóðskrár valda því, að
nauðsynlegt hefur reynst að
endurskoða ritun allra nafna f
skránni. Vitað er að nafnritun
er í ýmsum tilvikum röng eða
henni áfátt í einhveijum atrið-
um, en jafnframt má búast við
því að villur slæðist inn við
endurskoðun nafnanna. Að lok-
inni þessari endurskoðun mun
Hagstofan biðja um athuga-
semdir frá almenningi við staf-
setningu nafna í þjóðskrá.
6. Samræmdar röðunarreglur.
Skrám þjóðskrárinnar, sem
gefnar hafa verið út í stafrófs-
röð, hefur til þessa verið raðað
eftir nafnnúmerum og þær verið
í nafnnúmeraröð. Við röðunina
hefur verið beitt sérstökum staf-
rófsröðunarreglum þjóðskrár,
sem í ýmsum atriðum eru æði
flóknar. Til dæmis er þar ekki
greint á milli A og Á, I og í, 0
og Ó, U og Ú. Þá er Y raðað
sem I, Ð raðað sem D og W sem
V. Frá og með 1. janúar 1987
verður horfið frá þessum gömlu
staftófsröðunarreglum og tekn-
ar upp nýjar, sem byggjast á
svonefndum sérröðunarreglum
og eru í betra samræmi við þá
stafrófsröð, sem menn nota yfír-
leitt. Eins og nú háttar gilda
engar fastbundnar almennar
reglur um stafrófsröðun og aðra
röðun, svo sem á skammstöfun-
um, tvínefnum o.fl., en æskilegt
er að reynt verði að samræma
sem mest slíkar reglur í opin-
berum skrám. í því skjmi hafa
Hagstofan og Póstur og sími
orðið ásátt um að reyna að
samræma röðunarreglur í þjóð-
skrá og símaskrá og hefur lið-
sinnis íslenskrar málnefndar
verið leitað við það verk.
Breytingar á nafnaskrá
til almennra nota
(NATAN)
Sem fyrr segir, mun Hagstofan
færa þá nafnaskrá, sem mest er
beitt við tölvuvinnslu af notendum
þjóðskrár, með tvennu móti um
nokkurt skeið tl þess að auðvelda
notendum að laga tölvukerfi sín að
breytingum á auðkennistalnakerf-
inu. Þær nafnaskrár, sem hér um
ræðir, er hin svonefnda nafnaskrá
til almennra nota, skammstafað
NATAN, sem nú er notuð, en hin
nýja skrá sem leysir NATAN af
hólmi, nefnist almenn fyrirtækja-
og nafnaskrá, skammstafað AL-
FONS. Enda þótt NATAN verði við
lýði árin 1987 og 1988 verður
notkun hennar ýmsum annmörkum
háð.
1. Nöfn í þjóðskrá verða færð í
allt að 31 staf frá og með 1.
janúar 1987 en NATAN verður
eftir sem áður með 23 stafi.
Því mun skerast aftan af þeim
nöfnum, sem lengri eru, en það
er um þriðjungur allra nafna.
2. Frá og með þessu ári verður
hætt að gefa 12 ára bömum
nafnnúmer. Nýjum árgöngum
verður heldur ekki bætt inn í
NATAN, þannig að í þeirri skrá
verða yngstu árgangamir með
nafnnúmer 13 ára 1986 og 14
ára 1987.
3. Stafrófsröð brenglast vegna
þess að nafnnúmerum verður
ekki breytt, þótt breyting verði
á ritun nafna. Raunar var hætt
að breyta nafnnúmerum vegna
nafnbreytinga í fyrirtækjaskrá á
miðju ári 1985 og í þjóðskrá í
ársbyrjun 1986.
4. Nýir einstaklingar, sem koma á
þjóðskrá eftir 1. janúar 1987,
koma ekki í NATAN.
Ljóst er, að þær breytingar, sem
hér hefur verið greint frá, kosta
bæði hið opinbera og einkaaðila fé
og fyrirhöfti. Einkum er það breyt-
ingin á auðkennistalnakerfinu sem
veldur kostnaði og þá sérstaklega
hjá þeim, sem nota auðkennistölur
í tölvuskrám. Breytingin á auðkenn-
istalnakerfinu þykir hins vegar
alveg óhjákvæmileg auk þess sem
ætla má að kostnaður við breyting-
una verði æ meiri eftir því sem
lengra líður og notkun auðkennis-
talna í tölvum verður almennari.
Þess ber og að gæta, að nauðsyn-
legt er að yfirfara og endurbæta
öll tölvuskráningarkerfi með reglu-
bundnu millibili. Sú breyting á
tölvuskráningarkerfinu sem gera
verður vegna nýrra auðkennistalna
í þjóðskrá, getur því í mörgum til-
vikum orðið þáttur í eðlilegu við-
haldi. Hún getur því leitt til endur-
skoðunar á tölvuforritum og þar
með víðtækari endurbóta en auð-
kennistalnabreytingin gefur tilefni
til ein sér.
Hvað á barnið að heita?
Á það skal að lokum bent, að
þegar farið verður að beita hinum
nýju auðkennistölum í stað nafn-
númera, dugar ekki að halda áfram
að nota orðið nafnnúmer nema sér-
staklega sé átt við núverandi núm-
erakerfi. Orðið nafnnúmer vísar að
auki beinlinis til þess hvemig núver-
andi auðkennisnúmer eru mynduð
og á því ekki við hið nýja auðkennis-
talnakerfi. Skiptar skoðanir eru
vafalaust á því, hvaða nafn hæfi
hinu nýja númeri best. í þessari
greinargerð hefur orðið auðkennis-
tala verið notað, en önnur heiti
koma einnig til greina, t.d. auð-
kennisnúmer, eigintala eða kenni-
tala. Hagstofan væntir þess að fá
ábendingar um þetta atriði auk
þess sem hún mun æskja liðsinnis
Islenskrar málnefndar við nafngjöf-
ina.
LAUGARDAG
15. FEBRÚAR
KL. 10:00 - 18:00
SUNNUDAG
16. FEBRÚAR
KL. 13:00 - 18:00

, r m SnflMSI
TOYOTA
& SJLuíeá, C&l cf' sf./’
Nybýlavegi 8 200 Kópavogi S. 91-44144

essemm sía