Morgunblaðið - 03.07.1986, Blaðsíða 40
40
MORGUNBLAÐIÐ, FIMMTUDAGUR 3. JÚLÍ1986
Sigurður Guðmundsson sumarbúðastj óri
Það var oft fjörugt f lauginni og lítið var orðið eftir af bátnum í námskeiðslok,
enda mikið notaður.
Sumarbúðir að Revkj-
um í Hrutafirði
Broddanesi.
ENDA ÞÓTT þvi sé stundum haldið fram að ungmennafélögin
séu ekki svipur hjá sjón í dag frá þvf sem þau voru hér í eina
tfð þá væri ósanngjarnt að segja að þau láti ekki ýmislegt gott
af sér leiða. Nú f sumarbyrjun stóðu ungmennasambönd Stranda-
og Húnavatnssýslna fyrir sumarbúðum að Reykjum í Hrútafirði.
Sumarbúðir þessar voru einkum ætlaðar ungmennum úr áður-
nefndum sýslum og var markmiðið m.a. að krakkar af svæðunum
fengju tækifæri til að kynnast innbyrðis gegnum starf og leik.
Haldin voru þijú námskeið sem stóðu í viku hvert.
Auk „hefðbundinnar" sumar-
búðastarfsemi, s.s. hesta-
mennsku, báts- og veiðiferða,
íþróttaiðkana af flestu tagi,
sveita- og kirkjuferða, var boðið
upp á ýmsar nýjungar. Má þar
nefna blaðaútgáfu, en bömin gáfu
út blað með ljósmyndum og texta
sem þau sömdu auðvitað sjálf.
Tilgangur blaðsins var m.a. sá að
bömin gætu haldið tengslum við
þá sem þau kynntust meðan á
dvölinni stóð en í því vom auk
annars myndir af öllum ásamt
nafni, heimilisfangi og síma hvers
og eins. Ennfremur fengu þátt-
takendur að spreyta sig við tölvur
undir handleiðslu tölvukennara.
Farið var í heimsókn á Byggða-
safn Stranda- og Húnavatns-
sýslna sem staðsett er á Reykjum
(það kom nefnilega á daginn að
mjög fáir höfðu heimsótt þá
merku stofnun). Síðast en ekki
síst var höfð samvinna við Hand-
knattleikssamband íslands og
kom fyrirliði íslenska landsliðsins,
Þorbjöm Jensson, í heimsókn.
Hann dvaldi daglangt með hveij-
um námskeiðshópi, veitti tiisögn
í handbolta og stjómaði hand-
boltakeppni af röggsemi við góðar
undirtektir.
Sumarbúðir hafa ekki áður
verið haldnar á Reylqum en vart
er hægt að hugsa sér betri stað
til slíks þar eð öll aðstaða er alveg
fyrsta flokks. Einn aðalhvatamað-
ur þess að svo varð er Sigurður
Guðmundsson, fþróttakennari við
Reykjaskóla, en hann var sumar-
búðasljóri. Aðspurður kvað Sig-
urður þetta framtak hafa tekist
öllum vonum framar. Aðsókn varð
mun meiri en búist var við og
endar náðu saman flárhagslega
sem gefur þeirri von byr að hægt
verði að endurtaka þetta að ári.
„Mestu máli skiptir þó,“ sagði
Sigurður, „að krakkamir voru
hæstánægðir og okkur leiðbein-
endunum hafa m.a.s. borist nokk-
ur bréf frá þátttakendum á fyrstu
námskeiðunum þar sem óskir
koma fram um að fá að koma
aftur. Og örugglega verður reynt
að sjá til þess að svo megi verða."
Sigurður óskaði eftir að koma á
framfæri bestu þökkum til alls
starfsfólks sumarbúðanna, skóla-
yfírvalda Reykjaskóla og þeirra
sem styrktu starfsemina á einn
eða annan hátt.
Það var auðséð á krökkunum
sjálfum að þau skemmtu sér vel.
Nokkrir voru teknir tali og bar
öllum saman um að þetta væri
„alveg æðislega gaman"; „ég ætla
sko að koma aftur næsta sumar";
þetta er bara allt of stutt, mætti
vera mánuður"; „ég hefði aldrei
trúað að það væri svona skemmti-
legt í sumarbúðum". Þá vitum við
það og svo er bara að vona að
sumarbúðastarf á Reykjum eigi
langa framtíð fyrir sér og verði
til eflingar félags- og æskulýðs-
starfi í nærliggjandi byggðarlög-
um. Þá er tilgangnum náð.
Fréttaritari.
Að komast á hestbak er eiginlega alveg ómissandi þáttur í sumarbúðarstarfi. En
skyldu hestarair ekki þreytast á tíðum knapaskiptum?
Þorbjöra Jensson, fyrirliði íslenska landsliðsins í handbolta, í hópi efnilegra
handknattleiksmanna og kvenna.
Tvisvar keppt í lend-
ingnm um helgina
Einkaflugmenn fá að spreyta
sig i lendingakeppnum á tveimur
stöðum nk. laugardag, 5. júní nk.
Flugklúbbur Reykjavíkur gengst
fyrir keppni á Selfossflugvelli
og Flugskóli Akureyrar á Akur-
eyrarflugvelli.
A báðum stöðunum verður keppt
í Qórum greinum: Lendingu með
fíjálsri aðferð, lendingu með væng-
börðum með hreyfilafli, lendingu
með vængbörðum án hreyfílafls og
loks í lendingu yfir hindrun með
frjálsri aðferð. Sá flugmaður sigrar
sem hlýtur fæst refsistig.
A Selfossi hafa oft áður verið
haldnar slíkar lendingakeppnir enda
mjög góð aðstaða þar á flugvellin-
um. Að þessu sinni fer keppnin fram
á vegum Flugklúbbs Reykjavíkur
og er jafnframt sú fyrsta hjá hon-
um. Þátttakendur eiga að vera
mættir á flugvélum sínum fyrir kl.
12.00 á hádegi sjálfan keppnis-
daginn.
A Akureyri gengst Flugskóli
Akureyrar fyrir keppninni og er hún
nú haldin í fjórða sinn. Þar er
aðstaðan mjög góð eins og varla
þarf að taka fram. Keppendur eiga
að vera mættir til leiks kl. 13.00
en klukkustund síðar hefst sjálf
keppnin. Reiknað er með a.m.k. 8
flugvélum frá Akureyri auk véla
af Norður- og Austurlandi.
Báðar lendingarkeppnimar eru
liðir í sumardagskrá Flugmálafé-
lags Islands og eru að sjálfssögðu
háðar því að veðurguðimir gefi
gott flugveður.
Grétar Þ. Hjaltason sýnir í Þrastarlundi
Grétar Þ. Hjaltason frá Selfossi sýnir vatnslitamyndir í veitingastaðn-
um Þrastarlundi við Sog. Sýningin stendur dagana 7.-20. júní.