Morgunblaðið - 27.08.1986, Blaðsíða 2
2
MORGUNBLAÐIÐ, MIÐVIKUDAGUR 27. ÁGÚST 1986
Nú er unnið hörðum höndum við að koma upp sýningarbásum í Laugardalshöllinni. Að sögn Kaup-
stefnunnar skipta þeir hundruðum iðnaðarmennirnir sem starfa á svæðinu.
Heimilið ’86:
Heimilissýning’ með hefð-
bundnum hætti
— búist er við 50-60.000 gestum
SÝNINGIN „Heimilið ’86“ verður opnuð í Laugardagshöll á
morgun. Það er Kaupstefnan í Reykjavík sem stendur fyrir
þessari sýningu og ber hún undirtitilinn „Sýning-Markaður-
Skemmtun". Gert er ráð fyrir um 50.-60.000 gestum á sýning-
una sem lýkur sunnudaginn 7. september nk.
„Heimilið 86“ verður með
hefðbundnum hætti miðað við
fyrri heimilissýningar. Að þessu
sinni munu 138 sýnendur sýna í
76 sýningardeildum flest það er
kemur að notum á heimilum og
við heimilishald. Gestum verður
boðið að smakka ýmislegt það er
sýnendur hafa á boðstólnum og
vörur verða seldar á kynningar-
verði.
Einnig verða á boðstólum ýmis
skemmtiatriði fýrir sýningargesti.
Pjöllistaflokkurinn „The
Commodore Cabaret" mun sýna
listir sinar, en í honum eru meðal
annars trúðar, jafnvægislista-
menn, sem sýna bæði á gólfi og
í rólu í lofti Laugardalshallarinn-
ar, og sjónhverfingamaðurinn
Shalid Malik, en honum hefur
verið veitt viðurkenningin „Töfra-
maður ársins" af Heimssamtökum
töframanna.
í baksal og á útisvæði verður
rekið skemmtiland þar sem boðið
er upp á hopp- og hristihöll,
hringjakast, veiðipotta, skot-
bakka, hlutaveltu og fleira,
skákáhugamönnum í hópi sýning-
argesta gefst kostur á að tefla
við stórmeistara og alþjóðlega
meistara úr Ólympíuliði íslands
og starfsmenn Marsk hf. á Skaga-
strönd ætla að baka stærstu
sjávarréttaböku í heimi.
Bamagæsla verður á svæðinu
meðan á sýningunni stendur.
Hugvit 86
Á sýningunni verður sérsýning,
„Hugvit ’86“, þar sem 20 íslensk-
ir hugvitsmenn kynna uppfínngar
sínar í formi teikninga, líkana og
sem fullgerðar frummyndir.
Hugverkastofnun Sameinuðu
þjóðanna hefur ákveðið að veita
gullverðlaun þeirri hugmynd sem
telst best á sýningunni að mati
dómnefndar, og einnig fyrir þá
hugmynd sem best þykir nýta
íslenskar náttúruauðlindir. Einnig
verður bestu hugmyndinni að
mati gesta sýningarinnar veitt
verðlaun.
Nýr verðlagsgrundvöllur:
Getur leitt til hækk-
unar búvöruverðs
Sauðfjárbændur óttast að sala kindakjöts minnki
UPPLÝSINGAÖFLUN og úrvinnsla gagna á vegum verðlags-
nefndar búvara (sexmannanefndar) vegna nýs verðlagsgrundvall-
ar eru nú vel á veg komnar. í sexmannanefnd hefur verið að
því stefnt að verðleggja búvörur samkvæmt þessum nýja grunni
við næstu verðákvörðun, en ekki er víst að það náist fyrr en
síðar. Útlit er fyrir að rekstrarkostnaður á gamla grundvellinum,
sem verðlagt hefur verið eftir undanfarin ár, hafi verið töluvert
vanreiknaður og að búvörur hækki því í september, talsvert
umfram almennt verðlag, ef ekkert verður að gert.
Núgildandi verðlagsgrundvöllur nefnd fyrir bændur, segir að nú
er frá árinu 1980 og er hann fyrir hafi verið ákveðið í nefndinni að
blandað bú. Ingi Tryggvason for- setja upp tvo verðlagsgrundvelli,
maður Stéttarsambands bænda, annan fýrir sauðfjárbú og hinn
sem jafnframt á sæti í sexmanna- fýrir kúabú, og hafa verðlagning-
una aðskilda. Hann sagði að
INNLENT
upplýsingaöflun við hinn nýja
grundvöll benti öll í þá átt að þörf
væri á að hækka verð búvara, og
kindakjötið meira en mjólkina.
„Þetta er vandamál sem við
stöndum frammi fyrir og verðum
að leysa. Jafnframt er augljóst að
verðþol varanna er mjög teygt,
miðað við þá samkeppni sem þær
eiga í á markaðnum. Eg tel að það
sé ákaflega erfítt að hækka þessar
vörur umfram eðlilegar verðlags-
hækkanir án þess að það skapi
erfiðleika í sölu þeirra,” sagði Ingi.
Hann sagði einnig að nauðsynlegt
væri að athuga möguleika á lækk-
un rekstrarkostnaðar, meðal
annars með aðstoð ríkisvaldsins,
til að komast hjá hækkun búvara.
Stjóm Landssamtaka sauðfjár-
bænda hefur oft fjallað um
markaðsmál sauðfjárafurða í Ijósi
verðlags á þeim, meðal annars
samþykkt umdeilda ályktun þar
sem bent er á leiðir til að lækka
kindakjötsverðið. Ályktun stjóm-
arinnar var lögð fyrir aðalfundinn
á Hólum og voru efnisatriði hennar
samþykkt þar samhljóða. Jafn-
framt var samþykkt ályktun vegna
þeirrar stöðu sem fyrirsjáanleg er
næstu daga eða vikur vegna nýja
verðlagsgmndvallarins þar sem
stjóminni er falið að spoma gegn
því að kindakjötsverð hækki.
Eldur í herbergi á Hrafnistu:
Verið að koma
upp fullkomnu
viðvörunarkerfi
ELDUR kom upp í herbergi á dvalarheimilinu Hrafmstu 1
Reykjavík í gær. Urðu starfsmenn varir við eldinn, en íbúi
herbergisins var fjarverandi.
Slökkviliðinu barst tilkynning um
eldinn skömmu fyrir klukkan 16 í
gær, en þegar komið var á staðinn
hafði starfsfólk þegar ráðið niður-
lögum loganna. Fór betur en á
horfðist, því lítið brann en reykur
og sót var um allt herbergið og
fram á gangi. Talið er að eldsupp-
tök megi rekja til borðviftu.
Sighvatur Sveinsson, rafvirkja-
meistari Hrafnistu, sagði að nú
væri verið að setja upp fullkomið
aðvörunarkerfi í húsinu. „Kerfið er
þegar komið upp í tveimur af sex
álmum hússins og í fyrradag bárust
vinnutilboð í þriðju álmuna,” sagði
Sighvatur. „Helmingur hússins
verður því kominn með aðvömnar-
kerfi í haust og allt kerfið verður
komið upp um mitt næsta ár. Núna
eru reykskynjarar á öllum göngum
hússins og 2-3 slökkvitæki eru á
hverri hæð. Sá hluti kerfisins sem
þegar er kominn upp verður nú
tengdur við Slökkvistöðina í
Reykjavík."
Borgarspítalinn:
Ekki verður ráðið í
stöðu skurðlæknis
BORGARRÁÐ samþykkti á fundi sínum í gær að ráða ekki sérfræð-
ing í skurðlækningum á Borgarspítalann að svo stöddu.
Stjóm sjúkrastofnana Reykjavík-
urborgar samþykkti á fundi sínum
23. maí sl., að ráða sérfræðing í
almennum skurðlækningum með
lýtalækningar sem undirsérgrein í
75% starf. Eygló Stefánsdóttir (V)
lét þá bóka mótmæli gegn ráðning-
unni á þeirri forsendu að niðurstöð-
ur úttektar erlendra ráðgjafa á
nýtingu og notkun á skurðstofum
spítalans sýndu að auka mætti að-
gerðafjölda á hvem skurðlækni. í
könnuninni kom fram að bæta
mætti nýtingu á skurðstofum í dag-
vinnutíma og jafnframt fækka
sérfræðingum spítalans um 10%.
Páll Gíslason, formaður stjórnar
sjúkrastofnana Reykjavíkurborgar,
sagði að þarna hefði verið um stöðu
Frosta Siguijónssonar sérfræðings
í bijóstholsskurðlækningum að
ræða og hefði stjórnin samþykkt
að ráða annan með sömu menntun
í hans stað en það tókst ekki.
Stjórnin ákvað þá að ráða sérfræð-
ing í lýtalækningum í stöðuna. Páll
sagði að erlendu ráðgjafamir hefðu
einungis kannað hluta af starfsemi
spítalans og að stjórnin væri ekki
sammála niðurstöðum könnunar-
innar. „Því þó að á spítalanum séu
að einhveiju leyti ónýtt sjúkrarúm
vegna skorts á hjúkrunarfræðing-
um þá er alveg sama vaktþjónusta
og áður og þess vegna er ekki svo
gott að fækka mönnum," sagði
Páll. Hann taldi að spamaður lægi
að baki ákvörðun borgarráðs um
að ráða ekki í stöðuna að svo
stöddu.
Keppni í landsliðsf lokki
fer fram í Grundarfirði
SKÁKÞING íslands í landsliðs-
flokki verður haldið í Grundar-
Sænsk smjörvadós með íslensku
loki og upplýsingamiða.
Smjörvi aft-
ur í íslensk-
ar umbúðir
OSTA- og smjörsalan hefur að
undanfömu dreift Smjörva í
verslanir í sænskum umbúðum
undir nafninu „Bregott".
Þorsteinn Karlsson matvæla-
fræðingur Osta- og smjörsölunnar
sagði að svo óheppilega hefði viljað
til að framleiðendur umbúðanna
hefðu ekki getað afgreitt íslenskar
umbúðir vegna sumarleyfa. í stað
þess að stöðva framleiðsluna var
ákveðið að pakka í 80 þúsund dósir
með sænskri áletrun á hliðum og
undir dósinni. Upplýsingar um inni-
hald dósarinnar em á íslensku á
lokinu. „Þetta voru um tveggja
vikna birgðir," sagði Þorsteinn. „En
við erum famir að pakka í íslenskar
umbúðir núna.“
firði dagana 15.-27. september
nk. Flestir sterkustu skákmenn
landsins taka þátt í mótinu, en
tvö efstu sætin veita rétt til
þátttöku á ólympíumótinu í
Dubai, sem hefst 14. nóvem-
ber.
„Grundfirðingar óskuðu eftir að
fá að halda mótið í tengslum við
200 ára kaupstaðarafmæli sitt, og
við því var fúslega orðið," sagði
Þráinn Guðmundsson forseti Skák-
sambands íslands. Þráinn sagði að
teflt yrði í skólanum, þar sem að-
staða væri ágæt bæði fyrir
keppendur og áhorfendur.
I landsliðsflokki keppa 14 skák-
menn. Þráinn sagði að keppenda-
listi lægi ekki endanlega fyrir, en
sagðist búast við að allir stórmeist-
aramir yrðu með að Friðrik
Olafssyni undanskildum; það er að
segja, Helgi Ólafsson, Jóhann
Hjartarson, Margeir Pétursson,
Jón L. Ámason og Guðmundur
Siguijónsson. Þá væri ljóst að al-
þjóðlegu meistaramir Karl Þor-
steins og Sævar Bjamason yrðu
með, ennfremur Þröstur Þórhalls-
son, Davíð Ólafsson og sigurvegar-
ar áskorendaflokksins, Hrafn
Loftsson og Tómas Bjömsson, svo
og Þröstur Ámason Skákmeistari
Reykjavíkur. Þá er í ráði að bjóða
hinum unga og efnilega skákmanni
Hannesi Hlífari Stefánssyni þátt-
töku. „Ef að líkum lætur verður
þetta sterkasta mót sem hér hefur
verið haldið með innlendum þátt-
takendum eingöngu,” sagði Þráinn
Guðmundsson.