Morgunblaðið - 27.08.1986, Síða 49

MORGUNBLAÐIÐ, MIÐVIKUDAGUR 27. ÁGÚST 1986
49
EM í Stuttgart:
Morgunblaðiö/Júlíus
• Sigurður Lárusson, fyrirliði ÍA, og Guðmundur Steinsson, fyrirliði Fram, halda fast um hinn nýja bik-
ar, sem keppt er um f Mjólkurbikarnum-bikarkeppni KSÍ. Á sunnudaginn fæst úr því skorið, hvor þeirra
hampar þessum glæsilega grip, sem fólag fslenskra gullsmiða gaf til keppninnar.
Mjólkurbikarinn-bikarkeppni KSÍ:
Úrslitaleikur Fram
og ÍA á sunnudaginn
— forsala hefst á morgun
Úrslitaleikurinn f Mjólkurbik-
arnum-bikarkeppni KSÍ fer fram
á Laugardalsvellinum á sunnu-
daginn og hefst klukkan 14. Til
úrslita leika Fram og ÍA og er það
f 22. skiptið af 27, sem annað
þessara liða eða bæði taka þátt
f úrslitaleiknum.
Úrslitaleikurinn f bikarkeppninni
er sá leikur í íslenskri knattspyrnu,
sem dregur að sér flesta áhorfend-
ur og allir bíða spenntir eftir,
burtséð frá því, hvaða lið eru í úr-
slitum. Þetta er leikur ársins og
að þessu sinni leika Fram og ÍA,
mestu bikarúrslitalið íslands.
Margfaldir bikar
meistarar
Fram og ÍA hafa aðeins einu
sinni áður leikið til úrslita í bikar-
keppninni. Það var árið 1984 og
þá vann ÍA 2:1. Fram hefur 10 sinn-
um komist í úrslit og orðið bikar-
meistari fimm sinnum, en Skaga-
menn hafa 12 sinnum leikið til úr-
slita og unnið fjórum sinnum. Frá
árinu 1973 hefur alltaf annað þess-
ara liða leikið til úrslita í keppninni.
Nýr bikar
Knattspyrnusamband fslands
og Mjólkurdagsnefnd gerðu
snemma á þessu ári með sér sam-
komulag um það að Bikarkeppni
KSÍ árið 1986 væri háð undir heit-
inu Mjólkurbikarinn-bikarkeppni
KSÍ.
í samvinnu við KSÍ og Mjólkur-
dagsnefnd gaf félag íslenskra
gullsmiða glæsilegan „gull"bikar
til keppninnar og vill félagið með
því hvetja íslenska knattspyrnu-
menn til afreka og vekja athygli á
íslenskum gullsmíðum.
Mjólkurbikarinn er 66 cm á
hæð, húðaður með 22 karata gulli
og glæsilegasti bikar sem í umferð
er hér á landi enda að verðmæti
nálægt tvö hundruð þúsund krón-
um. Félag íslenskra gullsmiöa mun

sjá um að smíða áletraða, gull-
húðaða plötu á bikarinn ár hvert.
Eysteinn dæmir
Eysteinn Guðmundsson, Þrótti,
dæmir úrslitaleikinn og línudómar-
ar verða Guðmundur Haraldsson,
KR, sem jafnframt verður vara-
dómari, og Eyjólfur Ólafsson,
Víkingi.
Eysteinn er 44 ára og einn
reyndasti dómari landsins. Hann
hóf að dæma árið 1959, dæmdi
fyrst í 1. deild áriö 1965 og hefur
verið milliríkjadómari í 13 ár. Þetta
verður fjórði bikarúrslitaleikurinn,
sem Eysteinn dæmir, en svo vill
til að Fram hefur ávallt leikið í úr-
slitum, þegar hann hefur dæmt.
Forsala hefst
á morgun
Forsala á ieikinn hefst á morgun
og stendur fram að leik. Á morgun
og föstudag verður forsalan frá
klukkan 12 til 18 í Austurstræti,
en á Laugardalsvelli á laugardag-
inn klukkan 10 til 16 og á sunnu-
daginn frá klukkan 10. A Akranesi
verður forsalan í versluninni Óðni
og hefst hún á morgun.
Barnamiðar kosta 100 krónur,
stæði fyrir fullorðna 300 krónur
og stúkumiðinn kostar450 krónur.
Steffny hljóp
lokasprettinn
Stuttgart, frá Agústi Ásgeirssyni, blaðamanni Morgunblaðsins.
Við setningarathöfnina á Evr-
ópumeistaramótinu lauk rúmlega
2.000 kílómetra boðhlaupi, sem
efnt var tii í tiiefni mótsins. Er
það í frásögur færandi sakir þess
að lokasprettinn hljóp góðkunn-
ingi okkar frá Reykjavíkurmara-
þoninu í fyrra, Vestur-Þjóðverjinn
Herbert Steffny.
Steffny sigraði sem kunnugt er
í hálfa maraþoninu í Reykjavík í
fyrrasumar. Hann er mjög frækinn
hlaupari og varð vestur-þýskur
meistari í 25 km og maraþonhlaup-
um í fyrra. Steffny verður meðal^
keppenda í maraþonhlaupinu á
Evrópumeistaramótinu. Boðhlaup-
ið hófst við höfuðstöðvar Evrópu-
ráðsins í Strassborg í Frakklandi
16. ágúst sl. en síðan var hlaupin
hringur um Vestur-Þýskaland,
rúmlega 2.000 kílómetra langur,
og er talið að um 2.300 manns
hafi hlaupiö með boðið um landið
áður en Steffny tók við því og hljóp
með það inn á leikvanginn við setn-
ingarathöfnina.
Mikill kostnaður
við mótshaldið
Stuttgart, frá Ágústi Ásgeirssyni, blaða manni Morgunblaðaina.
Það er tæpast á færi allra Evr-
ópuríkja að halda Evrópumeist-
aramót í frjálsíþróttum, stíkt er
mótið allt og umgjörð þess í snið-
um. Kostnaðurinn er og óheyri-
legur fyrir smáþjóðir á borð við
íslendinga því útgjöld mótshaida
hér í Stuttgart munu vera 12,5
milijónir marka, eða jafnvirði 250
miiljóna íslenskra króna.
Er þetta dýrasta mót sinnar teg-
undar og miðað við fjölda keppnis-
daga er kostnaðurinn rúmar 40
milljónir á dag. Stærstu útgjalda-
liðirnir eru undirbúningskostnaður
ýmiss konar eða 60 milljónir króna,
uppsetning og rekstur blaða-
mannamiðstöðvar kostar 30 millj-
34 þjóðir taka þátt
Stuttgart, frá Ágústi Ásgeirssyni, blaðamanni Morgunblaðsins.
I FYRSTA sinn í rúma hálfa öld
senda öll ríki, sem aðild eiga að
Evrópska frjálsíþróttasamband-
inu, þátttakendur á Evrópumeist-
aramót.
Að þessu sinni taka 34 ríki þátt
í Evrópumeistaramótinu, m.a.
dvergríkin San Marinó, Lichten-
stein og Mónakó. Jafnframt senda
Albaniumenn keppendur eftir
langa fjarveru.
Talið er að það eigi sinn þátt í
þessu að framkvæmdanefnd
mótsins borgar allan ferða- og
uppihaldskostnað fyrir 200 kepp-
endur. Kvóti minnstu ríkjanna er
1 —2 en ísland fær frítt fyrir 2.
Alls eru keppendur og fylgdar-
menn þeirra, sem í þorpinu gista,
um 1.500, en þar af eru keppend-
ur rúmlega 1.200. Sovétríkin
senda stærstu sveitina, eða 112
menn. Búlgarir eru næstir með
104 og Austur-Þjóðverjar senda
96 manna sveit, þar af 70 kepp-
endur.
Það var síðast árið 1934 að öll
aðildarríki Evrópska frjálsíþrótta-
sambandsins sendu keppendur til
mótsins, en þá var mótið háð í
Torino á Ítalíu.
ónir, auglýsingar 16 milljónir,
rekstur eldhússins í þorpi kepp-
enda og maturinn ofan i þá kostar
8 milljónir, svo eitthvað sé nefnt.
Þrátt fyrir þetta gera mótshaldarar
ráð fyrir að tekjur af mótshaldinu
verði umfram kostnað.
íslensk
kona að-
stoðar
Stuttgart, frá Ágústi Ásgeirssyni, biaða-
manni Morgunblaðsins.
íslenzk kona, sem búsett hefur
verið hér í Stuttgart um árabil,
aðstoðar íslenzku sveitina á Evr-
opumeistaramótinu og er stoð
þeirra og stytta meðan á mótinu
stendur. r
Hún heitir Jóhanna Seehl og er
ættuð frá Fáskrúðsfirði, er Þor-
valdsdóttir. íslenzka sveitin lofar
frammistöðu og greiðvikni aðstoð-
arkonunnar.
Aðbúnaður mjög góður
Ot. r.Á Á Á_t_t I _ ■ ... ....
Stuttgart, Frá Ágústi Ásgeirssyni, blaða-manni Morgunblaðsins.
AÐBÚNAÐUR keppenda á Evr-
ópumeistaamótinu er eins og
best verður á kosið, að sögn
íþróttamannanna sjálfra, sem
biaðamaður heimsótti í búðir
þeirra.
Hver og einn býr í eins manns
herbergi og eru þau rúmgóð og fer
vel um keppendur. Búa þeir á
heimavist háskólans í Stuttgart í
úthverfinu Vaihingen. Mötuneyti
mikiö hefur verið sett upp í þorpinu
og er þar gnægð úrvalsfæöu á
boðstólum eins og hver og einn
getur í sig látið frá því fyrir allar
aldir á morgnana og framundir
miðnætti á hverjum degi. Tekur
mötuneytið 800 manns í sæti.
Gert er ráð fyrir að þorpsbúar
borði 50 tonn af mat meðan á
mótinu stendur, eða 8 tonn af
ávöxtum, 5 tonn af kjöti og 5 tonn
af grænmeti, 12 tonn af fiski, 50,
þúsund lítra mjólkur og 30 þúsuna^
dósir af jógurt. í þorpinu er haldið
diskó á hverju kvöldi, kvikmynda-
hús var sett á fót fyrir keppendur
og myndbandakerfi. Jafnframt
voru vigðar kapellur og bænarher-
bergi fyrir hin ýmsu trúarbrögð.
Evrópuleikur ÍA
í Laugardalnum
{ GÆR ákvað stjórn Knattspyrnu-
félags ÍA að leikur ÍA og Sporting
Lissabon í Evrópukeppni félags-
liða fari fram á Laugardalsvellin-
um miðvikudaginn 17. sept-
ember, en ekki á Akranesi eins
og áður hafði verið fyrirhugað.
Helstu ástæður fyrir þessari
ákvörðun eru tæknilegs eðlis. Þrjár
portúgalskar útvarpsstöðvar og
ein sjónvarpsstöð auk íslensku
fjölmiðlanna, verða með beinar
útsendingar frá leiknum, og er
engin aðstaða til slíks á Akranes-
velli. Þá er búist við fjölda blaða-
manna og aðstaða fyrir þá er ekki
heldur fyrir hendi á Akranesi.
Einnig hefur verið mikið álag á
Akranesvelli í sumar og þykir óvar-
legt að leika á honum um miðjan
september með næsta
keppnistímabil í huga.