Morgunblaðið - 27.08.1986, Síða 46

46
MORGUNBLAÐIÐ, MIÐVIKUDAGUR 27. AGUST 1986
mnmn
ml
7/z*
) 1986 Universal Press Syndicate
HcyrSir5u ek.ki í óimanum ?"
ást er...
■ . .aðgifta sig upp á vonina
TM Reg. (J.S. Pat. Ott,—all rights raserved
01986 Los Angeles Times Syndicate
Með
morgunkaffinu
I þínum sporum myndi
ég ekki kveikja í vindlin-
um þínum hér. Kona mín
þolir ekki tóbaksreyk í
stofunni!
Ég sagði aðeins: Ef við-
skiptavinur minn er
svindlari þá er ég það
líka!
HÖGNIHREKKVISI
,j HONU/M TOK6T pAO... NVfc OG, .
0ETRU/VtB/ETTUR SOOSO !
Þessir hringdu
Sjónvarpið
sýni „Reykja-
vík er perla“
Sigríður Jónsdóttir hringdi og
vildi koma á framfæri áskorun til
sjónvarpsins um að sýna leikritið
Reykjavík er perla sem fjórða árs
nemar í Leiklistarskóla Islands
settu upp fyrir ári síðan. Stefán
Baldursson leikstýrði verkinu.
Sigríður sagði talsvert hafa verið
rætt um verkið í sínum kunningja-
hópi og hefði öllum komið saman
um að tilvalið væri að sýna það
nú í tengslum við 200 ára af-
mæli Reykjavíkur.
Vasapeningar
vistmanna
á Sólheimum
óskertir
Halldór Júlíusson hringdi:
„Mig langar til að leiðrétta það
sem aðstandandi vistmanns á Sól-
heimum skrifar í Velvakanda
sunnudaginn 24. ágúst um að
hluti af vasapeningum vistmanna
á Sólheimum hafi verið settur í
rekstur Sólheima. Þetta er til-
hæfulaust með öllu, vasapeningar
vistmannanna hafa ekki verið
skertir. Mér er ómögulegt að
skilja hvernig þessi misskilningur
hefur komist á kreik. Það er mjög
slæmt að þurfa að sitja undir
svona ásökunum frá einhvetjum
nafnlausum aðilum."
Myndum eina
stórborg
4192-7828 hringdi:
„Með þessum fyrstu orðum
mínum vil ég þakka, ekki borgar-
stjóra sérstaklega, heldur öllum
landslýð fyrir eindæma þátttöku
í hátíðahöldunum í tilefni af 200
ára afmæli Reykjavíkurborgar.
Sérstaklega vil ég þakka almenna
prúðmennsku.
Þó er eins og alltaf sé hægt
að finna eitthvað að og mér fannst
vanta eitthvað stórkostlegt inn í
dæmið (og þá meina ég stórkost-
legt). Dettur mér helst í hug
eitthvað þjóðlegt sem hægt væri
að minnast öldum saman.
Reykjavík er mjög lítil borg og
ef líkja ætti henni við eitthvað
myndi ég líkja henni við mann-
eskjuna. Reykjavík á oft erfitt
með að standa undir sér, fáum
mönnum er ætlað mikið verk.
Nú eru eiginlega í borginni
mörg iítil þorp með þetta 15 til
30.000 íbúum hvert. Mér datt í
hug að núverandi stjómendur,
ekki aðeins Reykjavíkurborgar,
heldur stjómendur allra nærliggj-
andi kaupstaða og þorpa, hefðu
átt að sameinast um að mynda
eina stórborg (annað eins hefur
verið gert á Norðurlöndunum og
gefist vel). Þá væri hægt að
minnast þessara manna sem
stjóma landinu með stolti eins og
manna eins og Jóns Sigurðssonar
forseta og Skúla Magnússonar
fógeta.
Oll nærliggjandi kauptún og
þorp sækja mikið til höfuðborgar-
innar og hún er að verða of lítil
sem borg.
Góðir ráðamenn þessarar þjóð-
ar, þið eruð nú svo „nefndaglaðir",
setjið nú á stofn eina allshetjar-
nefnd um höfuðborgarsvæðið svo
að allt verði reiðubúið á 300 ára
afmæli höfuðstaðarins. Þá hljótið
þið að finna að höfuðborgin okkar
verður ekki jafnþung í vöfum því
að margar hendur vinna létt
verk.“
Leðuijakki
fannst en
gleraugu týndust
Þórunn hringdi:
Sonur hennar fór til Vest-
mannaeyja um verslunarmanna-
helgina og fann þar gráan
leðutjakka úti í hrauni. Þetta er
karlmannsjakki, framleiðandi
virðist heita Gavin Brown og er
jakkinn nýlegur og vel með farinn.
Hins vegar varð sonur Þórunn-
ar fyrir því óláni að týna glænýj-
um, svörtum gleraugum í svörtu
leðurhulstri einhvers staðar á leið-
inni frá Hlemmi og niður í miðbæ.
Finnandi gleraugnanna og eig-
andi leðutjakkans eru beðnir að
hringja í síma 10752.
Nordan hardan ...
0278-7334 hringdi og sagði að
hún hefði oft heyrt eftirfarandi
vísu, sem ætti að vera 'orðin les-
endum góðkunn:
Nordan hardan gerdi gard,
geysihardur vard hann.
Foldar svardar ennis ard
upp i skardid bard’ann.
Hún sagði að í hennar heima-
sveit hefðu ekki þekkst neinar
aðrar útgáfur af vísunni.
Gullkross týndur
Guðmundur Sveinbjarnarson
hringdi. Hann hafði týnt gull-
krossi á gullkeðju í Breiðholti,
Kópavogi eða Glaðheimum.
Finnandi er vinsamlega beðinn að
hringja í síma 73403 á kvöldin.
Myndavél týnd
Gunnhildur hringdi.
Hún týndi myndavél af Konica
gerð einhvers staðar á leiðinni frá
Hljóðaklettum til Asbyrgis og
þaðan til Húsavíkur helgina 8. til
11. ágúst. Finnandi er vinsamlega
beðinn að hringja í síma 666788.
Bréfin frá
Filippseyjum
gætu nægast verið
tilbúningur
S.S. hringdi:
„Ég get nú ekki annað en tek-
ið undir með konunni sem skrifar
um undarleg bréf frá Filippseyjum
í Velvakanda sunnúdaginn 24.
ágúst.
Sjálf er ég ellilífeyrisþegi en
samt barst mér svona bréf um
daginn og ég veit um ijölda fólks
sem hefur fengið svona bréf þar
sem beðið er um peninga og föt.
Það er alls ekki þægilegt að
lesa þessi bréf, það sem ég fékk
var vel skrifað, stíllinn áhrifamik-
ill og mikið um guðsorð og biblíu-
tilvitnanir.
Mér finnst það dæmalaus
frekja að láta menn úti í heimi
fá nöfn og heimilisföng fólks í
þessum tilgangi. Það er ómögu-
legt að vita, þetta gæti allt saman
verið tilbúningur."
Yíkverji skrifar
Margir þeir, sem leið eiga frá
höfuðborgarsvæðinu í Borg-
arfjarðardali aka gjaman um
Dragháls og Hestháls til þess að
stytta sér leið. Þótt vegurinn yfír
þessa hálsa sé sjaldnast góður, en
hefur að vísu batnað mikið seinni
árin, sparast töluverður tími við
það að aka þennan veg í stað þess
að fara fyrir Hafnarfjall.
Víkvetji var þarna á ferð um
síðustu helgi og ók sem leið liggur
yfir Dragháls en þá kom í ljós að
Hestháls var lokaður vegna vega-
framkvæmda. Nú er það að vísu
lofsvert að unnið skuli að vegabót-
um á þessu svæði, en hins vegar
veldur það vegfarendum óneitan-
lega óþægindum að þess skuli ekki
getið við vegamótin hjá Ferstiklu
að Hestháls sé lokaður. Þarna voru
nokkrir bílar sem komu að Hest-
háls lokuðum á þeim tíma sem
Víkveiji var á ferð.
Nú er að vísu ekki um langan
veg að fara að aka annað hvort
niður að Hvanneyri og fram hjá
Hvítárvöllum eða Vatnshamraveg,
sem búast má við að fáir þekki, en
í tilvikum sem þessum á að gera
hvoni tveggja: geta þess við Fer-
stiklu að Hestháls sé lokaður og
koma fyrir leiðbeiningum við Hest-
háls til þeirra sem þar eru á ferð
hvaða leið auðveldast er að fara
til þess að komast á áfangastað.
Þetta kostar vegagerðarmenn ekki
mikið umstang.
Annars hefur umferðin óvíða
verið jafn erfíð undanfarnar
vikur og í höfuðborginni sjálfri.
Svo virðist sem gífurlegar fram-
kvæmdir standi yfir víðs vegar um
borgina við margvíslegar lagfær-
ingar á götum og leiðslum sem
grafa þarf upp. Ókumenn hafa
þurft að taka á sig ótrúlega mikla
króka til þess að komast á áfanga-
stað. Þótt sums staðar sé getið um
það hvaða götur eru lokaðar eru
þær leiðbeiningar alls ekki full-
nægjandi.
Astandið var óvenju slæmt á
föstudaginn var. Það var eins og
framkvæmdir stæðu yfir alls stað-
ar um borgina. Umferðin í
Reykjavík eftir hádegi á föstudög-
um er orðin gersamlega óþolandi,
eins og allir vita sem reynt hafa.
Þegar til viðbótar koma svo viða-
miklar framkvæmdir verður
nánast ómögulegt að komast á
milli borgarhluta. En þetta nöldur
á víst ekki við vegna þess að þess-
ar lagfæringar eru að sjálfsögðu í
þágu ökumanna og borgarbúa
allra!
Víkveija brá illa í brún við að
lesa frétt í Morgunblaðinu um
síðustu helgi þess efnis, að Ferða-
skrifstofan Urval, sem hefur séð
um framkvæmd maraþonhlaupsins
i Reykjavík hefði sent út gögn um
hlaupið á ensku til þess að spara
prentunarkostað. Þetta er svo
sannarlega ekkert grín. Það er á
þennan hátt sem þjóðir byija að
týna tungu sinni, þegar það þykir
orðið sjálfsagt að spara einhveijar
krónur með því að fórna móður-
málinu og taka upp erlenda tungu
í þess stað.
Þetta er fyrirtækinu til hneisu
og alvarlegt umhugsunarefni fyrir
landsmenn. Það hefur alltaf kostað
sitt að vera Islendingur og þjóðin
hefur alltaf þurft töluvert á sig að
leggja til þess að halda uppi tungu
sinni og menningu. Það þurfa at-
vinnu- og þjónustufyrirtæki líka
að gera.