Morgunblaðið - 04.09.1986, Side 25

MORGUNBLAÐIÐ, FIMMTUDAGUR 4. SEPTEMBER 1986
25
Gódan daginn!
Hálendingurinn
Veisla fyrir augað
Kvikmyndir
Amaldur Indriðason
Hálendingurinn (The High-
lander). Sýnd í Tónabíói.
Stjörnugjöf: ★★★'/2
Bresk. Leikstjóri: Russell
Muleahy. Handrit: Gregory Wid-
en, Peter Bellwood og Larry
Ferguson eftir sögu Gregory Wid-
ens. Framleiðendur: Peter S.
Davis og William N. Panzer. Tón-
list: Hljómsveitin Queen og
Michael Kamen. Kvikmyndataka:
Gerry Fishet. Helstu hlutverk:
Cristopher Lambert, Roxanne
Hart, Clancy Brown og Sean
Connery.
Hálendingurinn (The High-
lander) með Christopher Lambert
í aðalhlutverki er fyrst og fremst
veisla fyrir augað. Sagan er
klassísk um baráttu á milli hins
góða .og illa en færð í sérlega
áhrifamikinn og frumlegan bún-
ing af leikstjóranum Russell
Mulcahy (Razorback). Hvert skot
og hver sena er uppbyggð og út-
sett til að ná fram hámarksáhrif-
um. Jafnvel einfalt og stutt atriði
á krá í New York gæti þess vegna
verið tekið um borð í geimskipi
framtíðarinnar. Þannig er Há-
lcndingurinn eins og langt
poppmyndband rík af grípandi
myndskeiðum, dulúð, reyk og
gufu en Mulcahy hefur einmitt
unnið mikið við þannig myndbönd
og er greinilega snillingur á sínu
sviði. Það má vera að þér finnist
söguþráðurinn vera fullmikið af
því góða en þú getur varla annað
en dáðst að þeim myndum sem
Mulcahy bregður á tjaldið, oft
gullfallegum með effektum og
sérstaklega klippingum sem lýsa
umfram allt hugmyndaauðgi leik-
stjórans. Þið ættuð að reyna að
missa ekki af þeim.
Söguhetjan í Hálendingnum
er ekki af þessum heimi. MacLeod
(Christopher Lambert) er eitthvað
í kringum 400 ára gamall. Hann
er ódauðlegur og hefur í gegnum
aldirnar stefnt að lokauppgjöri við
höfuðandstæðing sinn og fulltrúa
myrkraaflanna, Kurgan (Clancy
Brown). Þeir eigast við endrum
og sinnum allan þennan tíma en
að lokum berjast þeir upp á líf
og dauða í New York nútímans
upp á gamla mátann með höggum
og spörkum og sverðaglamri. Hin-
ir ódauðlegu hafa einn galla. Ef
þeir missa höfuðið eru þeir dauð-
ir. Og það er ekkert gefið eftir
hvorki af MacLeod, Kurgan eða
leikstjóranum Mulcahy.
Handritshöfundamir (allir þrír)
koma sér undan því að gefa skýr-
ingar á ódauðleika MacLeods.
„Hvers vegna rennur sólin upp á
hveijum morgni?" er hið heim-
spekilega og innantóma svar
Ramirez (Sean Connery) læri-
meistara hans úr heimi ódauð-
legra. Það eru nokkrir menn
gæddir þessum kosti á jörðinni
en þeir týna tölunni þar til aðeins
MacLeod og Kurgan standa eftir.
Aðeins einn má lifa og örlög hans
ráða örlögum mannheima.
MacLeod er fulltrúi hins góða,
sjálfur Messías og Kurgan er Sat-
an sjálfur. Sá sem vinnur stjómar.
Lambert er einmitt leikarinn
fyrir hlutverk MacLeods. Hann
hefur hið framandlega útlit ein-
hvers af öðmm heimi og er alltaf
jafnindæll á hverju sem gengur,
eins og sendiboðar Guðs hljóta
að vera. Clancy Brown er jafn-
hræðilegur fulltrúi myrkraveld-
anna og Lambert Guðs. Það lekur
af honum viðbjóðurinn og nær-
vera hans er svo sterk að maður
næstum því finnur að honum
skítalyktina en þessi fulltrúi Sat-
ans er klæddur eins og pönkari í
New York og þrífst með undir-
málsfólki á meðan sá góði er
virðulegur forngripasali. Sean
Connery er elskulegur, eins og
alltaf, í hlutverki Ramirez; sjarmi
þessa gamla Bondleikara er í
sjálfu sér ódauðlegur og Roxanne
Hart er einkar sannfærandi í hlut-
verki hinnar vantrúuðu Brendu,
sem fellir hug til MacLeods og
verður vitni að lokabardaganum.
Höfundar myndarinnar geta
ekki annað en notfært sér tæki-
færið og búa til góða tímabrand-
ara til að skemmta áhorfendum á
milli hasaratriðanna. MacLeod fer
til Brendu með koníaksflösku frá
1783 og segir dreymandi á svip,
„það var gott ár“. Og einvígið á
Bostonhæðum fyrir 200 árum á
milli MacLeods, sem er kófdrukk-
inn, og einhvers aðalsmanns, sem
vill verja heiður sinn, er bráð-
fyndið. Það er sama hvað hann
stingur MacLeod oft í gegn,
MacLeod staulast alltaf aftur á
fætur.
En eins og áður sagði er það
fyrst og fremst verklag Russell
Mulcahys og kvikmyndatöku-
mannsins Gerry Fishers sem gerir
Hálendinginn að eftirminnilegri
reynslu. Stíll þeirra og tækni
gagntekur mann, næstum hver
sena hvort sem hún er frá hálönd-
um Skotlands eða New York, er
hreinasta konfekt. Öðru eins
kynnist maður ekki oft í bíó og
er helst að líkja við Ridley Scott
(Alien, Legend) en reynsla þeirra
af poppmyndum og auglýsinga-
gerð er greinilega ómetanleg fyrir
bíómyndina. Þeir hafa áður þurft
að ná til áhorfenda sinna á ör-
stuttum tíma og beitt til þess
öllum mögulegum brögðum kvik-
myndarinnar og þeir galdrar eru
aðalsmerki Hálendingsins — svo
ekki sé minnst á stórgóða tónlist
Queen.
af
Connery og
þeim.
Lambert i Hálendingnum;
reynið að missa ekki
Merktu við þennan lista svo þú gleymir engu
□ Skólatöskur
□ Skjalatöskur
□ iBikskólatöskur
□ Pennaveski
□ Skriíundirlegg
□ Stílabœkur
□ Reikningsbœkur
□ Glösubœkur
□ Hringbœkur
□ Laus blöö
□ Fönablöö
□ Skýrslublokkir
□ Millimetrablokkir
□ Vélritunarpappír
□ Skrifblokkir
□ Minnisblokkir
□ Klemmuspjöld
□ Plastmöppur
□ Plastumslög
□ Blekpennar
□ Kúlupennar
□ Kúlutússpennar
□ Filttússpennar
□ Glœrupennar
□ Áherslupennar
O Reglustikur
□ Horn
□ Skœri
□ Bókaplast
□ Trélitir
□ Tússlitir
□ Vatnslitir
□ Vaxlitir
□ Blýantar
□ Teikniblýantar
□ Fallblýantar
O Yddarar
O Strokleöur

1
Meö nýjungarnar og nœg bílastœöi
ENNÞA STÆRRI
skólavöruverslun