Morgunblaðið - 14.02.1987, Blaðsíða 45
MORGUNBLAÐIÐ, LAUGARDAGUR 14. FEBRÚAR 1987
45
ÞINGBRÉF
eftir STEFÁN FRIÐBJARNARSON
Reykjavíkurflugvöllur:
Lifir eða
lagður af?
Miðstöð innanlandsflugs
færð til Keflavíkur?
Farkostir af þessu tagi tengja saman fólk og byggðir í landinu.
Flugið gegnir stóru og vax-
andi hlutverki i samgöngum
innanlands. Þetta gildir jafnt
um vöru- og fólksflutninga,
sem og viðskipta-, menningar-
og félagsleg tengsl fólks í
landinu. Reykjavíkurflugvöllur
er eins konar miðstöð innan-
landsflugsins, enda ferðast
fólks ekki hvað sizt, hvarvetna
að af landinu, milli síns hejma
og höfuðborgarinnar. Árið
1985 fóru tæplega 281.000 far-
þegar um Reykjavíkurflugvöll,
en þaðan er áætlunarflug til
tæplega þrjátíu valla viðs vegar
um landið, auk flugs til Fær-
eyja og Grænlands. Þetta sama
ár fóru og rúmlega 4.000 tonn
af vörum um völlinn. Á siðast
liðnu ári jókst flugumferð -
fólks- og vöruflutningar - um
Reykjavikurflugvöli en endan-
legar tölur þar um eru ekki
tiltækar.
Starfsemi á Reykjavíkur-
flugveUi er enn ekki upp talin.
Þar hafa flugskólar aðstöðu,
leiguflugfélög og einkaflug.
Þar hefur Landhelgisgæzlan
aðstöðu fyrir leitar- og björg-
unarflug. Þar er flugstjómar-
miðstöð. Þar er stórt hótel og
margs konar starfsemi önnur,
tengd flugsamgöngum. Flug-
vallarsvæðið er vinnustaður
fjölmennis. Þar hefur þjóðin
og fjölmörg fyrirtæki fjárfest
í aðstöðu, sem kostaði mikla
fjármuni að koma fyrir annars
staðar. Engu að síður komu
fram ákveðnar hugmyndir um
að leggja ReykjavíkurflugvöU
niður í umræðu á Alþingi um
flugmálaáætlun fyrr í þessum
mánuði.
Kaldar kveðjur
Reykjavíkurflugvöllur fékk
kaldar kveðjur í máli sumra þing-
manna, þegar stjómarfrumvarp
um flugmálaáætlun var rætt í
efri deild fyrr í þessum mánuði.
Það var Haraldur Ólafsson (F.-
Rvk.) sem orrahríðina hóf. Hann
sagði m.a.:
„Það er ekki lengur fært að
hafa þennan stóra flugvöll í mið-
borg, ekki bara Reykjavíkur,
heldur raunverulega einnig í mið-
bæ Kópavogs. Það hlýtur að vera
framtíðarverkefni að flyija innan-
landsflugið suður í Keflavík og
taka þá upp hraðar samgöngur
þangað, t.d. með einspora braut,
eins og framsóknarmenn hafa
lagt til og barist fyrir...“.
Karl Steinar Guðnason (A.-Rn.)
tók í svipaðan streng. Hann sagði
að „það eigi nú þegar að hefja
undirbúning að því að flytja allt
innanlandsflug til Keflavíkurflug-
val!ar“ bæði vegna öryggisins og
þess að Reykjavíkurflugvöllur taki
upp dýrmætt land. Karl Steinar
talaði og um nýja akbraut til
Keflavíkur, „einstefnuakbraut,
sem gerði það að verkum að ör-
yggi þeirra, sem aka um Reykja-
nesbraut, yrði margfalt meira en
það nú er“.
Sigríður Dúna Kristmundsdótt-
ir (Kl.-Rvk.) taldi „óæskilegt að
Reykjavíkurflugvöllur sé áfram
suður í rnýri", „flugvallarstarf-
semi og bæjarlíf fari illa saman".
Hún talaði og um hávaðamengun
og loftmengun, sem flugi fylgdi
og samræmdist illa þéttbýli.
Vörn fyrir Reykjavík-
urflugvöll
Reykjavíkurflugvöllur átti einn-
ig sína talsmenn í þingdeildinni.
Skúli Alexandersson (Abl.-Vl.)
taldi að krafan um að leggja
Reykjavíkurflugvöll niður fæli
jafhframt í sér að „ijöldi þeirra
flugvalla, sem nú eru í notkun,
verði lagðir niður sem eðlilegir
áætlunarflugvellir. Það eru ekki
líkur fyrir þvi“, sagði hann, „að
þeir sem nú nota með góðum ár-
angri flugþjónustu við höfúð-
borgarsvæðið, t.d. vestan af
Snæfellsnesi, af Norðvesturlandi
og jafvel stöðum eins og Höfn í
Homafirði, fari að setjast upp í
flugvél til þess að komast til
Reykjavíkur og eiga fyrir hendi
ferðalag frá Keflavíkurflugvelli
eftir flugfar". Hann taldi einsýnt
að „hér verði áfram aðalflugvöllur
innanlandsflugs, þar sam hann
nú er“.
Eiður Guðnason (A.-Vl.) sagði
efnislega að kröfur um að leggja
niður Reykjavíkurflugvöll væm
óraunhæft óráðshjal. „Ég held“,
sagði hann, „að það verði ailtaf
að vera flugvöllur í eða alveg við
höfuðborgina". Hann taldi vafa-
samt að nægilegt Qármagn væri
fyrir hendi til að leggja niður
Reykjavíkurflugvöll og þá vænt-
anlega að gera annan nýjan
flugvöll í nágrenni borgarinnar",
með nauðsynlegri aðstöðu margs-
konar, samhliða öðrum aðkallandi
verkefnum, tengdum flugvöllum
og flugöryggismálum.
Jón Kristjánsson (F.-Al.) taldi
ólíklegt að Reykjavíkurflugvöllur
yrði lagður niður í næstu framtíð.
„Það er nú einu sinni svo“, sagði
hann, „að frá Reykjavíkurflug-
velli er stundað margs konar flug,
m.a. einkaflug, flugkennsla o.fl.,
auk þess áætlunarflugs, sem er
stundað þar“ til hinna ýmsu staða
á landinu.
Þannig sýndist sitt hveijum um
það hlutverk Reykjavíkurflugvall-
ar að vera miðstöð innanlands-
flugs.
Flugstöðvarbyg■ging• á
Reykjavíkurflugvelli
Reykjavíkurflugvöllur, það er
sú margþætta starfsemi sem þar
fer fram, er fyrirbæri, sem ekki
verður flutt annað með sama
hætti og hendi er veifað. Og þing-
menn hafa deilt um margt sem
er smærra í sniðum. Hinsvegar
er ljóst að ef Reykjavíkurflugvöll-
ur á að gegna hlutverki því, er
hann nú hefur, næstu áratugi,
þarf að gera honum sitt hvað til
góða, m.a. að reisa þar flugstöðv-
arbyggingu, er svari nútímalegum
kröfum flugfarþega, þ.e. almenn-
ings. Ekki vóru allir þingmenn
sáttir við slíkan Reykjavíkur-
kostnað. Helgi Seljan (Ábl.-Al.)
sagði t.d.:
„Ég veit að það koma áreiðan-
lega miklar óánægjuraddir utan
af landsbyggðinni ef við flug hing-
að á þetta suðvesturhom þarf að
bætast ferð frá Keflavík og hing-
að [til Reykjavíkur]. Þó hygg ég
að það mundi verða miklu meiri
óánægja með það úti á landi al-
mennt ef menn færu að veija
stórkostlegu fé til flugstöðvar-
byggingar á Reykjavíkurflugvelli
á meðan svo mikið er ógert í flug-
vallarmálum og flugöryggismál-
um úti á landi“.
Reykvíkingar, sem eru skatt-
greiðendur eins og annað fólk í
landinu, sem og allir þeir, sem
sækja þurfa þjónustu á Reykjavík-
urflugvöll, hafa sjálfsagt aðrar
meiningar í málinu en þessi þing-
maður varðandi aðstöðu flugfar-
þega á Reykjavíkurflugvelli.
Um framtíð Reykjavíkurflug-
vallar er hinsvegar margt enn
ósagt, bæði utan og innan Al-
þingis.
Superfos Emballage a/s
••
KAUPMENN - KAUPFELOG
Höfum á lager, og einnig getum við útvegað nánast allar umbúðir úr plasti fyrir:
ÁLEGG — HRÁSALÖT — SÍLD — StLDARSALÖT — SÓSUR — PÖSTUR ofl.
Pú nefnir það — VIÐ LEYSUM MÁLIÐ.
Leitið tilboða og upplýsinga hjá
umboðsmanni okkar á íslandi, í síma 91-24000 LYFJA OG UMBOÐADEILD
Ó. Johnson & Kaaber hf