Morgunblaðið - 05.03.1987, Blaðsíða 55

MORGUNBLAÐIÐ, FIMMTUDAGUR 5. MARZ 1987
55
L.M. er ánægð með Pál Magnússon og lið hans sem sér um fréttimar á Stöð 2. Telur hún þær vera
orðnar betri en fréttir Ríkissjónvarpsins.
Fréttir Stöðvar 2 frábærar
Kæri Velvakandi,
Ég get ekki orða bundist vegna
fréttaflutningsins á Stöð 2. Smám
saman hef ég horft æ oftar á Stöðv-
arfréttir og þeim mun minna á
fréttir Ríkissjónvarpsins. Ég verð
að lýsa ánægju minni með Pál
Magnússon og hans lið. í fyrsta
lagi er hann með ungt og hresst
lið. í öðru lagi er a.m.k. jafn mikið
í fréttum á Stöð 2 og RÚV. í þriðja
lagi „á hann ekki sjónvarpið“ eins
og Ingvi Hrafn hjá RÚV og að lok-
um eru s.k. skemmtifréttaskot bæði
fleiri og lengri en nokkurn tíma
hafa verið hjá RÚV.
Því má svo bæta við að allar
erlendar fréttir hjá RÚV eru gaml-
ar fréttir fyrir þá sem horfa á Stöð
2.
Mér finnst Guðjón Amgrímsson
mjög góður fréttamaður. Eftir á að
líta er ég einnig mjög ánægð með
nýju tímasetninguna á fréttunum.
Klukkann átta eru fréttimar búnar
og gamanið á skjánum hefst. Ef
fréttir Stöðvar 2 væru lélegar þá
þyrfti maður alltaf að horfa á frétt-
ir RÚV.
Ég vil að lokum ítreka ánægju
mína og mér finnst ótrúlegt að eft-
ir að hafa starfað í aðeins nokkra
mánuði sé Stöð 2 með betri fréttir
en RÚV sem starfað hefur í 20 ár.
L.M.
„MICR0VIP“
Handhægur orkumælír
til álagsgreininga
INIRGl
AHAU2ER
MICROVIP MÆLIR OG PRENTAR ÚT:
• Spennu (volt)
• Straum (amper)
• Raunafl (kw)
• Launaflsstundir (varh)
• Raunaflsstundir (kwh)
• Fasvik (coso)
• Mœlingartíma
• Lekastraum (LmA)
• Rið (Hz)
• Meðai fasvik (meðal coso)
• Launafl miðað við insett gildi á fasviki (coso)
• Fyrir 1-fasa eða 3ja-fasa mœlingu
• Höfum fœkið fyrirliggjandi á lager
• Leigjum það einnig út til mœlinga
Grensásvegi 7.
108 Reykjavik,
Box 8294.
S 681665. 686064
Vinstri menn ábyrgðar-
lausir í skattamálum
Heiðraði Velvakandi.
Hver er afstaða vinstri manna
hér á landi til vinnuveitenda sinna?
Hún er hreint ekki svo réttlát né
heiðarleg. Nú síðustu daga hafa
vinstriflokkamir þrír látið ljós sitt
skína í skattamálunum og eru sam-
mála um að atvinnurekendum skuli
lúskrað og þeir látnir finna fyrir
sköttunum, ef þeir fengju að ráða.
Þar á móti heimta þeir sífellt
hærri laun og auk þess að vera
skattfijálsir sjálfir. Þeir neyða at-
vinnurekendur til að greiða laun
sem þeim er oft ofviða með þeim
skyldum sem þeim em lagðar á
herðar — að halda uppi fullri at-
vinnu fyrir þá sem nenna að vinna.
Menn ættu að lesa grein Hannes-
ar H. Gissurarsonar í DV þann 10.
febrúar sl.. Hann lýsir þar vel og
rétt samskiptum verkalýðs og at-
vinnurekenda.
Ég hef áður lýst hvernig kröfu-
gerð verkalýðsins dregur úr velferð
þess sjálfs í kjaramálum og sést
það best af árangri af kjarabaráttu
síðustu áratuga. Afleiðing þeirrar
baráttu kemur okkur sífellt í meiri
vanda, ekki síst hvað varðar út-
flutning okkar til annarra landa,
sem við verðum að borga með svo
seljanlegur sé. Það er ekki athugað
að við erum að gefa útlendingum
með þessu háttalagi, en ekki til
dæmis bændum, þegar við greiðum
niður landbúnaðarvörur. Nú er
verðbólga á uppleið vegna kaup-
hækkana og líklegt að gengisfelling
verði á næstunni.
Ráðamenn launafélaga ætluðu
að gera mikið átak í byggingar- og
húsnæðismálum og tóku sér það
bessaleyfi að hirða sjóði aldraðra,
lífeyrissjóðina, til að lána Hús-
næðismálastjórn til fyrirgreiðslu í
húsnæðismálum, en skilur svo aldr-
að fólk eftir í slæmri aðstöðu, en
það átti að njóta þessa fjár.
Hvemig standa svo lántakendur
með þessi lán í vaxandi verðbólgu?
Svo heimta þessir forkólfar og fjöld-
inn enn meiri félagslega þjónustu.
Hana eiga atvinnurekendur að
borga líka ef á að gera alla skatt-
lausa sem hafa allt að 35.000
krónur í mánaðarlaun og enn meira
er heimtað af Alþýðubandalagi og
Kvennalista — 50.000 króna skatt-
frelsismörk. Þekkið þið kröfugerð-
arflokkana?
Þetta samsvarar að minnsta kosti
7000 króna kauphækkun á mán-
uði, miðað við hærri skattfrelsis-
mörkin, ofan á þá kauphækkun sem
nú þegar er orðin og á eftir að
verða á árinu.
Vinstrimenn gleypa auðvitað við
slíkum gjöfum frá þeim sem hærri
laun hafa og atvinnurekendum
þrátt fýrir skattastefnu sína á liðn-
um ámm sem öllu ætlaði að koll-
varpa. Lá við stórslysi sem aldrei
yrði bætt þegar núverandi stjóm
tók við óreiðunni.
Ég sé ekki hvemig þetta getur
staðist. Þessir flokkar em algjör-
lega ómerkir gerða sinna og orða,
þar með ábyrgðarlausir. Það er líka
ábyrgðarleysi að fara að vilja vinst-
rimanna með afnám skatta af
tekjum sem fyrirhugaðar em. Þeir
eiga að greiða skatta eins og aðrir,
borga sína eigin þjónustu að ein-
hveiju leiti meðan þeir krefjast
sífellt hærri launa.
Annað mál var það hefðu kaup-
hækkanir verið stöðvaðar. Lækkun
söluskatts hefði virkað á allt annan
og betri veg með lækkuðu vöm-
verði og byggingarkostnaði. Al-
þýðubandalagið og Kvennalistinn
kveða enn harðar á og vilja 50.000
króna skattfrelsismörk og er það
gert til þess að reyna með brögðum
að veiða atkvæði í kosningunum
sem í hönd fara. Mjög tortryggilegt
er hvernig þessir flokkar leggjast
gegn almennum tekjuskatti nú um
leið og þeir leggja alla áherslu í
stefnu sinni á félagslega þjónustu
og skattlagninu til slíkrar þjónustu.
Ég trúi ekki að konur og karla
sem em sjálfstæð í hugsun geti
kosið þvílíka skattastefnu yfir sig
við kjörborðið. Félagsleg þjónusta.
getur ekki verið möguleg nema með
skattlagningu eða gjöfum. Til dæm-
is er algengt í Bandaríkjunum að
vel stæð fyrirtæki gefi mikið fé til
matargjafa handa fólki sem lent
hefur í bjargleysi. Það verður aldrei
hægt hér meðan skattpíningar-
stefnan hefur afgerandi tök í
afkomu atvinnurekstrar og lamar
þar með allt framtak og allar fram-
farir. Afleiðingin verður atvinnu-
leysi.
Að vísu hefur SÍS gefið talsvert
til íþróttamála, en það er dálítið
athyglisvert, þar sem þeir frá Sam-
bandinu, t.d. forstjórinn sjálfur,
segja að bændur eigi SÍS, en þá
leyfist honum ekki að gefa frá
bændum. Þessu er þó öðmvísi hátt-
að. SÍS telur sig eiga bænduma og
hagar sér eftir því. Bankar eiga
heldur ekkert með að gefa. Fólkið
sem leggur afrakstur vinnu sinnar
til ávöxtunar í þessum stofnunum
á það sem samansafnast og á að
njóta þess. Starfsfólkið er kjörið til
þess að sjá um þessa fjármuni og
ávaxta að settum lögum og reglum.
Þorvaldur Kr. Guðlaugsson
• Ferð austur fyrir fjall
• Lúxusdvöl og gisting á hóteli med heitum potti,
gufubaði, Ijósalampa og bar
• Þríréttaður kvöldverður
• Skemmtun fram á nótt
• Miðnæturmatur fyrir samkvæmisljónin.
Verð aðeins kr. 2.100.-
d manniinn miðað við gistingu í tveggja manna herbergi,
þríréllaðan kvöldverð og morgunverd.
Við útvegum rútu sé þess óskað fyrir 500 krónur ú manninn, búðar leiðir.
Auka gistinótl kostar svo aðeins 400 kr. á mann'.
Er þetta ekki ódýrasl Itelgarpakkinn á markaðnum í dag?
Á Hótel Hvolsvelli eru 30 gistiherbergi og veitingasalur fyrir u.þ.b. 70 manns.
Hafið samband við okkur í síma 99-8187.
f HÓTEL
I HVOLSVÖLLLR
jL Hítðarvegi 7 860 Hvolsvelli símar (99) 8187 & 8351
• Hótel Hvolsvöllur býður starfshópum og fyrírtækjum uppá
skemmtilega nýjung í árshátiðahaldinu.
KÆRU
ÞJARKAR