Morgunblaðið - 12.05.1987, Blaðsíða 23

23
MORGUNBLAÐIÐ, ÞRIÐJUDAGUR Í2. MAÍ 1987
Gaulveijabæjarhreppur:
Sat í skólanefnd í samfettt 40 ár
Spjallað við Kristján Eldjárn
Þorgeirsson bónda í Skógsnesi
Gaulverjabæ.
SKÓLANEFNDIR eru margar
starfandi hérlendis og örugg-
lega einhverjar af mikilvægari
nefndum sem hver sveitar-
stjórn skipar. Kristján i Skógs-
nesi hætti i skólanefnd
Gaulveijabæjarhrepps á
síðasta ári. Samkvæmt upplýs-
ingum í bréfi sem Kristján fékk
frá menntamálaráðuneytinu er
allavega ekki vitað um neinn
er setið hefur lengur samfellt
í skólanefnd hérlendis. Eða
samfellt 40 ár.
Kristján telst því eiga íslands-
metið þar til annað kemur í ljós.
Hann sagði þessi 40 ár hafa liðið
hratt og óneitanlega væri ánægju-
legt að setja íslandsmet án þess
að vita af því eða ætla sér það
sérstaklega.
„Fæddur er ég 1922 á Hær-
ingsstöðum í Stokkseyrarhreppi.
Sjómennsku gat ég ekki stundað
vegna óhemju sjóveiki. Mér fannst
alltaf hálfgerð skömm að því
vegna þess að mínir ættmenn
voru miklir sjómenn. Þó harkaði
ég af mér nokkra róðra með Páli
á Baugstöðum. Það var róið frá
Loftstaðasandi og þá var gnægð
fiskjar. Hann kom á útmánuðum
í vöðum og var hreinlega mokað
upp með handfærum án þess að
væri beittur öngull."
Kristján fór í Flensborgarskóla
og hóf eftir það kennslu ungur
að árum í Stokkseyrarhreppi. „Ég
var víst einn af síðustu farskóla-
kennurunum. Maður hafði gaman
af þessu, hélt til á bæjunum og
kenndi þar.“
Það blundaði alltaf í Kristjáni
að gerast bóndi og 1945 hóf hann
búskap í Brandshúsum hér í Gaul-
veijabæjarhreppi. Síðan flutti
hann 1948 að Skógsnesi ásamt
konu sinni, Guðnýju Magnúsdótt-
ur, sem þaðan er ættuð.
„Ég kom í skólanefndina 1946.
Þá skipaði ráðherra einn mann í
nefndina en tveir voru kosnir
umleið og hreppsnefndin. Mennta-
málaráðherra, Brynjólfur Bjama-
son, skipaði Guðlaugu Narfadótt-
ur í Dalbæ. Hann taldi víst að hún
væri sósíalisti en ég held að það
hafi verið takmarkað.
Það voru víst einhvetjar þreif-
ingar með að koma mér í nefnd-
ina, a.m.k. tilkynnti Ólafur
Kristinsson á Efra-Velli mér það
á fömum vegi að nú færi ég í
skólanefndina í vor. Ég man að
kjörstjóm þótti skrýtið að ég færi
þama inn, nýfluttur í sveitina.
Morgunblaðið/V aldim.G.
Kristján Eldjárn Þorgeirsson,
bóndi í Skógsnesi.
Dagur Brynjólfsson í Gaulveijabæ
sagði þetta líkast því að hér væm
samtök um þetta. Þriðji fulltrúinn
var Sigríður Einarsdóttir á Fljóts-
hólum."
Þegar Kristján byijaði í nefnd-
inni var kennt í Þinghúsinu í
Gaulveijabæ og á Fljótshólum.
Áður hafði verið kennt um alla
sveit með farskólasniði. Hann
byijaði sem prófdómari á Stokks-
eyri og í Gaulveijabæ 1942 og
hefur verið það hér síðan.
„Mesta breytingin var þegar
starfsemi skólans fluttist í nýtt
skólahús. Þá hefst strax vísir að
skólaakstri. Krakkamir stóðu aft-
an á pallbíl hjá Jóni á Eystri-
Loftstöðum og Steindóri á Haugi.
Þetta þættu eflaust fmmstæðir
flutningar í dag. Skólaakstur mun
hins vegar hafa byijað í Olfusi
1941. Þá var farið að nota mjólk-
urbílana og þótti gefast vel.
Hér í Gaulveijabæjarhreppi var
fram til 1972 annars dags skóli
og aðeins eldri og yngri deild. Ég
vil meina að hafi náðst betri náms-
árangur þannig og síst held ég
að nemendur hafi goldið þess er
þeir komu á Laugarvatn og síðar
Gagnfræðaskólann á Selfossi.
Sjálfur kynntist ég þessu vel því
skólaganga minna sex bama stóð
samfellt í þijátíu ár og slitnaði
aldrei þann tíma. Slíkt held ég
að sé nokkuð óvenjulegt.
Nú, ég sat þama í nefndinni í
upphafi bráðungur maður með
tveim fullorðnum konum. Þegar
hins vegar réttum 40 ámm síðar
komu inn tvær ungar konur og
ég orðinn gamall, þá gafst ég
upp. Dæmið hafði sem sagt snúist
við. Þá fannst mér tímabært að
hætta," sagði Kristján að lokum.
— Valdim.G.
FERÐASKRIFSTOFAN A
POLARIS 'jiw
Kirkjutorgi4 Simi622 011
[rtumeilil
mum
FERÐASKRIFSTOFAN
POLAR/S
Kirkjutorgi 4 Simi622 011
POLARIS
w
I
GOOD'fÝEAR
HEKLAHF
Laugavegi 170 172 Simi 695500
GOODYEAR
Grand Prix S Radial
A GOODYEAR
KEMST EG HEIM
LEIÐANDI I VEROLD TÆKNIÞROUNAR HJOLBARÐA
PRISMA