Morgunblaðið - 12.05.1987, Blaðsíða 67
MORGUNBLAÐIÐ, ÞRIÐJUDAGUR 12. MAI 1987
67
Magnús Eiríksson höfundur Gleðibankans:
„Urslitin svolítið skondin“
„Mér fannst íslenska lagið gott og úrslitin svolítið skondin,"
sagði Magnús Eiríksson, lagasmiður og höfundur Gleðibank-
ans, sem lenti í 16. sætinu í Bergen í fyrra. „Ég átti von á því
að við yrðum ofar því mér fannst ekkert bregðast í flutningn-
um, en hljóðið fór einmitt með Gleðibankann í fyrra. Það tekur
vafalaust sinn tíma að vinna sig inn í keppnina. Islenskan er
ekki auðveldasta mál í heimi fyrir aðra að skilja og gæti það
hafa gert okkur erfiðara fyrir.
Björgvin Halldórsson og Johnny Logan þegar þeir hittust fyrst
í söngvakeppninni í Castlebar á írlandi árið 1982.
„Hann var óhress með
að Islendingar skyldu
ekki gefa sér stig“
- segir Björgvin Halldórsson
Það er alveg greinilegt að lögin
í keppninni eru ekki í neinu sam-
hengi við það sem er að gerast í
tónlistarlífí þessarra landa. Til
dæmis senda Bretar drasl í keppn-
ina, en eru alltaf mjög framarlega
í poppheiminum. Keppnin vekur
samt sem áður gífurlega athygli
og held ég að flestir Islendingar
vilji vera áfram með. Þó tel ég að
íslenskir höfundar verði að fara
að semja með þessa keppni í huga
ef þeir ætla sér að komast í ein-
hver af efstu sætunum. Mér finnst
sigurlagið ekkert sérstakt og er
ekki einu sinni viss um að það
falli undir þennan margumtalaða
Eurovision-stíl - þetta er róleg
ballaða, sem sungin er vel. Þýska
lagið er létt og fellur vel inn í
svona keppni og ítalska lagið var
gott,“ sagði Magnús. Hann sagðist
vera sammála Valgeiri um að vilja
sjá breytingar á keppninni og betri
lög, en það myndi vafalaust taka
sinn tíma og gerast hægt og hljótt.
Magnús sagðist vera sáttur við
fyrirkomulag keppninnar og dóm-
nefndir. Það væri almenningur
sem veldi sigurlagið. „Ég er samt
ekki viss um að þetta sé bara
keppni um besta lagið, heldur spil-
ar margt annað inn í svo sem
textinn, flutningurinn, málfarið og
hreinlega pólitík á milli landa.
Maður hefur sérstaklega tekið eft-
ir því hvemig Þýskaland hefur
greitt atkvæði í gegnum tíðina.
Þeir passa sig á að hlaða ekki
atkvæðum undir þá, sem þeir telja
sig vera í samkeppni við, þótt þeir
hafí bjargað okkur að þessu sinni
með 10 stigurn."
„ÉG hafði símasamband við hann
um nóttina eftir keppnina og hann
var mjög kátur og hress yfir sigr-
inum“, sagði Björgvin Halldórs-
son, sem hefur haldið kunnings-
skap við írska söngvarann Johnny
Logan frá þvi þeir hittust fyrst í
söngvakeppni í Castlebar á írlandi
árið 1982. Það var einmitt fyrir
tilstilli Björgvins, að Logan kom
fram á nýársdansleik i Broadway
í fyrra. „Það eina sem hann var
óhress með var að íslendingar
skyldu ekki gefa sér neitt stig, en
ég svaraði honum þá á móti að
írar hefðu heldur ekki gefið okkur
stig, og hann sló þessu þá upp í
grín,“ sagði Björgvin ennfremur.
Að sögn Björgvins hefur hann að
undanfömu staðið í samningaviðræð-
um við Logan, en Björgvin kvaðst á
þessu stigi ekki geta greint nánar frá
í hverju þeir samningar væru fólgnir.
Ekki er þó ólíklegt að það kunni að
tengjast hugsanlegri endurkomu Jo-
hnny Logan hingað til lands.
„Kynni mín af Johnnny Logan eru
mjög góð, þetta er öndvegis drengur.
Ég hitti hann fyrst þegar ég tók þátt
í söngvakeppninni í Castlebar 1982
og þá kom hann þar fram sem
skemmtikraftur," sagði Björgvin.
„Síðan kynntist ég honum nánar í
fyrra þegar ég tók í þriðja skipti þátt
í keppninni og náði öðru sætinu."
Björgvin sagði, að sigur Johnny
Logan nú hefði mikla þýðingu fyrir
hann persónulega og hefði í raun
skipt sköpum varðandi tilraunir hans
til að ná sér aftur á strik í bransan-
um. „Ég spurði hann þama um
nóttina hvort hann hefði verið eins
viss um sigurinn og hann vildi vera
láta fyrir keppnina og hann svaraði
að bragði: Ég var alveg viss.“
Johnny Logan kom, sá og sigraði
ÍRSKI söngvarinn Johnny Logan hafði látið þau orð falla fyrir
nýafstaðna söngvakeppni í Brtissel, að hann væri þangað kominn
til að sigra. Logan stóð við orð sín og sigraði með talsverðum yfir-
burðum og um leið vann hann það afrek að verða fyrsti maðurinn
til að vinna keppnina tvisvar.
Johnny Logan er nú 32 ára og
mikið vatn hefur mnnið til sjávar
frá því að hann, 19 ára gamall,
ákvað að hverfa frá námi í raf-
virkjun og feta í fótspor föður síns,
írska tenorsöngvarans Patrick
O’Hagan. Þegar Johnny Logan
sigraði í Evrópusöngvakeppninni
árið 1980 með laginu „What’s
Another Year“ benti margt til að
þar væri kominn fram á sjónarsvið-
ið stórstjama og var honum spáð
miklum frama á sviði dægurtónlist-
arinnar. Það fór þó á annan veg
og velgengnin, sem margir þóttust
sjá fyrir, rann honum úr greipum.
Fyrir Johnny Logan reyndust
næstu sjö árin í lífí hans „ár hinna
glötuðu tækifæra" svo notuð séu
orð hans sjálfs.
Söngvarinn ungi hafði samið af
sér gagnvart umboðsmönnum
sínum, sem höfðu öll ráð hans í
hendi sér og sögðu honum fyrir
verkum hvað varðaði lagaval og
annað er laut að ferli hans. Hann
lenti fljótlega í andstöðu við þá og
taldi ekki rétt að_ málum staðið
hvað sig varðaði. Átti það einkum
við um lagavalið, sem Logan fannst
ekki hæfa manni á sínum aldri, en
þar var meiri áhersla lögð á tónlist
sem sór sig í ætt við hefðbundna
„standarda", sem miðaldra söngv-
arar grípa gjaman til þegar halla
fer undan fæti. Deilur söngvarans
við umboðsmennina og hljómplötu-
framleiðendur leiddu síðan til
málaferla og hringlanda, sem stóðu
frama hans fyrir þrifum. Plötumar
hættu að seljast og hann missti
samning sinn við CBS hljómplötu-
fyrirtækið. í einkalífínu gekk á
ýmsu. Logan skildi við konu sína
og hvarf um tíma úr sviðsljósinu.
Sjálfur segist hann hafa eytt tveim-
ur ámm í Tyrklandi „í algjöru
tilgangsleysi". Um skeið átti hann
við áfengisvandamál að stríða en
náði sér upp úr því með hjálp trúar-
mnar.
Á seinni árum hefur Johnny
Logan reynt eftir mætti að endur-
skipuleggja vinnubrögð sín og
endurheimta stöðu sína sem stór-
stjama í heimi dægurtónlistarinn-
ar. í þeim efnum hefur hann ekki
síst lagt áherslu á að hljóta viður-
kenningu sem lagasmiður. Árið
1984 varð lag hans „Terminal 3“,
sungið af Lindu Martin, í öðm sæti
í Eurovision-keppninni og þar
missti Logan naumlega af þeim
heiðri að verða fyrsti maðurinn til
að sigra tvisvar í keppninni, annars
vegar sem söngvari og hins vegar
sem lagasmiður. Hann hefur nú
bætt um betur, hefur sigrað tvisvar
sem söngvari og einu sinni sem
lagahöfundur. Það er því von að
drengurinn sé kátur um þessar
mundir. Hann hefur endurheimt
plötusamning sinn við CBS og jafn-
framt lýst því hátíðlega yfír að
hann hafi lært af fyrri mistökum.
í þetta sinn ætlar hann ekki að
láta tækifærið ganga sér úr greip-
um.
Þótt ekki sé ætlunin að setja hér
fram tónlistargagnrýni á sigurlag
Johnny Logan, „Hold Me Now“,
er mér þó ljúft að játa að ég tel
það vel að sigrinum komið. Sam-
keppnin var enda ekki ýkja mikil
og ég verð að viðurkenna að mér
leiddist á meðan á söngvakeppninni
stóð. Ég heyrði írska lagið í fyrsta
skipti í sjálfri keppninni á laugar-
dagskvöldið og fyrstu tónamir
vöktu enga sérstaka hrifningu,
frekar en það sem á undan vai-
gengið. Ósjálfrátt fór maður þó að
leggja við hlustimar eftir því sem
á lagið leið og undir lokin var ég
orðinn sannfærður um að það ætti
talsverða möguleika. Það var
greinilegt að söngvarinn gaf sig
allan og þótt lagið sé í rólegri kant-
inum eru í því mikil átök sem
flytjandinn kom vel frá. Að mínum
dómi var það einnig kostur að hann
er sjálfur höfundur lagsins. Hins
vegar er ég þeirrar skoðunar að
þetta lag eigi ekki eftir að marka
nein þáttaskil í dægurtónlistarsög-
unni og einhvem veginn hef ég á
tilfínningunni að það eigi fljótt eft-
ir að falla í gleymsku. En þetta em
bara vangaveltur.
Hvað fannst þeim um úrslitin
Morgunblaðið/Júlíus
GUÐLAUG STUR-
L AU GSDÓTTIR: „ÉG
horfði á keppnina og hafði
gaman af. Eg varð ekkert
sérstaklega svekkt með
útkomu íslenska lagsins
þótt maður hefði auðvitað
óskað að það næði aðeins
lengra. Mér finnst írska
lagið gott og söngvarinn
fór vel með það. Fyrirfram
hafði ég þó ekkert frekar
veðjað á það fremur en
annað."
SESSELJA O. EINARS-
DÓTTIR: „ÉG horfði á
keppnina með öðru auganu
þar sem ég hafði ýmislegt
annað að gera. Ég er ekk-
ert óánægð með okkar
hlut, en ég er samt sam-
mála Þuríði Pálsdóttur, að
það hefði mátt vera meiri
kraftur í okkar lagi. Ann-
ars fínnst mér lögin í
þessari keppni of einhæf,
það er alltaf sami taktur-
inn. Lagið sem vann fannst
mér ágætt, eftir að ég hafði
heyrt það aftur.“
KONRÁÐ JAKOBSSON:
„MÉR FANNST lögin öll
ósköp svipuð og keppnin
var jafnari nú en oft áður.
Ég er frekar óánægður
með okkar útkomu, ég átti
ekki von á að við færum
niður fyrir 14. sætið. En
þrátt fyrir það held ég að
þetta hafi verið ágæt land-
kynning og ég er á því að
það sé rétt af okkur að
taka þátt í keppninni þótt
það kosti einhveija pen-
inga. Hvað varðar sigur-
lagið þá fannst mér það
ekki vera besta lagið í
keppninni."
MARGRÉT BJARNA-
DÓTTIR OG ERLA
DÖGG RAGNARSDÓTT-
IR: „ÞAÐ VAR skemmti-
legt að horfa á keppnina í
sjónvarpinu. Okkur finnst
þó að íslenska lagið hefði
átt skilið að komast ofar.
Það hefði átt að vera í
fímmta sæti. írska lagið
sem vann er gott. Hvort
söngvarinn sé sætur? Hann
er ágætur."
BJÖRGVIN EINARS-
SON: „ÉG HORFÐI á
keppnina og fannst hún
ágæt. Það var samt leiðin-
legt að við skyldum ekki
verða ofar. Við hefðum
ekki átt að lenda fyrir neð-
an 10. sæti og það var fúlt
að verða ekki ofar en
síðast. Sennilega hefur
íslenska lagið verið of gott
fyrir þessa keppni og þess
vegna lentum við ekki of-
ar. Sigurlagið var ekkert
sérstakt."
íÉÉhk.
PÁLÍNA FRIÐGEIRS-
DÓTTIR: „ÉG horfði ekki
á keppnina og get því lítið
sagt um hana. Ekki það
að ég hafí neitt minni
áhuga á þessu en gerist og
gengur. Ég hefði auðvitað
kosið að okkar framlag
næði lengra úr því við vor-
um á annað borð að taka
þátt í þessari keppni, enda
finnst mér lagið ágætt. Ég
hef enga sérstaka skoðun
á sigurlaginu enda get ég
varla sagt að ég hafí heyrt
það.“