Morgunblaðið - 12.05.1987, Blaðsíða 64

64
MORGUNBLAÐIÐ, ÞRIÐJUDAGUR 12. MAÍ 1987
SÖNGVAKEPPNI EVRÓPSKRA SJÓNVARPSSTÖÐVA 1987
JOHNNY Logan frá írlandi
sigraði örugglega í
Söngvakeppni evrópskra sjón-
varpsstöðva, sem fram fór í
Brussel síðastliðið laugardags-
kvöld, og um 500 milljónir
manna sáu í beinni útsendingu
22 þjóða. Logan söng eigið lag
og íjóð „Hold me now“ og er
þetta í annað sinn sem hann
, ^ sigrar fyrir hönd Irlands í
keppninni. Árið 1980 sigraði
hann með laginu „What’s anot-
her year“, en alls hefur írland
farið með sigur af hólmi þrisv-
ar sinnum. Vestur-þýska
hljómsveitin Wind söng sig inn
í annað sætið með laginu „Lass
die Sonne in dein Herz“ og
dúettinn Umberto Tozzi og
Raff höfnuðu í þriðja sætinu
með laginu „Gente di Mare“.
íslensku fulltrúamir í keppn-
inni höfnuðu í 16. sætinu, eins
og í fyrra, en búist hafði verið
við 10. til 12. sæti.
Reuter
Johnny Logan frá írlandi og Sandra Kim frá Belgíu kyssa hér verð-
launagrip Eurovision-keppninnar rétt eftir að úrslit voru kunngerð.
Morgunblaðið/Johanna Ingvaredóttir
Halla Margrét að taka sig til á hótelinu fyrir gala-dansleik, sem
haldinn var sl. fimmtudag.
Keppnin hefur ekkert með
gæði laganna að gera
- segja íslensku fulltrúarnir um Söngvakeppni evrópskra sjónvarpsstöðva
Keppendum var boðið til konungshjónanna í Belgíu sl. föstudag, þeirra Baldvins konungs og Fabiolu.
Á myndinni er einnig sigurvegarinn frá því f fyrra, Sandra Kim.
Finnar nær dottnir út
Feginsandvarp leið frá brjósti
margra Finna á laugardag þegar
skyndilega samdist við tæknimenn
á ríkssjónvarpinu. Tæknimenn voru
í verkfalli alla síðustu viku og virt-
ust engar horfur á samningum en
það hefði valdið því að Finnar hefðu
misst af söngvakeppninni. Keppnin
er jafnan mikill viðburður í fínnska
sjónvarpinu, sem víðar, en verk-
fallið hefði getað útilokað þátttöku
Finna vegna þess að dómnefndin
fínnska hefði ekki getað fylgst með
og dæmt frammistöðu keppenda.
•*- Alls fengu íslendingar 28 stig,
en sigurlagið 172 stig. Þýskaland
greiddi íslensku fulltrúunum tíu
stig, Grikkland sex stig, Noregur,
Belgía og Spánn fjögur stig hvert
land. Stigin frá íslensku dómnefnd-
inni voru eftirfarandi: Grikkland
eitt stig, Sviss tvö stig, Ítalía þijú
stig, Frakkland fjögur stig, ísrael
fímm stig, Kýpur sex stig, Dan-
mörk sjö stig, Svíþjóð átta stig,
Júgóslavía tíu stig og Þýskaland
tólf stig.
Erum sigurvegarar
„Þau ummæli, sem við höfum
fengið frá fólkinu hér, fulltrúum
landanna, hljómsveitinni og öðrum
' viðriðnum keppnina, hafa verið eins
og sigur fyrir okkur. Fólk kemur
tii okkar í stríðum straumum og
segir okkur að „Hægt og hljótt“ sé
þeirra uppáhaldslag, en sá gallinn
væri á að það væri ekki Eurovision-
lag. Mér fínnst við því standa uppi
sem sigurvegarar," sagði Valgeir
Guðjónsson lagahöfundur í samtali
við Morgunblaðið eftir að úrslit
höfðu verið tilkynnt í Hayzel-höll-
inni í Brussel um miðnætti á
laugardagskvöld. Valgeir sagðist
ekki hafa gert það upp við sig hvort
hann myndi freista gæfunnar aftur
í söngvakeppninni. Þessi keppni
væri nóg af hinu góða í bili. Það
væri búið að vera mjög flókið mál
af ýmsum ástæðum að taka þátt í
henni.
ísland áfram með
„Ég er fullviss um að keppnin
er góð sem vettvangur fyrir íslenska
lagahöfunda. Eftir að hafa upplifað
þetta hér, held, ég að við ættum
ekki endilega að keppa að því að
ná einhveijum verðlaunasætum,
heldur fínnst mér mikilvægara að
Island komi fram með eitthvað frá
hjartanu, eitthvað sem íslendingar
geta staðið á bak við í stað þess
að senda árlega frá okkur litla slag-
ara með Eurovision-yfírbragði.
Keppnin á fullkomlega rétt á sér
og eigum við auðvitað að vera
áfram með. Hinsvegar held ég að
við ættum ekki að líta á hana sem
keppni heldur sem vettvang fyrir
íslendinga til að vera með í stóru
samhengi þjóða á okkar menningar-
svæði. Við eigum að vera þátttak-
endur í Eurovision á sama hátt og
við sendum íþróttafólk á ólympíu-
leika án þess að ætlast til þess að
það standi alltaf efst á verðlauna-
pallinum."
Valgeir sagði að Johnny Logan
væri vingjamlegur og geðugur
drengur og hann á sinn hátt snerti
strengi í fólki. „Ég uni honum vel
að vinna, en þó fannst mér lagið
hans ekki besta lagið. Það er nokk-
uð erfítt að segja til um hvað var
best, en mér fannst til dæmis aust-
urríska lagið gullfallegt en það fékk
aðeins örfá stig.
Stóðum okkur
eins og hetjur
Halla Margrét Árnadóttir sagðist
vera mjög stolt af íslendingum og
stolt af sínu fólki. „Við stóðum
okkur öll eins og hetjur og það
sæti, sem við lentum í, sýnir að
Eurovision-keppnin hefur ekkert
með gæði laganna að gera, heldur
eitthvað allt annað svo ég er því
mjög sátt við 16. sætið. Ég sagði
frá byrjun að ef við yrðum ekki í
fyrstu sætunum, vildi ég lenda mjög
aftarlega því það sýndi hvemig
keppnin er. Hinsvegar er ég mjög
stolt jrfir því að hafa tekið þátt í
keppninni. Við vildum fyrst og
fremst gera eitthvað sem væri þjóð-
inni til sóma og ég finn það á öllum
hér að okkur hefur tekist það.
Dýrmætar 3 mínútur
Jón Ólafsson, hljómplötuútgef-
andi Skífunnar, sagði það dýrmætt
tækifæri að vera á meðal þátttak-
enda í Eurovision. „Við eram á
vettvangi Evrópuþjóða, sem leggja
sig fram við að kynna land og þjóð
sem best. Við verðum að gera okk-
ur grein fyrir því að við erum lítil
þjóð og höfum ekki mikla möguleika
á að kynna það sem við stöndum
fyrir. Líklega er erfítt að meta þess-
ar þijár mínútur, sem við fengum
í keppninni, til fjár og á horfðu 500
milljónir manna. Ef við hefðum
keypt þessar þijár mínútur í auglýs-
ingum í öllum þessum löndum,
hefðum við sennilega þurft að borga
meira en við hefðum haft efni á.
Halla Margrét og Valgeir vora verð-
ugir fulltrúar þjóðarinnar."
Jón bjóst við að lagið hefði góða
möguleika á að seljast í allmörgum
löndum. Lagið stæði fyrir sínu þrátt
fyrir að það hefði ekki náð langt í
keppninni. Þegar hafa verið gerðir
samningar um útgáfu á laginu á
Norðurlöndunum, Belgíu og Holl-
andi, Grikklandi, ísrael og Portúgal
og verður gengið bráðlega frá
samningum við Þjóðvetja og
Frakka.
Jón sagðist þafa kynnst Johnny
Logan 1981 í írlandi ásamt Björg-
vini Halldórssyni og tekist hefðu
með þeim vinabönd. „Ég get ekki
unnt neinum öðram eins vel þessum
sigri og Logan. Lagið er ágætt, en
ber ekkert sérstaklega af öðrum
lögum í keppninni. Það hefur því
fyrst og fremst verið Johnny Logan
sem sigraði.
Lærdómsríkt
„Segja má að það sé lærdómsríkt
að sitja tvö ár í röð í Söngvakeppn-
inni og lenda í 16. sætinu í bæði
skiptin. Við höfum ef til vill náð
örlitlum betri árangri nú en í fyrra
því þjóðunum fjölgaði um tvær,
Grikkland og Ítalía,“ sagði Bjöm
Bjömsson hjá Hugmynd. „Fólk hef-
ur verið að tala um útreiðina í
Bergen í heilt ár og gert hefur ver-
ið lítið úr Gleðibankanum og öllum
þeim sem að keppninni þá stóðu.