Morgunblaðið - 22.07.1987, Blaðsíða 15

MORGUNBLAÐIÐ, MIÐVIKUDAGUR 22. JÚLÍ 1987
15
Sérmerkjum
Félög - Fyrirtæki - Veitingahús
Með Jackie
- og- Maríu
SAGAN UM ARA
Erlendar bækur
Jóhanna Kristjónsdóttir
Peter Evans: ARI - The Life,
Times and Women of Arístotle
Onassis
Útg. Pengnin 1987
Peter Evans sem skrifar þessa
bók er fyrverandi blaðamaður, en
hefur einnig skrifað leikrit og nokkr-
ar bækur. Ekki er vafi á því, að hann
hefur víða leitað fanga í bókina og
gerir enda grein fyrir nokkrum þeirra
í formála, sem aðstoðuðu hann.
Onassis var af fátæku foreldri,
hefur jafnan verið kallaður grískur,
en fæddist í Smymu, sem nú er í
Tyrklandi.Hann var djarfhuga og
ætlaði sér stóran hlut og ruddi sér
braut til auðs með dugnaði, ófyrir-
leitni og meðfæddu viðskiptaviti.
Hann kom undir sig fótunum í Arg-
entínu og varð umsvifamikill skipa-
og siglingasýslari á ótrúlega skömm-
um tíma. Allt sem hann snerti á varð
að gulli og áður en hann var fertug-
ur, virðist hann hafa verið orðinn
margfaldur milljónamæringur og stóð
í hvers kyns braski fram í andlátið.
Onassis var alla tíð umtalaður og
umdeildur. Ekki aðeins vegna vafa-
samra viðskipta heldur líka vegna
kvennamála. Hann sóttist alla tíð
eftir konum af þvílíkri ákefð, að hann
hefði verið sagður með brókarsótt,
ef hann hefði verið kvenkyns. Konur
sóttust eftir kynnum við hann, hvort
sem þar réðu persónutöfrar eða pen-
ingar. Kannski sitt lítið af hvoru.
Hann gumaði mjög af karlmennsku
sinni og var óspar á einkunnagjafir
og umsagnir um ástkonur sínar.
Hann giftist á fimmtugsaldri sér
langtum yngri konu, Tinu, sem var
af grískri ríkisætt
Þau Onassis og Tina eignuðust
soninn Alexander og dótturina
Christinu. Tina kunni ágætlega að
meta það ríkislíf sem henni var boðið
upp á og sinnti lítið um uppeldi bama
sinna. Sömu sögu var að segja af
Onassis, enda hafði hann í mörg horn
að líta að eigin dómi. Sérstaklega að
drekka brennivín og svo vitanlega tók
sinn tíma að sinna fögrum/frægum
konum. Ástarævintýri hans og söng-
VEISLA I HVERRI DOS
KJÓTIDNAÐARSTÖÐ KEA
AKUREYRI SÍMI: 96~21400
konunnar Mariu Callas stóð árum
saman. Tina hafði þá loks fengið nóg
af ótryggð og grimmd Onassis og
skildi við hann. Eftir bók Peter Evans
að dæma hefur Maria Callas viljað
giftast honum, en einhver tregða var
í honum að bindast henni.
„Hátindurinn" á kvennaferli On-
assis er þó þegar hann komst í kynni
við Jacqueline Kennedy. Hann hafði
hitt hana og eiginmanninn, áður en
Kennedy varð forseti. Þá hafði hann
strax áttað sig á að Jacqueline væri
hin eftirsóknarverðasta kona. Að svo
stöddu var lítið hægt að gera, svo
að hann greip til þess ráðs að sofa
öðru hverju hjá Lee prinsessu, systur
hennar til að hafa tengsl við fjölskyld-
una. Eftir að Kennedy forseti var
myrtur, fór Onassis að leggja drög
að því að ná Jackie fyrir vind. Það
var auðvitað óhugsandi, að ekkja
Kennedys legði lag sitt við drykkju-
bolta og braskara og kvennamann
eins og Onassis. En hann gafst ekki
upp. Eftir að Robert Kennedy lézt
vorið 1968 var síðustu hindruninni
rutt úr vegi, eins og sagt er að Onass-
is hafi komizt að orði. Hann og Jackie
giftust um haustið og vakti það
hneykslun og furðu víða. Það kom
fljótlega í ljós, að ástin og eindrægn-
in risti ekki djúpt. Sagt var að eyðsla
Jackie hefði gengið fram af karli.
Enda nískur að ýmsu leyti eins og
margra ríkra er háttur.En til í að
ausa fé á báðar hendur, ef það hent-
aði honum sjálfum eða var honum
upphefðarefni.
Hvorki Jackie eða Onassis eru sér-
lega geðfelldar persónur í bókinni.
Raunar eru flestir sem koma við sögu
heldur ómerkilegir og spilltir. Það er
galli að Evans skuli ekki reyna að
færa manneskjuna Onassis til lesand-
ans. Einhvers staðar fyrir innan allar
umbúðimar hlýtur að hafa verið
manneskjan?

■r
? : .r'
SKANDINAVIA
38 sinnum í hverri viku
Danmörk, Noregur og Svíþjóð taka þér ávallt opnum örmum, allt árið um kring.
Þegar um er að ræða menningarlíf, náttúrufegurð og vinalegt andrúmsloft eru fá lönd
sem taka Norðurlöndunum fram - svo mikið er víst. Taktu þér ferð á hendur,
til góðra granna, og þú munt njóta þess.
Flugleiðir halda uppi reglubundnu áætlunarflugi til fimm borga í Skandinavíu,
38 sinnum í viku.
3xBERGEN
PEX kr. 15.850
3xGAUTABORG
PEX kr. 17.200
17 xKAUPMANNAHÖFN
PEX kr. 17.010,
8xOSLO
PEX kr. 15.850
7xST0KKH0LMUR
*
PEX kr. 19.820
* Miðað er við háannatíma, júní, júlí, ágúst.
Allar nánari upplýsingar færðu á söluskrifstofum Flugleiða,
hjá umboðsmönnum og ferðaskrifstofum.
FLUGLEIDIR
FLUGLEIDIR
___fyrir þig__
Söluskrifstofur Flugleiða: Lækjargötu 2, Hótel Esju og Álfabakka 10. Upplýsingasími 25100