Morgunblaðið - 29.08.1987, Blaðsíða 2

2
MORGUNBLAÐIÐ, LAUGARDAGUR 29. ÁGÚST 1987
------------------------rrl-----------------
Verð á áli hækkar um 40% á mörkuðum ytra:
Ahrif álverðshækk-
unarinnar ekki kom-
in fram hjá ÍSAL
Skilar sér á 4. ársfjórðungi segir
fjármálastjóri ÍSAL
UM 40% verðhækkun á áli á
mörkuðum ytra á þessu ári hefur
ekki enn komið fram hjá álverinu
í Straumsvík og ekki er ljóst
hvaða áhrif þetta kemur til með
að hafa á rekstur álversins. Þó
er búist við að verðhækkunin
skili sér til álversins innan tíðar.
Grunnverð á verksmiðjuáli var
um 1200 Bandaríkjadalir tonnið í
byijun þessa árs, en skráð þriggja
mánaða verð á mörkuðum er nú
1665 dalir og verðið hefur komist
í allt að 1800 dali. Verðhækkunin
hefur einnig náð til annarra álaf-
urða. „Þessi hækkun á mörkuðun-
um úti kemur innan tíðar fram í
okkar verði, sennilega á fjórða árs-
Ú'órðungi, en við erum ekki búnir
að sjá nákvæmlega hvenær eða
hvað mikið það verður. En álverðið
hefur verið nokkuð stöðugt hjá okk-
ur það sem af er árinu," sagði
Bjamar Ingimarsson fjármálastjóri
ÍSAL þegar Morgunblaðið spurði
hann um áhrif þessarar verðhækk-
unar á rekstur álversins í
Straumsvík.
Álverðið nú er með því hæsta sem
það hefur komist og stafar verð-
hækkunin aðallega af því að mikill
samdráttur hefur verið í álfram-
leiðslu í heiminum. Því hafa álbirgð-
ir á Vesturlöndum minnkað en
eftirspumin verið stöðug.
Bjamar sagði að vonast væri til
að verðið nú héldist eitthvað áfram
en ómögulegt væri að spá neinu
um þróunina. Þar gæti margt kom-
ið til, svo sem gengisþróun og
efnahagsástandið í heiminum.
Álverið í Straumsvík framleiðir
nú á fullum afköstum, eftir örðug-
leika í sumar sem stöfuðu af
gölluðum rafskautum.
Nítján ára piltur lést þegar bifreið hans fór út af Vesturlands-
vegi og stöðvaðist á hvolfi í sjónum.
Hvalfjörður:
Ungur piltur lést
í umferðarslysi
UNGUR piltur lést þegar bif-
reið hans fór út af Vesturlands-
vegi við Brynjudalsá í Hvalfirði
i gærmorgun. Bifreiðin hafnaði
á hvolfi úti i sjó og var piltur-
inn látinn þegar vegfarendum
tókst að ná bifreiðinni aftur á
land.
Pilturinn, sem var 19 ára Reyk-
víkingur, var á leið frá Reykjavík
til vinnu sinnar I Borgarfirði. Um
kl. 8 í gærmorgun fór bifreið hans,
stór amerísk fólksbifreið, út af
veginum um 500 metra sunnan
við Brynjudalsá. Bifreiðin fór nið-
ur allháan kant og stórgrýtisfjöru
og stöðvaðist á hvolfi úti I sjónum.
Vegfarendur sem komu að náðu
að festa taug í bifreiðina. Síðan
var vörubifreið notuð til að draga
bifreiðina upp í flöru, þar sem
henni var velt við. Þá reyndist
pilturinn vera iátinn.
Þegar lögreglan kom á vett-
vang var í fyrstu talið að fleiri
hefðu verið í bifreiðinni. Því voru
froskmenn frá lögreglunni í
Reykjavík fengnir til að kafa und-
an ströndinni, en síðar kom í ljós
að pilturinn hafði verið einn á
ferð. Ekki er unnt að birta nafn
hans að svo stöddu.
Mikið umferðar-
átak á næstunni
LÖGREGLAN mun á næstunni
gera mikið átak til aukins örygg-
is í umferðinni í samráði við
Umferðarráð og Fararheill ’87,
átak bifreiðatryggingafélaganna
í umferðinni.
í fréttatilkynningu frá Fararheill
’87 kemur fram að septembermán-
uður hafi oft verið mikill slysamán-
uður í umferðinni og því sé sérstök
ástæða til að hvetja alla til að-
gæslu. í september hefst kennsla í
grunnskólum um land allt og þá
koma út í umferðina mörg þúsund
nýir vegfarendur sem sáralitla eða
enga reynslu hafa. Því sé brýnt að
allir vegfarendur taki sérstakt tillit
til bama í umferðinni og stilli hraða
í hóf.
f umferðarátaki Fararheillar ’87,
lögreglunnar og Umferðarráðs
verður leitast við að auka eftirlit
og fylgjast með því að grundvallar-
reglum í umferðinni verði fram-
fylgt. Vonast er til að með
samstilltu átaki takist að ná tökum
á þeim vandamálum sem við er að
stríða í umferðinni eins og fram
kemur í fréttatiikynningu frá Far-
arheill ’87.
Morgunblaðið/Ámi Sæberg
Wilhelm Wessman, framkvæmdastjóri Gildis hf, Konráð Guðmundsson, hótelstjóri Hótels Sögu. Frið-
bert Ólafsson, framkvæmdastjóri Háskólabíós og Bjami Sigtryggsson, aðstoðarhótelstjóri Hótels Sögu.
í baksýn eru byggingamar, sem tengjast ráðstefnumiðstöðinni.
3000 mafina ráðstefnu-
miðstðð við Hagatorg
Hótel Saga og Háskólabíó bindast samtökum um að byggja
upp ráðstefnuaðstöðu í samvinnu við Ferðamálanefnd
HÓTEL Saga og Háskólabíó hafa
ákveðið að bindast samtökum um
að koma upp ráðstefnumiðstöð í
við Hagatorg og leitað eftir sam-
vinnu Ferðamálanefndar
Reykjavíkur, m.a. með það fyrir
augum að geta nýtt aðstöðuna í
Hagaskóla undir slíka starfsemi.
Hótel Saga hefur nú að fullu
tekið nýju hótelálmuna í notkun,
með alls 113 hótelherbergjum og
ræður því nú alls yfir 219 gisti-
rýmum. í álmunni eru að auki
sérstakir ráðstefnusalir sem geta
rúmað um 300 manns en alls er
I hótelinu öllu aðstaða fyrir fundi
og ráðstefnur fyrir um 1400
manns í sæti. í fyrradag var tek-
in fyrstu skóflustungan að nýrri
viðbyggingu þar sem verða þrir
saiir sem geta rúmað alls um 750
manns auk 1000 manna salarins
í aðalbyggingunni. Á þessu svæði
verður því ráðstefnuaðstaða fyr-
ir liðlega 3000 manns.
„Það hafa verið uppi hugmyndir
um að reisa hér í Reykjavík sér-
Bankakortin:
Abyrgð tek-
iná 10.000
kr. tékkum
HÁMARKSUPPHÆÐ sem bank-
ar og sparisjóðir ábyrgjast, ef
greitt er með tékka og framvísað
bankakorti, hækkar úr 3.000
krónum í 10.000 krónur þann 1.
september. Þá fellur jafnframt
niður 10 króna gjald sem við-
skiptamenn Hraðbankans hafa
þurft að greiða fyrir hveija út-
tekt.
Alþýðubankinn, Búnaðarbank-
inn, Landsbankinn, Samvinnubank-
inn, Útvegsbankinn, Verzlunar-
bankinn og sparisjóðimir hafa rekið
Hraðbankann um 18 mánaða skeið
og eru afgreiðslustaðimir nú sam-
tals 13. Bankakortin hafa gilt sem
lykill að Hraðbönkunum, en jafn-
framt hafa viðkomandi bankar og
sparisjóðir ábyrgst innistæðu tékka
hjá þeim viðskiptavinum sínum sem
framvísa bankakorti. Er þá við-
takanda tékkans tryggð innlausn
hans svo framarlega sem hann
skráir númer bankakortsins á tékk-
ann og ber saman undirskrift hans
við undirskrift á kortinu.
staka ráðstefnuhöll," segir Bjami
Sigtryggsson, aðstoðarhótelstjóri
Hótel Sögu. „Ráðstefnubyggingar
af þessu tagi þekkjast í mörgum
borgum erlendis en tilgangurinn
með starfseminni í þeim hefur þó
fyrst og fremst miðað að því að
laða ferðamenn til þessara borga.
Rekstur þessara ráðstefnuhalla
einna sér stendur hins vegar óvíða
undir sér. Við teljum þess vegna
nærtækara að í Reykjavík verði
byggð upp ráðstefnumiðstöð hér í
kringum Hagatorgið þar sem öll
aðstaða verður fyrir hendi til að
sinna hvers kyns ráðstefnuha!di.“
Þessi áform hafa þegar verið
borin undir Ferðamálanefnd
Reykjavíkur og segir Bjami áhuga
vera innan nefndarinnar fyrir fram-
gangi málsins. Er þá m.a. rætt um
að unnt verði að nýta aðstöðuna í
Hagaskóla undir starfsemi tengda
ráðstefnuhaldi, svo sem sýningar
og ýmsa þjónustu á þeim tíma þeg-
ar skólahald þar liggur niðri, enda
góð reynsla af slíku frá leiðtoga-
fundinum fyrir tæpu ári.
Ákveðið hefur verið af hálfu for-
svarsmanna Hótel Sögu að aðlaga
rekstur hótelsins í auknum mæli
ráðstefnuhaldi og sérhæfingu á því
sviði. Þeir benda á að gistirými í
Reykjavík hafi aukist vemlega und-
anfarin misseri. Er áætlað að
hótelin í borginni ráði nú yfir um
1000 herbergjum, sem er talsvert
umfram eftirspum, jafnvel yfír há-
sumarið. Hótelin standi því frammi
fyrir því í fyrsta sinn um langt skeið
að þurfa að laða til sín hótelgesti.
í því efni hafi menn um tvær leiðir
að velja — að lækka verðið eða
auka sérhæfinguna. Hótel Saga
hafi valið síðari kostinn.
Hótel Saga er með nýbygging-
unni alls um 20 þúsund ferm. að
stærð og þar af em um 17 þúsund
ferm. beinlínis tengdir hótelrekstr-
inum. í nýbyggingunni er eins og
áður segir fullkomin aðstaða til
ráðstefnuhalds auk þess sem nýir
veitingasalir hafa verið teknir í
notkun og í kjallara hótelsins hefur
verið opnuð Baðastofan, sem er í
senn heilsræktarstöð, nudd- og
gufubaðsaðstaða. Að auki nýtast
eldri salir hótelsins til fundar- og
ráðstefnuhalds, svo að alls hefur
hótelið yfir að ráða um 1400 sætum
undir slíka þjónustu.
Við Háskólabíó er hins vegar
verið að hefla byggingu á nýju
húsi sem rúma á þqá nýja sali sem
verða nýttir undir kvikmyndasýn-
ingar, fyrirlestra á vegum háskól-
ans og undir ráðsteftiur. Stærsti
salurinn tekur um 360 manns í
sæti, hinn næsti um 250 og sá
minnsti um 160 manns eða alls um
740-770 manns. Fyrir er síðan 1000
manna salurinn í aðalbyggingunni.
Að sögn Friðberts ólafssonar, for-
stjóra Háskólabíós er að því stefnt
-að nýju salimir verði komnir í gagn-
ið á miðju ári 1989.
Sérblað í tilefni 125
ára afmælis Akureyrar
AKUREYRARBÆR er 125 ára
í dag. Af því tilefni fylgir sér-
blað um Akureyri með Morgun-
blaðinu í dag.
Meðal efnis í blaðinu eru viðtöl
við ýmsa Akureyringa að störfum
og á fömum vegi. Gísli Jónsson
riflar upp atburði úr sögu bæjar-
ins fram til 1930 og Jón Hjaltason
segir frá Akureyri í kreppu og
stríði.
Bolli Gústafsson Qallar um
skáldin á Akureyri, Örlygur Sig-
urðsson skrifar afmælisgrein um
Akureyri, ólafur Sigurðsson
skrifar um fegurð bæjarins og
Leifur Sveinsson skrifar Akur-
eyrarbréf. Sagt er frá skólahaldi
á Akureyri og rætt við bæjarstjór-
ann Sigfús Jónsson.

4 firiAja fiúsund nemendur ifmmhaids-
skólum, lisiaskólum ng hásktilanámi
mU 1M;
tfe 'fggiÉj
.w :IW

ffií Akureyri 125 ára » ■ ■■