Morgunblaðið - 29.08.1987, Blaðsíða 49

MORGUNBLAÐIÐ, LAUGARDAGUR 29. ÁGÚST 1987
49
Islensk Getspá - Lottó 5/32:
465 milljón króna
velta á 9 mánuðum
Kór Flensborgarskóla syng-
ur í Hafnarfjarðarkirkju
Kór Flensborgarskóla söng á tónleikum í Lúkasarkirkjunni í Luzern í Sviss og var myndin tekin
við það tækifæri.
KÓR Flensborgarskóla heldur
tónleika í Hafnarfj arðarkirkj u
í dag 29. ágúst kl. 17.00.
Kórinn er nýkominn heim frá
kóramóti í Luzem í Sviss og tón-
leikaferðalagi í Austurríki. í
ferðinni hélt kórinn fema tón-
leika, m.a. söng kórinn á tónleik-
um í Lúkasarkirlqunni í Luzem
sem híjóðritaðir vom af sviss-
neska ríkisútvarpinu.
Stjómandi kórsins er Hrafn-
hildur Blomsterberg.
HÁTT í 200 milljónir króna hafa
nú þegar verið greiddar í vinn-
inga í Lottói íslenskrar Getspár
sem hóf starfsemi sína fyrir um
níu mánuðum síðan og ef fyrsti
vinningurinn gengur út í kvöld
getur hann farið í yfir tíu milljón-
ir króna. Aðstandendur Lottósins,
íþróttasamband íslands, Ung-
mennafélag íslands og Öryrkja-
bandalag Islands, hafa fengið
greiddar um 170 miljj. kr. í ágóða-
hlut og hefur sú fjárhæð farið
fram úr björtustu vonum manna,
að sögn Vilhjálms B. Vilhjálms-
sonar framkvæmdastjóra fs-
lenskrar Getspár. Hann sagði að
heildarvelta Lottósins frá byrjun
næmi nú um 465 milljónum króna.
Afgreiðslustaðir Lottósins em nú
orðnir 150 talsins og hefur Nætur-
salan, Strandgötu 5 á Akureyri,
forystu hvað varðar sölu Lottómið-
anna sé meðalsala tíu síðustu vikna
skoðuð. Næstir koma: Ný-ung Hafn-
argötu 6 í Keflavík, Bræðraborg
Hamraborg 20a í Kópavogi, Sölut-
í þessu húsi að Sæviðarsundi 21,
sem Hússjóður Öryrkjabanda-
lagsins hefur nýlega keypt,
verða leigðar út tvær tveggja og
tvær fjögurra herbergja íbúðir
til öryrkja.
uminn Langholtsvegi 126 Reykjavík
og Sælgætis- og Videóhöllin Garðat-
orgi 1 í Garðabæ.
Alls hafa 67 manns fengið yfir
hálfa milljón króna í vinning og hef-
ur enginn slegið ennþá met Olafar
Ananíasdóttur á Akureyri, sem hinn
6. desember hlaut rúmlega 3,2 millj-
ónir króna. Enn er einn vinningur
ósóttur að upphæð 2,1 milljón króna
frá því í vor.
Ný trúfélög og þjóðkirkjan:
Fleira sem sameinar
okkur en sundrar
- segir Gunnar Þorsteinsson forstöðu-
maður Krossins
FORSVARSMENN trúfélaganna
Krossins, Vegarins og Trúar og
lífs telja að þótt þá greini á við
þjóðkirkjuna í nokkrum veiga-
miklum atriðum eigi þeir margt
sameiginlegt með henni og eru
óánægðir með þá mynd sem þeir
telja að fjöimiðlar hafi gefið af
þeim undanfarið. „Það er ekki
hægt að setja jafnaðarmerki á
milli okkar og þeirra sértrúar-
söfnuða í Bandaríkjunum sem
fjallað hefur verið um í Ríkissjón-
varpinu," segir Gunnar Þorsteins-
son.
„Við teljum að þjóðkirkjan geri
margt gott,“ segir Gunnar enn frem-
ur, „munurinn á okkur og þjóðkirkj-
unni felst fyrst og fremst í
mismunandi áherslum og tjáningu."
„Við viljum standa saman um alla
kristna arfleifð og sjá hana vaxa,“
segir Bjöm Ingi Stefánsson forsvars-
maður Vegarins. „Við emm eitt þótt
við séum ekki eins.“
Á blaðamannafundi sem fyrr-
nefnd samtök boðuðu til ásamt
samtökunum Ungt fólk með hlut-
verk sem er hópur leikmanna innan
þjóðkirkjunnar kom fram að þó væri
ákveðinn trúarlegur ágreiningur á
milli þeirra og þjóðkirkjunnar og
væri mismunandi skilningur á gildi
skímarinnar þar mikilvægastur.
Einnig er ágreiningur á milli þess-
ara trúarhópa og þjóðkirkjunnar um
það hvemig líta beri á áfengissýki
og samkynhneigð. „Við lítum á alkó-
hólisma og kynvillu sem sjmdir,“
segir Halldór Lárusson forsvarsmað-
ur Trúar og lífs. „Við fordæmum
ekki kynvillinga og tökum þeim opn-
um örmum ef þeir vilja snúa til
kristni en við fordæmum kynvilluna
sjálfa. Kristinn samkynhneigður
maður er ekki til.“
Að sögn Bemharðar Guðmunds-
sonar fréttafulltrúa þjóðkirkjunnar
lítur þjóðkirkjan ekki á áfengissýki
sem synd en lftið hefur verið fjallað
um samkynhneigð innan hennar.
„Þetta er ákaflega viðkvæmt mál
og krefst mikillar guðfræðilegrar
vinnu," segir Bemharður.
„Við höfum hins vegar ekkert út
á það að setja þótt menn tjái trú
sína á óformlegri hátt en venjan
hefur verið. Ég get nefnt sem dæmi
að hjá Grensássöfnuði hafa verið
guðsþjónustur með fijálslegra sniði
samhliða hefðbundnum sunnudags-
guðþjónustum.
Okkur finnst, skipta mestu máli
að kenningin sé hrein og Kristur sé
boðaður, í hvaða formi svo sem það
Morgunblaðið/Sverrir
Forsvarsmenn trúarhópanna. Frá vinstri, Friðrik Schram frá Ungu
fólki með hlutverk, Halldór Lárusson frá Trú og lífi, Gunnar Þor-
steinsson frá Krossinum og Björn Ingi Stefánsson frá Veginum.
Lyftistöng öryrkja
Öryrkjabandalag íslands fær 40%
ágóðahlutans úr Lottóinu og hefur
verið ákveðið að 80% þess fjármagns
skuli renna til byggingar íbúðar-
húsnæðis fyrir öryrkja og 20% til
að efla aðra starfsemi þess. Hússjóð-
ur Öryrkjabandalagsins hefur fest
kaup á þrettán íbúðum á höfuð-
borgarsvæðinu auk þriggja einbýlis-
húsa fyrir sambýli. Þá hefur
sjóðurinn sótt um lóð í Reykjavík
undir 30 íbúðir í viðbót. Bygginga-
framkvæmdir standa yfir á Selfossi
við hús með fimm íbúðum í og í
ráði er að kaupa hús á Akureyri
fyrir allt að sjö fatlaða.
17. umdæmisþing íslenskra kiwanismanna:
íslenska kiwanishreyfingin
sú langöflugasta í lieiminum
- segir Raymond de Meulemeester
Evrópuforseti hreyfingarinnar
SAUTJÁNDA umdæmisþing islenskra Kiwanismanna verður haldið
um helgina í Digranesi í Kópavogi. Þingið var sett í gærkvöldi í
Kópavogskirkju og sækja það um 600 manns. Á þinginu verður
fjallað um stöðu íslensku Kiwanishreyfingarinnar, eflingu hennar
út á við og inn á við. Endanleg skil verða gerð á sölu K-lykilsins
svokallaða síðan 18. október sl. undir kjörorðinu „Gleymum ekki
geðsjúkum". Einnig verða gerð skil á söfnun fjár til kaupa á bruna-
vamakerfi í Kópavogshæli og lögð verður áhersla á öflugt líknar-
starf á vegum Kiwanisklúbba í landinu.
Sérstakir gestir þingsins eru
komnir frá Bandaríkjunum,
Frakklandi og Noregi. Þeir eru:
Raymond de Meulemeester Evr-
ópuforseti hreyfingarinnar frá
Frakklandi, Gene R. Overholt kjör-
forseti alheimshreyfingarinnar frá
Bandaríkjunum og Jan Cato Hen-
riksen umdæmisstjóri Norden-
umdæmisins, sem nær yfir Noreg,
Svíþjóð, Danmörk og Finnland.
Blaðamaður Morgunblaðsins
ræddi stuttlega við þá í gær og
lýstu þeir yfir mikilli ánægju sinni
með hvernig staðið væri að málum
Kiwanishreyfingarinnar á íslandi.
„Kiwanishreyfingin hér er sú lang-
öflugasta í heiminum og hefur
henni tekist að slá öll met hvað
varðar fjársafnanir til handa góð-
um málefnum, til þeirra sem minna
mega sín í þjóðfélaginu. íslensku
félagamir virðast mjög samhentir.
Ekki er þó nægilegt að þeir vinni
vel saman, heldur þarf þjóðin að
leggjast á eitt með að hjálpa lítil-
magnanum," sagði Raymond de
Meulemeester í samtali við Morg-
unblaðið og hann bætti því við að
ef til vill mætti rekja þennan mikla
ávinning til þess hversu lítil þjóðin
væri og einangruð. í öðmm löndum
færi slík samstaða oft á tíðum fyr-
ir ofan garð og neðan. Niðurrifsöfl-
in næðu oft tökum úti í hinum
stóra heimi og snérist fólk því oft
á tíðum til vamar með því að hugsa
aðeins um eigið skinn.
Meulemeester sagði að í Frakk-
landi störfuðu 250 klúbbar, en það
væri lítið miðað við ísland. Hins-
vegar efldist hreyfingin með hveiju
árinu sem liði og er nú nýlega
búið að koma upp klúbbum í Port-
úgal og á Spáni. Fyrsta kiwanis-
klúbbnum í Evrópu var komið á
fót árið 1964 og em þeir nú komn-
ir yfir 800 talsins.
Kiwanishreyfingin fæddist hins-
vegar í Detroit í Bandaríkjunum
árið 1915 og em nú starfandi
8.300 klúbbar þar í landi með yfir
315.000 félögum. Félagar í Kiwan-
ishreyfingunni á íslandi em nú um
1.300 talsins í 41 klúbbum, þar
með töldum Færeyjum, og er um-
dæmið það fiölmennasta miðað við
höfðatölu íbúa. Kiwanishreyfingin
nær alls til 72 þjóða víðsvegar í
heiminum nema austantjaldslanda
Morgunblaðið/Sverrir
Frá vinstri á myndinni eru: Raymond de Meulemeester Evrópufor-
seti hreyfingarinnar frá Frakklandi, Gene R. Overholt kjörforseti
alheimshreyfingarinnar frá Bandaríkjunum, Arnór L. Pálsson
umdæmisstjóri íslenska kiwanisumdæmisins og Jan Cato Henriks-
en umdæmisstjóri annarra Norðurlanda.
og nokkurra annarra svo sem
Grikklands, Tyrklands og ísraels.
Asíulöndin em mjög virk í starfi,
að sögn félaganna, en hreyfíngin
hefði ekki enn sem komið væri
áhuga á að kynna starf sitt í Suð-
ur-Afríku miðað við það ástand
sem nú ríkir þar. Alþjóðleg þing
em haldin ár hvert og fór það
síðasta fram í Washington í byijun
júlí þar sem saman vom komnir
um 15.000 félagar. Næsta alþjóða-
þing kiwanismanna verður haldið
í Seattle, að sögn Gene R. Over-
holt.
Áttatíu klúbbar starfa í umdæmi
Noregs, Svíþjóðar, Danmörku og
Finnlands, þar af 70 í Noregi ein-
um. Félagar em 2.100 talsins. Jan
Cato Henriksen sagði að vegna
fjárskorts gætu Norðmenn ekki
breitt Kiwanishreyfinguna hraðar
út á hinum Norðurlöndunum en
raun ber vitni. „Við byijuðum í
Finnlandi fyrir aðeins þremur
ámm og höfum nú þegar fimm
klúbba þar. Það er betra að fara
sér hægt, en treysta þó gmnninn,"
sagði Henriksen.
Umdæmisstjóri íslenska kiwan-
isumdæmisins er Amór L. Pálsson
framkvæmdastjóri úr Kópavogi.
Hann sagði að fjölgun kiwanis-
manna hefði verið mjög hröð á
íslandi og þess vegna hefði ísland
slitið sig frá hinum Norðurlöndun-
um og stofnað sér umdæmi.
Kiwanismenn á íslandi halda svo-
kallaða K-daga á þriggja ára fresti
og hafa þeir aflað 25 milljónum
króna á núvirði, en alls hafa fimm
slíkir K-dagar verið haldnir, sá
fyrsti árið 1974. K-dagamir em
ávallt haldnir undir sama kjörorð-
inu „Gleymum ekki geðsjúkum“.