Morgunblaðið - 13.01.1988, Blaðsíða 38

Morgunblaðið - 13.01.1988, Blaðsíða 38
38 MORGUNBLAÐIÐ, MIÐVIKUDAGUR 13. JANÚAR 1988 Canon Ijósritunarvélar Hentugar vélar fyrir minni fyrirtæki, deildirstærri fyrirtækja o.fl. Ljósritarífjórum litum báðum megin á allan pappír og glærur. Mjög skörp og góð Ijósrit. Viðhaldsfríarvélar. Langódýrustu vélarnar á markaðnum Verö aðeins: FC-3 36.900-stgr. FC-5 39.990- «g, kritVélin hf Suðurlandsbraut 12, s: 685277 5 § s s I § § -Dale . Carnegie þjálfun RÆÐUMENNSKA OG MANNLEG SAMSKIPTI Kynningarfundur Kynningarfundur verdur haldinn fimmtudaginn 14. janúar kl. 20.30 á Sogavegi 69. Allir velkomnir. * Námskeiðið getur hjálpað þér að: * Öðlast hugrekki og meira sjálfstraust. * Láta í Ijósi skoðanir þínar af meiri sannfæring- arkrafti í samræðum og á fundum. * Stækka vinahóp þinn, ávinna þér virðingu og viðurkenningu. * Talið er að 85% af velgengni þinni séu kom- in undir því hvernig þér tekst að umgangast aðra. * Starfa af meiri lífskrafti - heima og á vinnustað. * Halda áhyggjum í skefjum og draga úr kvíða. Fjárfesting í menntun skilar þér arði ævilangt. Innritun og upplýsingar í síma 82411 Bryndís Pálma- dóttir - Minning STJÓRNUNARSKÓLINN 9o Konráö Adolphsson. Einkaumboð fyrir Dale Carnegie námskeiöin" Fædd 1. marz 1897 Dáin4.janúarl988 í dag verður gerð frá Fossvogs- kirkju útför Bryndísar Pálmadóttur, sem andaðist á 91. aldursári í Hjúkrunarheimilinu í Kumbaravogi. Hún var ekkja Steindórs heitins Gunnlaugssonar lögfræðings frá Kiðjabergi, sem var þekktur borg- ari í Reykjavík og andaðist 17. marz 1971. Frú Bryndís var glæsi- leg kona, sem búin var miklum mannkostum. Hún hét fullu nafni Sigríður Bryndís og var fædd á prestssetrinu að Höfða á Höfðaströnd í Skaga- firði, og voru foreldrar hennar séra Pálmi Þóroddsson og kona hans, Anna Hólmfríður Jónsdóttir. Séra Pálmi var fæddur 9. nóvember 1862 að Hvassahraunskoti í Hraunum, dáinn 2. júlí 1955. Foreldrar hans voru Þóroddur Magnússon frá Ey- vindarstöðum á Álftanesi, sem síðar var bóndi í Kothúsum og Skeggja- stöðum í Garði, og kona hans, Anna Guðbrandsdóttir bónda í Kothúsum Þórðarsonar. Ungur að árum þótti séra Pálmi bera af öðrum ungum drengjum sökum góðra hæfileika. Fyrir atbeina góðra manna var hon- um veittur ríflegur styrkur úr Thorkilli-sjóði, en sá sjóður hafði þann tilgang að veita fátækum og efnilegum piltum styrk til æðra náms. Þessi styrkur gerði Pálma hinum unga kleift að ganga í Lærða skólann og síðan Prestaskólann, og lauk hann prófum úr báðum skólum með lofsamlegum vitnisburði. Hann lauk prófi í guðfræði 21. ágúst 1885, þá 23 ára að aldri. Hann gerðist prestur að Felli í Sléttuhlíð í Skágafirði 1. september 1885 og hlaut vígslu 6. s.m. Síðan varð hann prestur að Höfða 1891 vegna sam- einingar prestakalla og loks varð hann prestur 1908 á Hofsósi og gegndi því embætti til 1. júní 1934, er hann fékk lausn frá embætti. Þá hafði hann verið í prestsþjón- ustu 49 ár. Hann átti sæti í sýslu- nefnd 1900-1928, og fleiri trúnaðarstörf hafði hann á hendi, þótt eigi verði rakin hér. Séra Pálmi var giæsimenni, vel á sig kominn á velli, hár og beinvaxinn, og fríður sýnum og svipgóður. Hann þótti góður ræðumaður og inna prests- verk öll af hendi með sóma. Þess skal getið, að séra Pálmi átti eina systur, Ingibjörgu, sem ' var gift Lofti Jónssyni bónda á Mýrum í Sléttuhlíð. Meðal barna þessara hjóna voru Jón Loftsson stórkaup- maður í Reykjavík og Pálmi Lofts- son forstjóri Skipaútgerðar ríkisins. Móðir Bryndísar og kona séra Pálma var Anna Hólmfríður, dóttir séra Jóns prófasts Hallssonar í Glaumbæ í Skagafirði og Valgerðar Sveinsdóttur. Hún ólst upp á heim- ili föður síns og Jóhónnu Halls- dóttur konu hans með 10 systkinum sínum þar, sem upp komust og eru eftirtalin: Sigurður á Reynisstað, Stefán verzlunarstjóri á Sauðár- króki, Ingveldur átti Stefán stúdent Einarsson í Krossanesi, Jóhanna Lovísa kona Einars B. Guðmunds- sonar alþm. á Hraunum, Sesselja kona séra ísleifs Einarssonar á Stað í Steingrímsfirði, Þorbjörg óg., Sigríður óg., Björg átti Sigurð Pét- ursson á Hofsstöðum, Stefanía óg., María átti Einar stúdent og bók- haldara Stefánsson. Allt var þetta myndarfólk og góðum hæfileikum gætt. Séra Jón Hallsson var.talinn ríkismaður og héraðshöfðingi, enda glæsilegur hæfileikamaður. Af þessari stuttu frásögn af föð- ur- og móðurætt Bryndísar Pálma- dóttur, sem nú er kvödd hinztu kveðju, er augljóst að hún hefir átt til gagnmerks hæfileikafólks og höfðingja að telja, enda var svipmót og öll framkoma hennar og þeirra systkina af því mörkuð. Á heimili foreldra sinna ólst Bryndís upp í stórum systkinahópi, en þau séra Pálmi og frú Anna eign- uðust alls 11 börn, sem upp komust, og skulu þau öll talin hér upp í ald- ursröð: Þorbjörg átti Jóhann Möller verzlunarstjóra á Sauðárkrólu, Björg Lovísa átti Guðmund Svein- björnsson ráðuneytisstjóra í dómsmálaráðuneytinu, Jón Sigurð- ur bóndi á Þingeyrum átti Huldu Á. Stefánsdóttur húsmæðraskóla- stjóra, Jóhann Marinó verzlunar- maður ókv., Þóranna átti Pétur Pétursson kaupmann á Akureyri, Friðrika Hallfríður átti Vilhelm Er- lendsson kaupmann á Hofsósi, Stefán bústjóri á Korpúlfsstöðum ókv., Jóhanna Lovísa átti Jón H. ísleifsson verkfræðing í Reykjavík, Sigrún átti Jón Sigurðsson óðals- bónda og alþm. á Reynistað, Sigríð- ur Bryndís, sem hér er minnzt, átti Steindór Gunnlaugsson lögfræðing, og Þórður kaupfélagsstjóri síðast í Borgarnesi átti Geirlaugu Jóns- dóttur frá Bæ á Höfðaströnd. Hann er nú einn á lífi þeirra systkina. Geta má nærri, að erfitt hefir verið fjárhagslega að sjá þessum stóra barnahópi farborða af prests- launum, sem voru lág á þessum árum. En þau séra Pálmi og frú Anna voru hagsýn og dugleg við búskap, meðan þau höfðu jarð- næði, og auk þess var séra Pálmi vanur sjósókn af Suðurnesjum og gat því að nokkru leyti stuðzt við sjávarafla. En öll þessi börn kom- ust vel til manns og voru einstak- lega vel af Guði gerð, vel gefin, fjölhæf og dugleg, auk þess sem þau voru rómuð fyrir fríðleik og glæsimennsku. Þau hlutu öll góða skólamenntun, eftir því sem þá tíðkaðist. Þann 24. maí 1918 giftist Bryndís Steindóri Gunnlaugssyni lögfræðingi í Reykjavík, miklum ágætismanni. Foreldrar hans voru Gunnlaugur Jón Halldór hreppstjóri og dbrm. á Kiðjabergi, Þorsteins- sonar sýslumanns og kanselliráðs á Kiðjabergi, Jónssonar administrat- ors á Stóra-Armóti í Flóa, Jónsson- ar sýslumanns á Móeiðarhvoli. Móðir Steindórs og kona Gunnlaugs á Kiðjabergi var Soffia Skúladóttir prófasts á Breiðabólstað í Fljótshlíð Gíslasonar. Þau Bryndís og Steindór eignuð- ust tvö börn, sem eru: Anna Soffía, sem átti Pál Sigurðsson yfirverk- fræðing og rafmagnseftirlitsstjóra, sem andaðist fyrir aldur fram 16. desember 1966; þeirra börn eru: Sigurður matvæla- og lyfjafræðing- ur og Gunnlaugur Þór kvikmynda- gerðarmaður. Gunnlaugur Pálmi forstjóri Dynjanda sf., Reykjavík, kvæntur Guðrúnu Haraldsdóttur, og eru synir þeirra: Steindór verzl- unarmaður, kvæntur Hrefnu Njáls- dóttur, og eiga þau eina dóttur, að nafni Bryndís Dögg, og Haraldur Páll nemandi. Heimili Bryndísar og Steindórs var alla tíð í Reykjavík. Það var annálað fyrir myndarskap og mikla gestrisni. Þangað voru ættingjar og aðrir vinir hjónanna ætíð vel- komnir og þeim vel fagnað með rausnarlegum veitingum og sér- stakri alúð húsbændanna. Á jóium og öðrum hátíðum buðu þau jafnan til sín ættingjum og venzlafólki og var þar jafnan gott að vera. Vegna tengsla minna við Bryndísi, þar sem kona mín var systurdóttir hennar, naut ég með henni, móður hennar og systur oft gestrisni á þessu góða heimili, og hefi ég hugljúfar minn- ingar frá þeim tíma. Mér er einnig kunnugt um, að á heimili Bryndísar og Steindórs dvöldu ættingjar þeirra beggja oft lengri og skemmri tíma. Þau hjón voru um þetta og annað einkar samhent, og var hjónaband þeirra með ágætum. Bryndís var fríð kona sýnum, myndarleg og vel á sig komin á alían hátt. Hún var mikil húsmóðir og góð móðir börnum sínum. Hún var góðum gáfum gædd, listfeng, og léku hannyrðir og hússtjórn í höndum hennar. Hún var alla tíð glaðleg og ljúf í viðmóti og ein- kenndist mjög af þeirri framkomu að vilja sýna öðru fólki góðleik og láta gott af sér leiða. Af þessum mannkostum Bryndís- ar leiddi, að hún var hvers manns hugljúfi og öllum, sem kynntust henni, þótti vænt um hana. Minn- ingin um þessa mætu konu mun lifa í hugum og hjörtum okkar, sem þekktum hana. Börnum hennar, barnabörnum og tengdadóttur sendi ég innilegar samúðarkveðjur. Jóhann Salberg Guðmundsson Þegar frú Bryndís Pálmadóttir hefur gengið til hinstu hvílu, á tíræðisaldri, fer ekki hjá því að margs sé að minnast. Hún var ekkja Steindórs Gunnlaugssonar, lög- fræðings, sem var eitt af svokölluð- um Kiðjabergssystkinum, og var hún seinust barna og tengdabarna þeirra hjóna, Soffíu og Gunnlaugs Þorsteinssonar, sem yfirgefur þenn- an heim. Milli þessa fólks voru ávallt mjög sterk fjölskyldutengsl, og skar Bryndís sig síður en svo úr í þeim efnum. Voru miklir kærleikar með henni og ömmu minni, Soffíu Skúladóttur, ég tala nú ekki um milli hennar og móður minnar Guð- rúnar Gunnlaugsdóttur. Á seinni árum leið varla svo dagur, að þær töluðu ekki saman meðan báðar lifðu. Vinátta Bryndísar var ávallt fölskvalaus og einlæg og minnist ég nú sérstaklega jólaboða þeirra hjóna, sem voru heilt ævintýri. Auk mikilia góðgerða var margt sér til gamans gert, spilað á spil eða farið í leiki. Bryndís kunni marga jóla- Ieiki og dansa, sem húri kenndi okkur, svo sem „að vefa vaðmál" og margt, margt fleira. Nú virðast þessir jólaleikir að mestu fallnir í gleymsku og er það miður, því að þetta var græskulaust fjölskyldu- gaman. Steindór, eiginmaður hennar, var alla tíð mikill hestamaður og átti ávallt afbragðs hesta. Þau hjón voru glæsimenni að vallarsýn, og var til þess tekið í Skagafirði, þeg- ar Steindór var þar settur sýslu- maður á árunum 1918—19, hve sýslumannsfrúin sat vel hest í söðli, og kölluðu Skagfirðingar þó ekki allt ömmu sína í þeim efnum. Bryndís var mjög listræn í eðli sínu, gerði fallega heimilismuni og var sérstaklega myndarleg húsmóð- ir. Þar var allt í röð og reglu og lék allt í höndum hennar. Þar var ávallt gestkvæmt og öllmn tekið af stakri alúð og rausnarskap. Voru þau hjón mjög samhent í þeim efn- um. Að leiðarlokum er börnum henn- ar, Önnu Soffíu og Gunnlaugi Pálma, og fjölskyldum þeirra vottuð samúð, en lengst og best mun vara minningin um góða og göfuga konu. Gunnlaugur B. Briem ^BROWNING veggjatennisvörur Bikarínn Skólavörðustíg
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.