Morgunblaðið - 21.01.1988, Blaðsíða 26

Morgunblaðið - 21.01.1988, Blaðsíða 26
26 MORGUNBLAÐIÐ, FIMMTUDAGUR 21. JANÚAR 1988 Ráðstefnan um sjávarspendýr hefst í dag: Ráðstefnustað haldið leyndum í lengstu lög RÁÐSTEFNA 7 þjóða um nýtingu sjávarspendýra, stjórnun veiða á þeim og hugsanlega samvinnu þjóða, sem veiða hval og sel, hefst í Reykjavík í dag. Mikil leynd hvflir yfir ráðstefnunni og í öryggisskyni verður f undarstaður ekki gef inn upp f yrr en um háíf ri stundu fyrir upphaf hans. Endanleg daksrá ráðstefnunnar verður heldur ekki gefin upp fyrr en við upphaf henn- ar. Þá verður ráðstefnan lokuð öðrum en sendinefndum þátttökuþjóðanna. Ráðstefnan hefst klukkan 9 árdegis með setningu Halldórs Ásgrímssonar, sjávarútvegs- ráðherra. Að henni lokinni verður ráðstefnunni Iokað og flutt framsöguerindi um stöðu mála. Síðdegis munu starfs- hópar fjalla um ákveðna þætti veiðistjórnunar, rannsókna og hugsanlegrar samvinnu svo dæmi séu nefnd. Á föstudags- morgun skila starfshópar áliti og niðurstöður þeirra verða svo ræddar fram eftir degi. Helztu viðfangsefni ráðstefnunnar verða núverandi fyrirkomulag á stjórnun veiða hvala og sela, vísindarannsóknir og veiðar í vísindaskyni, kynning á málstað hval- og selveiðiþjóða og hugs- anlegt samstarf þeirra. Þátttak- endur verða frá Noregi, Færeyjum, Sovétríkjunum, Jap- an og Kanada auk íslands. Áheyrnarfulltrúar verða frá Grænlandi. Fulltrúar frá Suð- ur-Kóreu og Alaska-Eskimóum hafa afboðað komu sína. Samkvæmt samtölum Morg- unblaðsins við ráðstefnufulltrúa telja menn ráðstefnu þessa fyrsta skrefið á leið hvalveiði- þjóða til aukinnar samvinnu, meðal annars á kyrihingu á málstað sínum. Þeir búast ekki við ákveðinni niðurstöðu af ráð- stefnunni, heldur að menn stilli strengi sína saman og frekari fundahöld eða ráðstefnur geti síðan Ieitt til ákveðinnar niður- stöðu. í gærkvöldi snæddu ráð- stefnugestir kvöldverð í boði Steingríms Hermannssonar, ut- anríkisráðherra. Ráðstefnunni lýkur á morgun með boði sjáv- arútvegsráðherra. Paul Watson: 200 íslendingar hafa geng- ið til liðs við Sea Shepherd PAUL Watson, fyrrverandi formaður Sea Shepherd sam- takanna, sem er væntaniegur til landsins í dag, ætlar að krefja íslensk stjórnvöld afsökunar á þeim staðhæfingum að Sea Shepherd séru hryðjuverkasamtöku. Telur hann jafnvel koma tíl greina að höfða meiðyrðamál á hendur íslenskum stjórnvöidum. Þetta kom fram í viðtali sem kanadiska CKVU-sjónvarpssstöðin átti við Watson 15. jan- úar sl. vegna f erðar hans til íslands. Watson sagðist koma hingað til lands tíl að hitta þá 200 íslendinga sem hefðu gengið tíl liðs við Sea Shepherd samtðkin eftir að þau sökktu tveimur hvalveiðibátum í Reykjavíkurhöfn. „Samtökin hafa ávallt tekið ábyrgð á gerðum sínum og við erum reiðubúin að taka afleið- ingum þeirra," sagði Paul Watson þegar hann var spurður hverju hann ætti von á við kom- una til íslands, í ljósi þess að samtökin hefðu lýst yfir ábyrgð á því að tveimur hvalveiðiskipum var sökkt í Reykjavíkurhöfn í nóvembermánuði 1986. Watson taldi að miðað við ummæli sem höfð hefðu verið eftir íslenska dómsmálaráðherranum væru ekki uppi neinar ráðagerðir um að handtaka hann við komuna. Watson taldi það þó koma til greina að hann yrði handtekinn og yfirheyrður en taldi það vera vandkvæðum bundið fyrir íslensk stjórnvöld að hafa hann f haldi. Þau hefðu vitað í rúmt ár hvernig hægt væri að komast í samband við samtökin en ekki lagt fram neinar kærur eða kall- að menn til yfirheyrslna. Það hefðu yfirvöld í Bandaríkjunum, Bretlandi og Kanada ekki heldur gert. Watson sagði ástæðu þess vera að hvalveiðar íslendinga væru brot á alþjóðlegum ákvörð- unum. Hann líkti Islendingum við sjóræningja og taldi veiðarn- ar vera mjög niðurlægjandi fyrir þjóðina. „Eftir að við sökktum skipunum á íslandi höfum við fengið 200 manns til liðs við okkur þar. Ég fer til íslands til að tala til þeirra." Paul Watson var næst spurður hverju sætti að hann hefði tafið það svo lengi að fara til íslartds fyrst hann væri reiðubúinn að taka afleiðingunum. Watson sagðist hafa staðið í bréfaskrift- um til íslenskra stjórnvalda allt síðastliðið ár til þess að fá upp- lýsingar um ásakanir á hendur samtökunum en aldrei verið svarað. „Fyrst íslensk stjórnvöld virðast ekki ætla að leggja fram neinar kærur verð ég að fara þangað og stilla þeim upp við vegg. Ég vil að þau biðjíst afsök- unar á þeim staðhæfingum að við séum hryðjuverkasamtök þar sem engin hryðj'uverkasamtök í heimi nota sömu vinnubrógð og við. Við meiðum ekki fólk. Við tökum ábyrgð á gerðum okkar og erum reiðubúin að taka af- leiðingunum," sagði Watson. Hann væri jafnvel reiðubúinn að höfða meiðyrðamál á hendur íslenskum stjórnvöldum til að krefja þau afsökunar. Tímasetningu fararinnar sagði hann vera ákveðna með það fyrir augum að hún skarað- ist á við tímasetningu „leyni- fundar" sem íslendingar hefðu boðað til. Dagskrá þessa fundar og staðsetning væru leyndarmál en tilgangurinn væri sá að setja á laggirnar valkost við Alþjóða hvalveiðiráðið. Einungis hval- veiðiþjóðum hefði því verið boðið til fundarins og ættu Sovétríkin, Noregur,- Japan, Færeyjar, ís- land og Kanada fulltrúa á fundinum. Ástæða þess að Kanadamenn sæktu fundinn sagði Watson vera að þeir hefðu sagt sig úr Alþjóða hvalveiðiráðinu árið 1981 þar sem þeim hefði ekki verið leyft að hefja hvalveiðar á ný. Þeir vonuðust nú til þess að slíkt leyfí fengist með tilstuðlan þessara nýju sanitaka. Hvalveiðar hefðu dregist sam- an um 90% síðustu tíu árin, sagði Watson aðspurður, og taldi hann það vera verndunarsamtökum að þakka. Japanir hefðu þó í byrjun janúarmánaðar sent hvalveiðiskip til Suðurheims- skautsins til að veiða 350 hrefnur, íslendingar ætluðu að veiða 200 hvali á þessu ári og einnig væru hvalveiðar að hefj- ast við Azor-eyjar. Norðmenn stunduðu hvalveiðar undan strandlengju sinni og Sovétmenn ætluðu að veiða um 200 hvali sem nota ætti í minkafóður í Síberíu. Lögreglan gætir ör- yggis ráðstefnugesta „LOGREGLAN mun að sjálf- sögðu hafa eftirlit vegna ráðstefhu hvalveiðiþjóðanna, en ég get auðvitað ekki gefið upp hvernig því eftirliti verður háttað," sagði Böðvar Braga- son, lögreglustjóri f Reykjavík, þegar hann var inntur eftir þvf hvort lögreglan væri með sér- stakan viðbúnað vegna ráð- stefnunnar. Böðvar sagði að hugsanlegt væri að lögreglan hefði stöðuga gæslu við hótelið þar sem ráð- stefnugestir búa. „Það er hins vegar ekki það klókasta að iáta uppi hvar og hvernig gæslu er háttað," sagði hann. „Lögreglan fylgist með því að enginn óvið- komandi sé að þvælast í kringum ráðstefnugestina. Þegar slíkar ráðstefnur hafa verið haldnar höf- um við verið með eftirlit og sama er uppi á teningnum nú," sagði hann. „Það skiptir engu hvaða mál er verið að fjalla um á ráð- stefnum, heldur gætum við öryggis allra gesta." Morgunblaðið/Emilia A æfingu með Sinfóníuhljómsveitinni í kvöld verða haldnir í Háskólabíói sfðustu tónleikar Sinfóníuhljóm- sveitar íslands á fyrra misseri. Þessi mynd var tekin af stjórnandan- um Guido Ajmone-Marsan og sellóleikaranum Ralph Kirshbaum sem leikur einleik með hljómsveitinni, á æfingu f gær. Fyrstu tónleikar síðara misseris verða 4. febrúar og stendur endurnýjun áskriftar- korta nú yfir f Gimli við Lækjargötu. Raforkunotkun jókstum.7,5% ALMENN raforkunotkun jókst á síðasta ári um 7,5% frá árinu 1986, og er það mun meiri aukning á raforkunotkun en oftast hefur ver- ið síðastliðin tfu ár. Kemur þetta fram í fréttatilkynningu Orkustofn- unar um raforkuvinnslu og raforkunotkun á árinu 1987. Raforkuvinnsla á árinu 1987 var 4.153 GWh (1 GWh jafngildir 1 milljón kflówattstunda) og hafði aukist um 2,3% frá árinu 1986. Er það talsvert minni minni aukning en á milli áranna 1985 og 86 var aukningin 5,7%. Megnið af raf- magninu kemur úr vatnsorku, 3.915 GWh, en 234 GWh kemur úr jarðvarma og 4 GWh úr elds- neyti. Raforkunotkunin, að orkutapi meðtðldu, skiptist þannig að til stór- iðju fer rúmur helmingur, eða 2.164 GWh og 1.989 GWh fer til almennr- ar notkunar. Almenn raforkunotk- un jókst um 3,9%, en þess ber þó að gæta að notkun, sérstaklega húshitun, er háð útihitastigi, sem er síbreytilegt frá ári til árs. Þegar búið er að leiðrétta tölur með tilliti til veðurfarsins sem á síðasta ári var hlýrra en undanfarin ár, kemur i Ijós að almenn raforkunotkun hef- ur aukist um 7,5% frá árinu á undan. Þetta er mun meiri aukning er verið hefur sl. tíu ár, ef breyting- in' miili áranna 1981 og 1982 er undanskilin en raforkuskortur árin 1980 og 1981 hafði áhrif á vöxt notkunar á þeim árum. I frétt Orku- stofnunar kemur fram að þessi mikla aukning á almennri raforku- notkun endurspeglar þróun efna- hagslífs hér á landi undanfarin ár, jafnframt sem gera má ráð fyrir að iækkun raforkuverðs skipti tals- verðu máli. Raforkunotkunin á síðasta ári reyndist 20 GWh meiri á síðasta ári en gert var ráð fyrir í raforku- spá orkuspárnefndar sem út kom á árinu 1985, og hafa tölur þá verið leiðréttar með tilliti til áhrifa hita- stigs. Niðurskurði á fram- lögum til Listskreyt- ingasjóðs mótmælt Listskreytingasjóður varð útund- an, segir menntamálaráðherra Listskreytíngasjóður íslands fékk úthlutað 5 milljónum króna á fjárlögum fyrir árið 1988, en hefði átt að fá samkvæmt lögum um sjóðinn tæpar 19 milljónir króna. Stjórn Sambands íslenskra mynd- listarmanna hefur lýst yfir furðu sinni á meðferð fjárveit ingaiief ndar og Alþingis á lögum um Listskreytíngasjóð og mótmælir harðlega niðurskurði á fjárframlögum tíl sjóðsins. í yfírlýsingu Sambands íslenskra aðför að hagsmunum myndlistar- myndlistarmanna kemur m.a. fram að í lögum um Listskreytingasjóð sé kveðið á um að markmið sjóðsins sé að fegra opinberar byggingar með listaverkum. Tekjur sjóðsins eru árlegt framlag ríkisins sem „...nemur 1% álagi á samanlagðar fjárveitingar ríkissjóðs í A-hluta fjárlaga til þeirra bygginga sem ríkissjóður stendur að einn eða með öðrum..." Af fylgisskjölum fjárlaga megi ráða að fjárveitingar til' opinberra bygginga á árinu 1988 séu áætlað- ar 1.890 milljónir króna og ætti því fjárframlög til sjóðsins samkvæmt því að nema 18,9 milljónum króna. Samkvæmt fjárlögunum fær sjóð- urinn nú tæpleg 1/4 hluta þess • flármagns, eða 5 milljónir króna. Að lokum segir:„Stjórn Sam- bands íslenskra myndlistarmanna telur þennan stórfellda niðurskurð manna og ekki síður aðför að því menningarframtaki sem lög um Listskreytingasjóð ríkisins eru. Listskrejrtingasjóði ríkisins er með slíku smánarframlagi gert ókleift að sinna því hlutverki sem sjóðnum er ætlað."_ Birgir ísleifur Gunnarsson menntamálaráðherra sagði í sam- tali við Morgunblaðið að sú upphæð sem runnið hefur til sjóðsins sam- kvæmt fjárlögum hafi sjaldnast náð því marki sem lögin um Listskreyt- ingasjóð segja til um. AUflestir menningarliðir fjárlagafrumvarps- ins hefðu hækkað, en Listskreyt- ingasjóður hafi orðið útundan af einhverjum astæðum. „Fjárlögin eru nú samþykkt og afgreidd og engin fyrirsjáanleg breyting verður á þeim á þessu ári," sagði ráðherrann.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.