Morgunblaðið - 02.02.1988, Blaðsíða 26

26
MORGUNBLAÐIÐ, ÞRIÐJUDAGUR 2. FEBRÚAR 1988
Skoðanakönnun Hagvangs;
Fylgi Kvennalista hefur
tvöfaldast frá kosningum
Alþýðubandalag, Alþýðuflokkur og Borgaraflokkur tapa fylgi
FYLGI Kvennalistans hefur tvö-
faldast frá síðustu kosningxim
samkvæmt skoðanakönnun sem
Hagvangur gerði á fylgi stjórn-
málaflokkanna í síðustu viku og
kynnt var blaðamönnum í gær.
Einnig var stuðningur við ríkis-
stjórnina kannaður og sam-
kvæmt henni eru 47,9% þeirra
sem afstöðu tóku fylgjandi
stjórninni á móti 59,6% í sam-
bærilegri könnun í október, en
52,2% eru andvígir stjórninni.
Áberandi munur er á milli karla
og kvenna í stuðningi við stjórn-
ina þar sem 60,1% kvenna í
könnuninni sögðust andvígar
stjórninni en 55,7% karla sögðust
vera fygljandi henni. Þá hefur
stjórnin minni stuðning meðal
yngri kjósenda en þeirra eldri.
Hlutfallslegt fylgi flokkanna,
samkvæmt skoðanakönnuninni,
reyndist þannig, ef eingöngu þeir
eru teknir sem afstöðu tóku í skoð-
anakönnuninni: Alþýðubandalag
8,4%, Alþýðuflokkur 9,2%, Fram-
sóknarflokkur 24,1%, Kvennalisti
21,3%, Sjálfstæðisflokkur 29,8%,
Flokkur mannsins 0,8%, Þjóðar-
flokkur 0,8% og Borgaraflokkur
5,6%.
Ef niðurstöður þessarar könnun-
ar eru bomar saman við kosning-
araar í fyrra kemur í ljós að
Alþýðubandalag, Alþýðuflokkur og
Borgaraflokkur hafa tapað veru-
legu fylgi. Kvennalisti hefur aukið
sitt fylgi úr um 10% í yfír 21%,
fylgi við Framsóknarflokk hefur
aukist nokkuð og fylgi Sjálfstæðis-
flokks einnig.
Könnun Hagvangs var gerð á
tímabilinu 21.—29. janúar og var
úrtakið 1.000 manns af öllu
landinu. Svör fengust frá 764 ein-
staklingum eða 76,4% úrtaksins. í
könnuninni var spurt: „Ef efnt yrði
til alþingiskosninga á næstu dög-
um, hvaða stjómmálaflokki eða
samtökum myndir þú greiða at-
kvæði?" Ef viðkomandi var óákveð-
inn var jafnframt spurt: „Hvaða
stjómmálaflokki eða samtökum er
líkiegast að þú myndir greiða at-
kvæði?"
í könnuninni kom fram að konur
kjósa Kvennalistann í ríkara mæli
en karlar og að Framsóknarflokkur-
inn sækir mest af sínu fylgi út fyrir
höfuðborgarsvæðið. Almennt var
. fylgi flokkanna ekki breytilegt með
tilliti tii aldurs kjósenda.

ÞEGAR ÞIG
VANTAR
FATASKÁP
EKKIMA K0STA MIKIÐ
þá eigum við mikið úrval af fataskápum sem eru
ódýrir, fallegir og auðveldir í uppsetningu.
Morgunblaðið/Ámi Sæberg
Gunnar Maack framkvæmdastjóri hjá Hagvangi kynnir niðurstöður
skoðanakönnunar á fylgi stjómmálaflokkanna.
Skoðanakönnun DV:
Kvennalistinn
vinnur mikið á
KVENNALISTINN myndi vinna mikið á ef kosningar fæm fram nú
og fá 21,0% atkvæða, ef marka má skoðanakönnun DV, sem gerð var
um helgina. Fylgi Framsóknarflokksins minnkar talsvert frá síðustu
skoðanakönnun DV i nóvember, en hann fær samt meira fylgi en í
siðustu kosningum. Sjálfstæðisflokkur fær minna en í siðustu könnun,
en meira en i kosningunum. Fylgi Alþýðuflokksins minnkar og áfram
hallar undan fæti hjá Borgaraflokknum. Alþýðubandalagið réttir held-
ur úr kútnum frá siðustu könnun, , en fær samt 2,5% minna fylgi en
í kosningunum síðastliðið vor.
Flokkamir fengu fylgi sem hér
segir, ef aðeins eru teknir þeir sem
afstöðu tóku. Innan sviga er at-
kvæðataia flokkana í kosningunum.
Alþýðuflokkur 10,5% (15,2%), Fram-
sóknarflokkur 22,9% (18,9%),
Bandalag jafnaðarmanna 0,0%
(0,2%), Sjálfstæðisflokkur 29,7%
(27,2%), Alþýðubandalag 10,8%,
(13,3%), Flokkur mannsins 0,3%,
(1,2%), Stefán Valgeirsson 0,0
(1,2%), Borgaraflokkur 4,2%
(10,9%), Kvennalisti 21% (10,1%),
Þjóðarflokkur 0,6% (1,3%).
Þriðjungur kjósenda eða 33,3% var
óákveðinn og tók ekki afstöðu til
flokkanna í könnuninni og 7,8%
þeirra sem spurðir voru neituðu að
svara. Úrtakið f könnuninni var 600
manns og var skiptingin jöfn milli
kynja og Reykjavíkursvæðisins og
landsbyggðarinnar.
Morgunblaðið/EBB
Svanfríður Jónasdóttir varaformaður og Ólafur Ragnar Grimsson
formaður Alþýðubandalagsins kynna ályktanir miðstjórnar Alþýðu-
bandalagsins.
Alþýðubandalagið:
Stuðningur við gerð
skammtímasamninga
FORYSTA Alþýðubandalagsins sfyður gerð verðtryggðra skammtíma-
samninga verkalýðsfélaga og atvinnurekenda, til að vega upp kjara-
skerðingu undanfarinna mánaða sem metin er 9—10%, og að á næstu
vikum verði hafinn undirbúningur að varanlegum kjarasamningum.
Ef slíkir skammtimasamningar strandi á andstöðu atvinnurekenda og
rfkisstjómar er hvatt til harðra aðgerða og víðtækrar baráttu.
A fundi miðstjómar Alþýðubanda-
lagBÍns var samþykkt einróma
ályktun um kjaramál. Þar kemur
fram að áhersluatriði Alþýðubanda-
lagsins við gerð kjarasamnings til
lengri tíma eru:
„1. Leiðréttingar í þágu hinna
lægst launuðu verði áfram efstar á
blaði og stefnt verði að því að tiyggja
öllum lágmarksafkomu sem miðast
við 45—50 þúsund krónur á mánuði
miðað við dagvinnutekjur.
2. Launagreiðslur verði verð-
tryggðar til að koma í veg fyrir að
stjómvöld geti áfram komið aftan
að fólki f gegnum aukna verðbólgu.
3. Yfirborganir og launaskrið
verði felld inn f umsamda launataxta.
4. Hrundið verði í framkvæmd
ákvæðum um dagvistarmál úr kjara-
samningunum 1980 en þar var gert
ráð fyrir að þörf fyrir dagvistar-
þjónustu bama verði fullnægt fyrir
árið 1980.
5. Að nýtt lffskjaramat verði lagt
til grundvallar mati á afkomu og
tekjum og þar tekið mið af styttingu
vinnutímans, möguleikum til að njóta
samvista við fjölskyldu og böm, að-
búnaði og öryggi á vinnustað,
tækifærum til frekari starfsmennt-
unar og lýðræðislegum áhrifum á
stjóm eigin vinnu."
Ólafur Ragnar Grfmsson formaður
Alþýðubandalagsins sagði á blaða-
mannafundi þar sem ályktunin var
kynnt að Alþýðubandalagið styddi
þá þróun sem verið hefði innan Al-
þýðusambands íslands að samning-
amir væru í höndum einstakra
félaga. Hann sagði að taka verði upp
nýjar baráttuaðferðir til að ná ár-
angri í kjarabaráttunni, meðal
annars með því að færa umræður
og aðgerðir inn á vinnustaðina sjálfa.
f ályktuninni er ekki tekin afstaða
til Vestfjarðasamningsins og sagði
Ólafúr Ragnar að enn væri óljóst
hvað í þeim fælist. Þó væri ljóst að
þeir væru það sérhæfðir, miðaðir við
þarfír fískvinnslufólks á Vestfjörð-
um, að þeir hefðu ekki fordæmisgildi
fyrir aðra láglaunahópa í landinu.