Morgunblaðið - 16.03.1988, Qupperneq 54

54
MORGUNBLAÐIÐ, MIÐVIKUDAGUR 16. MARZ 1988
félk í
fréttum
Sveitaböllin rifjuð
upp á Hótel Selfossi
Morgunblaðið/Sigurður Jónsson
Þetta par sýndi með miklum tilþrifum hvernig dansað var á rokkár-
unum.
Manstu vinur nefnist dagskrá
sem flutt verður í Hótel Sel-
fossi næstu helgar. Þar er stemmn-
ingin frá sunnlensku sveitaböllun-
um á árunum 1959- 1967 rifjuð upp
í tali og tónum. Frumsýning var
5. mars og gestir kunnu sannarlega
að meta það sem fram var borið.
Söngvarar hljómsveita þessa
tíma koma fram og ein hljómsveit,
Limbó, í heilu lagi. Halli og Laddi
sjá um kynningu og ungt par sýnir
tjútt, tvist og rokk með ótrúlegum
sveiflum.
Fyrstar komu fram systurnar
Hjördís og Ulfhildur Geirsdætur frá
Byggðarhorni í Sandvíkurhreppi.
Þær upplýstu að á meðan bróðir
þeirra Gissur æfði sína hljómsveit
í kjallaranum þar heima hefðu þær
hlustað á og tekið æfingar í kjallar-
anum og í fjósinu. Mama, lag Gíttu
Henning hinnar dönsku, hefði
hljómað vel í fjósinu og kýrnar
kunnað að meta það. Þær systur
gerðu stormandi lukku á frumsýn-
ingunni eins og reyndar aðrir sem
fram komu. Sigurdór Karlsson,
Amór Þórhallsson, Þorsteinn Guð-
mundsson og Guðmar Ragnarsson
frá Meiritungu komu einnig fram,
sungu og spiluðu og húsið dunaði
af lófaklappi og húrrahrópum.
Stemmningin var fullkomin.
Sumir gestanna sögðust hrein-
lega lifa aftur gömlu sveitaböllin
og sáu fyrir sér hljómsveitirnar á
sviðinu, Hljómsveit. Óskars Guð-
mundssonar, Kaprí, Carol, Hljóm-
sveit Þorsteins Guðmundssonar,
Safír og fleiri.
Til þess að minna fólk á voru
.myndir af hljómsveitum þessa tíma
uppi á veggjum og hvarvetna mátti
heyra fólk rifja upp ljúfar endur-
minningar frá sveitaböllunum sælu
á Suðurlandi þegar hljómsveitirnar
kepptu um hylli gesta sem létu sig
ekki muna um að fara langan veg
á holóttum vegum til þess að upp-
lifa sæluna.
Hljómsveit hússins, Karma, sér
um undirleik á dagskránni og leikur
síðan fyrir dansi á eftir.
Sig. Jóns.
Morgunblaðið/Sigurður Jónsson
Gestir kunnu vel að meta það sem fram var borið og stemmningin var góð.

COSPER
Við leigðum hús þar sem sólin skein inn í eldhúsið.
John Holmes er ekki lengur á meðal vor. Rcutcr