Morgunblaðið - 01.06.1988, Blaðsíða 16
MORGUNBLAÐIÐ, MIÐVIKUDÁGUR 1. JÚNÍ 1988
Morgunblaöið/RAx
Séð yfir byggingarsvæði nýju hjónagarðanna við Suðurgötu
Morgunblaðið/Júlfus
Eiríkur Ingólfsson framkvæmdastjóri Félagsstofnunar stúdenta.
Félagsstofnun stúdenta 20 ára:
Fimmtíu starfsmenn og eigið
fé rúmar 300 milljónir króna
Nýir hjónagarðar í notkun í haust
í DAG, 1. júnf, eru liðin 20 ár
frá því að Félagsstofnun stú-
denta tók til starfa. Aðild að
Félagsstofnun eiga allir stúd-
entar innan Háskólans,
menntamálaráðuneytið og Há-
skóli íslands. Stjórn stofnunar-
innar skipa fimm menn, 3 til-
nefndir af Stúdentaráði, einn
af menntamálaráðherra og
einn af Háskólaráði. Stjómar-
formaður er Óskar Magnússon
lögmaður. Af helstu verkefnum
stofnunarinnar má nefna um-
sjón með stúdentagörðum,
rekstur bóksölu stúdenta,
rekstur kaffistofa, ferðaskrif-
stofu og fjölritunar. Við fyrir-
tækið starfa nú um 50 manns
og nemur skuldlaust eigið fé
rúmum 300 miiyónum króna.
Framkvæmdastjóri er Eiríkur
Ingólfssón viðskiptafræðingur.
Hann var tekinn tali og spurður
hvað væri á döfinni hjá stofnun-
inni.
„Það ber hæst að við erum að
byggja nýja hjónagarða á
Grímsstaðaholti og áætlum að
taka í notkun 60 tveggja og
þriggja herbergja íbúðir fyrir ára-
mót. 30 íbúðir bætast við haustið
1989 og þá munum við hafa tvö-
falt meira húsnæði til umráða en
nú er. Fyrsta skóflustungan var
tekin 1986 og ég held ég megi
segja að þetta séu umfangsmestu
framkvæmdir sem Félagsstofnun
hefur ráðist í. Það sem gerir okk-
ur mögulegt að ráðast í svo stórt
verkefni og ljúka því svo fljótt er
að Húsnæðisstofnun veitir nú lán
fyrir 85% af byggingakostnaði
námsmannaíbúða með svipuðum
kjörum og til verkamannabú-
staða. Undir þeim 15%, sem við
þurfum að leggja til, hefur að
langmestu leyti verið staðið með
innritunargjöldum og með fram-
lögum frá Háskólanum, sem hefur
reynst okkur mjög vel í þeim efn-
um. Þetta er mikil bót frá því sem
áður var þegar garðarnir voru að
mestu leyti byggðir fyrir gjafafé
og opinbera styrki. Það átti bæði
við um Gamla-Garð, þar sem
ferðaskrifstofan Saga rekur hótel
í sumar og Nýja- Garð, þar sem
lokið verður við gagngerðar end-
urbætur á næstu vikum, og einnig
um Hjónagarðana, sem lokið var
við 1976. Þegar þetta húsnæði,
sem nú er á byggingastigi, verður
komið í notkun verða 150 íbúðir
á hjónagörðum auk um 100 her-
bergja á Gamla- og Nýja-Garði.
Þá ættum við að geta hýst 7-8%
stúdenta við Háskólann. Það er
þó enn langt í land að það geti
talist viðunandi hlutfall. A hinum
Norðurlöndunum er víðast pláss á
görðum fyrir þetta 10-35% stúd-
enta og þar eru Finnar einna
ffemstir. Nú er verið að hanna
60 íbúða hús sem ráðgert er að
rísi á Grímsstaðaholtinu, það er
búið að útvega byggingarlóð og
ég á von á að framkvæmdir geti
hafíst þar innan fárra ára.“
-Burtséð frá görðunum, hvaða
þýðingu hefur annar rekstur Fé-
lagsstofnunar fyrir stúdenta?
„Það er misjafnt eftir því um
hvaða þjónustu er að ræða. Það
má gefa sér það að flestir ef ekki
allir noti sér bóksöluna. í einstaka
greinum er hægt að fá talsvert
af bókum hjá bóksölum en langf-
lestir nota sér bóksöluna. Mjög
stór hluti notar kaffístofumar,
sem við rekum í helstu byggingum
en það er kennt á 20-30 stöðum
vítt og breitt um borgina. Þjón-
usta Ferðaskrifstofu stúdenta er
mikið notuð af ungu fólki, ekki
einungis stúdentum Háskólans.
Félagsstofnun er hluthafí í sam-
norrænni stúdentaferðaskrifstofu
sem sér um innkaup fyrir öll Norð-
urlöndin í einu. Þess vegna getur
við boðið námsmönnum einhver
hagstæðustu fargjöld sem þekkj-
ast hérlendis, bæði með Flugleið-
um og erlendum flugfélögum. Þá
gegnir fjölritun og nýstofnuð útg-
áfudeild vaxandi hlutverki við frá-
gang og útgáfu á ýmsu efni sem
tengist námi flestra stúdenta.
Rekstur eins og Félagsstofnun
annast hér þekkist ekki á hinum
Norðuriöndunum. Þar hefur
smám saman gengið á hlut stúd-
entanna. Þeir eiga víða aðeins
einn fulltrúa f sjö til níu manna
stjórnum og hafa ekki sömu áhrif
og hér þar sem stúdentar geta
nánast ráðið þvf sem þeir vilja."
-Hvemig er rekstri dagheimila
stúdenta háttað?
„Samkvæmt samningi við
Reykjavíkurborg hafa stúdentar
fastan kvóta, um 13%, af dagvist-
unarrými á vegum borgarinnar.
Það byggist á því að Félagsstofn-
un lét á sínum tíma tvö a bama-
heimili sín, Valhöll við Hringbraut
og Efrihlíð við Stigahlíð, borginni
í té. Vegna starfsmannaskorts á
dagheimilum hefur gengið nokkuð
á þennan kvóta og stúdentar nýta
nú um 10% af dagvistunarrými.
Við höfum verið með hugmyndir
um að byggja dagheimili í tengsl-1
um við Hjónagarða og það er eitt
af þeim málum sem verið er að
skoða."
-Hverjir eru tekjustofnar Fé-
lagsstofnunar?
„Framlög frá ríkinu nema nú
um 3% af okkar tekjum. ívið
hærra framlag kemur af innritun-
argjöldum, um 4-5% af heildar-
tekjum, en 92-93% er sjálfsaflafé,
tekjur af sölu og leigu. Fyrirtækið
er fjárhagslega stöndugt og eigið
fé er nú rúmar 300 milljónir.
-Haldið þið upp á afmælið með
einhveijum hætti?
„Það er varla hægt að segja
það. Við lokum skrifstofunni eftir
hádegi og förum með starfsfólkið
í stutta ferðí dag en það verður
meira haft við í kringum vlgslu
nýju hjónagarðanna um miðjan
ágúst. Þá munum við til dæmis
efna gamalt loforð um að koma
upp skildi með nöfnum allra þeirra
sem gáfu fé til byggingar gömlu
Hjónagarðanna," sagði Eiríkur
Ingólfsson framkvæmdastjóri Fél-
agsstofnunar stúdenta.
Bygging strandeldisstöðvar
stöðvast á bankafyrirgreiðslu
F]örfiskur hf.:
„Getum byrjað strax og fyrirgreiðsla fæst,“
segir stjómarformaður fyrirtækisins
Selfossi.
Jarðvegsf ramkvæmdum og
allri hönnunarvinnu við strand-
eldisstöð Fjörfiaks hf., sem fyr-
irhugað er að reisa f Þorláks-
höfn, er lokið. Áætlað var að
setja stöðina í gang að hluta til
f júní en nauðsynleg fyrir-
greiðsla banka varðandi rekstr-
arlán hefur ekki fengist.
Guðmundur Sigurðsson stjóm-
arformaður Fjörfísks hf. segir að
hlutafjárloforð liggi fyrir að fjár-
hæð 30 milljónir og 40 milljóna
lánsloforð sem er skilyrt varðandi
bankafyrirgreiðslu.
„Það er búið að vinna alla undir-
búningsvinnu við alla stærstu efn-
is- og verkþætti. Það er því hægt
að fara fyrirvaralaust í þetta verk-
efni fáist fyrirgreiðsla," sagði
Guðmundur, „og ef farið er af
stað strax og vel gengur er hægt
að taka stöðina í notkun í júlí-
ágúst.
Frumáætlunin var að taka inn
220 þúsund seiði í ár. Ef hins
vegar væri farið út í skiptieldi og
fiskurinn alinn upp í 6-800
gramma stærð og settur í sjókvíar
næsta vor er mögulegt að taka inn
500 þúsund seiði um leið og stöð-
in er tilbúin."
Með skiptieldi er átt við að físk-
urinn er tekinn í stöðina 40-50
grömm, alinn í 6-800 grömm og
settur út í sjókvíar yfír sumarið
og verður sláturfískur seint á
haustin.
„Við erum núna stopp þangað
til við fáum banka sem vill taka
fyrirtækið í viðskipti. Þetta fyrir-
tæki þarf að hafa rekstrarlánafyr-
irgreiðslu og er annað tveggja á
íslandi sem ætlar eingöngu í mat-
fískeldi. Við gætum leyst töluverð-
an vanda seiðaeldistöðvanna ef við
gætum haldið áfram.
Það er ekki rétt, eins og komið
hefur fram, að setja fískeldið und-
ir einn og sama hattinn. Seiða-
eldi, kvíaeldi, hafbeit og strandeldi
eru mismunandi rekstrarform og
ólík að mörgu leyti. Það er öruggt
að til þess að gera seiðamarkaðinn
tryggan þarf að gera það mögu-
legt að afsetja seiðin hér innan-
lands og þar eiga kvíaeldi og
strandeldi mikla möguleika.
— Sig. Jóns.
Morgunblaðið/Sigurður Jónsson
Guðmundur Sigurðsson á byggingarstað Fjörfisks hf. í Þorlákshöfn
þar sem allt er tilbúið tíl að hefjast handa.