Morgunblaðið - 28.07.1988, Blaðsíða 40

40
MORGUNBLAÐIÐ, FIMMTUDAGUR 28. JÚLÍ 1988
Polarfish í Nuuk:
ísfirðingar fjölmenna
FYRSTA alþjóða fiskveiðisýning-
in, Polarfish 1988, verður haldin
nú um helgina í Nuuk, höfuðstað
Grænlands. íslendingar taka virk-
an þátt í sýningunni og munu um
40 íslensk fyrirtæki taka þátt. Af
þessum 40 fyrirtækjum eru 15 frá
Isafirði og sýnir það glögglega hve
mikla áherslu ísfirðingar leggja á
viðskiptin við grænlensku rækju-
togarana.
Islenska útflutningsráðið hefur
haft yfírumsjón með íslensku deild-
inni, en atvinnumálanefnd ísafjarðar
hefur séð um að ísfirsku fyrirtækin
sameinuðust um ýmsa þætti svo sem
gerð auglýsingabæklings og um
fjölda fulltrúa til að dvelja í Nuuk
meðan sýningin fer fram.
Auk þess fór héðan þriggja manna
nefnd undir forystu bæjarstjórans
Haraldar L. Haraldssonar til að ræða
við fulltrúa útgerðarfyrirtækjanna og
stjórnmálamenn.
Heimastjómin á Grænlandi og
íslenska ríkisstjómin gerðu með sér
samning fyrir um 8 árum um að
grænlensk fískiskip fengju undan-
þágu frá lögum um bann við löndun
erlendra fískiskipa í íslenskum höfn-
um, þar sem algjör hafnleysa er á
austurströnd Grænlands og margra
daga sigling til hafna á vesturströnd-
anni. Var samið um að grænlensk
fískiskip fengju að landa afla sínum
á ísafírði. i fyrstu var um örfá skip
að ræða en þeim hefur farið fjölg-
andi og munu hafa verið milli 30 og
40 á síðasta vetri. Vegna þessarar
viðbótar hafa skipamiðlarar og fleiri
þjónustuaðilar á Ísafírði komið sér
upp búnaði til að meðhöndla þennan
afla eins og hagkvæmast er. Það kom
því mönnum mjög á óvart þegar skip-
in tóku að tínast til Hafnarfjarðar
eitt af öðru þar til þau voru flest
komin þangað í viðskipti á síðasta
♦etri. Eftir standa hér þjónustufyrir-
tæki með dýran búnað og hafnarsjóð-
ur með mannvirki sem eru að kom-
ast í gagnið nú í haust og voru með-
al annars ætluð til að þjóna þessum
vaxandi flota.
Hér er því um mikið hagsmunamál
fyrir ísafjörð að ræða og ef til vill
prófsteinn á byggðastefnu hvaða þró-
un verður á þessum málum. Elías
Oddsson formaður atvinnumála-
Stuíningur vií ríkisstjórnina
Apr 88
Morgunblaðið/Úlfar Ágústsson
Isfirsku fulltrúarnir á Polarfish í Nuuk við brottförina frá ísafjarðar-
flugvelli á þriðjudag. Þeir tilheyra tveimur nefndum, er önnur und-
ir forsæti Haraldar L. Haraldssonar bæjarstjóra en hin undir for-
sæti Elíasar Oddssonar formanns atvinnumálanefndar ísafjarðar.
ísfirðingar munu kynna framleiðsluvörur tengdar sjávarútvegi og
þjónustu við fiskiskip, en ísafjarðarhöfn liggur best við veiðum skipa
í fiskveiðilögsögu Austur-Grænlands.
nefndar Isafjarðar sagði við Morgun-
blaðið að samstaða ísfírðinga í þessu
máli væri mjög góð, hins vegar hefði
það komið sér mjög á óvart að báðir
bankamir á staðnum, Landsbankinn
og Útvegsbankinn, hefðu neitað að
vera með í gerð auglýsingabæklings
sem út var gefínn og borið við stefnu
markaðsdeilda bankanna í Reykjavík.
Sama var reyndar upp á teningnum
hjá stóru þjónustufyrirtækjunum í
Reykjavík. Níu manna sendinefnd
lagði af stað á sýninguna á þriðjudag
með flugvél frá flugfélaginu Emir,
en Emir munu kynna þjónustu sína
og vera með 10 sæta Titan-vél sína
á Nuuk-flugvelli á meðan sýningin
stendur. - Úlfar
Á þessu súluriti sést hvemig stuðningur við rikisstjórnina hefur
minnkað síðan í nóvember á siðasta ári samkvæmt niðurstöðum skoð-
anakannana Skáís.
Skoðanakönnun Skáís:
Rúmlega þriðjungur
styður ríkisstjórnina
Rúm 40% þeirra sem afstöðu tóku telja
ríkisstjórnina munu falla á næstunni
í skoðanakönnun sem Skáis
gerði fyrir Stöð 2 dagana 23. til
24. júlí var meðal annars spurt
um stuðning við ríkisstjórnina.
Verslunar-
mannahelgin:
Hljómsveitin
Karma leikur
í Arnesi
Hljómsveitin Karma leikur í
Árnesi um verslunarmanna-
helgina. Pálmi Gunnarsson
kemur fram og syngur gömul
og ný Mannakornslög.
Einnig verður á staðnum plötu-
snúðurinn Jón Bjarnason. Sæta-
ferðir verða frá öllum helstu kaup-
túnum og bæjum á Suðurlandi.
(Úr fréttatilkynningu)
Hljómsveitin Karma.
Afmæliskveðja:
Ottó Guðjóns-
son klæðskeri
Ég er viss um að sólin skein á
Eskifirði 1. ágúst 1898, daginn sem
Ottó Guðjónsson fæddist. Sólskinið
settist að í skapi hans og brosi og
ljómar þar enn í dag. Ekki naut
hann móður sinnar lengi við, Guð-
rún Jónsdóttir frá Hornafirði lést
frá syni sínum þriggja daga og
tveimur ungum dætrum. Úr hennar
ætt er rauða hárið. Þriggja ára
fluttist Ottó til Vopnafjarðar með
föður sínum, Guðjóni Jónssyni
-Vopnfjörð og ólst þar upp við gott
atlæti hjá þeim Þorbjörgu Þorláks-
dóttur, síðari konu hans, til fjórtán
ára aldurs.
6. nóvember 1917 hóf pilturinn
nám I iðninni sem varð aðalstarf
hans í 50 ár upp á dag. Þegar við
Ottó Guðjónsson, klæðskeri, kynnt-
umst á kvöldvaktinni á Skúlagötu
4 fyrir aldarfjórðungi, þekkti ég
engan skraddara nema þann hug-
prúða úr Grimmsævintýrum og
prakkarana tvo, sem saumuðu nýju
fötin keisarans. Ottó er ekkert líkur
þeim en hugprúður er hann og
ævintýri líkastur.
Ottó var orðinn 82 ára þegar
hann fékk tíma til að láta gamlan
draum rætast. Þá fór hann að læra
fótspil á orgel hjá Magnúsi Jóns-
syni. hann keypti sér támjóa skó,
svo allt væri eftir kúnstarinnar regl-
um og æfði sig 5 tíma á dag, oftast
í Templarahöllinni, fékk líka leyfi
til að æfa sig í Dómkirkjunni enda
elsti nemandi í faginu. Hann tók
pedalpróf í Neskirkju hjá Hauki
Guðlaugssyni, söngmálastjóra Þjóð-
kirkjunnar, og stóð sig með prýði,
fékk einkunnina 7. Fjórum árum
síðar lagði Ottó leið sína í Krists-
kirkju að hlusta á Hauk og nemend-
ur hans á organistanámskeiði.
Hann fór með þeim í Dómkirkjuna
og söngmálastjóri fékk hann til að
segja frá sjálfum sér og náminu og
spila sálm á Dómkirkjuorgelið fyrir
organistana. Haukur segir að eftir
það hafí enginn þeirra sagst vera
orðinn of gamall til að læra.
Það er eins og mann gruni að
Ottó hefði valið sér tónlistina að
starfi, ef hann hefði átt þess kost.
Þrátt fyrir langan og erfiðan vinnu-
dag hafði hann ætíð tíma fyrir hana.
Árum saman stjómaði hann barna-
kór, kvartetti og Söngfélagi IOGT.
í því áhugastarfi var líf hans og
sál. Gamalt útvarpsfólk á góðar
minningar um kórinn sem hann
stjórnaði á árshátíð forðum Þá
vom lög okkar eigin lagasmiða og
tónskálda sungin eins og á að
syngja þau.
Ottó fór niður af skraddaraborð-
inu hjá Andrési Andréssyni, klæð-
skera, í síðasta sinn 6. nóvember
1967. Ekki lagði hann nálina frá
sér þótt hann væri hættur að sauma
einkennisbúninga á skipstjóra og
lögreglu, kjólföt og smókinga. Nú
tók hann til við listsaum. Eftir
mynstri úr Þjóðminjasafninu saum-
aði hann Forsetateppið, teppi Jóns
Sigurðssonar, og færði Vigdísi
Finnbogadóttur, forseta íslands að
gjöf. Einnig heiðraði hann Stór-
stúku íslands með fagurri vegg-
mynd af Pilti og stúlku.
Ekki var Ottó einn við listsaum-
inn. Kona hans, Guðbrandína
Tómasóttir deildi því áhugamáli
með honum eins og öðmm. Þau
giftu sig 1922. Þegar Guðbrandína
lézt 1981 hafði hún legið 3 ár á
Landakoti. Allan þann tíma vitjaði
Ottó hennar tvisvar á dag svo kært
var með þeim.
Þegar hugurinn reikar til löngu
liðinna Skúlagötuára, finnst manni
alltaf hafa verið gaman, ekki síst
árin fímm með Ottó. Ég tók mér
stundum dömufrí þegar harmoníku-
þátturinn dunaði, ungþulurinn bauð
upp símastrák á sjötugsaldri og
gangamir á 6. hæð vom teknir í
skottís, valsi og ræl, með hlátra-
sköllum. Ekki var heldur leiðinlegt
að hlusta á hann segja frá, þegar
tími gafst frá símtölum og lestri.
Aldrei gleymist sagan af vandan-
um, sem hann komst í þegar stúlk-
umar fóm að láta sauma á sig
Oxford-buxur. Það var enginn
vandi að sauma þær, en erfíðara
að taka málin.
Ottó vann víðar en hjá Andrési
og í útvarpinu. Fyrstu hjúskaparár-
in var kona hans í vinnumennsku
fyrir austan fjall meðan hann ferð-
aðist um sveitirnar og saumaði.
1967 hóf hann störf í Seðlabankan-
um og var bankamaður þar til hann
varð 82 ára. Ekki hefur hann kom-
ið sér illa þar fremur en annars
staðar. Enn í dag snæðir hann há-
degisverð í mötuneyti bankans, fær
sér síðan hádegisblund í fínum leð-
ursófa og er vakinn með ilmandi
tjómakaffí.
Ottó er gæfumaður. Hann átti
góða konu og eignaðist 7 góð böm,
6 þeirra em á lífi, 3 dætur og 3
synir, en einn sona hans er látinn.
Bamabömin munu vera 17. Þor-
steinn Hauksson, kunnur tónlistar-
maður meðal þeirra, og bama-
bamabörnin orðin 6. Ekki er hann
hniginn þrátt fyrir aldurinn. Það
sýnir best hve em hann er, en hann
stundar bingó 5 kvöld í viku með
Þóm dóttur sinni.
Ottó er fæddur 1. ágúst en ætlar
að fagna níræðisafmælinu eftir
klukkan 8 í kvöld, fimmtudag 28.
júlí, á heimili Erlu, yngstu dóttur
sinnar, og Erlings Kr. Stefánsson-
ar, manns hennar, Hryggjarseli 15.
Hann vonast til að sjá sem flesta
af vinum sínum og vandamönnum
þar.
Þessum orðum fylgja harpingju-
óskir til kærs vinar.
Ragnheiður Ásta Pétursdóttir
Morgunblaðið greindi í gær frá
niðurstöðum þessarar könnunar
er varða fylgi stjómmálaflokk-
anna. Könnunin fór þannig fram
að hringt var í símanúmer eftir
handahófsúrtaki og haft sam-
band við 700 einstaklinga og
svömðu 656 eða 93,7%.
Spurt var hvort viðkomandi
styddi ríkisstjómina eða ekki. Tæp-
lega þriðjungur eða 30% aðspurðra
kváðust styðja ríkisstjómina en
rúmlega helmingur eða 55,6% sögð-
ust ekki styðja hana. 12% að-
spurðra vom óákveðin. Ef aðeins
em reiknuð svör þeirra sem tóku
afstöðu kemur í ljós að rúmlega
þriðjungur eða 35,1% segjast styðja
ríkisstjómina en tæplega tveir
þriðju hlutar spurðra eða 64,9%
segjast ekki styðja hana.
I svömm við spumingu um hvort
að ríkisstjómin myndi falla á næst-
unni eða sitja út lcjörtímabilið kem-
ur í ljós að 42% þeirra sem taka
afstöðu telja að stjómin muni falla
á næstunni, samtals 17,3% telja
stjómina munu falla í haust eða á
næsta ári, en rétt rúm 40% þeirra
sem tóku afstöðu telja ríkisstjómina
munu sitja út þetta kjörtímabil.
Tæplega 15% svarenda vom óá-
kveðin í þessum efnum.
Að lokum var spurt hvort fólki
fyndist að kjósa ætti aftur ef til
stjómarslita kæmi eða hvort reyna
ætti að mynda nýja ríkisstjóm án
þess að ganga til kosninga. Yfír-
gnæfandi meirihluti þeirra sem tóku
afstöðu eða 74,4% telja að efna
ætti til kosninga ef ríkisstjómin
félli, en fjórðungur telur að að reyna
ætti stjómarmyndun án þess að
ganga til kosninga.
Opið hús í
Zanzibar
ZANZIBAR, í húsnæði Casa-
blanca við Skúlagötu, kynnir
opið hús fimmtudaginn 28. júlí.
Hljómsveitin Síðan skein sól mun
verða gestur kvöldsins. Hljómveit-
ina skipa Helgi Bjömsson sem
syngur, Jakob Magnússon sem leik-
ur á bassa, Eyjólfur Jóhannsson á
gítar og Ingólfur Sigurðsson á
trommur.
(Fréttatilkynning)
Leiðrétting
Prentvilla slæddist inn í grein
Bergljótar Hreinsdóttur, „Bíllinn
, þarf ekki að vera banvænn". Þar
stendur: „ ... þar sem sérhæfðir
lögreglumenn fylgjast með Stjóm-
völdum . . .“, en á að vera „ . . . þar
sem sérhæfðir lögreglumenn fýlgj-
ast með tjónavöldum ...“.
Morgunblaðið biðst velvirðingar
á þessum mistökum.