Morgunblaðið - 22.09.1988, Blaðsíða 36

36
MORGUNBLAÐIÐ, FIMMTUDAGUR 22. SEPTEMBER 1988
Skák:
Norðurlandamót
framhaldsskóla
NORÐURLANDAMÓT fram-
haldsskólasveita í skák 1988
- verður haldið í Menntaskólanum
á Akureyri, Möðruvallarkjallara,
og hefst það í kvöld kl. 18.45.
Fimmta og síðasta umferð móts-
ins verður tefld 25. september,
og lokahóf og verðlaunaafhend-
ing hefst kl. 15.15 sama dag.
Norðurlandamót framhalds-
skólasveita er eitt af þremur nor-
rænum skólcuskákmótum sem hald-
in eru árlega til skiptis á Norður-
löndunum. Hin eru Norðurlandamót
grunnskólasveita og einstaklings-
keppni í norrænni skólaskák.
Fyrsta Norðurlandamót fram-
haldsskólasveita í skák var haldið
árið 1973 í Svíþjóð.

Morgunblaðið/Rúnar Þór
Nýja Dagshúsið passar vel inn í götumyndina á Strandgötu, að
mati margra. Framkvæmdir hófust fyrir um ári síðan.
Dagur flytur í
nýtt húsnæði
Dagblaðið Dagur á Akureyri hefur flutt í nýtt og rúmgott
húsnæði við Strandgötu 31. Dagur var reyndar þar til húsa áð-
ur, en nú hefxir verið byggt við eldra húsnæðið og hefúr rými
verið stækkað um helming. Nýbyggingin telur um 900 fermetra.
Auk Dags stendur Dagsprent að framkvæmdunum, sem áætlaðar
eru upp á 40 milljónir króna.
Starfsmenn voru allir að koma
sér fyrir í nýja húsnæðinu er
Morgunblaðsmenn bar að garði
síðastliðinn föstudag og voru þeir
hæstánægðir með aðstöðuna,
enda ekki von á öðru því þröngt
var setið á gamla staðnum. „Menn
bókstaflega héldu á tölvunum
sínum yfir í nýbygginguna og
notuðu tækifærið og hentu mörg-
um pokum af rusli. Vinnuaðstað-
an hefur gjörbreyst fyrir allt
starfsfólk okkar, þó sérstaklega
fyrir ljósmyndara og útlitsteikn-
ara. Okkur líður ekki lengur eins
og sardínum í dós frá K. Jóns-
syni,“ sagði Áskell Þórisson rit-
stjóri í samtali við Morgunblaðið.
„Flutningurinn úr Hafnarstræti í
Tryggvabraut var mikil bylting
fyrir starfsfólk. En umfang blaðs-
ins óx svo flutningurinn frá
Tryggvabraut í Strandgötuna var
kærkominn. Blaðið hélt áfram að
stækka, en nú með þessari nýju
byggingu teljum við okkur vera
komna í pláss sem við trúum að
sé til langrar framtíðar," sagði
Áskell.
Tvær hæðir af þremur verða
teknar strax í notkun. Ritstjórn
verður á annarri hæð og á fyrstu
hæð verða skrifstofur blaðsins svo
sem bókhald, afgreiðsla og aug-
lýsingamóttaka. Dagsprent, sem
stofnað var árið 1981, leggur nú
undir sig eldra húsnæðið að við-
bættum nýjum prentsal, sem
byggður var í sumar á milli nýja
og gamla hússins. Nýjungar hjá
Dagsprenti eru þær að hafín er
útgáfa á þýskum sakamálasögum
og bandarískum ástarsögum. Á
síðasta ári keypti Dagsprent
prentsmiðjuna Font á nauðungar-
uppboði og yfirtók rekstur á fyrir-
tækinu Prentfilmu og býður
Dagsprent nú upp á alla almenna
prentun.
Nokkrar breytingar verða á rit-
stjórn blaðsins frá og með 1. októ-
ber nk. Áskell Þórisson, sem setið
hefur í ritstjórastól ásamt Braga
Bergmann allt síðasta ár, hverfur
nú frá Degi og fer í sitt fyrra
starf sem blaðafulltrúi Kaupfé-
lags Eyfirðinga. Bragi verður einn
ritstjóri. Kristján Kristjánsson,
sem lengst af hefur verið íþrótta-
fréttamaður, verður nú frétta-
stjóri. Andrés Pétursson, sem ver-
ið hefur blaðamaður Dags í
Reykjavík, kemur norður og tekur
við íþróttadeildinni, og Jóhann
Ólafur Halldórsson hverfur suður
og tekur við stjóm Reykjavíkur-
deildar Dags.
*íU 1 í Íéíl íiHí iUíiiíi aatiUM t ii-í ai.í.aiidiiJUíimnu:
Morgunblaðið/Rúnar Þór
Franski tundurduflaslæðarinn við Torfiinesbryggju. Andanefjan á Akureyrarpollinum sem greint var
frá í Morgunblaðinu sl. þriðjudag sést einnig á myndinni.
Franskur tundurdufla-
slæðari í Akureyrarhöfti
NÝR FRANSKUR tundurdufla-
slæðari kom til Akureyrar síðast-
liðinn mánudag og hefur hann
verið gestum til sýnis. Skipið er
í prufúsiglingu og er hingað
komið frá Skotlandi. Úr Akur-
eyrarhöfii heldur skipið til
Svíþjóðar á morgun, lostudag.
Skipið, sem ber nafn sjávargyðj-
unnar Thetis, er 1.000 tonn að
stærð og eru 45 í áhöfn. Skipið
verður til sýnis í dag milli kl. 14.30
og 19.30 fyrir þá sem vilja nota
tækifærið og skoða það við Torfu-
nesbryggjuna.
Heimahöfn Thetis verður í Brest
í Frakklandi. Þetta nýja skip í sjó-
her Frakka leysir af hólmi tvö eldri
skip, Betelguse, sem lagt var í
fyrra, og Narvik, sem lagt verður
á næstunni. Smíði nýja skipsins
hófst þann 25. janúar árið 1985 og
skipinu var hleypt af stokkunum
14. nóvember 1986. Skipið verður
formlega tekið í notkun eftir prufu-
siglinguna í lok októbermánaðar.
Innheimtuhlutfall stað-
greiðslunnar er um 98%
lnnheimtuhlutfall staðgreiðslu er um 98%. Þetta hlutfall er mun
hærra en nokkur sveitarstjórnarmaður lét sig dreyma um fyrir ári.
Nákvæm samantekt á áætluðum útsvarstekjum sveitarfélaga af stað-
greiðslu liggur ekki fyrir en þær gætu verið um 9,2 milljarðar. 6,7%
útsvarshlutfall í staðgreiðslu mun skila sveitarfélögunum þessum
tekjum. Þetta kom fram í máli Vals Þórarinssonar framkvæmda-
stjóra Viðskiptaþjónustu Austurlands hf. og ráðgjafa um gjald-
heimtumál á Fjórðungsþingi Norðlendinga, sem haldið var að Húna-
völlum fyrir skömmu.
Heildarlaunagreiðslur til júlíloka
samkvæmt upplýsingum stað-
greiðsludeildar ríkisskattstjóra
námu tæpum 77,5 milljörðum
króna. Innheimt staðgreiðsla á
sama tímabili nam rúmum 11,3
milljörðum króna. Útsvarstekjur af
þessum launum eru tæpir 5,2 millj-
arðar og í dag hefur verið skilað
til sveitarfélaganna rúmum fimm
milljörðum. Inneign sveitarfélag-
anna er um 200 milljónir króna að
teknu tilliti til 0,5% þóknunar. Mis-
munur þessi myndast í júlí og ágúst
og því er ekki um að ræða eiginlega
skuld ríkisins við sveitarfélögin
heldur inneign sem myndast á
grundvelli bráðabirgðagreiðslu-
samkomulags. Skil til sveitarfélag-
anna munu vera í endurskoðun á
grundvelli þessara staðreynda.
„Ég áætla að skilað verði stað-
greiðslu af 132,8 milljörðum fram
til 15. janúar 1989. Áætlaðar tekjur
ársmanna, það er þeirra sem skila
staðgreiðslu einu sinni á ári, eru
850 milljarðar. Tekjur utan stað-
greiðslu eru áætlaðar 2,150 milljað-
ar og í vanskilum verði staðgreiðsla
af launum sem nema 2 milljörðum.
Álagningargrunnur samkvæmt
þessu er því 137,9 milljarðar sem
gefur 9,2 milljarða í útsvarstekjur.
Tekjur sveitarfélaganna til ársloka
munu hinsvegar ekki verða nema
8,1 til 8,2 milljarðar kr. Ótti sveitar-
stjórnarmanna varðandi stað-
greiðsluna og framkvæmd hennar
var því sem betur fer ástæðulaus,“
sagði Valur í erindi sínu.
Valur sagði að hægt gengi að
stofna gjaldheimtur út um land.
Enginn samningur hefur enn verið
undirritaður en drög að samningum
liggja fyrir í öllum umdæmum, utan
höfuðborgarsvæðisins, nema á
Vesturlandi. Á Norðurlandi vestra
hafa tvö sveitarfélög skorast undan
þátttöku en samþykkt hefur verið
að leita eftir viðræðum við fjármála-
ráðuneytið um stofnun gjaldheimtu
án þátttöku þeirra á grundvelli
samningsdraga þar sem kveðið
verður á um útfærslu stofnunarinn-
ar í rekstrarsamningi.
Valur sagðist vænta þess að
stofnfundir gjaldheimta verði
haldnir í flestum umdæmum nú í
september enda að verða síðustu
forvöð þar sem breytingin ætti að
koma til framkvæmda um áramót.
I Vestmannaeyjum, á Vestfjörðum
og Austfjörðum eru líkur á að
stjómir gjaldheimta muni semja við
innheimtumenn ríkissjóðs um að
þeir annist innheimtuna næstu tvö
árin. Þessi umdæmi eiga það sam-
merkt að kostnaðarmunur þessarar
útfærslu og sjálfstæðrar gjald-
heimtu er óverulegur. Á Austur-
landi og Vestfjörðum byggist
ákvörðun um þessa útfærslu á því
að ekki virðist möguleiki að ná sam-
stöðu um lögheimili gjaldheimtu á
þeim tíma sem er til stefnu. Það
er vissulega áhyggjuefni að fjögur
til fimm stöðugildi skuli skipta svo
miklu máli og sýnir ef til vill best
stöðu landsbyggðarinnar í atvinnu-
legu tilliti, að sögn Vals. „Ég tel
hinsvegar að menn séu ekki að
bregðast rétt við þeim vanda með
því að hafna stofnun sjálfstæðrar
gjaldheimtu. Hagsmunir hvers
landshluta, sem heildar, vega í
mínum huga þyngra en hugsanleg
tilfærsla stöðugilda milli staða inn-
an umdæmis. Þessu sjónarmiði eru
þeir sveitarstjómarmenn, sem skoð-
að hafa málið til þrautar, sammála.
Samningur við innheimtumenn er
því neyðarlausn, frestun á vanda
vegna þess að menn hafa ekki þor
til að takast á við innbyrðis ágrein-
ingsmál. Ég get hinsvegar tekið
undir það sjónarmið að slíkur samn-
ingur er betri en núverandi ástand."
Á Norðurlandi eystra hafa öll
sveitarfélögin, að þremur undan-
skildum, samþykkt að stofna sjálf-
stæða gjaldheimtu. Þessi þijú félög
frestuðu ákvörðun. Í umdæminu er
áætlaður rekstrarkostnaður gjald-
heimtu með einni útstöð rúmum 2,5
milljónum kr. ódýrari en ef samið
yrði við innheimtumenn ríkissjóðs.
Hlutdeild sveitarfélaganna í stofn-
kostnaði vegna búnaðar er áætlaður
upp á 1.236.000 krónur og því má
Ijóst vera að hér er um fjárhagslega
hagstæðari kost að ræða, að sögn
Vals.