Morgunblaðið - 28.12.1988, Page 51

MORGUNBLAÐIÐ, MIÐVIKUDAGUR 28. DESEMBER 1988
51
Grindavík:
Neyðaróp frá höfti-
inni reyndist gabb
Umfangsmikil leit stóð í tvo tíma
Grmdavík.
LEITARFLOKKAR frá slysavarnasveitinni Þorbirni í Grindavík voru
kallaðir út til leitar í höfrdnni að stúlku eftir að tilkynnt var til lög-
reglunnar rnn neyðaróp frá höfninni rétt fyrir klukkan 21.00 að
kvöldi annars dags jóla. Umfangsmikil leit stóð yfir í um tvo tíma
en þá viðurkenndi 13 ára gamall piltur að hann hefði kallað á hjálp
í því skyni að hræða systur sína og vinkonu hennar.
Stúlkurnar tvær, 10 ára gamlar,
sem heyrðu neyðarópið frá höfninni
hlupu strax af stað og létu vita að
einhver, sennilega stúlka, hefði
kallað á hjálp niður við gömlu höfn-
ina.
Lögreglunni var strax gert við-
vart og kallaði hún út leitarflokka
slysavarnasveitarinnar Þorbjöms
bæði til leitar á sjó og landi, auk
þess sem sjúkrabfllinn var hafður
til taks á bryggjunni.
Slysavarnamenn aðstoða kafara sem köfuðu undir bátana þegar leit-
in stóð sem hæst.
Eitt versta veð-
úr í langan tíma
Borg, Miklaholtshreppi
HÉR voru hvít jól þó snjór væri
ekki mikill. Hvöss norðaustanátt
og 10-11 stiga frost á aðfanga-
dag jóla. Á jóladag herti á norð-
anáttinni heldur betur. Uppúr
hádegi barst á stórhrið með mik-
illi fannkomu og 10-12 stiga
frosti samfara miklum stormi.
Er þetta eitt versta veður sem
hér hefúr komið um langan tima.
Þessi stórhríð stóð þar til á há-
degi á annan dag jóla. Ekki hef ég
heyrt um neinn skaða eða slysfarir.
Flestir voru heima hjá sér á þessum
helgu dögum. Messur féllu niður
vegna veðurs á Rauðamel og Fá-
skrúðárbakka. Þegar þetta er skrif-
að á þriðja jóla degi er hér töluverð
snjókoma en frostlítið.
Páll
Kviknaði í út frá kerti
TALSVERÐAR reykskemmdir
urðu á tveggja hæða timburhúsi
við Stýrimannastíg sem kviknaði
í á jólanótt. Talið er að kviknað
hafi í út frá kerti. Slökkvistarf
gekk greiðlega en einn íbúa húss-
ins var fluttur á sjúkrahús vegna
gruns um minniháttar reykeitr-
un.
Þá kviknaði í út frá kerti á Hrafn-
istu en eldurinn var slökktur áður
en hnan breiddist út. Um hádegi á
aðfangadag kviknaði í hesthúsum
við Keldnaholt . Hestar voru ekki
í húsinu. Eldurinn kom upp í þar
sem hey og spænir voru grymdir.
Talið er að kviknað hafí í út frá
rafmagnsofni.
Slökkvilið Reykjavíkur sinnti 17
útköllum frá hádegi á aðfangadag
og til morguns þriðja í jólum. Níu
útköll voru vegna vatnsleka og
tvisvar sendu aðvörunarkerfí frá sér
falskar hjálparbeiðnir. Einnig þurfti
að aðstoða fólk við að komast inní
læst hús.
Morgunblaðið/Kr.Ben.
Slysavarnamenn lýsa undir gömlu trébryggjurnar firá björgunarbátnum Oddi V. Gislasyni í leit að stúlku.
Slysavamamenn sigldu á björg-
unarbátnum Oddi V. Gíslasyni um
höfnina og lýstu upp hafflötinn með
sterkum ljóskösturum, inn á milli
bátanna og undir gömlu trébryggj-
umar auk þess sem þrír kafarar
leituðu undir bátunum í tvo tíma
án árangurs.
Þegar hér var komið sögu komst
lögreglan á snoðir um ferðir 13 ára
pilts niður við höfnina á þeim tíma
sem neyðarópið átti að hafa heyrst
og er gengið var á hann viður-
kenndi hann að hafa kallað sjálfur
í þeim tilgangi að hræða stelpumar.
Að sögn Sigurðar Bergmanns
varðstjóra lögreglunnar í Grindavík
er enn ekki ljóst hvemig tekið verð-
ur á þessu máli en ljóst er að hér
er um dýrt spaug að ræða.
Kr.Ben^NI
HondaCivic
Shuttle 4 WD
Það eru ekki allir sem þekkja
tilfinninguna að aka um á nýrri
Honda bifreið. Að sitja undir stýri á .Honda Civic Shuttle árgerð '89 er mjög
eftirsóknarvert. Vélin er kraftmikil 16 ventla, með beinni innspýtingu og 116
hestöfl. Fjöðrunin er mjög nákvæm og þægileg (double wisbone). Fjórhjóla-
drifið er sítengt, en læsist á öll hjól þegar mótstaðan eykst, s.s. í hálku og
vegleysum. Honda Civic Shuttle er smekklega hannaður fjölskyldubíll með
mikið rými og gott útsýni fyrir alla.
Viljir þú kynnast tilfinningunni skaltu skoða hann nánar.
Verð frá 919 þúsund,
miðað við staðgreiðslu á gengi 1. nóv. 1988
ÍHONDA
HONDA Á ÍSLANDI, VATNAGÖRÐUM 24, RVÍK., SÍMI 689900 v