Morgunblaðið - 06.04.1989, Qupperneq 28

28
MORGUNBLAÐIÐ FIMMTUDAGUR 6. APRIL 1989
Gorbatsjov á Kúbu:
Segir byltmguna ekki
vera útflutningsvöru
Bandaríkjastjórn hvetur Sovétieiðtogann til að
hætta að senda sandinistum í Nicaragua vopn
Havanna, Washington. Reuter.
MÍKHAÍL S. Gorbatsjov Sovét
leiðtogi hvatti til þess í ræðu á
þriðjudag að stórveldin hættu að
senda vopn til deiluaðila í Mið-
Ameriku þar sem yfir 100 þús-
und manns hafa fallið í átökum
á þessum áratug. Sagði hann að
raunhæfúr möguleiki væri nú á
því að koma á friði í heimshlutan-
um. Athygli hefúr vakið sú yfir-
lýsing leiðtogans að byltingu og
gagnbyltingu sé ekki hægt að
flytja út til annarra rikja og leysa
beri deilur með pólitískum að-
ferðum en ekki hernaði.
Talsmaður Bandaríkjastjómar,
Marlin Fitzwater, hrósaði Sovétleið-
toganum fyrir þessi ummæli en
sagði að gjörðir yrðu að fylgja orð-
um; grundvallaratriði væri að Sov-
étmenn stöðvuðu hemaðaraðstoð
sína við Nicaragua en hún nemur
um 500 milljónum Bandaríkjadala
(26 milljörðum ísl.kr.já ári. Fitz-
water lét í ljós vonbrigði yfir því
að Sovétleiðtoginn hefði ekki komið
með neinar nýjar tillögur til lausnar
á átökunum í Mið-Ameríku.
Gorbatsjov hrósaði Nicaragua-
stjóm fyrir það sem hann kallaði
„ný skref í átt til lýðræðis" og
Ungverjaland:
Dóttir Nagys
ber kennsl á
lík hans
Búdapest. Reuter.
DÓTTIR Imres Nagys, fyrrum
forsætisráðherra Ungveijalands
sem tekinn var af lífi fyrir þátt
sinn í uppreisninni 1956, kveðst
hafa borið kennsl á lík föður síns.
Ungverska ríkisstjórnin féllst á
að lík Nagys og þriggja samráð-
herra hans yrðu grafin upp en
þeir voru sakaðir um landráð
fyrir hlutdeild sína í uppreisninni
og teknir af lífi árið 1958.
hvatti ríkar þjóðir til að styðja til-
lögur Bandaríkjastjómar um lausn
á skuldavanda þriðjaheimsríkja. Á
hinn bóginn er talið ljóst að Sovét-
leiðtoginn hafi vísað á bug áskorun
George Bush Bandaríkjaforseta
þess efnis að Sovétmenn hætti ein-
hliða að styðja byltingarmenn í
Rómönsku Ámeríku með vopnum.
Gorbatsjov sagði m.a. að Banda-
ríkjamenn litu á Rómönsku
Reuter
Síðbúinn snjór
Þótt veturinn hafi verið með
eindæmum mildur í Suður-
Englandi var sqjókoma í
Bushey, vestur af Lundún-
um, í gær. Þessi stúlka notar
tækifærið til að búa til
snjókarl.
AÐALFUNDUR
Ameríku sem þeirra eigin húsagarð
og það sjónarmið gæti hann ekki
fallist á; þjóðimar ættu sjálfar að
ráða málum sínum, án afskipta
stórveldanna beggja.
Er Fidel Kastro Kúbuforseti
kvnnti Gorbatsjov fyrir fulltrúum á
þinginu, þar sem Sovétleiðtoginn
flutti ræðu sína, sagði Kastro að
Gorbatsjov væri „djarfur baráttu-
maður fyrir friði.“ Leiðtogamir
undirrituðu samning um „bróður-
lega vináttu þjóðanna sem byggist
á samiginlegri hugmyndafræði og
ekkert getur sundrað." Kastro hef-
ur staðfastlega neitað að koma á
umbótum í anda perestrojku Gor-
batsjovs í landi sínu.
Reuter
Míkhaíl Gorbatsjov og Fidel Kastro skiptast á spjöldum þar sem
skráður er vináttusamningur ríkja þeirra.
Sveitarstj órnarkosningar í Grænlandi:
Vinstriflokkurinn Inuit
Ataquatiit jók fylgi sitt
Kaupmannahöfn. Frá N.J. Bruun, fréttaritara Morgunblaðsins.
Vinstriflokkurinn Inuit Ataq-
atigiit vann verulega á í sveitar-
stjórnarkosningunum, sem fram
fóru í Grænlandi á þriðjudag, en
hægriflokkurinn Atassut tapaði
mestu.
Sjö hundruð frambjóðendur börð-
ust um 192 sæti í 18 sveitarstjóm-
um og fóru leikar þannig, að Sium-
ut-flokkurinn, sem skipað er á bekk
með jafnaðarmönnum, fékk 96, tap-
aði sex, en hefur eftir sem áður um
40% atkvæða. Atassut fékk nú 32%
atkvæða en hafði 44% í síðustu
kosningum. Tapaði flokkurinn 13
sveitarstjórnarsætum og hefur nú
57. Inuit Ataqatigiit fékk 14% at-
kvæða og 17 sæti en 1983 fékk
hann 7% og sjö sæti.
í nokkrum kjördæmum bauð
fram nýr flokkur, Issittuup Partiaa,
sem samtök fiski- og veiðimanna
stóðu að, en hann fékk hvergi mann
kjörinn. 20 sveitarstjómasæti komu
í hlut borgaralista eða óháðra fram-
bjóðenda. Kjörsókn var aðeins 61%
og hefur aldrei fyrr verið syo lítil
í sveitarstjórnarkosningum. í kosn-
ingum til landsþingsins hefur hún
hins vegar verið minni en þetta.
í Qaqortoq, sem áður hét Juliane-
háb, var Hendrik Lund endurkjör-
inn bæjarstjóri fyrir Siumut en
Lund er annar tveggja ræðismanna
íslands í Grænlandi og var við nám
í Háskóla Islands í eina tíð. I Qaq-
ortoq náði einnig kjöri fyrir sama
flokk Benedikta Kristiansen, sem
gift er Guðmundi Þorsteinssyni.
Þau bjuggu áður í Reykjavík en
hafa verið í Qaqortoq, heimabæ
Benediktu, undanfarin ár.
Daley borgar-
stjóri Chicago
Chica^o. Reuter.
DEMOKRATINN Richard Daley
var kjörinn borgarstjóri
Chicago, þriðju stærstu borgar
Bandaríkjanna, á þriðjudag og
fetar hann þar með í fótspor
föður síns og alnafna, sem var
borgarstjóri í Chicago í 21 ár.
Þegar talningu var því sem næst
lokið hafði Daley hlotið 56% at-
kvæða en helsti keppinautur
hans, blökkumaðurinn Timothy
Evans, 40% atkvæða.
Namibía:
S-Afríkumenn vilja tryggja
skæruliðum undankomuleið
Aðalfundur Arnarflugs hf. fyrir árið 1988
verður haldinn á Hótel Sögu v/Hagatorg
í Reykjavík, Skála á 2. hæð í nýbyggingu,
miðvikudaginn 12. apríl 1989 kl. 17.00.
Dagskrá:
1. Skýrsla stjórnar um starfsemi félagsins sl.
starfsár.
2. Rekstrar- og efnahagsreikningur félagsins fyr-
ir liðið starfsár ásamt endurskoðunarskýrslu
endurskoðenda lagðir fram til staðfestingar.
3. Ákvörðun um meðferð hagnaðar eða taps fé-
lagsins á reikningsárinu.
4. Ákvörðun um þóknun til stjórnarmanna og
endurskoðenda fyrir liðið starfsár.
5. Tillögur til breytinga á samþykktum félagsins
sem hér segir:
a) Breyting á 4. gr., sem heimili stjórn félags-
ins að hækka hlutafé félagsins um allt að kr.
315.000.000.
b) Breyting á 20. og 22. gr., sem mæli fyrir
um fjölgun stjórnarmanna úr sjö í níu og að
undirskrift meirihluta stjórnarmanna skuld-
bindi félagið.
6. Kosning stjórnar.
7. Kosning tveggja endurskoðenda.
8. Önnur mál.
Stjórn Arnarflugs hf.
Skæruliðar fara hvergi, segir leiðtogi SWAPO
Windhoek, Harare. Keuter.
PIK Botha, utanríkisráðherra
Suður-Afiríku, gerði það að til-
lögu sinni í gær í bréfi sem hann
sendi Javier Perez de Cuellar,
aðalritara Sameinuðu þjóðanna,
að skæruliðum úr Alþýðufylking-
unni í Suðvestur-Afríku,
SWAPO, verði gert kleift að
komast óhindrað frá Namibíu,
að því tilskildu að þeir leggi nið-
ur vopn. Sam Nujoma, leiðtogi
SWAPO neitaði með öllu að
verða við óskum Suður-Afríku-
manna og kallaði tillögu Botha
„móðgun við heilbrigða skyn-
semi“. Hátt í 200 manns hafa
Reutcr
Suður-afrískir hermenn söfnuðust saman við bæinn Undangwa í
Norður-Namibíu þar sem harðir bardagar geisa milli suður-afrísks
herliðs og skæruliða úr SWAPO-aðskilnaðarhreyfingunni.
fallið í átökum skæruliða og suð-
ur-afrísks herliðs, sem geisað
hafa frá því á laugardag.
í bréfinu fór Botha þess á leit
við SÞ að þeir settu upp eftirlits-
stöðvar þar sem skæruliðar gætu
gefið sig fram, að sögn suður-afrí-
skra embættismanna. Þeim yrði
síðan tryggð undankoma yfir landa-
mærin til Angóla þar sem þeir hafa
bækistöðvar.
Suður-afrísk stjórnvöld hafa sak-
að skæruliða SWAPO um að hafa
ráðist inn í Namibíu nokkrum
stundum eftir að vopnahlé gekk í
gildi á laugardag. Sam Nujoma,
leiðtogi SWAPO, hefur vísað þeim
sakargiftum á bug. „Staðhæfing
suður-afrískra stjórnvalda þess efn-
is að SWAPO-skæruliðar hafi farið
yfir landamærin 1. apríl er til-
hæfulausar," sagði Nujoma.
Forsvarsmenn friðargæslusveita
SÞ íhuga nú að flytja liðsstyrk með
flugvélum til ófriðarsvæðanna í von
um að binda enda á bardagana. '
Talsmaður lögreglunnar í Wind-
hoek í Namibíu sagði að 179 skæru-
liðar og 21 suður-afrískur hermaður
hefðu fallið í átökunum, sem staðið
hafa í fimm daga. „Það geisa ennþá
harðir bardagar á vígvellinum og
ekkert bendir til þess að þeim linni
í bráð,“ sagði hann.