Morgunblaðið - 31.05.1989, Blaðsíða 21
MORGUNBLAÐIÐ MIÐVIKUÐAGUR 31. MAI 1989
21
Styttri
tími í haust-
prófí MH
í Menntaskólanum við Hamrahlíð
verður kennt í hálfan mánuð og
prófað í viku áður en haustönn
hefst, til að bæta nemendum
kennslutap vegna verkfalls kenn-
ara. Próftíminn styttist þó um
fjóra daga frá því sem áætlað
var, að tilmælum menntamála-
ráðuneytis.
Yfirmenn skólans höfðu ákveðið
í samráði við nemendur að gefa
kost á kennslu frá 28. ágúst og
síðan prófum þannig að næsta önn
gæti hafist um 25. september. Þau
tilmæli bárust frá menntamálaráðu-
neytinu nú fyrir helgi að þessu yrði
lokið 9. september. Nemendur mót-
mæltu í bréfi til ráðherra, og nú
hefur verið ákveðið að ljúka prófum
um miðjan septembermánuð og
hefja kennslu á haustönn skömmu
síðar, 18. september.
Að sögn Bjarna Ólafssonar,
áfangastjóra í M.H., kemur styttur
próftími helst niður á þeim 110
nemendum sem ákveðið höfðu að
taka öll próf í haust. Samkvæmt
athugun sem gerð var í M.H. strax
eftir verkfall hugðist rúmur helm-
ingur nemenda taka öll próf í vor,
en um 250 nemendur ætluðu bæði
í vor- og haustpróf.
Trygg-
ingaskól-
anum slitið
TR Y GGIN G ASKÓL ANUM var
slitið þriðjudaginn 23. maí síðast-
liðinn. A þessu skólaári voru
haldin þrjú námskeið við skólann
og lauk tveimur þeirra með próf-
um. Nemendur voru alls 44 en
31 gekkst undir próf.
Tryggingaskólinn er starfræktur
af Sambandi íslenskra tryggingafé-
laga og standa vátryggingafélögin
innan þess straum af kostnaði við
rekstur hans. Starfsemi skólans
byggist á lengri og skemmri nám-
skeiðum, sem oftast lýkur með próf-
um. Hafa alls 687 prófskírteini ver-
ið gefín út frá skólanum frá stofnun
hans 1962.
Við skólaslitin afhenti Ingi R.
Helgason, varaformaður Sambands
íslenskra tryggingafélaga, fimm
nemendum bókaverðlaun fyrir
ágætan námsárangur. Þessir nem-
endur voru þau Björgvin Salómons-
son, Brunabótafélagi íslands, Sól-
rún Héðinsdóttir, Tryggingamið-
stöðinni hf., Sveinn Jóhannesson,
Samvinnutryggingum g.t., Viðar
Jóhannesson, Sóvá-Almennum
tryggingum hf. og Þorlákur Péturs-
son, Alþjóða líftryggingafélaginu
hf. _
Menntaskólinn á
Egilsstöðum:
Stúdentar
brautskráð-
ir 4. júní
BRAUTSKRÁNING nýstúdenta
frá Menntaskólanum á Egilsstöð-
um fer fram sunnudaginn 4. júní
næstkomandi og hefst athöfhin
kl. 14.00 í Egilsstaðakirkju.
Kennsla hófst í skólanum 20.
maí, að loknu verkfalli kennara og
byrjuðu próf sex dögum síðar. Þeim
nemendum, sem ekki geta lokið
prófum í vor er gefinn kostur á þvi
að ljúka þeim fyrir upphaf haust-
annar og er boðið upp á tvenns
konar lausnir í þvi sambandi. Ann-
ars vegar kennslu í eina viku og
próf frá 28. ágúst til 9. september
og hins vegar próf frá 2. september
til 9. sama mánaðar.
Morgunblaðið/Björn Blöndal
Ólafúr Lárus Lárusson og Ingibjörg Magnúsdóttir úr Keflavík
með soninn Gisla.
Reykingabann í Mallorcaflugi:
Meirihluti ferþega voru
flölskyldur með börn
Keflavík.
„EF ÞESSI tilraun heppnast eins og við erum að vona er eins víst
að innan fárra ára tilheyri reykingar í farþegaflugi sem þessu sög-
unni til,“ sagði Helgi Jóhannsson forstjóri ferðaskrifstofúnnar Sam-
vinnuferða Landsýnar sem í gær stóð að reyklausu flugi til Palma
á Mallorca.
Helgi Jóhannsson sagði að fyrir-
hugaðar væru tvær aðrar reyk-
lausar ferðir til Spánar, í júlí og
ágúst, og yrði gerð könnun meðal
farþeganna um viðhorf þeirra til
þessara ferða. „Viðbrögðin hafa
verið ákaflega jákvæð og fólk hef-
ur tjáð okkur ánægju sína með
þessa nýbreyti. Meirihluti farþeg-
anna í þessari fyrstu reyklausu
ferð voru barnafjölskyldur, börnin
eru ekki spurð um hvort fólk reyki
eða ekki, en ég er viss um að ef
þau mættu ráða þá leyfðu þau
ekki reykingar. Þetta er sögulegt
flug og ég hef grun um að þetta
sé jafnvel fyrsta millilandaflugið í
Evrópu þar sem reykingar um borð
eru ekki leýfðar," sagði Helgi enn-
fremur.
„Látum okkur hafa það“
Lárus Ólafur Lárusson og Ingi-
björg Magnúsdóttir úr Keflavík
voru meðal farþega sem fóru utan
í gærmorgun. Þau voru með lítinn
son sinn með og þau reykja bæði.
„Við ætlum að láta okkur hafa það
að reykja ekki á meðan á flugi
stendur, við getum alveg lifað þó
við reykjum ekkí í nokkra tíma.
Við teljum þetta gott mál barnanna
vegna því þeim líður ekki vel þegar
verið er að reykja í návist þeirra á
ferðalögum," sögðu þau Lárus
Ólafur og Ingibjörg.
Vildu ferðast reyklaust
„Við völdum þessa ferð fyrst og
Hrafnhildur Svavarsdóttir frá Selfossi með synina ívar og Pétur
sem eru alfarið á móti reykingum foreldra sinna.
Sveinn Ingason og Guðbjörg Jónsdóttir úr Kópavogi ásamt börn-
um sínum, en þau völdu ferðina vegna þess að reykingar voru
ekki leyfðar í flugvélinni.
fremst vegna þess að hún er reyk-
laus,“ sögðu Sveinn Ingason og
Guðlaug Jónsdóttir, ung hjón úr
Kópavogi sem ekki reykja, og voru
með 4 börn. Þau sögðust hafa flog-
ið fyrr á þessu ári með bömin í
millilandaflugi og þá orðið fyrir
óþægindum vegna reykinga sam-
farþega sinna. Ef þau hefðu þá
haft val þá væri engin spuming
um að þau hefðu kosið að ferðast
í reyklausu andrúmslofti.
„Strákarnir á móti
reykingum“
„Strákarnir em á móti reyking-
um og við ákváðum þeirra vegna
að velja reyklausu ferðina,“ sagði
Hrafnhildur Svavarsdóttir húsmóð-
ir frá Selfossi sem var á leiðinni í
sólina ásamt tveim sonum sinum
og eiginmanni. Hrafnhildur sagði
að þau hjónin reyktu bæði en þau
myndu áreiðanlega lifa það af að
sleppa því að reykja í nokkra tíma.
Það væri enginn skaði. BB
Helstu söluaðilar: Bókaversl. JónasarTómassonar ísafirði • Bókaversl. Þórarins Stefánssonar Húsavík • Bókval Akureyri • E.Th.
Mathiesen Hafnarfirði • Fjölritun s.f. Egilsstöðum • Kaupfél. Árnesinga h.f. Selfossi • Kjarni Vestmannaeyjum • Penninn Hallarmúla
---------------------------------------------------------------------------------------------------------
OMRON AFGREIÐSLUKASSAR
VERÐFRÁ KR. 21.600,-
NIINNI FYRIRHÖFN - MEIRIYFIRSÝN
Yfir 60% af seldum afgreiðslukössum á íslandi á
síðasta ári voru af gerðinni OMRON.
OMRON afgreiðslukassarnir fást í yfir 15
mismunandi gerðum, allt frá einföldum kössum upp
í fullkomnar tölvutengdar afgreiðslusamstæður.
Þeireru því sniðnirfyrirhvers konar verslunar-
rekstur, eru búnir sjálfvirkri tölvuútskrift, veita
möguleika á stækkun og stuðla að meiri yfirsýn og
markvissari rekstri. Þess vegnafinnuröu OMRON
afgreiðslukassa í íslenskum sjoppum, bakaríum,
sérverslunum, stórmörkuðum, veitingahúsum,
sundlaugum - já, víðar en nokkra aðra
afgreiðslukassa.
Hverfisgötu 33
Sími 91-623737