Morgunblaðið - 31.05.1989, Blaðsíða 41

Morgunblaðið - 31.05.1989, Blaðsíða 41
^QRGU i)iBLAWfi i í WAh 3P0E Ingibjörg Guðmunds- dóttir - Minning Fædd 20. nóvember 1904 Dáin 25. maí 1989 Ingibjörg var fædd og uppalin á Fjalli á Skeiðum. Hún var elst sex barna Guðmundar Lýðssonar og Ingibjargar Jónsdóttur. Á árunum 1931-’33 stundaði Ingibjörg nám við Samvinnuskólann í Reykjavík og það var einmitt þar, sem ævilöng vinátta upphófst milli Ingibjargar og móður minnar Helgu Pálsdóttur, sem einnig var við nám í Sam- vinnuskólanum á þessum árum. Ingibjörg vann á skrifstofu Lands- pítalans og skrifstofu ríkisspítal- anna frá 1933 til ársloka 1941. Síðan vann hún allan sinn starfsald- ur, í þrjátíu og þrjú ár, sem bókari hjá ríkisbókhaldinu, frá ársbyrjun 1942 til ársins 1975. Eg minnist þess sem barn að aldri, hversu merkileg mér þótti störf Ingibjargar hjár ríkisbókhald- inu. Hún vissi alltaf nákvæmléga hvar öll skjöl var að finna. Það var sama hvort skjalið var stórt eða smátt, innan um endalausar raðir af möppum, alltaf gat Ingibjörg gengið beint að því. Minni hennar á þessu sviði mætti líkja við tölvu- minni í dag. Varla leið svo dagur, er ég var barn, að ekki kæmi Ingibjörg í heimsókn. Hún bjó alla tíð nærri Minning fjölskyldu minni og í nokkur ár bjó hún á heimilinu með okkur. Ingi- björg skipaði sérstakan sess meðal okkar. Hún átti sterk ítök í okkur öllum og var alltaf talin með sem ein úr ijölskyldunni. Einstök tryggð og traust Ingi- bjargar færði henni vini sem urðu trúir vinir hennar til æviloka, vil ég þar sérstaklega nefna Kristínu Þorláksdóttur, fyrrverandi bókara hjá Rafmagnsveitu Reykjavíkur. Þær ferðuðust saman í mörg ár, vítt og breitt um margar heimsálf- ur. En þegar heilsu Ingibjargar hrakaði og hún varð að láta af ferðalögum, hélt Kristín áfram sinni tryggu vináttu við Ingibjörgu, alltaf tilbúin til aðstoðar og hjálpar. Um margra ára skeið átti Ingibjörg því láni að fagna að eiga góða sambýlis- konu, Sigríði Kristjánsdóttur, sem einnig var alltaf reiðubúin að rétta Ingibjörgu hjálparhö.id. Það var Ingibjörg alltaf gleðiefni þegar systkini hennar frá Fjalli komu í heimsókn og einnig þegar systur- dóttir hennar og nafna kom úr Kópavogi til hennar ásamt börnum sínum, sérstaklega var sonur henn- ar, Gunnar, Ingibjörgu hjálpsamur. Ingibjörg var einstaklega vel skapi farin. Hún var hæglát, blíðlynd og sérlega barngóð — og þess nutum við í ríkum mæli, fyrst ég sem bam og síðan sonur minn, Magnús Snorri. Umhyggja hennar og ástúð verður.okkur alltáf minnisstæð. Síðastliðin tæp sex ár þurfti Ingi- björg að berjast við ólæknandi sjúk- dóm. Þennan kross bar hún með mikilli stillingu og hógværð. Þótt líkamlegt þrek þessarar grann- vöxnu og fíngerðu konu hrakaði verulega, þá hélt hún andlegu þreki, las góðar bókmenntir og var alltaf tilbúin að ræða heimsmálin. Eftir að ég giftist og stofnaði heimili, má segja að Ingibjörg hafi verið okkur besti heimilisvinur. Svo til daglega lagði hún leið sína til okkar og á helgidögum og sunnu- dagskvöldum sat hún að jafnaði með okkur við kvöldverðarborðið. Nú situr hún ekki lengur meðal okkar, en minningin mun aldrei verða frá okkur tekin. Við Halldór, sonur okkar, Magn- ús Snorri og móðir mín, Helga Páls- dóttir, vottum ættingjum og vinum Ingibjargar samúð okkar. Guð blessi þessa góðu konu, sem hefur alla tíð verið okkar tryggi förunaut- ur. Kristín Guðbjartsdóttir Magnús Ingibjörg, eða Beggý, eins og ég kallaði hana, var alltaf svo nærtæk og hlýlynd, að í mínum augum var hún fjölskyldumeðlimur, svona óskilgreind frænka eins og í góðu ævintýri. Sumar fyrstu minningar mínar af henni eru frá því þegar hún sýndi mér myndir frá ferðum sínum til fjarlægra landa. Það var eins og ævintýri fýrir lítinn strák og hún þreyttist aldrei á að sýna mér mynd- irnar þó að ég kæmi oft í heim- sókn. Þegar heilsu hennar fór að hraka og áratuga löng barátta við Parkinsonveiki hófst, gat Beggý ekki ferðast eins og áður, en ég var þá orðinn nógu gamall til að ferð- ast með foreldrum mínum til út- landa. Þá var komið að mér að sýna myndir frá ævintýralegum stöðum og Beggý var alltaf besti áhorfandinn. Hún vildi helst sjá al' ■ ar myndir mörgum sinnum og heyra allt af mér og mínum ferðum. Það á líka við um margar aðrar minn- ingar mínar með henni hvað hún var jafnan glaðlynd og kom mér oft í gott skap, bara með nærveru sinni og hlýju. Hún var mér mjög sérstök og minningar mínar af henni verða mér ávallt dýrmætar. Magnús S. Halldórsson Norwalk, Connecticut, Bandaríkjunum. ái Viðey Veitingarekst- ur frá 1. júní Á NEÐRI hæð Viðeyjarstofú er rekinn ahnennur veitinga- staður. Þar eru 5 samliggj- andi herbergi, sem rúma 74 gesti. Stuðlað er að því að veitinga- staðurinn sé einsetinn til þess að tækifæri gefist til að gera sem best við gesti íemat, drykk og þjónustu. Staðurinn er tilvalinn fyrir smærri hópa, 10-20 manns, sem vilja vera út af fyrir sig. Viðskiptafundir yfír kvöldverði og boð fyrir erlenda gesti hafa notið mikilla vinsælda. Frá 1. júní til 30. september er veitingastaðurinn opinn fyrir kvöldverðargesti frá fimmtu- degi til sunnudags frá klukkan 18 til klukkan 23.30. Hafsteinn Sveinsson fer fastar áætlunar- ferðir frá Klettsvör í Sunda- höfn, vestan við Sundakaffi, og út að bryggju í Bæjarvör í Við- ey. Ferðin tekur 5 mínútur. Hótel Oðinsvé annast veitinga- rekstur í Viðey. (Fréttatilkynning) Margrét Sæmunds- dóttir frá Ólafsfírði Fædd 8. nóvember 1904 Dáin 2. mai 1989 Minn Jesú, andlátsorðið þitt í mínu hjarta ég geymi sé það og lika síðast mitt þá sofna ég burt úr heimi. (H.P. 45. passiusálmur, 22; vers) Margrét langamma okkar hefur kvatt þennan heim. Hún hefur lokið löngum starfsdegi og var hvíldin henni því kærkomin, er hún lést á Elliheimilinu Grund hinn 2. maí sl. Okkur langar að minnast hennar með örfáum orðum. Langamma fæddist í Ólafsfírði og sleit þar barnsskónum í.stórum hópi systkina. Hún var dóttir hjónanna Guðrúnar Jóhannsdóttur og Sæ- mundar Jónssonar. Árið 1934 giftist langamma Mar- teini Elí Ingimarssyni, en hann lést langt fyrir aldur fram, árið 1939. Eina dóttur eignaðist langamma og er það Gunnhildur amma okkar; hún fæddist í Ólafsfirði. Langömmu var alltaf tekið opnum örmum á heimili dóttur sinnar og tengdason- ar, Geirs Þorvaldssonar, og fimm barna þeirra. Okkur er margt í huga á þeim tímamótum sem kveðjustund er. Sennilega ber þó hæst í minning- unni, er langamma fór í sína fyrstu utanlandsferð árið 1977. Þá ferð lagði hún í, til þess að heimsækja okkur og foreldra okkar, en þá bjuggum við í útlöndum. Ánægjan og gleðin sem skein úr andliti henn- ar allan tímann sem hún dvaldi hjá okkur gleymist aldrei. Áður en Magga amma, eins og við kölluðum hana jafnan, fluttist á Elliheimilið Grund, fyrir um það bil 3 árum, bjó hún á Norðurbrún 1 í Reykjavík. Þar áttum við systkinin margar ánægjustundir og gistinæt- ur. A þeim stundum var hún óþreyt- andi að leggja okkur lífsreglurnar og segja okkur sögur úr æsku sinni. Þessar og aðrar minningar lifa. Að leiðarlokum er okkur þakklæti efst í huga til Möggu ömmu. Við kveðjum góða konu og biðjum Guð að blessa minningu hennar. Hvíli hún í friði. Margrét, Pétur Hafliði og íris Dögg Marteinsbörn HEILDSÖLU-RYMINGARSALA FATNAÐUR Barnaúlpur kr. 1.410,- Dömupeysur kr. 1.700,- Jogginggallar kr. 950,- LEIKFÖNG Boltar kr. 170,- Taflsett kr. 430,- Dúkkur kr. 200,- Trúðar kr. 370,- Bangsar kr. 350,- Töskur kr. 70,- DÚKAR Heklaðirdúkar kr. 715,- Orkeraðardúllur kr. 50,- Borðmottur kr. 170,- Brauðservíettur kr. 130,- Damaskdúkar160x200 kr. 1.690,- Damaskservíettur kr. 105,- Damaskefni Straufríirdúkar kr. 375,- stærðir 90x90 verð frá kr. 375,- stærðir 110x110 verð frá kr. 505,- stærðir 140x140 verð frá kr. 785,- stærðir 140x180 verð frá kr. 1.060,- stærðir 180x230 verð frá kr. 1.420,- stærðir 180x270 verð frá kr. 1.745,- NA TTFA TNAÐUR Barnanáttföt kr. 460,- Barnasloppar kr. 460,- Dömunáttföt kr. 760,- Dömunáttkjólar kr. 760,- Dömusloppar kr. 780,- Herranáttföt kr.' 710,- Kvöldjakkar kr. 1.190,- ÝMISLEGT Handklæði, lítil kr. 120,- Handklæði, stór kr. 295,- Koddaver kr. 270,- Axlabönd kr. 305,- Blævængir kr. 60,- Svuntur kr. 390,- Servettur kr. 45,- Buddur kr. 130,- Dömubelti kr. 209,- Herrabelti kr. 498,- Undirbuxur kr. 110,- Opið frá kl. 10-18 virka daga og frá kl. 10-16 laugardaga Sendum í póstkröfu KÍNAVÖRUR - SJÓNVAL Grensásvegi 5, sími 39800. VORHAPPDRÆTTI KRABBAMEINSFÉLAGSINS AÐALVINNINGAR: SAMEIGINLEGUR VINNINGUR: • Toyota Corolla 4WD. • Öflugri krabbameinsvarnir! VINNINGAR MEÐ VALI: • Thailandsferð, tölvubúnaður eða byggingavörur fyrir 270 þús. kr. • Sólarlandaferð, myndbands-upptökuvél eða byggingavörur fyrir 125 þús. kr. • Ferðalag, hljómflutningstæki eða byggingavörur fyrir 50 þús. kr. STUÐNINGUR YKKAR ER OKKAR VOPN Krabbameinsfélagið -

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.