Morgunblaðið - 31.05.1989, Blaðsíða 29
*S 29
Neitar að
svara lög-
manninum
ARNAR Páll Hauksson, frétta-
maður Ríkisútvarpsins, neitaði
fyrir Borgardómi í gær að upp-
lýsa hver, eða hveijir, heimildar-
menn hans hefðu verið að frétt
um áfengiskaup forseta Hæsta-
réttar en þau mál urðu fyrst opin-
ber í kvöldfréttatíma hljóðvarps
ríkisins þann 24. nóvember. Jón
Steinar Gunnlaugsson lögmaður
Magnúsar Thoroddsen hefur
krafist úrskurðar dómsins um
hvort fréttamanninum sé heimilt
að víkja sér undan að svara. Nið-
urstaða dóms liggur fyrir í dag
klukkan níu árdegis. Búast má
við að úrskurður dómsins verði
kærður til Hæstaréttar.
Arnar Páll Hauksson sagðist fyr-
ir dómi neita að svara spumingun-
um þar sem slíkt stangaðist á við
ákvæði siðareglna blaðamanna um
að virða beri nauðsynlegan trúnað
við heimildarmenn. Einnig væri það
gegn nýsettum reglum um frétta-
flutning Ríkisútvarpsins og einig
starfsreglum fréttamannsins.
Jón Steinar Gunnlaugsson sagði
að spurningar þær sem hann
hyggðist leggja fyrir fréttamanninn
viðurkenndu þá almennu reglu að
Morgunblaðið/Einar Falur
Arnar Páll Hauksson fréttamað-
ur mætir í Borgardóm Reykja-
víkur í fylgd Kára Jónassonar
fréttastjóra Ríkisútvarps.
blaðamenn virtu trúnað við heimild-
armenn. Hins vegar teldi hann
nauðsynlegt að fá fram hvort nafn-
greindir háttsettir embættismenn
ríkisins hefðu haft frumkvæði að
því að koma upplýsingum um
áfengiskaupin í flölmiðla og þar
með lagt drög að þungum áfellis-
dómi almennings yfir umbjóðanda
sínum.
Úrskurðurinn verður kveðinn upp
í dag kiukkan 9.15 árdegis. Síðan
er áætlað að halda vitnaleiðslum í
málinu áfram.
Reykjavíkurganga Útivistar
Reykjavíkurganga Útivistar
verður farin í fimmta sinn nú í
kvöld, miðvikudagskvöldið 31.
maí. Brottfijr með rútu frá Gróf-
artorgi klukkan 20 og 20.10 frá
BSI, bensínsölu.
Ekið verður að Fossvogsskóla,
en þar hefst gönguferðin. Gengið
verður um Fossvogsdalinn í Skóg-
ræktarstöðina Fossvogi og hún
skoðuð. Þaðan verður gengið um
Öskjuhiíð og Nauthólsvík -og áð
klukkan 21.30 við Beneventum í
Öskjuhlíðinni.
Síðan er gengið niður í Hljóm-
skálagarð og meðfram Tjörninni
niður í Grófina. Tilgangur göngunn-
ar er að kynna almenningi fjöi-
breytta gönguleið um höfuðborgina,
mikið til í náttúrulegu umhverfi.
Ennfremur er þetta fjórða göngu-
ferðin í vor í kynningu Útivistar á
gönguleið úr Bláfjöllum til
Reykjavíkur.
Ekkert þátttökugjald er í
gönguna og allir eru hvattir til að
mæta. Gestir munu koma inn í
gönguferðina og fræða m.a. um
skógrækt, sögu og örnefni. Heim,-
koma er klukkan 23, en fólk getur
einnig komið í og farið úr göngunni
að vild.
Fiskverö á uppboðsmörkuðum 30. maí.
FISKMARKAÐUR hf. í Hafnarfirði
Hæsta Lægsta Meðal- Magn Heildar-
verð verð verð (lestir) verð (kr.)
Þorskur 250,00 48,50 52,71 11,140 587.126
Ýsa 79,00 42,00 63,92 14,759 943.465
Karfi 32,00 22,00 30,99 1,616 50.064
Ufsi 30,00 22,00 27,56 2,210 60.901
Steinbítur 37,50 30,00 34,66 0,345 11.965
Langa 38,00 37,00 37,16 2,441 90.699
Lúða 260,00 70,00 230,84 0,404 93.356
Grálúða 51,00 49,50 50,40 42,840 2.159.255
Koli 50,00 42,00 45,18 4,241 191.626
Keila 12,00 12,00 12,00 0,056 672
Skata 69,00 69,00 69,00 0,086 5.900
Skötuselur 96,00 84,00 87,43 1,635 142.977
Samtals 53,28 81,886 4.363.646
Selt var úr Otri HF og bátum. í dag verða m.a. seld 35 tonn
af grálúðu, 30 tonn af þorski, 4 tonn af ýsu, 10 tonn af ufsa,
2,5 tonn af skötusel, 0,5 tonn af lúðu og óákveðið magn af
karfa, löngu og steinbít úr Otri HF, Stakkavík ÁR og fleirum.
FAXAMARKAÐUR hf. í Reykjavík
Þorskur 60,00 20,00 56,48 5,133 289.926
Ýsa 98,00 28,00 70,34 3,027 212.949
Karfi 30,00 30,00 30,00 0,816 24.480
Ufsi 32,00 15,00 28,71 10,464 300.445
Steinbítur 48,00 48,00 48,00 0,247 11.856
Hlýri 26,00 26,00 26,00 0,045 1.170
Langa 32,00 32,00 32,00 1,124 35.968
Lúða 255,00 210,00 239,12 0,326 77.955
Grálúða 52,00 49,50 50,86 105,346 5.358.295
Skarkoli 70,00 59,00 59,49 0,157 9.340
Skötuselur 260,00 260,00 260,00 0,059 15.340
Samtals 50,00 127,098 6.355.474
Selt var úr Jóni Vídalín ÁR, Freyju RE, neta- og færabátum. I
dag verða meðal annars seld 40 tonn af þorski, 16 tonn af ýsu
og 5 tonn af ufsa úr Keili RE og fleirum.
FISKMARKAÐUR SUÐURNESJA hf.
Þorskur 60,00 47,50 55,38 54,007 2.991.173
Ýsa 82,00 15,00 56,87 13,492 767.232
Karfi 24,50 5,00 22,01 0,811 17.847
Ufsi 32,50 15,00 28,75 1,432 41.164
Steinbítur 30,50 15,00 27,41 2,509 68.777
Langa 30,00 21,00 27,22 0,393 10.697
Lúða 205,00 150,00 182,34 1,007 183.523
Skarkoli 45,00 35,00 40,12 1,563 62.705
Keila 12,00 12,00 12,00 0,250 3.000
Skötuselur 205,00 70,00 117,81 0,210 24.741
Háfur 10,00 10,00 10,00 0,500 5.000
Öfugkjafta Samtals 22,00 22,00 22,00 54,46 0,837 77,141 18.414 4.201.153
Selt var m.a. úr Eldeyjar-Hjalta GK, Eldeyjar-Boöa GK, Ósk KE
og frá Rafni hf. í dag verða m.a. seld 70 kör af þorski og 12 kör
af ýsu úr Eini GK, 9 tonn af ufsa og 4 tonn af karfa úr Hörpu GK.
Vitnaleiðslur í máli ríkisvalds gegn Magnúsi Thoroddsen:
Ráðherrum fengið áfengi
á kostnaðarverði til veislu-
halda á heimilum sínum
Ráðuneyti hafa tvisvar ráðgast við
ríkisendurskoðanda um áfengiskaup
VITNALEIÐSLUR fóru fram í máli ríkisvaldsins gegn Magnúsi Thor-
oddsen í Borgardómi Reykjavikur í gær. Vitni báru Magnús Thor-
oddsen, Höskuldur Jónsson forstjóri ATVR, Halldór V. Sigurðsson
ríkisendurskoðandi, Guðrún Helgadóttir, forseti Sameinaðs þings,
Gústaf Níelsson skrifstofustjóri ATVR, Guðrún Guðmundsdóttir aðal-
bókari ÁTVR, Elías Einarsson veitingamaður í Borgartúni 6, Arnar
Páll Hauksson fréttamaður RÚV, Sigurgeir Jonsson ráðuneytis-
sljóri, Ragnar Jónsson, fyrrv skritofustjóri ÁTVR, Guðmundur Bene-
diktsson ráðuneytisstjóri, Sveinn Björnsson sendiherra og Ingibjörg
Björnsdóttir deildarsljóri í fjármálaráðuneyti. Fram kom meðal ann-
ars að Steingrímur Hermannsson, þá utanríkisráðherra, Halldór
Ásgrímsson sjávarútvegsráðherra og Jón Baldvin Hannibalsson, þá
verandi Qármálaráðherra, fengu í fyrra allir keypt áfengi á sérstöku
verði út á heimildir ráðuneyta sinna til afnota í veislum sem þeir
héldu utan samkomusala ríkisins. Veislur Steingríms og Halldórs
voru haldnar a heimdum þeirra.
Árni Kolbeinsson ráðuneytisstjóri
í sjávarútvegsráðuneytinu upplýsti
að sjávarútvegsráðherra hefði
tvívegis í fyrra fengið áfengi vegna
veislna, sem hann hélt á heimili
sínu, í tengslum við fundi stofnana
Framsóknarflokksins.
Þá hefur Jón Steinar Gunnlaugs-
son, lögmaður Magnúsar, lagt fram
gögn, sem fengin eru úr bókhaldi
ríkisstofnana, en þó ekki sem svar
ráðuneyta við fyrirspurnum lög-
mannsins, um áfengiskaup ráð-
herra og ráðuneyta. Þau gögn lúta
annars vegar að fimm pöntunum
sem utanríkisráðuneytið gerði fyrir
Steingrím Hermannsson frá febrúar
til ágúst á síðasta ári, þar sem
keyptir voru 15 kassar af áfengi,
sem einkabílstjóri hans sótti til
ÁTVR, og hins vegar að tveimur
pöntunum upp á um 100 þriggja
pela flöskur af áfengi, sem fjár-
málaráðuneytið pantaði fyrir Jón
Baldvin Hannibalsson, 19. júlí og
5. ágúst í fyrra. Fram kom í fram-
burði Sveins Björnssonar sendi-
herra, sem undirritaði þessar pant-
anir utanríkisráðuneytis, að þar
sem utanríkisráðherra hefði oft-
sinnis haldið opinberar veislur á
heimili sínu hefði verið til staðar
eins konar áfengislager á heimilinu,
og hefði verið bætt á hann eftir
þörfum. Ekki hefði verið gert upp
sérstaklega hvað hefði verið notað
til hverrar veislu og uppgjör hefði
ekki farið fram er ráðherrann lét
af embætti.
Ingibjörg Björnsdóttir deildar-
stjóri í fjármálaráðuneytinu, sem
Skólagarðar
á sjö stöðum
SKÓLAGARÐAR borgarínn-
ar starfa nú á sjö stöðum I
borginni. Við Sunnuveg í
Laugardal, í Árbæ vestan
Árbæjarsafhs, við Ásenda,
við Jaðarsel og Stekkjar-
bakka í Breiðholti, í Skilding-
amesi við Skerjaljörð og í
Foldahverfi (Kotmýri) fyrir
austan Logafold.
Innritun í þessa garða verður
dagana 1. og 2. júní og hefst
hún klukkan 8 5 hverjum garði.
Það nýmæli verður tekið upp
að átta ára börnum verður gef-
inn kostur á að vinna í görðun-
um.
Einnig verður boðið upp á
tvær stærðir af görðum, 12 og
24 fermetra. Miðað er við að
yngri börnin fái úthlutað 12
fermetra garði en hin eldri fá
stærri skika. Innritunargjöld
verða krónur 400 fyrir minni
garðana og krónur 700 fyrir
þá stærri.
(Fréttatilkynning)
áritaði fyrir hönd ráðuneytisins til-
kynningu til ÁTVR um úttekt ráðu-
neytis á áfengi á sérstökum kjörum,
sagði að önnur pantana Jóns Bald-
vins gæti að sig minnti tengst
fundi, sem þingflokkur Alþýðu-
flokksins hélt til að undirbúa fjár-
lagagerð, en hún kvaðst ekki vita
í sambandi við hvaða boð eða mót-
töku seinni pöntunin hefði verið
gerð.
Fyrri pöntun ráðherra er dagsett
19. júlí 1988, nokkru eftir fimm-
tugsafmæli eiginkonu Jóns Bald-
vins en ein spurning Jóns Steinars
hafði lotið að því hvort þar hefði
verið veitt áfengi keypt á sérstökum
kjörum. Elías Einarsson, veitinga-
maður í veislusölum ríkisins að
Borgartúni 6, upplýsti fyrir dómi
að hann hefði á föstudegi lánað
áfengi til þeirrar veislu af lager
sínum og fengið greitt í sama magni
af áfengi strax næsta mánudag.
Þá hefði hann einnig lagt til pinna-
mat og starfsfólk í veisluna og feng-
ið síðar greitt samkvæmt reikningi,
sem Ríkisféhirðir hefði séð um að
innheimta.
í máli Magnúsar Thoroddsen,
kom fram að hann hefði tekið þann
kost að skila 1260 flöskum af því
áfengi sem hann hefði keypt á sér-
stökum kjörum til að reyna að
skapa frið um heimili sitt, sem hefði
sætt aðkasti og átroðningi eftir að
um áfengiskaupin komust í há-
mæli. í því hefði ekki falist nokkur
viðurkenning á rangri breytni. Að-
spurður hvers vegna hann hefði
ekki látið Hæstarétt standa straum
af kostnaði við veislur sem hann
hefði haldið vegna embættis síns
sagði Magnús að þann hátt hefði
forveri sinn í embætti, Þór Vil-
hjálmsson, haft á og fengið fyrir
aðfinnslur frá Ríkisendurskoðun.
Þegar Halldór V. Sigurðsson ríkis-
endurskoðandi kom fyrir dóminn
var hann spurður um þetta atriði
og sagðist þá ekki minnast þess að
stofnunin hefði gert athugasemdir
vegna veislna Þórs Vilhjálmssonar.
Ríkisendurskoðandi sagðist aðeins
minnast tveggja atvika þar sem
ráðuneyti, forsætisráðuneyti, hefðu
spurst fyrir um hvort kaup á áfengi
á kostnaðarverði samrýmdust regl-
um, annars vegar hefði verið um
að ræða sjötugsafmæli Gunnars
heitins Thoroddsen, hins vegar fer-
tugsafmæli Þorsteins Pálssonar. Á
sömu leið bar Guðmundur Bene-
diktson ráðuneytisstjóri, sem einnig
minntist þess að hafa spurst fyrir
um hjá Ríkisendurskoðun hvort
pantanir vegna veislna sem hann
hefði sjálfur haldið vegna ráðuneyt-
isins gætu talist eðlilegar.
í framburði Höskulds Jónssonar
forstjóra ÁTVR kom fram að fylgi-
skjöl vegna viðskipta Áfengis- og
tóbaksverslunar ríkisins væru ein-
ungis geymd í sjö ár og væri það
í samræmi við ákvæði bókhald-
slaga. Jón Steinar Gunnlaugsson
spurði Höskuld um þau ummæli
ijármálaráðherra, að ástæða þess
að einungis væru lögð fram gögn
um áfengiskaup á kostnaðarverði
sjö ár aftur í tímann, væri sú að
svo langan tíma mundi taka að fara
í gegnum eldri gögn, sem til vænu
um viðskiptin. Höskuldur sagðist
ekki geta borið ábyrgð á þessum
ummælum ráðherrans. Hann kann-
aðist ekki við að eldri skjöl væru til
í stofnuninni um þessi viðskipti.
Hann kvaðst ekki kannast við að
pantað hefði verið áfengi fyrir ein-
staka ráðherra í kassavís og
bílstjórum þeirra hefði^ verið falið
að sækja varninginn. í framburði
forstjórans kom einnig fram að ár-
lega fengi hver starfsmaður stjórn-
arráðsins keyptar tvær flöskur af
sterku áfengi á sérstökum kjörum
og væri það áfengi afhent sam-
kvæmt heimild fjármálaráðuneytis-
ins. Höskuldur sagði þetta hafa
tíðkast um áratugaskeið. Þá kvaðst
Höskuldur Jonsson ekki telja það í
sínum verkahring að leggja mat á
í hvaða tilgangi ætti að nota áfengi
keypt á sérstökum kjörum og sagð-
ist ekki minnast þess að hafa látið
orð falla við fjármálaráðherra um
að slíkt áfengi væri aðeins til nota
í opinberum veislum. Hann sagði
einnig að ekki hefði verið véfengt
að heimild forstjóra ÁTVR til
áfengiskaupa væri ætluð til einka-
nota. Höskuldur Jónsson sagðist
aðspurður ekki þekkja tilurð regln-»
anna um sölu áfengis til embætta
og embættismanna ríkisins á kostn-
aðarverði, en bréflegar heimildir
væru til um þau viðskipti aftur til
fimmta áratugar.
Þau gögn sem fram hafa verið
lögð í málinu leiða ekki í ljós hve-
nær þessi fríðindi voru fyrst veitt
en hjá forstjóra ÁTVR kom fram
að um heilsteyptar reglur væri fyrst
að ræða eftir, bókun ríkisstjómar
1971 um afnám heimilda ráðherra
og þingforseta til áfengiskaupa á
kostnaðarverði. Fram að þeim tíma
er fyrirspurn á Alþingi 1964 um
hverjir njóti þessara fríðinda eina
opinbera skriflega heimildin um
þessi fríðindi.
í framburði Gústafs Níelssonar,
skrifstofustjóra ÁTVR, kom fram
að að jafnaði bærist greiðsla vegna
úttekta á áfengi á kostnaðarverði
frá Ríkisféhirði en einnig væru
dæmi þess að sendir væru út gírós-
eðlar. Hann kvaðst minnast þess
að forseti íslands hefði eitt sinn,
snemma á þessu ári, greitt fyrir
úttekt með ávísun af eigin reikn-
ingi. Gústaf taldi óhætt að fullyrða
að dregið hefði úr áfengiskaupum
á kostnaðarverði eftir að mál Magn-
úsar kom upp. Þá kvaðst hann halda
að i kjöllurum ÁTVR væri að finna
gögn um áfengiskaup til lengri tíma
en sjö ára. Einnig minntist hann
þess, sem fram hafði komið hjá
Magnúsi Thoroddsen, að áfengi-
spantanir hefðu borist símleiðis.
Slíkt væri fremur fátítt og einnig
væri fátítt að tekið væri fram að
bílstjórar ráðherra mundu nálgast
sendingar. Þess væru þó dæmi.
Páfagaukur
týndist
HVÍTUR páfagaukur glataðist
frá Vesturbrún í Reykjavík 33 í
gær, þriðjudag.
Páfagaukurinn er nær alhvítur,
en er blár undir vængjunum og
Spakur. Þeir, sem kynnu að hafa
komið höndum yfir hann, eru vin-
samlegast beðnir að láta vita í síma
34532.