Morgunblaðið - 03.06.1989, Side 26

26
MORGUNBLAÐIÐ LAUGARDAGUR 3. JÚNÍ 1989
MORGUNBLAÐIÐ LAUGARDAGUR 3. JÚNÍ 1989

Útgefandi
Framkyæmdastjóri
Ritstjórar
Aðstoðarritstjóri
Fulltrúarritstjóra
Fréttastjórar
Auglýsingastjóri
Árvakur, Reykjavík
HaraldurSveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
ÁgústlngiJónsson.
Baldvin Jónsson.
Ritstjórn og skrifstofur: Aðalstræti 6, sími 691100. Auglýsingar:
Aðalstræti 6, sími 22480. Afgreiðsla: Kringlan 1, sími 83033.
Áskriftargjald 900 kr. á mánuði innanlands. í lausasölu 80 kr. eintakið.
Páfa
fagnað á Islandi
Síðan kristni var lögtekin á
íslandi árið 1000 hefurþjóð-
in lengur verið kaþólskrar trúar
en lúterskrar. Siðaskiptin eru
miðuð við árið 1550 þegar Jón
Arason, síðasti kaþólski biskup-
inn, og tveir synir hans voru
hálshöggnir án dóms og laga.
Trúarstríðið sem þá var háð bar
öll merki venjulegrar valdabar-
áttu um auð og áhrif. Litið var
á Jón biskup Arason sem forvíg-
ismann í þjóðemisátökum við
erlent konungsvald. Frá því að
hann féll í valinn hafa íslending-
ar ekki átt neitt undir páfa að
sækja. Það gerist hins vegar í
fyrsta sinn í sögunni í dag, að
páfí sækir landið heim. Hingað
kemur Jóhannes Páll páfí II til
að vitja minnsta kaþólska safn-
aðarins í nokkm sjálfstæðu ríki.
Árið 1895 komu tveir kaþ-
ólskir prestar til íslands og ári
síðar fjórar St. Jósefssystur,
sem settust að í Landakoti, þar
sem nú er biskupssetur kaþ-
ólskra og dómkirkja auk skólans
og sjúkrahússins sem prestamir
og systumar komu á fót. Sankti
Jósefsspítali í Reykjavík var
vígður 1902 og var hann fyrsta
raunverulega sjúkrahúsið í
landinu. Verður þetta fómfúsa
framlag kaþólskra til mannúðar-
mála seint þakkað. Meðal þeirra
sem hófu skólagöngu sína í
Landakotsskóla var Vigdís Finn-
bogadóttir forseti íslands. í Les-
bók Morgunblaðsins um síðustu
helgi minntist hún þeirrar dvalar
með þakklæti og sagði:
„Annars gefur það auga leið
að kaþólikkar njóta hér al-
mennrar virðingar. Þeir hafa
lagt ríkan skerf af mörkum til
heilbrigðismála okkar með því
að reka sjúkrahúsaþjónustu í
Stykkishólmi, Hafnarfírði og
Reykjavík frá því um aldamótim.
Um sjálfa mig get ég sagt að
skólavist mín í Landakoti er
grundvöllur þess að milli mín
og kaþólska safnaðarins á ís-
landi hefur lengi ríkt einlæg vin-
átta.“
Er það í góðu samræmi við
þann sess sem starfíð er hófst
í Landakoti fyrir tæpri öld hefur
áunnið sér, að Jóhannes Páll
páfí II skuli syngja hámessu á
sunnudag við Dómkirkju Krists
konungs þar og Landakotsspít-
ala. Með veglegri hætti er ekki
unnt að kaþólskum sið að minn-
ast endurreisnar og þróunar
safnaðarins hér á landi.
í boði herra Péturs Sigur-
geirssonar, biskups íslands, og
þjóðkirkjunnar fer Jóhannes
Páll páfí II til Þingvalla þar sem
hann tekur þátt í samkirkjulegri
athöfn. Sjálfur hafði páfí látið í
ljós áhuga á að fara til þessa
helgasta staðar lands okkar, þar
sem kristni var lögtekin á Al-
þingi. Vill páfi með þessu láta
í ljós virðingu sína fyrir söguleg-
um arfi þjóðarinnar, kristnitök-
unni og þeim stjómarháttum
sem tíðkuðust á þjóðveldisöld,
þegar frjálsir menn komum
saman og réðu ráðum sínum.
Frelsi og mannréttindi eru ofar-
lega í huga páfa, þegar hann
heimsækir Norðurlöndin fímm
eins og fram kemur í ávarpi sem
hann sendi til Norðurlandabúa
í upphafí ferðar sinnar. Þar seg-
ir meðal annars:
„Það nægir ekki að sinna ein-
vörðungu efnislegum þörfum;
fullnægja verður einnig frelsi
andans sem er kjami þess er
gerir okkur að mönnum. Þess
vegna vona ég að mér leyfíst
að hylla það sem áunnist hefur
í þessum efnum hjá ykkur og
tjá ykkur skoðanir mínar á sam-
eiginlegri ábyrgð á frekari sókn
til friðar, réttlætis, frelsis og
samstöðu.“
Jóhannes Páll páfí II er einn
þeirra manna sem setja sterkast
svipmót á samtíðina. Hann er
ekki aðeins sameiningartákn
stærstu kristnu kirkjudeildar-
innar sem nær til rúmlega 800
milljóna manna um viða veröld
heldur er hann á sinn hátt tákn
fyrir þá frjálshuga menn sem
nú rísa upp gegn alræði og
ofríki í guðlausum þjóðfélögum
kommúnismans. í pólsku kirkj-
unni tileinkaði hann sér að halda
beri fast í það sem er og jafnvel
herða á því til að ná því mark-
miði sem að er stefnt. Með þeim
hætti hefur pólska kirkjan lagt
ríkulegan skerf af mörkum til
aukins frelsis einstaklinga til
orðs og æðis í föðurlandi páfa.
Páfí er íhaldssamur innan kirkj-
unnar og stendur fastur fyrir. Á
þeim grunni sem hann þannig
leggur kann að vera auðveldara
en ella að breyta í átt til ftjáls-
ræðis.
I boðskap sínum vegna Norð-
urlandaferðarinnar leggur páfí
áherslu á samkirlq'ulegt starf.
Hann segir einlæga von sína að
nærvera sín „verði til að auka
veg samkirlgulegu hreyfíngar-
innar sem fengið hefur kristna
menn til að hætta aldagömlum
deilum og hefía í staðinn raun-
hæfar og einlægar viðræður
ásamt samvinnu um áhugamál
beggja". Undir þessa ósk hljóta
allir kristnir menn að taka.
VIÐHORF ALMENNINGS TIL VERÐHÆKKANANNA
Ríkisstjóraiii hefur
svikið fyrirheit sín
Verðhækkanirnar nú éta upp nýfengnar launahækkanir
BÚVÖRUR, bensín og fargjöld með flugvélum og fólksflutningabifreið-
um hækkuðu í verði nú um mánaðamótin. Verkalýðshreyfingin hefúr
brugðist hart við þessum hækkunum og á fimmtudaginn héldu BSRB
og ASÍ útifúnd á Lækjartorgi, þar sem 15 til 20 þúsund manns mót-
mæltu þeim. Blaðamenn Morgunblaðsins fóru á stúfana i gær og leit-
uðu álits nokkurra vegfarenda á verðhækkununum. Almennt var hljóð-
ið í viðmælendum blaðsins þungt; þeir töldu að þær launahækkanir,
sem um var samið í vor myndu hverfa fyrir áhrif þessara verð-
hækkana og eins töldu margir að ríkisstjórnin hefði svikið fyrirheit
sín við gerð samninganna, um að koma í veg fyrir slíkar hækkanir.
Verðhækkanirnar svik af
hálfu ríkisstjórnarinnar
Oddur Pálsson flugvélstjóri
sagði að ekkert væri nema slæmt
um verðhækkanimar að segja.
Bensínverðshækkunin kæmi sér til
dæmis mjög illa; hann keyrði í lág-
marki, en nú yrði til dæmis miklu
dýrara að ferðast innanlands. Odd-
ur sagði, að sér hefði skilist, að
þegar kjarasamningar voru gerðir
í vor hefði ríkisstjómin lofað að
koma einhvers konar verðstöðvun
á þar sem unnt væri, þannig að
verðhækkanimar nú hlytu að vera
svik af hennar hálfu.
Grípahefðiátttil
verðstöðvunar
Jóhanna Vilhjálmsdóttir
sjúkraliði og húsmóðir sagðist strax
finna mun á verðlaginu; það væri
mun dýrara að fara út í búð núna
heldur en fyrir mánaðamótin.
Bensínkostnaður hefði líka aukist
mikið. Hún taldi að ríkisstjómin
hefði átt að grípa til einhvers konar
aðgerða til að draga úr hækkunun-
um, til dæmis með verðstöðvun.
Anna Auðunsdóttir: „Þessar
hækkanir koma þyngst niður á
stærstu fíölskyldunum."
Jóhanna sagði að lokum, að verð-
hækkanimar ætu upp þær launa-
hækkanir sem samið hefði verið um
í vor, og meira en það.
Kemur þyngst niður á
stærstu flölskyldunum
Anna Auðunsdóttir sjálfstæður
atvinnurekandi sagði að matar- og
bensínkostnaður sinn myndi aukast
til muna vegna hækkananna.
„Þessar hækkanir koma að sjálf-
sögðu þyngst niður á stærstu fíöl-
skyldunum," bætti hún við, „og í
dag vildi ég ekki vera að ala upp
fimm böm eins og ég gerði.“ Hún
sagði að mótmælafundur ASÍ og
BSRB á Lækjartorgi á fimmtudag
hefði að sínu mati verið mjög gott
framtak, þar sem eitthvað hressi-
legt hefði þurft að gera til mót-
mæla verðhækkununum. Þetta
gengi ekki lengur. Ríkisstjómin
hefði í sjálfu sér ekki tekið við góðu
búi, en nú hefði hún klúðrað öllu
saman.
Gengur ekki að hækka
matvöru svona mikið
Svavar Geirsson trésmiður
Svavar Geirsson segir að skárra
sé að hækka bensínverðið en
matvöruverð.
Morgunblaðið/Bjami
Oddur Pálsson flugvélsljóri segir
verðhækkanimar nú vera svik
af hálfú ríkisstjómarinnar.
Þórður Bjarnason sjómaður seg-
ir aðgerðir ríkissljóma á íslandi
alltaf vera sömu hringavitleys-
una og ekki hafi það batnað með
núverandi stjóm.
sagði að það gæti ekki gengið að
hækka matvöm svona mikið í verði.
Sér þætti blóðugast, að verði á
nauðsynjum væri ekki haldið í skefj-
um og þegar keyptar hefðu verið
mat- og hreinlætisvörur væri ekk-
ert eftir. Það væri frekar í lagi að
hækka bensínverðið; einvem veginn
þyrfti að fá peninga í ríkiskassann.
Johanna Vilhjálmsdóttir sjúkraliði, ásamt sonum sinum, Gunnari og
Skúla. Hún telur að nýfengnar launahækkanir hverfi með verð-
hækkunum.
„Þessi ríkisstjóm má fara frá
mín vegna,“ segir Ingibjörg
Gestsdóttir, húsmóðir.
Krístrún Sigurðardóttir kennari
og húsmóðir segist þegar vera
farin að finna fyrir hækkun á
bensínverði.
Alltaf sama hringavitleysan
Þórður Bjarnason sjómaður
sagði að mestu munaði um hækkun-
ina á matvörum- Skynsamlegra
hefði verið af ríkisstjóminni að beita
verðstöðvun til að draga úr áhrifum
búvöruverðshækkana. Aðgerðir
ríkisstjóma hér á landi væm reynd-
ar alltaf sama hringavitleysan en
ekki hefði það batnað með núver-
andi stjóm.
Finn þegar fyrir
bensínverðshækkuninni
Kristrún Sigurðardóttir kenn-
ari og húsmóðir sagðist hafa orðið
verulega vör við hækkun á bensín-
verði. Þar sem hún væri gestkom-
andi í höfuðborginni hefði hún ekki
enn fundið fyrir áhrifum hækkun á
búvömverði. Hún þóttist viss um
að þær launahækkanir sem orðið
hefðu í kjölfar kjarasamninganna
hefðu nú verið teknar aftur með
þessum hækkunum. Ríkisstjómin
hefði átt að grípa til aðgerða til að
halda aftur af þeim.
Kauphækkanirnar teknar
affólki
Ingibjörg Gestsdóttir húsmóðir
sagðist mjög óánægð með verð-
hækkanirnar sem kæmu hart niður
á heimilunum í landinu. Hún væri
með 6 manns í heimili og miklu
munaði um þá hækkun sem hefði
orði á matarverði. Launahækkan-
imar sem samið var um í vor hefðu
nú verið teknar aftur af fólki. Ingi-
björg sagði að ríkisstjómin hefði
átt að gera eitthvað til að koma í
veg fyrir hækkanimar. Allar ríkis-
stjómir væm vondar en misvondar
þó og sú sem nú sæti mætti fara
frá hennar vegna.
Fimmta þingi KÍ lýkur í dag:
Skiptar skoðanir umjafii-
réttisákvæði og fleira
SEINNI umræða um lagabreyt-
ingar fór fram á þingi Kennara-
sambands íslands í gær, en þing-
inu lýkur í dag. Þar var meðal
annars deilt um hvort feila bæri
úr gildi ákvæði um að óheimilt
sé að aflýsa vinnustövun fyrr en
fyrir liggur samþykktur kjara-
samningur. Það þýðir að verkfall
stendur meðan atkvæðagreiðsla
fer fram, sem tekur alltaf nokkra
daga.
Þeir sem vildu halda þessu
ákvæði áfram inn í lögum sam-
bandsins, nefndu að meðan samn-
ingsréttarlög opinberra starfs-
manna væru jafn ósveigjanleg og
þau eru nú, ætti ekki að fella þetta
ákvæði úr gildi, en í atkvæða-
greiðslu um vinnustöðvun þarf að
tilgreina hvepær hún hefst. Verk-
fallsboðun KÍ vorið 1988 var dæmd
ólögmæt af þessum sökum.
Þá voru einnig mjög skiptar
skoðanir um jafnréttisákvæði sem
er í lögunum og breytingartillögu
þar að lútandi, þar sem gert er ráð
fyrir að nefndir, ráð og stjómir á
vegum sambandsins skuli a.m.k. að
helmingi skipaðar konum. Annars
vegar töldu konur og karlmenn sem
til máls tóku slíkt ákvæði nauðsyn-
legt til þess að tryggja áhrif kvenna.
Hins vegar sögðu þeir sem á mót
voru að slíkt ákvæði væri niðurlægj-
andi fyrir konur. Þeim ætti að vera
í lófa lagið að tryggja áhrif sín, þar
sem þær væru 70% af félögum KÍ
og ekki ætti að kjósa konur til trún-
aðarstarfa af þeirri einni ástæðu
að þær væru kvenkyns.
Þing KÍ var sett á fimmtudag.
Svanhildur Kaaber, formaður KI,
setti það og sagði meðal annars að
það skipti ekki máli hvort ríkis-
stjómir hefðu fijálshyggju að leið-
arljósi eða kenndu sig við jafnrétti
og félagshyggju, þær væru jafn
erfiðar viðskiptis.
Hún sagði að margs væri að
minnast frá því síðasta þing var
haldið 1987 og rifjaði meðal annars
upp að verkfallsboðunin vorið 1988
hefði verið dæmt ólögleg. Ástandið
í stjómmálum og efnahagslífi hefði
verið ótryggt á þessu tímabili. Hún
ræddi nokkuð áætlanir um niður-
skurð í menntakerfinu, þrátt fyrir
þá erfiðleika sem væm nú á að
veita þá þjónustu sem lög stæðu
til. Mörg merk mál yrðu til umræðu
á þinginu, svo sem framtíðarstefnan
í kjaramálum, skólamál og fleira
og lét að lokum í Ijósi von um að
þingið yrði afkastamikið og stór-
huga.
Wincie Jóhannsdóttir, formaður
Hins íslenska kennarafélags, Ög-
mundur Jónasson, formaður Banda-
lags starfsmanna ríkis og bæja og
Harald Holsvik, framkvæmdastjóri
Farmanna- og fiskimannsambands
íslands ávörpuðu þingið, auk form-
anns færeyska kennarasambands-
ins, Inga Hogenni, sem ávarpaði
það fyrir hönd norrænna gesta.
„Áhrífín eru í öftigu
hlutfalli við mælgina“
eftir Þorstein Pálsson
í byrjun þessarar viku var haldinn
leiðtogafundur Atlantshafsbanda-
lagsins. Fundurinn var haldinn í til-
efni af því að 40 ár em liðin frá því
að lýðræðisríki í Vestur-Evrópu og
Norður-Ameríku bundust samtökum
til þess að verja frið, frelsi og mann-
réttindi.
Á þessum tímamótum í sögu Atl-
antshafsbandalagsins hafa menn
fagnað því að árangurinn af starfi
þess er framar björtustu vonum
þeirra sem á viðsjárverðum tímum
höfðu forgöngu um stofnun þess.
Það hefur sannariega varðveitt frið
í meira en fjóra áratugi.
Oft reynt á innviðina
Það hefur oft reynt á innviði Atl-
antshafsbandalagsins á þessum
tíma. Fyrir nokkmm ámm vom
myndaðar svokallaðar friðarhreyf-
ingar víðs vegar um Evrópu. Þær
boðuðu einhliða afvopnun og fryst-
ingu kjamorkuvopna, sem svo hefur
verið nefnd. Allur var sá boðskapur
mjög þóknanlegur þáverandi vald-
höfum í Kreml.
Það þurfti mikla staðfestu og ein-
urð til þess að mæta áróðurssókn
þessara svokölluðu friðarhreyfinga.
Atlantshafsbandalagið hefur jafnan
verið tilbúið til viðræðna um af-
vopnun og fækkun kjarnorkuvopna,
en aðeins á gmndvelli styrkleika og
gagnkvæmra samninga. Frá þessari
stefnu var ekki hvikað og einvörð-
ungu fyrir þá sök era menn nú að
ná raunvemlegum árangri í afvopn-
unarviðleitni.
Margir óttuðust að leiðtogafund-
urinn sem haldinn var í tilefni af-
mælis Atlantshafsbandalagsins í
byrjun þessarar viku yrði haldinn í
skugga harðvítugra deilna um end-
umýjun skammdrægra kjamorku-
flauga í Evrópu. Allt fór þó á annan
veg en á horfðist. Réð þar mestu
um fmmkvæði Bush Bandaríkjafor-
seta með nýjum tillögum í afvopnun-
armálum. Áfmælisfundurinn var því
enn einn áfangasigur í vamarsam-
starfi lýðræðisþjóða í Vestur-Evrópu
og Norður-Ameríku. Menn tala nú
af meiri alvöm og ákveðni en áður
um niðurrif Berlínarmúrsins og alla
Evróþu frjálsa. Menn hafa ástæðu
til að ætla að það markmið sé nú
nær í tíma en áður.
Afvopnun í höfúnum
Málflutningur forsætisráðherra
og utanríkisráðherra, sem sátu
þennan fund fyrir íslands hönd, hef-
ur verið til umfjöllunar síðustu daga.
Allt frá því að skriður komst á við-
ræður um gagnkvæma fækkun
kjarnorkuvopna í kjölfar leiðtoga-
fundarins hér í Reykjavík hefur ver-
ið lögð á það áhersla af íslands hálfu
að fækkun kjarnaflauga á landi
leiddi ekki til aukinnar spennu á
höfunum. Jafnframt hafa Islending-
ar ítrekað frá tíma Geirs Hall-
grímssonar sem utanríkisráðherra
þá miklu hagsmuni sem fiskveiðiþjóð
hefur af því að draga úr kjam-
orkuvígbúnaði í höfunum og minnka
þannig líkurnar á alvarlegum meng-
unarslysum.
Þessi sjónarmið hafa almennt ver-
ið viðurkennd og reyndar um það
samið að tekist verði á við þessi
verkefni þegar árangur liggur fyrir
í þeim viðræðum sem nú standa yfír.
ísland hefur fallist á þá málsmeð-
ferð.
Þrátt fyrir þetta fóm íslensku
ráðherramir með sérstakan tillögu-
flutning inn á leiðtogafund Atlants-
hafsbandalagsins, sem laut að af-
vopnun á höfunum. Þessi tillaga á
rætur að rekja til ferðar Ólafs Ragn-
ars Grímssonar til Moskvu fyrr á
þessu ári. En á heimleiðinni þaðan
hélt hann ræðu í Ósló þar sem hann
hvatti til sérstaks fmmkvæðis í af-
vopnunarmálum, þvert á þá máls-
meðferð sem samkomulag hefur tek-
ist um og ísland er aðili að. Ræðu
Ólafs var fagnað í Moskvu en mjög
fálega tekið í Noregi og af norsku
ríkisstjóminni.
Eins og vænta mátti vom banda-
lagsþjóðimar ekki hrifnar af því að
tmfla þær viðræður sem nú eiga sér
stað með úthlaupum af þessu tagi.
Það er ekki einasta að það hefði
getað skaðað mjög vemlega þær
viðræður heldur einnig stefnt framt-
íðarmarkmiðum um afvopnun á höf-
unum í hættu. Þó að úthaldsleysi
og pólitískir kollhnísar Alþýðu-
flokksins séu hluti af hinni daglegu
pólitísku tilvem hér heima, er fyrir
hvomgu skilningur á alþjóðavett-
vangi.
Kollhní sar krata hér og þar
Utanríkisráðherra hefur borið sig
illa undan því að norsku kratamir
skyldu ekki hafa tekið undir tillögu-
flutning hans. En einmitt þeir vita
allra manna_ best að hann á rætur
að rekja til Óslóarræðu Ólafs Ragn-
ars .Grímssonar eftir Moskvuferðina.
Norsku kratamir vita með öðmm
orðum að utanríkisráðherra og for-
sætisráðherra em að kaupa sér frið
við Alþýðubandalagið með tillögu-
flutningi af þessu tagi á alþjóðavett-
vangi. Þess vegna gera flokksbræð-
ur Jóns Baldvins í Osló lítið úr þess-
ari alþjóðlegu uppákomu hans.
Torvald Stoltenberg, utanríkis-
ráðherra Noregs, sem er pólitískur
samheiji Jóns Baldvins Hannibals-
sonar, 'segir í DV á fimmtudaginn:
„íslendingamir fylgdu ekki viðtekn-
um reglum á NATO-fundinum. Þeir
ættu alls ekki að vera hissa á því
að við studdum ekki tillögu þeirra
um afvopnun í Norður-Atlantshafi."
Og síðar segir norski ráðherrann:
„Islenski utanríkisráðherrann þarf
ekki að hafa neinar áhyggjur í þessu
sambandi. Gro Harlem Bmndtland
og ég og öll norska ríkisstjómin
höfum sömu stefnu í afvopnunar-
málum og Johan Jörgen Holst varn-
armálaráðherra. Okkar stefna er
einnig skjalfest í NATO en við teljum
réttast að meðhöndla hvert mál þar
sem það á heima í stað þess að hræra
í öllum samtímis."
í ritgerðinni „Þættir úr 40 ára
Þorsteinn Pálsson
„Utanríkisráðherra
hefur borið sig illa und-
an því að norsku
kratamir skyldu ekki
hafa tekið undir tillögu-
flutning hans. En ein-
mitt þeir vita allra
manna best að hairn á
rætur aðrekja til Ósló-
arræðu Ólafs Ragnars
Grímssonar eftir
Moskvuferðina. Norsku
kratarnir vita með öðr-
um orðum að utanríkis-
ráðherra og forsætis-
ráðherra eru að kaupa
sér frið við Alþýðu-
bandalagið með tillögu-
flutningi af þessu tagi á
alþjóðavettvangi. Þess
vegna gera flokksbræð-
ur Jóns Baldvins í Ósló
lítið úr þessari alþjóð-
legu uppákomu hans.“
stjómmálasögu" segir Bjami Bene-
diktsson að áhrif smáþjóða á al-
þjóðavettvangi standi yfirleitt í
öfugu hlutfalli við mælgi þeirra. Þar
talaði sá maður sem mest áhrif hafði
á mótun íslenskrar utanríkisstefnu
og ávann íslandi virðingu á meðal
vina og samstarfsþjóða.
Nú er fokið í flest skjól fyrir ríkis-
stjómina hér á heimavígstöðvum.
Ugglaust hefur það verið ætlan ráð-
herranna, auk þess að halda friðinn
við Ólaf Ragnar Grímsson, að geta
sér nokkum orðstír á erlendum vett-
vangi með tillöguflutningi af þessu
tagi. En flest bendir til þess að áhrif-
in hafi verið í öfugu hlutfalli við
mælgina.
Höfundur er formaður Sjálfstæðis-
flokksins.
Vestfírðingar funda gegn kvóta:
Þolinmæði okkar á þrotum
— segir Reynir Traustason, formaður Bylgjunnar
FÉLÖG verkalýðs, útvegsmanna
og sjómanna á Vestfíörðum boða
tll fúndar um kvótakerfið á laug-
ardag. Meginefiii fúndarins er sú
skerðing á aflakvóta á Vestfjörð-
um, sem menn hafa orðið fyrir
þar, umfram útgerð frá öðrum
landshlutum að sögn Reynis
Traustasonar, formanns Skip-
sljóra- og stýrimannafélagsins
Bylgjunnar á VestQörðum.
„Það hefur ýmislegt dunið á okk-
ur frá því kerfið var tekið upp.
Þorskkvóti sóknarmarksskipa héð-
an minnkar meira en en meðaltalið
nú milli ára og skerðingin á grá-
lúðukvótanum fyllir mælinn. Okkur
er hreinlega nóg boðið, þolinmæðin
er á þrotum," segir Reynir.
Fundurinn verður haldinn í Al-
þýðuhúsinu á ísafirði og hefst
klukkan 14.00. Framsögu og ávörp
flytja Einar Oddur Kristjánsson,
Flateyri, Sveinbjöm Jónsson, Suð-
ureyri, Guðjón A. Krisljánsson, for-
seti FFSÍ og alþingismennimir Kar-
vel Pálmason, Þorvaldur Garðar
Krisljánsson, Ólafur Þ. ÞÓrðarson
og Matthías Bjamason.
Markmið fundarboðenda er að
ná fram leiðréttingu á aflakvótan-
um, að sýna samstöðu og styrk íbúa
Vestfjarða, að samræma viðbrögð
með hliðsjón af væntanlegum fundi
um atvinnumál og búsetu á Vest-
fjörðum, sem haldinn verður síðar
í sumar af Fjórðungssambandi
Vestfjarða.