Morgunblaðið - 16.09.1989, Blaðsíða 15

Morgunblaðið - 16.09.1989, Blaðsíða 15
JtfOftQUWfAÐIÐ LAUGARDAGUR 16. SBPTEMBER 1989 15 Trúnaðarbrestur eftir Birgi ísl. Gunnarsson Enn ný skoðanakönnun hefur séð dagsins ljós. Morgunblaðið hefur birt niðurstöður skoðanakönnunar frá Félagsvísindastofiiun Háskól- ans um fylgi stjórnmálaflokkanna og stöðu ríkisstjórnarinnar. Niður- . staðan er sú sama og áður. Sjálf- stæðisflokkurinn kemur sterkur út, stjórnarflokkarnir tapa, en mismik- ið þó, og ríkisstjórnin er sú óvinsæl- asta sem hér hefur setið. Engan tíma mátti missa Það er greinilegt að mikill trún- aðarbrestur hefur orðið mili fólksins í landinu og þessarar ríkisstjórnar. í nánast öllum málum hefur ríkis- stjórnin, stjórnarflokkarnir og ein- stakir ráðherrar hegðað sér öðru vísi og framkvæmt annað en þeir höfðu talið fólki trú um að þeir myndu gera. Lítum á nokkur dæmi: Mörgum er í fersku minni það fjölmiðlafár sem gekk yfir þegar ríkisstjórnin var mynduð. Margt var þá sagt en upp úr stendur að for- ystumenn stjórnarflokkanna sögðu að engan tíma mætti missa til að koma atvinnuvegunum til bjargar. Róttækar ráðstafanir yrði að gera, og það var ekki spurning um mán- uði heldur vikur eða daga, hvenær þær ráðstafanir myndu sjá dagsins ljós. Allt hjakkar í sama fari Nú er liðið bráðum ár. Allt hjakk- ar í sama farinu. Heilum atvinnu- greinum er að blæða út, atvinnu- leysi er meira en nokkru sinni fyrr og erfiðar kjaradeilur eru yfirvof- andi. í öllu þessu öngþveiti finnur ríkisstjórnin engin önnur ráð en að skoða fyrirtækin einstaklingsbund- ið, vega og meta hver eigi að fá að lifa og hver eigi að fá að deyja. Millifærslur og ríkisforsjá eru ein- kunnarorðin. Að visu er nú enn sagt að róttækar tillögur í efna- hagsmálum séu á leiðinni og muni sjá dagsins ljós innan tíðar. Það var líka sagt fyrir ári, en ekkert hefur gerst. Að tala er sérgrein ráðherr- anna. Að taka ákvarðanir og fram- kvæma er ekki þeirra sterka hlið. Fleiri dæmi Fleira má rifja upp um orð og efndir. Árið 1984 var verkfail opin- berra starfsmanna. Þá var Albert Guðmundsson fjármálaráðherra. Hann neitaði að greiða út laun fyrir- fram til verkfallsmanna. Þá aðgerð kallaði Svavar Gestsson ruddaskap, löglausa launasviptingu, fádæma óbilgirni og gikkshátt í garð opin- berra starfsmanna. Síðastliðið vor var verkfall hjá framhaldsskóla- kennurum. Þá var Ólafur Ragnar Grímsson fjármálaráðherra og Svavar Gestsson menntamálaráð- herra. Þá framkvæmdu þeir ná- kvæmlega eins og þeir höfðu for- Norræna húsið: Síðasfci sýn- ingarhelgi hjá Elíasi Málverkasýningu Elíasar Hall- dórssonar í sýningarsölum Nor- ræna hússins Iýkur á morgun, sunnudag 17. september. Á sýningunni eru tæplega 60 málverk nær öl! máluð á þessu ári. Elías nam myndlist í Reykjavík, Stuttgart og Kaupmannahöfn og hefur hann haldið sýningar víða. Sýningin er opin um helgina klukkan 14-19. í anddyri Norræna hússins stndur yfir sýning á ljós- myndum eftir Nönnu Bisb Buchert og eru flestar myndirnar teknar hér á landi. Ljósmyndasýningunni lýkur sunnudaginn 24. september. dæmt hvað harðast áður. Skyldi ekki fólkið hafa búist við einhverju öðru? Tökum fleiri dæmi. Hverjir höm- uðust hvað mest gegn matarskatt- inum á sínum tíma? Það voru þing- menn Alþýðubandalagsins. Stór- yrðin glumdu í þingsölum og í fjöl- miðlum. Nú eru þeir í ríkisstjórn, una glaðir við sitt og við matar- skattinum má ekki hrófla. Það er engin furða þótt trúnaðarbrestur verði milli fólksins og þessara manna. Niðurlæging Alþýðuflokksins Mest er þó niðurlæging Alþýðu- flokksins. Skýringin á því er auðsæ. „Mest er þó niðurlæg- ing Alþýðuflokksins. Skýringin á því er auðsæ. Hver man ekki Jón Baldvin Hannibals- son, formann Alþýðu- flokksins, fyrir síðustu kosningar?" Hver man ekki Jón Baldvin Hanni- balsson, formann Alþýðuflokksins, fyrir síðustu kosningar? Hann hélt 100 fundi vítt og breitt um landið, boðaði frjálsræði í efnahags- og Birgir ísl. Gunnarsson atvinnumálum og sagði miðstýringu í efnahagslífinu stríð á hendur, ekki síst flóknu sjóðakerfi með pólitískri stjórnun. Nú framkvæmir hánn allt annað og virðist una glaður í faðm- tögum við Framsókn og Alþýðu- bandalag. Hann er að vísu farinn að ferðast aftur um landið og halda ræður. En nú falla stóru orðin dauð og ómerk. Fólkið veit að þetta er ekkert annað en innantómt orða- gjálfur. Formaður Alþýðuflokksins mun aldrei framkvæma neitt af því sem hann segir. Þessi ríkisstjórn hefur fyrir löngu misst vængjatökin. Þennan mikla trúnaðarbrest sem orðið hefur er ekki unnt að bæta upp. Það sýnir reynslan. Það breytir engu þótt borgaraflokksmenn hafi nú gerst vinnuhjú á stjórnarheimilinu. Ríkis- stjórnin mun vafalaust hanga en flugið hefur hún misst og mun ekki ná sér á loft aftur. Höfundur er einn af alþingismönnum SjáHstæðisBokks fyrir Reykjavíkurkjördæmi. LAUGARDAG OG SUNNUDAG KL 13-17 Við kynnum 1990 árg. af ISUZU TROOPER. Fjölmargar nýjungar, sem gera góðan bíl enn betri. Komið í reynsluakstur og kynnist frábærum akst- urseiginleikum, rými og frábæru verði á nýjum ISUZU TROOPER. ÞETTA SKALTU ATH.! Nú um helgina bjóðum við alveg einstakt tilboðsverð á CHEVROLET MONZAog greiðslukjörvið allra hæfi. Ryðvörn, skráning og ábyrgðartrygging í heilt ár innifa- lið í tilboðsverðinu. Verð 1.692.000,- g BíLVANGURs/F HÖFÐABAKKA S. 687300 - S. 674300 ii \r = KAFFI=T - rjúkandi Bragakafíi á könnunni - komdu ogprófaðu allargerðir.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.