Morgunblaðið - 12.10.1989, Síða 2

<• 86í 5138 0Y30 .SI 3U0AQUTMMPÍ glGAjaVIUOflOM
MORGUNBLAÐIÐ FIMMTUDAGUR 12. OKTÓBER 1989
Ákært í stóra kókaínmálinu:
Krafist allt að 10
ára fangelsisdóms
RÍKISSAKSÓKNARl gaf í gær út ákæru gegn þremur mönnum, sem
taldir eru höfúðpaurar í umfangsmesta kókaínmáli sem komið hefúr
upp hérlendis. Alls voru 23 aðilar á kæruskrá vegna málsins, ýmist
vegna neyslu, dreifingar eða sölu, en að sögn Egils Stephensens
saksóknara var ákveðið að reka sérstaklega málið gegn þeim sem
taldir væru aðalmenn, hefðu staðið að innflutningnum og lagt fram
peninga.
Mönnunum er gefið að sök að
hafa flutt inn til landsins frá Banda-
ríkjunum eitt kíló af kókaíni og
dreift hluta þess. Meðal annars er
krafist refsingar samkvæmt 173.
gr. A í almennum hegningarlögum,
en brot á þeirri grein geta varðað
allt að 10 ára fangelsi.
Mennirnir eru allir á þrítugs-
aldri. Enginn þeirra hefur áður hlot-
ið refsingu fyrir meðferð fíkniefna.
Einn þeirra hefur setið í gæsluvarð-
haldi frá því í maí. Varðhaldsúr-
skurðurinn rennur út í nóvemberlok
og sagði Egill Stephensen að reynt
yrði að ljúka málinu fyrir þann tíma.
Innlausnir spariskírteina:
Misjöfii ráðstöfim
innlausnarijár
„ÞAÐ hefúr verið heilmikið um
það að fólk kaupi spariskírteini
aftur og ég held að það sé meira
en stundum áður,“ sagði Sigurð-
ur B. Stefánsson, framkvæmda-
stjóri Verðbréfamarkaðs Iðnað-
arbankans í samtali við Morgun-
blaðið. „Við höfúm getað boðið
eldri spariskírteini á 7% vöxtum
og viðskiptavinir okkar eru
ánægðir með það.“ í gær var
annar innlausnardagur spari-
skírteina í 2. flokki D 1987 og
fengust nokkuð misjöfii svör hjá
verðbréfamörkuðum þegar
Morgunblaðið kannaði hvernig
innlausn spariskírteina gengi.
Agnar Kofoed Hansen, deildar-
stjóri verðbréfadeildar Kaupþings,
sagðist í samtali við Morgunblaðið,
telja að meirihluti þess fjár sem
kæmi til innlausnar í spariskírtein-
um færðist yfir á önnur bréf. Nokk-
uð væri um að menn keyptu hluta-
bréf til að nýta sér skattalegan frá-
drátt og síðan verðbréf fyrir af-
ganginn.
Sigurbjörn Gunnarsson hjá verð-
bréfaviðskiptum Landsbanka ís-
lands sagði að nokkur hundruð
milljónir í spariskírteinum hefðu
þegar verið innleystar í bankanum.
Hann sagði skiptiuppbótina njóta
vinsælda en einnig virtist nokkuð
um að fólk ætlaði sér ekki að setja
peningana í önnur bréf.
©
INNLENT
Morgunblaöið/Ámi Sæberg
Heimdellingar troðfylltu báða salina á jarðhæð Valhallar í gærkvöldi.
Heimdallur:
Birgir Armannsson
kjörinn formaður
BIRGIR Ármannsson, 21 árs Andri Sveinsson háskólanemi,
háskólanemi, var kjörinn for-
maður Heimdallar, félags
ungra sjálfstæðismanna í
Reykjavík, í tvísýnni kosningu
á einum fjölmennasta aðal-
fúndi í sögu félagsins í Valhöll
í gærkvöldi.
Birgir hlaut 290 atkvæði.
Mótframbjóðandi hans, Sveinn
hlaut 284 atkvæði.
Formaður Heimdallar undan-
farin tvö ár, Ólafur Þ. Stephen-
sen, gaf ekki kost á sér til endur-
kjörs.
Niðurstöðu í stjórnarkjöri lágu
ekki fyrir þegar eftir var spurt,
laust fyrir miðnætti í gærkvöldi.
Hinn nýkjörni formaður, Birgir
Ármannsson.
Ríkisendurskoðun:
Sérstakar kröfiir gerðar um
samþykkt risnureikninga
RÍKISENDURSKOÐUN hefúr sent aðalskrifstofum allra ráðuneyta
kröfúr varðandi samþykkt og frágang risnu- og ferðareikninga ráðu-
neytanna og hefur falið ríkisbókhaldi og ríkisféhirði að vísa frá öll-
um reikningum sem ekki standist kröfurnar.
Solveig Sveina Sveinbjörnsdóttir
Lést í um-
ferðarslysi
KONAN, sem lést í bílveltu í
Mývatnssveit í fyrradag, hét Sol-
veig Sveina Sveinbjörnsdóttir, 37
ára gömul, til heimilis að Skúta-
hrauni 11 í Mývatnssveit.
Solveig Sveina fæddist 18. apríl
1952. Hún lætur eftir sig eigin-
mann, Jóhannes Steingrímsson, og
þijú böm.
Stofnunin krefst þess að reikn-
ingár fyrir risnu og viðlíka kostnað
séu ekki afgreiddir nema fyrir liggi
skriflegt samþykki ráðherra eða
ráðuneytisstjóra. Þá er þess krafist
að tilefni risnu sé ófrávíkjanlega
ritað á reikning eða fylgirit hans.
í bréfi ríkisendurskoðunar segir
að stofnunin geti fallist á að yfir-
stjórn ráðuneytis geti falið öðrum
yfirmönnum áritun risnureikninga
en þá skuli liggja fyrir skriflega í
greiðsludeild ráðuneytis hvaða
risnu viðkomandi beri ábyrgð á.
Þá er einnig nefnt að unnt sé
að fela ákveðnum starfsmanni um-
sjón með framkvæmd fyrirfram
ákveðins atburðar þar sem fyrir
liggi dagskrá sem kalli á risnuút-
gjöld. Liggi þá fyrir skrifleg heim-
ild til viðkomandi starfsmanna um
að árita reikninga.
Þá vill ríkisendurskoðun að ráðu-
neytisstjórar, eða aðrir starfsmenn
samkvæmt sérstöku leyfi, undirriti
heimiídir fyrir öllum ferðum sem
farnar eru á vegum ráðuneyta. Þá
er ítrekað að sundurliðaður sé hótel-
kostnaður, risna, akstur, sími, fjöldi
daga sem dagpeningár eru greiddir
og að reiknaður sé staðgreiðslu-
skattur samkvæmt reglum þar að
lútandi. Ráðuneytum er bent á að
fylgi farseðill ekki ferðareikningi
sé fargjaldið framtalsskylt.
Einn bíll í lagi af 84
sem skoðaðir voru
Enn fínnst engin loðna:
Menn standa á gati yfir
breyttri hegðan loðnunnar
„ÁSTANDIÐ á loðnumiðunum er mjög óvenjulegt um Jiessar
mundir. Það verður vart loðnu um allt veiðisvæðið milli Islands
og Grænlands, en hún er ekki veiðanleg vegna þess hve djúpt
hún stendur. Svona hefur ástandið ekki verið síðan við hófúm
sumarloðnuveiðar seint á siðasta áratug," sagði Jóhann Antoní-
usson, útgerðarmaður Hilmis SU, í samtalið við Morgunblaðið.
Engin íslenzk loðnuskip eru
nú við loðnuleit, en einhver fara
út um helgina. Færeyingar hafa
verið úti undanfarið, en ekkert
fundið. Færeyingar tóku töluvert
af loðnu innan grænlenzku lög-
sögunnar í ágúst, en síðan ekki
söguna meir. Engin loðna veidd-
ist nú við Jan Mayen og er talið
að hún hafi haldið sig vestar og
dýpra en áður. I fyrra hófst veið-
in ekki að neinu marki fyrr en
í október, en nokkur skip byijuðu
í ágúst og fiskuðu þokkalega.
Jóhann segir að nóg sé af
loðnu norður af landinu. Trollin
hjá rækjutogurunum á svæðinu
frá Dorhnbanka austur á Rifs-
banka hafi iðulega verið grá af
Ioðnu.
„Menn standa á gati yfir
breyttri hegðan loðnunnar. Ein-
hveijar aðstæður í sjónum valda
þessu, en fiskurinn er fljótur að
laga sig að aðstæðum," sagði
Jóhann.
LÖGREGLUMENN stöðvuðu átt-
atíu og fjórar óskoðaðar bifreiðar
í umferðinni í gær og voru þær
allar færðar til skoðunar hjá Bif-
reiðaskoðun Islands hf. Aðeins ein
bifreið reyndist í lagi. Sjötíu og
sex bifreiðar fengu grænan miða
og sjö bílar rauðan miða sem þýð-
ir að bifreiðarnar séu óökufærar.
í gær hófst sameiginlegt átak lög-
reglu og Bifreiðaskoðunar Islands
hf. um land allt og á höfuðborgar-
svæðinu voru 84 bifreiðar færðar til
skoðunar. Ekki er vitað um tölur
utan af landi. Þeir bílar, sem voru
óskoðaðir og höfðu aftasta tölustaf
í skráningarnúmeri 7 eða þaðan af
lægri tölustaf, voru stöðvaðir og
færðir til skoðunar af lögreglu. Bíla,
með skráningamúmeri 7 sem aftasta
tölustaf, hefði með réttu átt að skoða
í júlí og í síðasta lagi í september-'
mánuði, að sögn Óskars Eyjólfsson-
ar, fjármálastjóra Bifreiðaskoðunar
Islands hf.
Óskar sagði að átak hefði verið
gert í þessum efnum í júlílok í sum-
ar. Þrátt fyrir það virtust eigendur
bifreiða enn trassa bifreiðaskoðun
og því hefði verið ákveðið að ráðast
í aðra eins rassíu nú. Ef eigendur
bifreiða hirða ekki um skoðun, er
lögreglu frjálst að klippa skráningar-
númer af bifreiðum.
Akureyri:
Bifhjól ók á
tvær stúlkur
TVÆR stúlkur voru fluttar á
Fjórðungssjúkrahúsið á Akur-
eyri eftir að biflijóli hafði verið
ekið á þær, þar sem þær voru á
Ieið yfir gangbraut síðdegis í
gær.
Stúlkurnar voru á leið yfir gang-
braut á Hörgárbraut, skammt norð-
an við Glerá. Bifreið hafði numið
staðar til að hleypa stúlkunum yfir,
en bifhjólið hélt sínu striki með
þeim afleiðingum að það lenti á
stúlkunum. Þær vom báðar fluttar
á sjúkrahús, en önnur fékk að fara
heim í gærkvöld. Ilin var á sjúkra-
húsinu í nótt, en hún hafði m.a.
brotnað, að sögn lögreglu.