Morgunblaðið - 09.11.1989, Blaðsíða 31

G8t![ JI3HI/Í3V0X ,G }['JOaUUTí/íM!'>I UltJIAIIViUíJflÖM
MORGUNBLAÐIÐ FIMMTUDAGUR 9. NÓVEMBER 1989
31
Mánaðarleg innheimta launaskatts:
200 millj. tilfsersla frá fyr-
irtækjunum til ríkissjóðs
- segir Friðrik Sophusson
BREYTING sú sem ríkisstjórnin
hefúr lagt til á lögum um launa-
skatt og felur i sér að skatturinn
verði innheimtur í hverjum
mánuði í stað þess að hann er
gerður upp á tveggja mánaða
fresti, felur í sér 200 milljóna
tilfærslu frá fyrirtækjunum í
landinu til ríkissjóðs að sögn
Friðriks Sophussonar, þing-
manns Sjálfstæðisflokksins.
Ólafur Ragnar Grímsson fjár-
málaráðherra mælti í gær fyrir
stjórnarfrumvarpi um breytingu á
lögum um launaskatt. Skattur
þessi er nú innheimtur með
tveggja mánaða millibili en fram-
varpið gerir ráð fyrir því að skatt-
urinn verði innheimtur mánaðar-
lega. Ólafur kvað þetta fyrirkomu-
lag vera í samræmi við stað-
greiðslukerfið og gera þannig
bæði eftirlit virkara og auðveldara
og leiða til hagræðingar í bókhaldi
og uppgjöri fyrirtækja. „Sumir
munu sakna þess að hafa ekki
þessa fjármuni í veltunni en það
er ekki í samræmi við hagsmuni
skattgreiðanda að þeir séu í veltu
fyrirtækjanna." Ólafur taldi þessa
breytingu hafa í för með ser bætta
greiðslustöðu ríkissjóðs sem næmi
200 milljónum.
Friðrik Sophusson (S/Rv)
benti á að þegar verið væri að
bæta greiðslustöðu ríkissjóðs með
þessum hætti, versnaði greiðslu-
staða fyrirtækjanna að sama
skapi. Þegar þau hefðu þessa fjár-
muni ekki inni í veltunni þyrftu
þau að leita á önnur mið. Það út
af fyrir sig væri ef til vill í lagi
ef ekki kæmi ástand það á fjár-
magnsmarkaðnum sem ríkis-
stjórnin hefði skapað; endalaus
eftirspurn eftir fjármagni sem
héldi vöxtunum uppi.
Ingi Björn Albertsson
(FH/Vl) lýsti yfir_ andstöðu síns
flokks við frumvarpið og boðaði
brejdingartillögur. Ríkisstjórnin
væri með þessu enn að stuðla að
auknu atvinnuleysi. Verið væri að
íþyngja fyrirtækjunum og hækka
með því vöraverð. „Hvað segir
Borgaraflokkurinn við því?“ Ingi
Björn taldi almennt fáránlegt að
skattleggja fyrirfæki fyrir að taka
menn í vinnu.
Ráðuneyti umhverfísmála:
Landgræðslan og Skógræktin
áfram hjá landbúnaðarráðuneyti

MÞinGI
Stjórnarfrumvarp, ' sem
Steingrímur Hermannsson forsæt-
isráðherra mælti fyrir í neðri deild
Alþingis í gær gerir ráð fyrir því
í ákvæðum til bráðabirgða að
umhverfisráðherra „skipi nefnd til
þess að semja frumvarp til laga
um umhverfisvernd", en að því er
stefnt, að sérstakt umhverfísráðu-
neyti taki til starfa 1. janúar 1990.
Fyrir 1. nóvember 1990 skal um-
hverfisráðherra í samráði við við-
komandi ráðuneyti beita sér fyrir
endurskoðun á lögum um Sigl-
ingamálastofnun ríkisins, lögum
um Landgræðslu ríkisins og lög-
um um Skógrækt ríkisins.
í greinargerð með frumvarpinu,
sem lagt var fram í gær, segir að
erfiðasta ákvörðunarefni nefndarinn-
ar, sem unnið hefur að undirbúningi
þessa máls, varði málefni land-
græðslu og skógræktar. Fjórar leiðir
hafi komið til greina. Átti sú skoðun
nokkru fylgi að fagna að sameina
Landgræðslu ríkisins og Skógrækt
ríkisins í eina stofnun sem færð yrði
undir hið nýja umhverfisráðuneyti.
Fjármálaráðherra:
V erkalýðshreyf-
ingin vanþakklát
Niðurgreiðslur vóru auknar um
700-800 m.kr.
Olafúr Ragnar Grímsson
íjármálaráðherra sagði í þing-
ræðu að það væri rangt hjá ASI
og Karvel Pálmasyni (A-Ví) að
ríkisstjórnin hafi ekki staðið við
fyrirheit gefin verkalýðshreyf-
ingunni við undirritun síðustu
kjarasamninga. Þegar hafi ver-
ið fullstaðið við átta af tólf fyrir-
heitum, m.a. það þýðingar-
mesta, að auka niðurgreiðslur
á búvöru um 500-600 m.kr.
Efndirnar hafi verið 700-800
m.kr.!
Fjármálaráðherra sagði að
hækkanir á verði opinberrar þjón-
ustu hafi verið innan Ijárlagafor-
senda á árinu, ef undan er skildar
orkuveitur í eigu sveitarfélaga.
Setja þurfi þær undir undir Verð-
lagsráð.
Karvel Pálmason (Á-Vf) sagði
ráðherra hafa viðurkennt í svari
sínu að fjögur fyrirheit ríkisstjórn-
arinnar, gefin í tengslum við
kjarasamninga, væru óefnd. Hann
gagnrýndi ráðherra og ríkisstjórn
harðlega fyrir að hafa vanrækt
samráð við verkalýðshreyfinguna
við undirbúning og framkvæmda-
ákvörðun varðandi virðisauka-
skatt, sem sóttur yrði í verð vöru
og þjónustu frá og með komandi
áramótum.
Ríkisstjómin valdi hins vegar aðra
leið, fjórðu leiðina, en um hana segir
svo í athugasemdum með frumvaip-
inu:
„Loks í fjórða lagi að landbúnaðar-
ráðuneytið fari áfram með skógrækt
og landgræðslu, enda sé hér um at-
vinnuveg að ræða sem óeðlilegt sé
að fara með á annan hátt en svipuð
atvinnumálefni á sviði iðnaðar og
sjávarútvegs...“
Náttúruverndarráð fær hinsvegar
ákveðið verndunar- og eftirlitshlut-
verk á sviði gróðurfars- og skógrækt-
armála, og heyrir undir umhverfis-
ráðuneytið. Undir hið nýja ráðuneyti
heyra m.a. Hollustuvernd ríkisins,
Eiturefnanefnd, Geislavarnir ríkis-
ins, Siglingamálastofnun, Skipulags-
stjóri, Landmælingar ríkisins, Emb^
ætti veiðistjóra, Veðurstofa, Hús-
friðunarnefnd, Náttúrufræðistofnun
o.fl.
í framsögu sinni sagði Steingrím-
ur Hermannsson meðal annars að
ákveðið hefði verið að fara milliveg
í þessu frumvarpi. Annars vegar
væru þau sjónarmið að unnt væri
að vinna að þessum málaflokki í sam-
vinnu ráðuheyta og hins vegar að
setja ætti á stofn umhverfisráðu-
neyti með umfangsmikið verksvið og
völd. Meðalvegurinn sem fylgt væri,
væri í samræmi við þau sjónarmið
sem meðal annars kæmu fram í
umhverfisskýrslu fyrrum forsætis-
ráðherra Noregs, Gro Harlem Brund-
tland, að atvinnuvegirnir væru gerð-
ir meðábyrgir.
Steingrímur gat þess að í þessu
frumvarpi væri horfið frá skiptingu
Hollustuverndar, sem áformað hefði
verið þegar frumvarpið var lagt fram
á síðasta þingi. Um Landgræðslu
ríkisins og Skógrækt ríkisins sagði
Steingrímur að hann gæti fallist á
ummæli forsvarsmanna landbúnað-
arins að þær stofnanir ættu að heyra
áfram undir landbúnaðarráðuneytið.
Hins vegar myndi Náttúruverndar-
ráð, sem heyrði undir hið nýja ráðu-
. neyti vinna að eftirliti með þessum
stofnunum og umhverfisráðuneytinu
yrði heimilað að grípa inh í mál.
Ólafur G. Einarsson (S/Rn)
gagnrýndi það að frumvarpið skyldi
tekið til umræðu án þess að þing-
menn hefðu færi á að kynna sér það
til hlítar; sjálfstæðismenn hefðu eng-
an þátt átt í samningu þess. Sjálf-
stæðismenn myndu tjá sig frekar um
efnisatriði frumvarpsins við framhald
fyrstu umræðu. Ólafur vísaði til
frumvarps þingmanna Sjálfstæðis-
flokksins, sem fyrr hefði verið lagt
fram á þinginu og Matthías Á. Mathi-
esen (S/Rn) hafði framsögu fyrir.
Sjálfstæðismenn legðu áherslu á að
vinna að umhverfismálum ætti sér
stað í samvinnu ráðuneyta en ekki í
sérstöku ráðuneyti. „Við viijum
fækka ráðuneytum en ekki fjölga,"
sagði Ólafur og bætti við að sjálf-
stæðismenn vildu frekar verja þeim
34 milljónum sem gert væri ráð fyrir
í fjárlagafrumvarpi næsta árs til hins
nýja ráðuneytis, til landgræðslu.
Ólafur vitnaði meðal annars til um-
mæla Lafontaine, forsætisráðherra
Saarlands, þess efnis að rangt væri
að fela umhverfismál sérstöku ráðu-
neyti.
Júlíus Sólnes hagstofuráðherra
fagnaði því að nú hillti loks undir
að tilraunir til að koma á sam-
ræmdri stjórn umhverfismála tæk-
just. Sagði hann þær raddir hjáróma
sem töluðu gegn stofnun sérstaks
umhverfisráðuneytis.
Júlíus kvaðst hafa orðið var við
mjög mikla umræðu og áhuga. á
umhverfismálum, síðan hann hefði
farið að skipta sér af þessurn mála-
flokki. Væri líklegt að síðar meir
yrði næsta öld kölluð öld umhverfis-
mála. Júlíus taldi nauðsynlegt að
íslendingar fylgdust vel með því sem
gerðist í heiminum á sviði umhverfis-
mála; margt væri nú til umræðu og
ákvörðunar á alþjóðlega vísu, sem
varðaði okkur íslendinga beint. Að
þeim orðum töiuðum kvaðst ráðherra
Hagstofunnar myndu sitja fund um-
■ hverfismálaráðherra Norðurlanda,
sem haldinn yrði á næstunni.
Kristín Einarsdóttir (SK/Rv)
kvaðst fagna því að nú væri komið
fram frumvarp um stofnun sérstaks
umhverfisráðuneytis. Kristín sagði
að þótt frumvarpið félli ekki alveg
að óskum Kvennalistans, hefði margt
í því breyst til hins betra frá síðasta
frumvarpi. Kristín taldi það afar
óheppilegt að Landgræðslan og
Skógrækt ríkisins skyldu áfram
heyra undir landbúnaðarráðuneytið,
þar með færi hið nýja ráðuneyti ekki
með stærsta umhverfisvandamálið
hérlendis, gróðureyðingu.
Júlíus Sólnes:
Titlar sig umhverf-
ismálaráðherra
> ____
- segir Olafur G. Einarsson
JÚLÍUS Sólnes ráðherra Hag-
stofu íslands titlar sig „minister
of environmental affaires“ í með-
mælabréfum sem hann hefur sent
frá sér. Þetta kom fram 1 um-
ræðu um frumvarp ríkisstjórnar-
innar um sérstakt umhverfis-
ráðuneyti.
Ólafur G. Einarsson (S/Rn) lét í
ljós þá skoðun sína við umræðu um
frumvarp ríkisstjórnarinnar um
stofnun umhverfisráðuneytis að
menn hefðu farið full fijálslega með
þá ákvörðun ríkisstjórnarinnar að
stofna til sérstaks ráðuneytis. Enn
hefði frumvarp ekki verið samþykkt
um þetta í þinginu, en samt sem
áður væri farið að kalla Júlíus Sól-
nes „miljöminister" í tímaritinu
„Nordisk Kontakt" og í bréfum
stíluðum á erlenda aðila kallaði ráð-
herra Hagstofu íslands sig „minist-
er og environmental affaires".
Júlús Sólnes hagstofuráðherra
sagði vegna þessa að samkvæmt
sérstöku erindisbréfi forsætisráð-
herra væri sér falin yfirstjórn um-
hverfismála. Þingmaðurinn ætti að
geta séð að í viðkomandi bréfi væri
við þetta átt. .
Steingrímur Hermannsson for-
sætisráðherra benti á að Geir
Hallgrímsson hefði þegar hann var
forsætisráðherra, falið félagsmála-
ráðherra stjórn umhverfismála.
Þessu hefði hann nú breytt með
sérstöku erindisbréfi. Væri slíkt
ekki í bága við stjórnarráðslögin.
ÁLFABAKKA 8
FÖSTUD. 10. NÓV. OG LAUGARD. 11. NÓV.
GESTIR FORSALA AÐGÖNGUMIÐA HEFST MÁNUD. 6/11
MIÐAVERÐ KR. 2000.- HLJÓMSVEITIN GILDRAN í ÖLLUM HLJÓMPLÖTUVERSLUNUM STEINARS